الجزء **133** من واش طيبتي ليوم

[ام ايمان 11]

اله يبارك اختي ملك و ربي يقدرك على الصيام و يثبت اجرك

[malek firdaouss]

[color="red"]سلا م وعليكن

اصبحنا واصبح الملك لله

صلاه الفجر يرحمكم الله

تقبل الله صلاة الجميع مزيدا من الاجر والثواب

اللهم اشفي جميع مرضى المسلمين امين

يا رب خفف عن كل واحد مهموم امين

يارب

بداية يوم موفق للجميع

راني ندعيلكم كامل يا اهل بيتي الثاني يارب حقق كل وحدة امنيتها ومافي قلبها

سلام

نرجع نرقد

الحمد لله حمدا كثيرا طيبا[/color]

[دائمة الحمد]

[دائمة الحمد]

[أم يوسف19]

صباح الخير علی الجميع أن شالله تكونوا كامل بخير وصحة وعافية
فاتن مبروك النجاح
ملك فردوس ربي يقدرك علی الصيام انا نصوم غيري إثنين والخميس والأيام البيض علی خاطر مازال عندي الشغل بزاف
وهيبة أن شالله صبحتي لاباس وتنحاتلك الخلعة

[omomnia15]

صباح مبارك للجميع

[عطر الياسمين الاصلي]

صباح الخير على اللمة الرائعة جدا وما شاء الله عليكم وعلى طياباتكم كل وحدة احسن من الاخرى مبروك الكوزينة اختي ام ماسين يا رب تربحي عليها ويتعمر بيتك بالخير والبركة في هده الايام المباركة سامحيني جيت بلاطاي كما يقولو الاخوات مازلت مانعرفش نحط الصور والله حاولت وما قدرتش حبيبتي دائمة الحمد روعة المعلومة اللي حطيتي ربي يجعلها في ميزان حسناتك

[omomnia15]

ام رويدة الحمد لله على سلامة وليدك والعام مخلوف الصح فيه
ام ماجد لباس على خوك وربي يخفف عليه
فاتن مبروك النجاح العقوبة لكامل الممتحنين يارب
البقية يوم موفق الفطور تالف كي العادة والشغل ميخلاصش والمازة متكملش القضيان وربي رحمتو

[Simassim]

السلام عليكم ورحمة الله نهاركم مبروك ان شاء الله ذائمة الحمد ربي يشافي الوالدة ويطول فعمرها ملك الفردوس ربي يقدرك. ويقدرني. راكي جبتيها. ادعيلي نكمل لي باقيلي. بزااااااااف ومالحقتش نكملهم الاخوات الجدد مازال ماحفظتش اسماءكم. وكاين قدم غيرو الاسم. مرحبا بيكن فاللمة. ربي يجمعنا في الفردوس الاعلى. مبروك التخرج. فاتن. فرحة كبيرة ربي مايحرم كل طالب منها. وربي يقدرك عل التربية والدراسة. ام امرية واش راكي واشراهم البنات هذا واشجابعصير المخ. البقيك لي نسيتهم يسمحولنا راني نشوف غيابات طزاااااف ات شاء الله تكونو كامل بخير زينب مادخلتش ان شاء الله خير
عشاتي البارح سمك السلمون مع سلاطة واليوم ان شاء الله St jaque et poireau a la crème هذا اذا درت كوراج ورحت شريت كريم فراش ملك الفردرس ابعتهالي ماراني قادرة نجر وليدي ونخرج

[أم محمد تاج]

صباح النووور حبيباتي ااسمينات
فاتن الف مبروووك التقدير يالفحلة بوركتي وطيابك ممممممم
ام ايمان الصورررة صغيرة تهبل وعشاك يشهي بصحتكم وصح صيامك
ملاك الفردوس الله يعينك على الصيام وبارك الله فيك على الدعاء ولك بالمثل
دائمة الحمد بالشفا لست الحبايب في هاذ لعواشر
اسما مممممممممممم طيابك يهبل وحلا المرايا تحححفة بصح الصور صغار بزاف ههههههههههه
حقة عسلايتي المحشي مممممم والمسفوووووف روووعة بصح حنا مانديروش البيض مغلي الله يعينك حنووووووونة

[oum islem]

صباح الخير على اطيب اخوات

بالتوفيق والنجاح لتلاميذنا الاعزاء
ام رويدة ما شفتش ردك لكن في ردود الاخوات فهمت وليدك مريض
ربي يشفيه ان شاء الله ويسعد قلبك بشفائه وشفاء كل احبائك يا رب

ام ماجد طمنينا على خوك ان شاء الله لاباس
وردة الشرق وش راهي بنتك وانت وين راكي طلي طمنينا عليكم

زينوبة اكيد ولى عليك تعب التحضيرات ان شاء الله تتهناي
وما تنسيش كي تدخلي صوري الحلالة لي درتي بيها لي كورني
ومنين شريتيها ؟؟وصيت امي عليها ما عرفتهاش بدون صورة

دائمة الحمد ملاك ام يوسف ام امنية سيماسم عطر الياسمين صباحكن سعادة وتفاؤل
الف مبروك فاتن النجاح مع مزيد من التالق

[oum islem]

ام تاجو صباحك سعيد ومريح
ليزا بالتوفيق لوليدك وكما قالت المسرارة ام يس رولاكس

ايات سرمدية تعجبني ردودك تشعرني بالراحة والطمانينة لاتبخلي علينا بزياراتك التي نسعد بها كثيرا
والشارلوت تحفة من يديك ما شاء الله عليك

اية اهلا اختي وشكرا على الثقة بالتوفيق واكيد يعجبك

غدايا باذن الله عيش بالخليع حار كيما تحبو الداية ام ياسين مخزن اسرار الدولة

ربي ينجح وليداتنا ويفرحنا بيهم يا رب

[اسمهان79]

أحلى صباح على احلى لمة و احلى شلة و احلى صحبة
يارب الكل راه بخير
انا في عوايدي كي يدخلو البنات للمدرسة ندير البغرير ماشي اول مرة برك لكن كل عام و حتى كي يجو يبداو الإمتحان ندير واليوم حبيبت ماما وحبيبت قلبي دعاء راح دير اول امتحان في حياتها وراهي من البارح وهي ماما راجعيلي باه ما نديش صفر هههههههههههه قلت ما نحيش العادة ونعمللها البغرير ولو هي ثاني رايحا دير إمتحان هههههههه ناضت الفجر تقول رايحة دير الباك هههههه قتلتني بالضحك

[أم محمد تاج]

ياعمري اسمهان الله يحفظ دعاء الحبووووبة وينجحها يارب

[fleur de lili]

okhti oum massine mabrouk iftitah lkouzina barabh in chaallah
ya oumri 3lla dou3a bent oukhti issmahan rabi njaha oua tchoufiha fi a3lla mratib amine