الى ام اسيد1 وكل وحدة حاصلة واش الطيب

[ام حمزة22]

لبنات طبقي اليوم هو خرشف كان طلبو مني زوجي
وطبق لازانيا والطريقة في الصفحة 27

لبنات انا اليوم لتهيت نفرز في غرفتي ونسيت لازانيا فالكوشة مع اني ما شعلتهاش من الاعلة لقيتها تحمرت شوية بزيادة دارتها بيا الكوشة هههههه

قبل ما نبعت الصور حبيت نقول ان كاين عضوة سقساتني على كيفية طهي اوراق لازانيا هل نطيبها من قبل او مباشرة انا رديت عليها وحبيت نعاود هاد المعلومة انا لازانيا ما نطيبهاش من قبل لاكن نطيب كمية معتبرة من لاصوس باه طيب الطباقات وتشرب الصوس

[ام الخير 05]

يعطيك الصحة الاخت ام حمزة 22 راني نستفاد كثير من هذا المرجع كل مانحتار نفتح المنتدى ونلقى كل مانحتاج انشاء الله المزيد من التميز

[ام حمزة22]

مشكورة اختي ام الخير
مرورك اسعدني
الدار دارك مرحبة بيك في اي وقت

[ام الخير 05]

اسعدني كثير قبولك لمروري الاخت ام حمزة 22 بارك الله فيك

[mon espoir]

المشاركة الأصلية كتبت بواسطة crono

بصحتك
هادي معلومة مخبرتش حتى واحد بيها
أنني مربية النحل

الله يبارك.. و أنا نقول واش هاذ الصدفة السعيدة.. نحنا نهدرو والنحلة جات عندك.. و هي راها تحوس عليك انت يا عسل..ما شاء الله لا قوة إلا بالله.. بصح لازم نستفادو منك.. علابالك العسل يداوي كي يعود حر.
و ذرك كيفاش نعرفوا بلي راح حر..الخبيرة crono هي اللي تجاوبنا على هذا السؤال مع الشكككر مسبقا.

[crono]

المشاركة الأصلية كتبت بواسطة ام حمزة22

لبنات طبقي اليوم هو خرشف كان طلبو مني زوجي
وطبق لازانيا والطريقة في الصفحة 27

لبنات انا اليوم لتهيت نفرز في غرفتي ونسيت لازانيا فالكوشة مع اني ما شعلتهاش من الاعلة لقيتها تحمرت شوية بزيادة دارتها بيا الكوشة هههههه

قبل ما نبعت الصور حبيت نقول ان كاين عضوة سقساتني على كيفية طهي اوراق لازانيا هل نطيبها من قبل او مباشرة انا رديت عليها وحبيت نعاود هاد المعلومة انا لازانيا ما نطيبهاش من قبل لاكن نطيب كمية معتبرة من لاصوس باه طيب الطباقات وتشرب الصوس

سلام حبيبتي شكرا على الدعاء لك بالمثل
ان شاء الله ريحتي شوية من عينيك
بصحتكم يعطيك الف صحة أنا لازانيا نطيبها من قبل
نجربها بطريقتك منطيبهاش وليدي اموت عليها

[crono]

المشاركة الأصلية كتبت بواسطة mon espoir

الله يبارك.. و أنا نقول واش هاذ الصدفة السعيدة.. نحنا نهدرو والنحلة جات عندك.. و هي راها تحوس عليك انت يا عسل..ما شاء الله لا قوة إلا بالله.. بصح لازم نستفادو منك.. علابالك العسل يداوي كي يعود حر.
و ذرك كيفاش نعرفوا بلي راح حر..الخبيرة crono هي اللي تجاوبنا على هذا السؤال مع الشكككر مسبقا.

هههه دورك نحطلك طريقة كيفاش نعرفوا بلي راه حر نورح نصور ونولي

[crono]

راني وضحت طريقة بسيطة ومفيدة كيف تعرف العسل الحر من المغشوش

https://www.djelfa.info/vb/showthread.php?t=1737229

[ام حمزة22]

المشاركة الأصلية كتبت بواسطة crono

سلام حبيبتي شكرا على الدعاء لك بالمثل
ان شاء الله ريحتي شوية من عينيك
بصحتكم يعطيك الف صحة أنا لازانيا نطيبها من قبل
نجربها بطريقتك منطيبهاش وليدي اموت عليها

وعليكم السلام شكرا على السؤال راني الحمد الله
كرونو جربي لازانيا بهاد الطريقة لاكن كتري الصوس باه طيبلك مليح والبنة ما نقلكش
انا ولادي كامل يموتو عليها حتى زوجي بصح طيبتلو الهرشف باه ما يكلش لازانيا نخليه ياكل غير قيس ما ينحي الشهوة

[*أم جابر*]

السلام عليكم وررحمة الله و بركاته
اسال الله ان تكن بخير
crono وشراكي اختي توحشناك هذه غيبة
ام حمزة بارك الله فيك على الاطباق ما شاء الله

[غزالة الصّحراء]

