طاجين الزيتون بالكبدة ممممممم ولا ارررروع من مطبخ ليزا

[lyzzabel]

السلام عيكم و رحمة الله و بركاته
اليوم بغيت نحطلكم هاد الطبق الراااائع لي هو في الحقيقة من مبتكراتي و لي استلهمته من طبق مغربي
لتحضير هدا الطبق اللديييد نحتاج للتالي
كمية من كبد الخروف انا درت حوالي 750 غرام
زيتون مغلي و مقطع دوائر رقيقة او كيما نقولو ايفيلي الكمية تكون حسب الرغبة
ملح معدنوس فلفل اسود كمون فلفل احمر حلو
ثوم مقطع رقيق حوالي اربع فصوص
زيت الزيتون
عصير ليمون او خل ابيض
ملعقة صغيرة مملوءة طماطم معلبة

طريقة التحضير

نقطع الكبد بعدما نكون غسلته الى شرائح متوسطة ،، و نحضر الشرمولة لي نحطه فيها بخلط التوابل المدكورة و العدنوس مقطع رقيق و الثوم و زيت الزيتوت حوالي اربع ملاعق اكل و عصير نصف ليمونة او ملعقتين من الخل
نخلط مليييح الشرمولة قلت و نحط فيها شرائح الكبد و نخلوه يتشرب على الاقل 20 دقيقة و مادام نخليه يتشرب مادامه يجي بنين كما هو موضح في الصور
نحط مقلاة على نار متوسطة و نضيف قرات من زيت الزيتون و نستف شرائح الكبد و نطيبهم على الجتين ،، ما لازمش يتحمرو بزاف ،، ننحيهم و نحطهم في طبق يبردو شوية ثم نقطعهم الى قطع صغيرة و نرجعهم فالمقلاة مرة اخرى و نضيف عليهم الزيتون ايفيلي و ملعقة صغيرة طماطم معلبة و ما تبقى من الشرمولة و نقلي كلشي مع التقليب على نار متوسطة ،، و نسقي بكمية قليلة من الماء يكون في نفس المستوى مع الكبد و الزيتون
نغطي المقلاة و نخلي الكل يزيد يطيب حتى تخثار الصلصة ،، هنا كل وحدة كيفاش تبغيها ناشفة او لا و الصور توضح كل المراحل





عند التقديم نحط مع الطبق شرائح الليمون و معدنوس ،، هنا في الصورة مرة خليت فيه شوية صلصة و مرة ما خليتش بزاف و في كلتا الحالتين لذيييييييذ مممممم





و في الاخير اتمنى ان ينال الطبق اعجابكم و ما تنسووووش دعوة تاع خييير بزاااف عليااا و لكم بالمثل
و السلاااام احلى ختاااام و دمتم اوفياء ،، الى ان نلتقي في مواضيع اخرى بادن المولى