~|[ « النظر هو الحياة.... كل ما يتعلق بالعين,النظارات, العدسات اللاصقة, الزجاج ستجد له اجابة هنا ان شاء الله» ]|~

[saladin17]

المشاركة الأصلية كتبت بواسطة سطـايفية بكل فخر

اهلا وسهلا بيك اخي صلاح
اتمنى ان تكون بالف خير
لا داعي للاعتذار واحدة بواحدة انا ايضا كنت غايبة وتاخرت عن الرد
+
حطيتك ناقص بزاف راك نورمال برك وراهم روبوزونت اسيدي نهار حكيتلي على المشكل حطيتك ناصق بزاف لقد بالغت قليلا هههه
الحمد لله انو طمنت على عينيك
+
عملت مليح كي درتهم اونتي روفلي هكا يعاونوك بزاف خاصة في السياقة والميكرو
+
كادر باهي بالصحة ولهنا

في الحقيقة هناك شيء ناقص في المعادلة .. لم أرد كتابته هنا على الهواء الطلق
على كل أهلا بعودتك و ربي يهنيك

[بلمهل77]

السلام عليكم ابني عمره 3سنوات يعاني من حول العين وضع له الطبيب نظارة .هل يمكنه معرفة حدة النظر؟ أرجعته له بعد 6 أشهر فطلب مني أن أرجعه بعد أسبوع ولكني غضبت ولا أريد إراجعه لأني أراه هدرا للوقت مانصيحتك ؟وشكرا.

[ibtissam bob]

سلام عليكم
انا أرتدي نظارات لكن الأيام الأخيرة مانيش نلبس فيهم نلبس غل عدسات بر ا وفدار والو وهاذي الأسام حاسة المومو تاع العين اليمنى جابد شوية للجهة اليسر هل زعما من النظارات ولا كيفاه علما او نظري زوج ونص لكلاهما

[سطايفية بكل فخر]

المشاركة الأصلية كتبت بواسطة saladin17

في الحقيقة هناك شيء ناقص في المعادلة .. لم أرد كتابته هنا على الهواء الطلق
على كل أهلا بعودتك و ربي يهنيك

اه فهمت
يوجد رقم بين قوسين؟؟؟؟؟؟؟؟؟؟؟؟؟؟؟؟؟؟؟؟؟؟؟
على كل كما تريد فقط اعتني ببصرك
ربي يوفقك اخي صلاح

[سطايفية بكل فخر]

المشاركة الأصلية كتبت بواسطة بلمهل77

السلام عليكم ابني عمره 3سنوات يعاني من حول العين وضع له الطبيب نظارة .هل يمكنه معرفة حدة النظر؟ أرجعته له بعد 6 أشهر فطلب مني أن أرجعه بعد أسبوع ولكني غضبت ولا أريد إراجعه لأني أراه هدرا للوقت مانصيحتك ؟وشكرا.

ياخي كيفشا تراه هدرا للوقت ابنك مزالزو صغير وسنو مليح باش يعالج حول عينينه
نصيحتي ليك ديرلو نظاراتو وحاول ترجعو للطبيب واذا معجبكش الطبيب حوللول لكن متفرطش في صحة ابنك وعينينه لانو اذا فات 12 سنة رايحة تقل فرصة رجوع عينه لمكانها وتولي عينو ناقصة بزاف
لذلك رجاء ديرلو النظاارت وفورصيه باش يديرهم وكاين اطباء يمدلك بونسمون يديرو على عينو تغطيلو بيها عينو الصحيحة باش تبوسي العين الحولة تخدم وترجع لبلاصتها
+
معلومة حدة النظر يمكن ان نعرفها حتى للبيبي لي زادعندو يومين
+
سوال لماذا طلب ارجاعه بعد اسبوع هل قالك حاجة معينة
+
اي ولاية انت هناك اخصائيين للحول في بعض الولايات ربما يوجد عندكم حتى اوجهك له
احتراماتي

[سطايفية بكل فخر]

