وصفات حراير الكوزينة الجزء الثاني

[ام ندى 87]

طريقة ليزابال

هدا السمك يقولولك الراية و بالفرنسية la raie و طيابه ساهل










اوكي حبيبة إليك الطريقة
طبعا بعد ما تنقي سمك الراية و تغسليه وجدي التتبيلة لي هي ملح ما تكثريش السمك عامة ما يبغيش الملح بزاف و فلفل اسود و شوييية كمون مقدار نصف ملعقة صغيرة و نصف ملعقة ص فلفل احمر حلو و عصرة ليمون و زيت زيتون او زيت عادي
حطي أطراف السمك في هاد التتبيلة خلطي مليح بيدك و دخليه للثلاجة يتشرب على الأقل نصف ساعة
و حضري الصلصة لي هي سنات ثوم مقطع رقيق او رابي انا نفضله مقطع رقيق قليهم في شوية زيت و حطي عليهم ملعقة صغيرة مملوءة طماطم معلبة و حبة كبيرة او زوج حبات متوسطين طماطم رابي تبلي بالملح و الفلفل الأسود و خلي الصلصة تعقد شوية
حطي السمك في بلا تاع فرن من الأحسن يكون تاع زجاج مدهون بالمارغرين و فرغي عليه الصلصة لي حضرتيها و زديدي مقدار كاس تاع شاي من الماء و غطيه بالالمنيوم و دخليه لفرن ساخن على درجة 200 مين يطيب نحيه و الصلصة تكون خاثرة قدميه مع الليمون و رشة معدنوس من فوق و بألف صحة و هناء

[idron0]

لغرايف تاع البيض مريم الاميرة

طيبي حبة نورمال و الثانية كي تحطيها و تبدى تجمد ضربي زوج بيضات و كبيهم فوقها و اغلقي بالحبة لي كنتي طيبتي و خليه يطيب مليح و كي يطيب اثقبيه بالفرشيطة و ديريلو الزبدة و لعسل.

إضغط هنا لرؤية الصورة بحجمها الطبيعي.

[idron0]

سفنج ام مرام 1987

كيلتين سميد عادي
شوي ملح عينك ميزانك
مغرفة ونص كبار تاع خميرة الخبز
نبل بالماء الدافئ ونبقى نعجن ونعجن ونعجن ههههههه تخويف هههههه كي تلقايه معجون اسقي بشوي ماء دافئ ديما يعني اسقي واعجني باش يدخل الماء في العجين كي تلقايه وصل للقوام تاع ماهوش جاري كيما الغرايف وماهوش كيما المطلوع يعني بين وبين
نكسرو فيه زوج بيضات ونعجن باش يدخل في العجين هنا يكون القوام تاعو وصل لحد أنك كي تهزي العجين بيديك راح يهبط وحدو بالعقل يعني ماشي جاااري كيما الغرايف
من بعد ندهنو صحن غميييق ندهنوه بالزيت ونحط فيه العجين تاعي ونغطيه ونخليه يخمر كي نلقاه خمر نبدا نهز بالشوي ونحلو فوق المايدة بشوي زيت ونعمل ثقبة في الوسط ونقليه في زيت غزير .
بالصحة والهنا

[idron0]

طمينة lyzzabel

نحمص السميد الخاص بالطمينة في مقلة كبيرة و نحرك باستمرار على نار قليلة حتى نشوفه اكتسب اللون الزهري الماءل الى البني ههههه و كل وحدة و اللون لي تبغيه ،، و نفرغه في حاجة واسعة و نخليه يبرد ،، في هداك الوقت ندوب الزبدة او المارغرين و العسل مع بعض و تكون كمية الزبدة اكثر من العسل باش ما تجيش حلوة بزاف ،، ما نخليهمش يغلو و نفرغ السميد على خليط الزبدة و العسل غير بالشوية و نخلط مليح بالملعقة الخشبية ما يجيش ناشف و مايجيش جاري يعني كي نهز الطاجين لي خلطت فيه تبقى الطمينة تلعب a gauche et à droite هههههه و نخليها تتشرب وحد نصف ساعة مع البرد ما تطولش و نحطها في طبق التقديم تبقى طرية ما تجيش يابسة ،، انا نديرها في لي مول كيما تاع اليوم درتها في مول دائري و زينتها باللوز محمص و مرحي خشين فالحواف و لوز حب بالقشرة و شوية فستق او بيستاش تاني مرحي خشين و جوز و حبة كرز معلب كيما في الصورة و كل وحدة و طريقتها في التزيين و طبعا حسب الموجود و مين نكون مزروبة نحطها مباشرة في الطبق خخخخ ،، و راني صورتلكم القوام تاعها كي تبرد.
ملاحظة
السميد لي يوالم الطمينة هو تاع المقروظ يعني لا خشين و لا متوسط و لا رقيق .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[أم ماجد]

