طبخ الأعراس

[anissa90]

السلام عليكم يعطيك الصحة اختي روح مراد على الموضوع و لكل الاخوات حنونة راني نوجد باذن لله لطهارة تع وليدي ان شاء الله بعد رمضان نعرسلوا حبيت نعرف ل 50 شخص شحال من كيلوا تع كسكس و لحم مفروم يلزم

[ام محمد اسلام الله]

اختي روعة موضوعك بصح انا سوالي خارج على الموضوع انا عندي جارتي من غرداية اادير واحد المرقة تاع الطعام بنينة تهبل عمري لكيت كيما هيا
وتجي حلوة شوية
والله ياختي مداري الوصفة لي تطلبها مني منبخلهاش وكي قوتلها على الطريقة تصوري اختي قاتلي هذا سر المهنة وقعدت تتهرب مني راني في شهر وانا نقولها وهي تتهرب املأ محبتش نزيد نقولها تعيشي اختي ادا تعرفي عوانيني والله عجبتني بزاف

[warda nawri]

افكار نيرة لامرأة عصامية. يعطيك العافية واصلي وافيدينا من خيرك الوفير

[روح مراد]

صباح الخير أخواتي الموضوع يكون هايل بوجودكن و باستفسارتكن
أختي أنيسة مبروك على وليدك بالصحة و الهناء لعقوبة لزواجو إنشاء الله
أنا مديت الفكرة نتاع الكيل من قبل تحكمي كيلو كسكس و تشوفي شحال من طبسي يخرجلك نفرضو كل شخص ياكل طبسي و شوفي
الكسكس يختلف من يد ليد و كل واحد كيفاش يفتلو المهم تحكمي حاجة و كيلي و شوفي
نفس لاشيء بالنسبة للحم المرحي رانا قريب رمضان كامل نستعملو اللحم المرحي إذا أشري كمية معينة نفرضة شريتي 500 غ كوريها و شوفي شحال من كويرة تخرجلك و من بعد شوفي شحال من كويرة تحطي لكل شخص و طلعي الحساب
أم محمد أنا من الوسط و ما عندي حتى فكرة في هاذ المرقة الحلوة الله أعلم إذا عرفتي السر قولي لنا عليه

[minina2601]

بارك الله فيك اختي
ازن ان سر المرقة الحلوة يكمن في الهلرماس والتمر والله اعلم

[روح مراد]

صباح الخير حبيباتي شكرا أختي منينة على المعلومة
أنا هاذو ما نستعملهمش في الطياب و عمري إلا عرفت ذوقهم كيفاش

[sinner]

يعطيك الصحة اختي روح على النصائح
اما بخصوص المرقة االحلوة احنا في الجلفة نديروها حلوة نزيدولها السكر واللهرماس وتجي بنينة هايلة

[روح مراد]

أختي سينر الهرماس واش هو على حسب واش نعرف المشماش الناشف صح هو أو شيء آخر

[sinner]

ايه اختي روح الهرماس هو المشماش الناشف
نحطوه في طباخ و نديرو من الفوق المتء السخون نخلوه نص ساعة ومن بعد نبداو نهرسو فيه بيدينا ونحو منو النوا ومن بعد نصفوه والما الصافي نزيدوه للمرقة
هاذي على حساب معلوماتي البسيطة سقسيت ماما وهي لي قاتلي يديروه كيما هاك وانا نديرو كي تكون عندي عرضة يزيد نص في المرقة

[jena amira]

شكرااااااااااااااااااااااااااااااااااااااااااااااا اااا

[فتيحة تفاحة]

هايل هايل نحن في الوسط انطبوا هذو الاطباق وزيدلهم اللحم الحلو وانوع في السلاطة شكرا جزيلا

[روح مراد]

شكرا لكن أخواتي
هاذ الهرماس تزيدوه في كل أنواع المرق أو غير اللحم الحلو فقط

[السوسن ا]

السلام عليكم وجزاك الله خيرا على هذا العون والجهد المبدول.في الحقيقة مند مدة وانا ابحث على مسشار في الطبخ .عندي مجموعة من المطالب .1_20شخص كم يلزم من الماء والملح يعني الكمية .2_إذا طيبت العدس واللوبيا باللحم نطيبهم وحدهم والمرقة وحدها اوكيف لان العدس واللوبيا يطيبو قبل اللحم اي اللحم يطول.3_طريقةتحضير الحمص وشكرا

[sinner]

سﻻم
هذا الهرماس يزيدوه في المرقة الحلوة يعني حنا نزيدوه في مرقة تاع الطعام و المردود

[روح مراد]

شكرا سسينر على المعلومة يعني المرقة نتاع الكسكس و البركوكس عندكم تكون حلوة
سوسن ما فهمتش سؤالك عاوديه بطريقة أخرى