المشاركة الأصلية كتبت بواسطة ibtissam bob

سلام عليكم
انا أرتدي نظارات لكن الأيام الأخيرة مانيش نلبس فيهم نلبس غل عدسات بر ا وفدار والو وهاذي الأسام حاسة المومو تاع العين اليمنى جابد شوية للجهة اليسر هل زعما من النظارات ولا كيفاه علما او نظري زوج ونص لكلاهما

وعليكم السلام

منذ متى وانت ترتدين النظارات اختي
وقتاش كانت اخر زيارة ليك للطبيب
واش قصدك جابد شوية؟ تحسي عينك دارت؟
هل تغييرين النظارات والعدسات بشكل دوري او لا
وهل لما تروحي للاوبتيسيان باش يديرلك النظارات يديرلك قياسات ا فقط يكتفي بالوصفة
هل تعانين من مشكل اخر في العين غير نقص النظر اختي؟
جاوبيني باش نقدر نجاوبك بدقة

[بلمهل77]

السلام عليكم . شكرا على ردك أختي وإن تأخر كثيرا .
طلب الطبيب إرجاع إبني بعد أسبوع لأن القطرة التي وضعها لم تفعل مفعولها وأظنها خاصة بالكبار.
الولاية غليزان دائرة مازونة . جزاك الله خيرا

[سطايفية بكل فخر]

المشاركة الأصلية كتبت بواسطة بلمهل77

السلام عليكم . شكرا على ردك أختي وإن تأخر كثيرا .
طلب الطبيب إرجاع إبني بعد أسبوع لأن القطرة التي وضعها لم تفعل مفعولها وأظنها خاصة بالكبار.
الولاية غليزان دائرة مازونة . جزاك الله خيرا

السلام عليكم
مرحبا بيك اخي في اي وقت
+
واش اسم الدواء هل atropine او skiacoll وقداش البورسونطاج تاعها ياريت تقلي بالتفصيل
+
علاش قلت بلي راهي تاع كبرا من فضلك اعطيني صورة للدواء
+
اخي بلاك مدرتوش القطرة مليح للابن
لانو لازم نديرولو قطرات باش تتحل عينو مليح ونشوفو قداش ناقص هذا الامر vوتيني فقط قولي على الدوا باش نقدر نجاوبك مليح
+
اخي نصيحتي ليك اديه للطبيب واذا معجبكش طبيبو غيرولو رايح يعطيه نواظر وبونسمون يديرها على عينو باش ترجع لبلاستها ونحفزو العين الدايرة باش تخدم
لازم داويه راهو صغير اخي ويتعالج احسن ما يفقد عينو وزيد تنقصلو ويولي ميشوفش بها متستهونش في الحول لانو واعر واذا فات عمرو 13 او 14 يولي صعب ترجع وتى لو ديرلو عملية رايح ترجع عينو لكن تبقالو ديما ناقصة
الريديكاسيون هي الحل الانسب
+
ملاحظة كي تديه للطبيب قلو بلي راك درتلو هدوك القطرات لانو هذوك يندارو مرة في العام لانهم واعرين على الطفل
ونزيدلك معلومة لما ديروهملك عسوه لايطيح ومتخليوهش ينظر للشمس لانو الدوا ياثرو على عينو لمدة 15 يوم اذا كان atropine ويومين اذا كان skiacol
+
اه انت من الغرب مليح بلاد اطباء العيون وليزوبتومتريست هي وهران
ننصحك تديه لثما بما انك قريب من ثما واذا كنت مشغول شوفلو طبيب عندكم لكن اديهولو ومتقولش مضيعة للوقت
بانتظار ردك حول نوع الدواء

[« شَيمآءْ »]

لسلام عليكم
مشكورة اختي سطايفية على هذا الموضوع الرائع
جزاك الله خير ا

---
اود ان اسالك .. عن معدل الساعات التي ممكن ان يمضيها الشخص على الحاسوب
و ما هي اضرار النظر في شاشة الححاسوب لساعات طويلة
و كيف يمكن تفادي هذه الاضرار ؟ علما انه لا يمكنني الاستغناء عن الحاسوب
معظم وقتي عليه .. و جميع نشااطاتي بما فيها مشاهدة البرامج اصبحت اشاهدها على شاشة الحاسوب ..

