همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح - الصفحة 128

serine alger · 2014-03-17, 09:17

الأخت**ماريا205** شوفي أختي قلت هادي لازم رد ليها وحدها لأنو بصراحة عجبتني هاد العبارة ماما على بالك انا اعطاني ربي في الزين وما اعطانيش في العلم ؟ .اذن قوليلها باش تولي شابة أكثر لازم تركزي في قرايتك أكثر.هههههههههه هادي باينة شاطرة في اللسان.
شوفي أختي بان لي من كلامك أنك كنت معاها خطوة بخطوة بالزيادة. يعني حتى الحفظ أنت اللي تحفظيها .ومن بعد تخليتي عليها شوية يعني بعدتي ورحت عند أختها الصغيرة .ربما عامل الغيرة راهو يأثر عليها لما تشوف اهتمامك بأختها.
شوفي أختي لازم كل أسبوع تروحي عند المعلمة وتسقسيها على مستوى وسلوك بنتك في القسم.
ولازم تهدري مع بنتك وتقنعيها بأنها الان الحمد لله راهي كبيرة تقدر تحفظ وحدها ولما تكمل تعرض عليك ما حفظت وبالتالي تبداي أنت بالأسئلة الشفهية أو الكتابية عن طريق أسئلة مباشرة أو تمارين بوضع فراغات.....الخ.
أما بالنسبة للدروس ماتعوديهاش أنت اللي تديريلها الدرس والا راح تعتمد عليك وماتركزش مع معلمتها في القسم.الرياضيات واللغة كل مساء عند الرجوع من المدرسة قوليلها**درتو اليوم درس جديد ؟ماهو ؟ فهمتيه ؟ وهي راح تجاوبك .اذا قالت لك راني فهمت.مليح أنت عليك بالتمارين التطبيقية.واذا قالت / ماما مافهمتش الدرس.هنا لازم تعرفي كيفاش تهدري معاها.ماتجريش تقوليلها يالله نفهمك الدرس.لالا. لازم تقوليلها /كنت مع زملائك والمعلمة كانت تشرح وعلاش ماركزتيش معاها؟ هكا باش ماتتكلش عليك.
أختي ماريا راني درت جريدة........ فكريني باسم بنتك.

/زهرة عصفور الجنة/ · 2014-03-17, 09:18

تفضلي اختي مااريا نماذج لاختبارات السنة الثالثة
https://www.gulfup.com/?55wUwk
https://www.gulfup.com/?RKLD1n
https://www.gulfup.com/?UHETD6

https://www.gulfup.com/?duCDgx
https://www.gulfup.com/?RpaYsy
https://www.gulfup.com/?3yMuvM
https://www.gulfup.com/?26qk6O

https://www.gulfup.com/?MmDamJ
https://www.gulfup.com/?5HN8XL
https://www.gulfup.com/?MmDamJ
https://www.gulfup.com/?DSkMkl

**افنان** · 2014-03-17, 09:38

مبارك للجميع
ل خولة واريج وسرين العاقبة للشهادة ان شاء الله
لابتهال المرتبة الاولي
العاقبة لعادل ومني انشاء الله
وللصغار اتمني لهم التوفيق

serine alger · 2014-03-17, 10:02

الأختafnane28 واش أخبار راشد؟ بالنسبة لعادل في المساء ان شاء الله يجيب الدفتر للامضاء.

الأمنيات · 2014-03-17, 12:13

السلام عليكم
مبروك لكل المتفوقين وربي يبارك فيهم ويحفظهم وشكر موصول للاولاء
بنتي مازال النتائج ما عطاوهمش ماقراوش من نهار الاربعار اليوم عاد دخلوا

**افنان** · 2014-03-17, 13:29

الاخت سرين بارك الله فيك علي سؤالك
راشد مازال ما اعطاتهمش الدفاتر اخبرتهم على المعدل مواد العربية9.13
الفرنسية 9.75 الحمد لله هذي المرة تحسن كثير علي المعدل الاول كان 8.64 بالنسبة للرتبة اظنه 3 مازال ما قالتلهمش ربي يوفق جميع ابنائنا
كل الشكر للاستاذة عطوفة والاستاذ عبد الناصر لان راشد رجعت له ثقته بنفسه يوم شكروه علي اجابته على نص اللغة وعلى حسن خطه فجزاهم الله عنا كل خير وبارك فيهم

serine alger · 2014-03-17, 14:01

اقتباس:

المشاركة الأصلية كتبت بواسطة afnane28

الاخت سرين بارك الله فيك علي سؤالك
راشد مازال ما اعطاتهمش الدفاتر اخبرتهم على المعدل مواد العربية9.13
الفرنسية 9.75 الحمد لله هذي المرة تحسن كثير علي المعدل الاول كان 8.64 بالنسبة للرتبة اظنه 3 مازال ما قالتلهمش ربي يوفق جميع ابنائنا
كل الشكر للاستاذة عطوفة والاستاذ عبد الناصر لان راشد رجعت له ثقته بنفسه يوم شكروه علي اجابته على نص اللغة وعلى حسن خطه فجزاهم الله عنا كل خير وبارك فيهم

ماشاء الله على راشد.ألف مبروك على التفوق والمعدلات الممتازة.بالتوفيق.