مسائكم بالخير اليوم درت مناج كبير وما احلى النظافة
ام ياسين الزهراء هادو هوما الاشياء الي تحتاجيهم للمكروايف
هداك الغطاء سبسيال انتاع المكروايف باه مايديرلكش الطشطاش وما تنشفش الحاجة
وهديك الخضرا تاني سبسيال انتاع البيض دير بيها بنتي الصغيرة
وهداك الورق بابي سويتو دائما فرشيه على هداك الصحن الزجاجي باه مايتوسخش
وهديك العلبة انكونجلي فيها وكيما نحتاج باه انسخن انحطها في الميكروايف
وهداك الكيس الورقي فيه الماييس باش اندير فيه البوب كورن او نحمص كوكاو او جلجلانية

الاخت ناهد دوران

[soltanabelkiis]

مشكــــــــــــــورة

[ROSELUISE]

يعطيك الصحة يا اختي على الافادة

[ام احمدي]

وصفة البطاطا للامنيات
غليت البطاطه وعسيتها حتى ماطيبش بزاف تخليها حاكمه روحها مليح
من بعد قشرتها وقطعتها قطع كي تحبي كبار شوي في صينيه درت زيت كميه مليحه مع ملح فلفل احمر حار معدنوس وثوم وزعفران خلطتهم في الزيت من بعد درت عليهم البطاطه حتى تتشرب هاداك الخليط
دخلتها للفور طيبتها من تحت ومن فوق


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[قمرْ~]

هدا ما نبغي البطاطا سوتي ربي يحفظك

[ام احمدي]

كفتة على طريقة ام تاجووو محرفة بجدارة من قناة سميرة ههههههههه
حبيباتي باش نوضح اكثر هي عملت طاجين مرقة بيضاء وانا هزيت فكرة المرقة وطبقتها على الكفتة خرجت روووووعة
حبيباتي نقلي مرقة بيضا غير بنص مغرف صغيرة فلفل اسود ونص مغرف صغيرة كركم هي دارت مغرف صغيرة معمرة انا خفت من الذوق درت نص مغرف ومغرف صغيرة كسبر طبعا وزبت وملح وثوم وبصلة نقلي مليح مع طرف لحم ونعمل كويرات الكفتة تاعي ونحطهم يطيبو ونغلي الزيتون مليح وكي تبدا تخثار المرقة نلوح الزيتون يطيب مع الكفتة وهاذ ﻻستوس اختيارية انا كي يطيبو لي بوﻻت تاع الكفتة نعاود نحمرهم في الزيت ونردهم للمرق وهنا الجد نحي قيس ست مغارف مرقة ونذوب فيهم باطة ياؤورت ناتورال كي تذوب مليح نردها للمرقة ونخليها تخثار صدقوني بنة رووووعة وحموضة مممممممممم والمرقة تجي صفراء من الكركم وذوق مختلف وروووووووعة جربو وماراح تندموووو هدرة حورية المطبخ هههههههههه

إضغط هنا لرؤية الصورة بحجمها الطبيعي.

[أم ملك]

عصير البرتقال زينب 83


ام ملك حبيبتي شوفي هذه وصفتي في عصير البرتقال يجي هايل كيما فرويكاد

تحكمي كيلو برتقال تقشريه و تقصيه و هبة جزر مقطعة باه تعطيه القوام و قشر برتقال تاع ربع برتقالة او اقل فقط باه مايجيش مر و في نفس الوقت مايمدش لمرورة
طيبيهم في كمية ماء قيسهم و مباعد ترحيهم و من الأحسن في خلاط العصير يجي روعة و مافيه حتى فتفوتة ، و ديري السكر على حساب لحلاوة لي حابتها، مرات نزيدلو عثرات قارص و مرات لالا

إضغط هنا لرؤية الصورة بحجمها الطبيعي.


والخلاط كيما هذا
إضغط هنا لرؤية الصورة بحجمها الطبيعي.