[سطايفية بكل فخر]

المشاركة الأصلية كتبت بواسطة « شَيمآءْ »

لسلام عليكم
مشكورة اختي سطايفية على هذا الموضوع الرائع
جزاك الله خير ا

---
اود ان اسالك .. عن معدل الساعات التي ممكن ان يمضيها الشخص على الحاسوب
و ما هي اضرار النظر في شاشة الححاسوب لساعات طويلة
و كيف يمكن تفادي هذه الاضرار ؟ علما انه لا يمكنني الاستغناء عن الحاسوب
معظم وقتي عليه .. و جميع نشااطاتي بما فيها مشاهدة البرامج اصبحت اشاهدها على شاشة الحاسوب ..

وعليكم السلام ورحمة الله تعالى وبركاته
العفو واجبنا
+
بالنسبة للميكرو مكانش وش خاربها علينا غيرو هو والتلفزات الكبيرة هاذو
معدل الاستخدتم منعروفش اختي لكن نصيحتي ليك اذا كنتي طولي بزاف
نوضي من الميكرو كل نص ساعة او ساعة ريحي حوالي خمس دقائق
نقصي من شدة الاضاءة
تفرجي في التلفاز عودي روحك اختي
ديري نواظر اونتيروفلي باش مياثرش فيك

[بلمهل77]

السلام عليكم اختي انا أتكلم عن الزيارة الثانية (زيارة متابعة) رجعت اليه بعد ستة أشهر وبعدما وضعت النظارات لابني فقال لي يلزمه قطرة atropin وهي قليلة عندنا المهم وضع له قطرة أخرى في تلك الزيارة ثم كشف عليه فأخبرني بأن القطرة لم تفعل مفعولها ويلزمك أن تضع له atropin وترجعه بعد أسبوع لأجل ذلك مللت وقبل هذا الطبيب كنت أخذته الى طبيب اخر الذي أخبرني بأن عين واحدة بها الحول ووضعت له نظارات ثم لما سمعت بهذا الطبيب الثاني وأنه كفء أخذته اليه ليخبرني بأن عينيه الاثنتان حولوان هذه هي القصة التي جعلتني افقد الثقة
فأنا اكتشفت حول ابني يوم كان عمره ستة اشهر رغم تكذيب من امه وجدته(أمي) ولكن سوء مرافقة الطبيب المختص عرقلتني وربما جعلتني لا ابالي حتى نظارته الثانية (المخربشة) لم يعد يضعها ولم أجبره على ذلك لأني لست متأكدا إن كانت مناسبة أو الاولى غير (المخربشة) فماذا أفعل وشكرا؟

[سطايفية بكل فخر]

المشاركة الأصلية كتبت بواسطة بلمهل77

السلام عليكم اختي انا أتكلم عن الزيارة الثانية (زيارة متابعة) رجعت اليه بعد ستة أشهر وبعدما وضعت النظارات لابني فقال لي يلزمه قطرة atropin وهي قليلة عندنا المهم وضع له قطرة أخرى في تلك الزيارة ثم كشف عليه فأخبرني بأن القطرة لم تفعل مفعولها ويلزمك أن تضع له atropin وترجعه بعد أسبوع لأجل ذلك مللت وقبل هذا الطبيب كنت أخذته الى طبيب اخر الذي أخبرني بأن عين واحدة بها الحول ووضعت له نظارات ثم لما سمعت بهذا الطبيب الثاني وأنه كفء أخذته اليه ليخبرني بأن عينيه الاثنتان حولوان هذه هي القصة التي جعلتني افقد الثقة
فأنا اكتشفت حول ابني يوم كان عمره ستة اشهر رغم تكذيب من امه وجدته(أمي) ولكن سوء مرافقة الطبيب المختص عرقلتني وربما جعلتني لا ابالي حتى نظارته الثانية (المخربشة) لم يعد يضعها ولم أجبره على ذلك لأني لست متأكدا إن كانت مناسبة أو الاولى غير (المخربشة) فماذا أفعل وشكرا؟