**افنان** · 2014-03-17, 14:25

//[/IMG]
السلام عليكم ورحمة الله
هذا امتحان ابني في التحضيري عمره 4سنوات و8 اشهر
مثل ما فهمت من ردودكم لام امجد انكم تنصحون صاحب 5سنوات بعدم الدخول للسنة الاولى.
عندما جاب ابني الورقة وقال اديتش عشرة قلت له معليش مازلت صغير منيش رايحة ندخلك للاولى قال لا لا انا راني جبت عشرة في الورقة لاخري انا ندخل للاولى منعودش بماذا تنصحوني بارك الله فيكم
الرياضيات اخذ 9 لانرقم 4 كتبه معكوس

مقدسية · 2014-03-17, 14:51

اسعد الله اوقاتكم بكل خير
اولا تهاني الحارة للامهات المتفانيات بنتائج اولادهن كل وحدة باسمها الف الف مبروك العاقبة للشهادات الكبرى
وبالنسبة لمن لم يسعفه الحظ اقول من اجتهد واصاب فله اجران ومن اجتهد ولم يصب فله اجر واحد
اكيد قدمتم الاسباب لكن قدر الله وماشاء فعل والخير في مااختاره الله
اسال الله التوفيق والسداد لكل ابنائنا في الفصل الاخير بحول الله
وكل الشكر والعرفان لدعامة هدا الركن استادينا عبد الناصر وعطوفة يستاهلو كل التحية
بالنسبة للنتائج غدا بادن الله تسلم الدفاتر
اردت ان استفسر عن مفاهيم عامة فقط حول جمع المدكر السالم وجمع المؤنث وكدلك جمع التكسير ان سمح وقت استادينا بدلك
اخيرا اختي افنان ادا كانت قدرات ابنك جيدة -وانت اكيد ادرى بها- سجليه سنة اولى وبفضل الله وعونك راح يتخطاها بكل سهولة ومايلقى حتى صعوبة
اما ادا كان من الاطفال الدين ينفرون من المدرسة فانصحك بالتحضيري

yacidani · 2014-03-17, 15:23

السلام عليكم و رحمة الله و بركاته لأخت أم أريج
أجد صعوبة في دخول المنتدى. و أنا أتصفح صفحات الأخيرة لهمزة وصل و جدت ردك حول ما مرت به أريج الحلوة وما عانت به نفسيا خاصة و هي في مرحلة الاختبارات والله تأثر كثيرا و سالت دموعي كون اختارت أن تكتب ما تحس به في المذكرة و لم تلجأ اليك وأنا متأكدة فعلت ذلك لكي لا تزيدك هما وحزنا أضنها أريج حنونة و حساسة مثل أمها. و أنا ليس لدي شك في أريج, ستنسى كل هذا باءذن الله لأنها شجاعة و ذكية و مجتهدة و برفقة أمها العظيمة و أختيها أفنان و سلسبيل ما شاء الله عليهم و هذا دليل قاطع أن أبوهم يلعب دور هام في حضوره في البيت....ربي يخليكم مع بعض و يحفظكم من كل سوء أمين يارب العالمين ,

و أنا نقول لأريج و خولة و منى و سرين ( صحاب الشهادة الابتدائية و لا نسيت واحد سمحولي و قولولي شكون) نسالكوم كامل
El GATEAUX MOIS DE JUIN 2014
أو ما تكلخوليش وين تكونوا نجي ناكل و نولول و نشطح عاصمي, قبايلي, شاوي, شعبي, صحراوي نجي نخلطها ونجيب معايا ياسين و بنتي الصغيرة دانية
أتمنى لكم النجاح و الاستمرار و الاجتهاد في الدراسة و في حياتكم اليومية أمين أمين أمين

yacidani · 2014-03-17, 15:27

السلام عليكم و رحمة الله و بركاته

أخت سرين أنتي ثاني بارك الله على عادل شاطر و ذكي و بلى ما ننسى نسنوس الشجاع يونس ربي يحفظهم و يفرحك بهم أمين أمين أمين