[أم ملك]

أم محمد تاج
وصفة الكريم بالنواد كوكو محرفة غير شوي خفت زنوووبة ههههههههههههه
حطيت في كاسرونة نص لتر حليب وزدتلو 3 مغارف كبار لحظة واربع مغارف سكر وثﻻث مغارف نواد كوكو وزاست برتقالة وزوج بيضات وخبطت كلش بالباتوووور حتان طلعو وعملو فقاعات وحطيتهم يطيبو وبسسس *
آسفة زنوووبة على التحريفات كان ﻻزم نديرها ﻻ تخرجلي حبة في سنيناتي الﻻمعة ههههههههههه

صباحووو عسﻻيتي واقيﻻ اليوم ماكيش مليحة وينهو الجرنان لي موالفة تحطيه مع الصباح ممممممممممممممم

[touta2010]

قاطو الوردة في مول السيليكون


2 صفار
كاس نشاء
250 غ زبدة
ملح
ملعقة كبيرة فاني
ملعقة صغيرة خميرة
120 غ سكر
اقل من نصف كيلوغرام فرينة

العجينة تكون طرية
نعمل كويرات متساوية الوزن و تغطس في كوكاو محمص مرحي متوسط
و توضع فالمول و تطهى

لما تبرد نعمر الفراغ بالنستلي كراميليزي و قليل من الكوكاو مرحي نرشو فوق النستلي و ندور اللوز ايفيلي على شكل زهرة و اخيرا نضع نصف حبة توت سوداء

و هذا المول


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[ام سراج وملاك]

قاطو الطربوشة في مول السيليكون kakinova





100 غ سكر رطب
250 غ مرغرين لابال
2 مغارف كبار زيت
2 صفار و بيضة كاملة
رشة ملح
مغرف كبيرة فاني
فلان فاني ملعقة كبيرة
اقل من نصف كيلو غرام فرينة لازم تكون طرية حتى تبانلك تلصق دخليها للبراد تبرد تتماسك
اقل من نصف باكي خميرة الحلوى
توزني كامل الحبات قد قد و تحشى نصف حبة كابريس او نصف حبة شكولا و نغلق و تطهى كامل الكمية

لازم تخليها فالثلاجة و كل مرة تخرجي قيس ما تستعملي في صحن و الباقي تخليه فالثلاجة

تطهى من تحت و الافضل ترفعيها للرف الاول لانو لو طيبتيها فالسفلي رح تتشوط من تحت بسرعة و ما تجي تحمار حتى تتحرق و يكون منظرها ماشي باهي
لما تحطيها لفوق طيب في غرضها و تجيك ذهبة اللون و لونها باهي و من فوق شعلي تاخذ لون احمر ذهبي خفيف فقط

لما تبرد تقلبيها في بلاطو و تخليها تبرد مليح حتى تخلصي كامل الكمية

ذوبي شكولا امباسادور و ضفيلها القليل من تاع الميزان او منى رح يجيك الطعم امممممممممممم و اللون بني مسود و الشكولا تقعد تبرق

ذوبيها في حاجة نظيفة و جافة على نار هادية و حذاري يقيسهالك البخار ديري سارفيات على كامل محيط الاناء و حطي الاناء لي فيه الشكولا هكذا السارفيات ما تخليش لافابور تقيس الشكولا

من الافضل لما تبداي الطياب حطي الشكولا و ما تحركيهاش خلاص حتى تذوب كامل تلقايها ذابت لما تبداي تستعمليها

المهم خلطي الشكولا بسرعة رح تولي تبرق و ادهني المول مليح و خصوصا الفراغات و الحواشي من فوق و حطي الحبة تاعك

حطيها فالكونجيلاتور 5 دقائق و هي تماسكت نحيها من المول و حطيلها نصف حبة توت رح تلصق وحدها


و هادا المول المستعمل

[ام سراج وملاك]

الملوخية عطر الذهب

تجيبي الكوكوط تحطي فيها الساشي نتاع لملوخية الذواقة وتزيديلها قيس كاس زيت وتقليها مليح بالصح على نار خفيفة باش ماتتحرقش ومن هيه توجدي الدرسة اللي فيها راس ثوم ومغرفة صغيرة افاح ومغرفة صغيرة فلفل اسودومغرفة متوسطة ملح تهرسيهم في المهراس وترحي راس بصل متوسط
تضيفي نصف كمية الدرسة وكل البصل واللحم ماذابيك لحم ودجاج وزيدي مغلرفة اكل طماطم مصبرة وتقلي مليح وتمرقيها بحوالي 2 لتر ماءسخون مرة واحدة وتحركيها مليح وتغطيها وكي تغلي تنقصي النار وتخليها تطيب على مهلها يعني تخليها من 3 الى 4 ساعات وهي تطيب وكل لمرة تتفقديها وتحركي باش ماتلصقش في القاع
كي تكون قريب تطيب زيديلها الدرسة المتبقية وراس فلفل حار الله الله وخليها تطيب حتى تصفي زيتها وتخثار
وتكوني موجدة المطلوع ضروووووورييييي واتمتعي باحلى ملوخية