وعليكم السلام اخي
اخي انا نقلك متزيدش تديه عندو
لاسباب هي
اولا العين الحولة في اول زيارة ميديرولهاش لاتروبين لازم قبل يشوف واش من نوع حول عندو
بعدها يندار لاتروبين او السكياكول باش نعرفو وشحال ناقصة العين
ثم نمدو النظرات ونزيدو معاها البونسمون باش نحفزو العين تولي تخدم لانو لو نخليوها هكاك رايحة تبطل تخدم وتولي بعد سنوات مشوفش نهائيا حتى لو عملنا وشا عملنا
ثالثا لاتروبين يمدوه على الاكثر مرة في السنة لانو مش مليح وعندو ليزيفي نتاعو
وحتى السكياكول وجينيرالومن نخدمو بسكياكول لانو تاثيرو يدوم يومين على الاكثر
لاتروبين لازم سمانة ونت تقطرلو في عينو باش تديه للطبيب ويدوم تاثيرو اكثر من 15 يوم
وهذا الطبيب مكانش لازم يمدولو لانو خدم بيه في الستة اشهر حاطين الدوا ساهل ونزيدلك معلومة معظم الاطباء يخدمو بالسكياكول
+
اخي الحول راهو انواع وممكن يكون في عين وممكن يكون في الثانية وقادر حتى يكون في وحدة ويرجو للاثنان حولين
وكاينين لي مرة يظهر في عين ومرة يظهر في عين اخرى لهذا لازم تحديد نوعو باش يعالج على الصح
والحول راهو صعيب وكاينين اطباء بزاف ميعرفوش يداويوه لانو اختصاص الاطباء هو الجراحة على عكس تخصصنا وتخصص لورتوبتيست لي يقراو عليه مليح
واحسن دواء هو النظارات + اعادة تاهيل العين هذو زوج حوايج اخي متزتهزاش فيهم كيما قتلك يلحق بيه عمر نظرو يبقا ناقص حتى لو كان ديرو عملية تولي عينو لبلاستها لكن طول عمرو يبقا بالنظارات
نصحتي اخي اديه لمختص في الحول حوس في ولايتك واذا ملقيتش اديه لوهران لانو المختصين في هذا المجال كاينين واقرب ليك من العاصمة
مبدئيا رايحين يعطيوه نظارات وبونسمون هوما يقولولك كيفشا تسكرلو عينو بيها كل حالة وكيفاش
وكل ثلاث او ستة اشهر حسب المعالج ترجعولو باش يشوف وشا صرا معاه
وصدقني انا حضرت لحالات اربع سنوات كاينو يشوفو 1 على 10 بسبب الحول وفي مدة تقريبا عام ونص طلعو ل 6 على 10 و 7 على عشرة لانو اوليائهم قامو بيهم في الدار وتابعوا العلاج
وان شاء الله قبل ميكبر يلقا عينو تعدلت ولا يشوف ونعرف حالات نحاو النظارات نهائيا وكان عندهم حول
شيء اخر كاينين نوع زجاج اسمو بريزماتيك هو خاص بحول العينين وهو شوية غالي لكن مفيد جدا
لا اعلم ان كان يعطى لاصحاب السن الصغير مثل ابنك او لا سوف اسل لك لاني غير متمكنه جيدا من الحول عندي معلومات عليه لكن هو صعيب في البراتيك ولازم نسقسيلك مختص
وياخي دير في حسابك مش اي واحد يمدو لذلك اختر متخصص اخي
ان لم تجد في ولايتك اخبرني لاسال لك عن احسن متخصص في ولاية وهران واخبرك به
ونصيحتي ليك اديه في اقرب وقت باش يكمل علاجو هكا احسن
وقولو بلي راك درتلو لاتروبين من قبل وكون يقلك مدولو قولو لالا لانو دارو مرتين في عام بزاف عليه
وياريت اخي كي تديه تقولي على المعلومات تاعو بالتفصيلعلى الاقل نمدلك معلومات ونشرحلك حالتو
هذا وشا نقدر نساعدك بيه اخي لانو الحالة مش قدامي للاسف وثاني شيء لاني كيما قتلك انا مبراتيكيتش الحول بزاف ادعيلنا ربي يفرجها علينا ويمدولنا لاقريمون ويخليونا نخدمو خدمة صحيحة لي في صالح الناس مش هذا التمسخير لي راهو صاري
احتراماتي اخي
صح رمضانكم