yacidani · 2014-03-17, 15:45

السلام عليكم و رحمة الله و بركاته
من خلال تصفح و متابعة همزة وصل باستمرار ..لاحظت نماذج نجيبة من التلاميذ أمثال خولة , أريج , منى , سرين , ابتهال , و كذلك عادل, تميزهم في الوضعية الإدماجية أو التعبير ( كما نقولوا حنا في وقتنا) ... في وقتي لم أعطي أهمية للغة العربية كون كونت نقرا علوم دقيقة في الثانوية (مواد الأساسية فقط رياضيات و الفيزياء و الكمياء)
مع الوقت اكتشفت ان اللغة عندها أهمية كبيرة في الحياة اليومية سواء في البيت في العمل في المدرسة....في أي مكان...و ليس فقط اللغة العربية كذلك الفرنسية و الانكليزية .....و بالتالي أنصح كل التلاميذ أن يجتهدوا ولا يهملوا دراسة اللغات خاصة لي راهم رايحين إن شاء الله إلى المتوسط
حاجة مليحة برك في هذه المنظومة التربية إعطاء أهمية كبيرة لوضعية الإدماجية ( يتمرنون من السنة الثانية ابتدائي)..رغم أنه نجد نقص كبير في كيفية التعليم هذه المادة.....الخ .
كما قلت في الأعلى يوجد تلاميذ هنا يحسنون التعبير بمفردهم سواء في نوعية الأفكار أو في تسلسلها ........ما شاء الله

أطلب من الأساتذة الكرام أخي عبد الناصر وأخت عطوفة وكذلك أخ أغيلاس ( لعندو تجربة مليحة في هذا الميدان) ...و كذلك الأولياء
أريد إن أمكن طريقة علمية أو موضوعية..التي تمكن التلميذ ابتداءا من السنة الأولى أو السنة الثانية ( بحال ابني)..
-.لتحسين مستواه في التعبير أو الوضعية الادماجية:
- مثلا كتابة جمل من خيال رأسه دون مساعدة
-ترغيب الطفل في قيام مثل هذه التمارين
-الوسائل المادية المساعدة لذلك
كيف يتم ذلك بداغوجيا و علميا دون أن يكره الطفل و ينفر منه؟؟؟
على ماذا يركز يوميا ؟؟؟ ما هي وسائل التحفيز بالأمثلة؟؟؟ ......

بارك الله فيكم

ان شاء الله ما كثرتش عليكم

عطوفة · 2014-03-17, 15:54

اقتباس:

المشاركة الأصلية كتبت بواسطة yacidani

السلام عليكم و رحمة الله و بركاته

وعليكم السلام ورحمة الله وبركاته
أهلا وسهلا بك أم ياسين

البارحة فقط كنت في بالي والآن عندما دخلت إلى البيت جئت مسرعة لأسأل عنك وعن ياسين ويا للصدفة وجدتك هنا

طولت الغيبة أختي .كيف هي الأحوال؟...كيف هي نتائج ياسين ؟
إن شاء الله بخير..... ويكون من المتفوّقين الأوائل دائما ...يارب.
لأنه ذكي ورصين ماشاء الله عليه ..

ماريا205 · 2014-03-17, 17:02

السلام عليكم ورحمة الله تعالى
كيف احوال الجميع ان شاء الله تمام
بارك الله فيكم على مشاركتي انشغالي
اختي اولادي سر سعادتي نشكرك ياسر ياسر على الاختبارات حملتها ربي يفرحك في اولادك ويرزقك اميين
وبالنسبة تجربتك مع أولادك تقريبا تشبهلي فقط مع بعض التغيير لكن المشكل اللي نعاني منو مزاج البنية واستيعابها مرة طالع مرة نازل
أختي سيرين صح راكي جبتيها بما أنها بنتي الأولى كانت معتمدة عليا 100 ب100 في الدراسة وهاذ العام كي بدلت الطريقة حست بالفرق المعلمة راني في اتصال معها . بنتي كي نسالها على الدرس مرات كي تتبع في القسم تفهمو ومرّات تجي ميش فاهمة وكي انقولها تبدا بالحجج الدرس صعيب انتبهت وما فهمتش وووو.
بارك الله فيك اختي ربي يفرحك في اولادك

ماريا205 · 2014-03-17, 17:13

الاخت ام ياسين طمنينا على نتائج ياسين إن شاء الله يكون فرّحك هاد الفصل
بارك الله فيك راني معاك في طلبك أنا ثاني كنت علمية ما كنتش نحب التعبير واللغة العربية صح كنت نجيب روحي فيهم بصّح ما نيش متفوقة وضرك ندمت كثير وماذا بيّا أولادي ما يكونوش كيفي تكون عندهم لاباز ربي يقدرنا ويبارك في الأساتذة الكرام وكل ولي يفيدنا بتجاربه مع اولادو والا نصيحة يقدمها ربي يجازيهم الجنة اميين.