أهلا وسهلا ومرحبا بالجميع. وياربّ أتكونوا كامل بألف خير. ماشاء اللّه عليكنّ الصفحة تزيد نورا على نور مع الوقت. وخاصّة وأنكنّ عسلتموها بكلامكنّ الحلّو وأضفتنّ لها العسّل الحرّ. أختي أم حمزة مشكورة على الطبق الجديد . واللّه غير شهيتيني. أنا عمري ماطيبتو. ولكن اكيد لما ايكون عندي الوقت رايح أنجربو.
وما أعجبني أيضا تلك النحلة المسكينة المخدوعة. ظنت راهي على البوكي أنتاع الورد ورايح تصنع منو العسل..... رجعت خايبة. بصّح معليش الأخت crono راهي أموجدتلها المكان الملائم. ربّي ايخليك على مواضيعك القيّمة أستفدت منها. أحنا لما نشريو العسل. زوجي يشريه من رجل ثقة. لأنّه هناك من يضع داخل بيوت النحل السّكر. والناتج ليس بعسل شافي. وهناك من يبقي القليل من العسل الحقيقيّ للنحل لكي تنطلق منه.

[ام حمزة22]

المشاركة الأصلية كتبت بواسطة ام اسيد1

السلام عليكم وررحمة الله و بركاته
اسال الله ان تكن بخير
crono وشراكي اختي توحشناك هذه غيبة
ام حمزة بارك الله فيك على الاطباق ما شاء الله

وعليكم السلام والرحمة والاكرام
فيك بركة الله ام اسيد واش راكي ما راكيش طلي علينا بزاف

المشاركة الأصلية كتبت بواسطة غزالة الصّحراء

أهلا وسهلا ومرحبا بالجميع. وياربّ أتكونوا كامل بألف خير. ماشاء اللّه عليكنّ الصفحة تزيد نورا على نور مع الوقت. وخاصّة وأنكنّ عسلتموها بكلامكنّ الحلّو وأضفتنّ لها العسّل الحرّ. أختي أم حمزة مشكورة على الطبق الجديد . واللّه غير شهيتيني. أنا عمري ماطيبتو. ولكن اكيد لما ايكون عندي الوقت رايح أنجربو.
وما أعجبني أيضا تلك النحلة المسكينة المخدوعة. ظنت راهي على البوكي أنتاع الورد ورايح تصنع منو العسل..... رجعت خايبة. بصّح معليش الأخت crono راهي أموجدتلها المكان الملائم. ربّي ايخليك على مواضيعك القيّمة أستفدت منها. أحنا لما نشريو العسل. زوجي يشريه من رجل ثقة. لأنّه هناك من يضع داخل بيوت النحل السّكر. والناتج ليس بعسل شافي. وهناك من يبقي القليل من العسل الحقيقيّ للنحل لكي تنطلق منه.

الف اهلا وسهلا بغزالتنا واش راكي والله بلاستك بانت خليتي الوحش

[mon espoir]

سلام الله عليكن يا الغاليات.. ان شاء الله تكونوا بخير.. واش راكي اختي ام حمزة يارب تكون جميع العائلة في صحة جيدة.. أعرف أنك مشغولة بكثرة في المنزل و معانا الله يعطيك الإعانة.. بما انو الصفحة هاذي لكل وحدة حاصلة واش طيب..عندي حبيبتي بنتها عندها السكري.. اسال الله تعالى ان يشافيها هي و جميع المرضى.. هي تبحث عن وصفات لسكري الاطفال ..ارجوا كل من عندها معلومات ما تبخلش عليها..اذا رايتي ان االصفحة ليست هي المكان المناسب للموضوع..اين اضعه..مع الشكر مسبقا

[ام حمزة22]

سلام الله عليكن يا غالياتي
صباحكم سعيد ويومكم اسعد
ان شاء الله تكونو كااااااااامل بالف خير
لبنات اليوم بادن الله راني رايحة لطبيب العيون
صبحت فالكوزينة نطيب
طيبت تبيخة بالفول والجلبانة والقرنون
صبحت فاتحة النافدة ربي فتح علينا وعليكم
نخليكم مع صور الطبيعة فالليل ههههههههههه
ونخليكم مع الوقت بالتحديد لي بديت نطيب فيه هههههههههههههه

[ام حمزة22]

المشاركة الأصلية كتبت بواسطة mon espoir

سلام الله عليكن يا الغاليات.. ان شاء الله تكونوا بخير.. واش راكي اختي ام حمزة يارب تكون جميع العائلة في صحة جيدة.. أعرف أنك مشغولة بكثرة في المنزل و معانا الله يعطيك الإعانة.. بما انو الصفحة هاذي لكل وحدة حاصلة واش طيب..عندي حبيبتي بنتها عندها السكري.. اسال الله تعالى ان يشافيها هي و جميع المرضى.. هي تبحث عن وصفات لسكري الاطفال ..ارجوا كل من عندها معلومات ما تبخلش عليها..اذا رايتي ان االصفحة ليست هي المكان المناسب للموضوع..اين اضعه..مع الشكر مسبقا

وعليكم السلام اختي
شكرا على السؤال راني الحمد الله وانت حبيبتي واش راكي
حبيبتي ربي يكون مع حبيبتك وبنتها ربي يجيبلها الشفاء العاجل ليها ولكل مريض
للاسف ما عندي حتى فكرة
ان شاء الله يجاوبوك لي عندهم فكرة عن وصفات السكري
وزيدي شوفي هاد الرابط حطي فيه سؤالك وان شاء الله تصيبي الجواب من دوي القلوب الرحيمة
https://www.djelfa.info/vb/forumdisplay.php?f=231