[كلنا راحلون]

اختي سطايفية السلام عليكم بمأني في عطلة قالب ليل بنهار مانشوف شمس حتى عيد صغير ان شاء الله

فهل في ضرر على عيون

ومشكل 2 مانقدر ننزع نظارات شمسية نظرا للشمس وصرت مدمن على ارتداء نظارات فهل يوجد حل


سلام...........

[سطايفية بكل فخر]

المشاركة الأصلية كتبت بواسطة فتى اسمر

اختي سطايفية السلام عليكم بمأني في عطلة قالب ليل بنهار مانشوف شمس حتى عيد صغير ان شاء الله

فهل في ضرر على عيون

ومشكل 2 مانقدر ننزع نظارات شمسية نظرا للشمس وصرت مدمن على ارتداء نظارات فهل يوجد حل


سلام...........

وعليكم السلام
اهلا اخي ايمن صح فطوركم
عجبتني تاع قالب الليل بالنهار
علاش عليك اغتنم رمضان راهو فرصة اخي ايمن
+
لا وعلاش الضرر اخي ايمن هي فترة فقط راك خاطي فيها الشمس ومنبعد تولي ليها نورمال متخاف من والو
ومعلومة الشمس مليحة لكن كثرتها مش مليحة لانو فيها الاشعة فوق البنفسجية لي تاثر على شبكية العين وتقدر تحرقها ولهذا ننصحو بالنظارات الشمسية الطبية وليس المقلدة
+
وعلاش حاب تنحيهم اخي ايمن خاصة اذا كانت تضايقك الشمس
اذا كنت ترتدي نظارات شمسية طبية مكانش مشكل ارتديهم لاراحك لكن اذا كانت غير طبية وتاع السوق فالاحسن تستغني عليها او تشري وحدين طبيين
وانا ايضا اعاني من اشعة الشمس وعندي حساسية عالية للضوء ومنقدرش نرفع راسي فيه
صح رمضانكم اخي ايمن

[كلنا راحلون]

المشاركة الأصلية كتبت بواسطة سطـايفية بكل فخر

وعليكم السلام
اهلا اخي ايمن صح فطوركم
ههه عجبتني تاع قالب الليل بالنهار
علاش عليك اغتنم رمضان راهو فرصة اخي ايمن
+
لا وعلاش الضرر اخي ايمن هي فترة فقط راك خاطي فيها الشمس ومنبعد تولي ليها نورمال متخاف من والو
ومعلومة الشمس مليحة لكن كثرتها مش مليحة لانو فيها الاشعة فوق البنفسجية لي تاثر على شبكية العين وتقدر تحرقها ولهذا ننصحو بالنظارات الشمسية الطبية وليس المقلدة
+
وعلاش حاب تنحيهم اخي ايمن خاصة اذا كانت تضايقك الشمس
اذا كنت ترتدي نظارات شمسية طبية مكانش مشكل ارتديهم لاراحك لكن اذا كانت غير طبية وتاع السوق فالاحسن تستغني عليها او تشري وحدين طبيين
وانا ايضا اعاني من اشعة الشمس وعندي حساسية عالية للضوء ومنقدرش نرفع راسي فيه
صح رمضانكم اخي ايمن

وعليكم السلام مجددا اختي سطايفية

معلومة نعرفها شمس غير صيف يمكن انسان يبقا فيها مدة زمنية
+
في عام سابق بعد عيد صغير شريت نظارات من لوبتيسيا 9500da وايام تجري وعودي الى صفحة 1 /صفحة 3



نظارات الشمسية الطبية وقت مناسبة و نادرا .................. وآسف في افريقيا في محيطي متخلف نظارات المقلدة ويمكن تتكسر وشرحت عام سابق راجعي صفحة 3


+
نظارات مقلدة دير اثار خطين تحت عينين


صح رمضانكم اختي سطايفية بكل فخر