الى ام اسيد1 وكل وحدة حاصلة واش الطيب

[ام سراج وملاك]

المشاركة الأصلية كتبت بواسطة ام حمزة22

واش راكم لبنات ان شاء الله تكونو كامل بالف خير
طبقي اليوم هو بسباس فالكوشة والطريقة فالصفخة82
زوجي ربي يحفضو جابلي البسباس وقالي عاوديهلنا ختى وليدي لي ما يكلش الجاج يعجبو هاد الطبق
راه قريب يطيب فالاول يبت الخضرة وغطيتها بورق الالومنيوم منبعد نحيت الورق وضفت الجاج الطايب والصوص نتاعو وؤجعتو فالكوشة بدون ورق الالومنيوم باه يحمار شوية من الاعلى

ممممممممممممممممممم بصحتكم يبان بنين نجربو ان شاء الله

[crono]

مساء الخير للجميع إنشاء الله تكونو بألف خير و بصحة جيدة

[koky 07]

شهيتونىىىىىى تبارك الله عليكم يالحراير

[crono]

المشاركة الأصلية كتبت بواسطة mon espoir

سلام الله عليكن اخواتي الكريمات..ام حمزة يا رب تكوني بريتي..بعثتلك سلا م خاص و مارديتيش لا اراكي الله مكروها انت و عائلتك و جميع الاحبة.. انا كي قولتلك جربي كحلي بالعسل..كان غرضي النصيحة..و الله شهيد على ما اقول..لانو واحد الوقت انا ثاني تعبوني عينيا نصحوني بالاكتحال بالعسل ..لما بحثت في الانترنات..لقيت بلي الاكتحال بالعسل يداوي جميع انواع الحساسية زيادة على انو ينظف العين.. يحرق شوي و تعود عيني تدمع لكن في الصباح نحس براحة كبيرة..و مع ذلك قولتلك استفسري عليه قبل ما تجربي.. ان شاء الله تكوني ريحتي و ما تحتاجي لا عسل لا بصل..هههههههه

وعليكم السلام أختي حت أنا عندي لحساسية تع العينن كان طبيب يعطيلي نشرب داوء حت كرهت
كي جربت العسل في عيني والله حمدوالله صبحت مليحة

[crono]

أختي أم حمزاة حت أنا عينيا تعبو من الخياطة والكروشي وكملت عليهم بالميكرو لازملنا نواظر ربوزونت
متزتهزيش بروحك روحي لطبيب العيون أنا والله معندي الوقت مع الضالا مازال الفينيسيون ....
خصوصا مع الشتا ربي يكون معنا
وسلامتك من كل مكروه يا غالية

[روح مراد]

كورنو الحمد لله كي راكي مليحة طولتي الغيبة حتى توحشناك

[منال ومنير]

مساء الخير اختي ام حمزة يعطيك الصحة وربي انشاء الله يحفضلكم اولادك والزوج

[ام حمزة22]

المشاركة الأصلية كتبت بواسطة ام سراج وملاك

مساء الخير عليكم كامل ام حمزة مطوليش علينا راني ننتظر طبقك

وعليكم السلام حاضر حبيبتي واعتدر عن الاطالة

المشاركة الأصلية كتبت بواسطة oum hanin

سلامي
اختي ام حمزة سلامتك من كل مكروه
مادامك تستعملي الميكرو بزاف لازملك نواظر ربوزونت يعطيهملك طبيب العيون وما تغفليش لانو مشاكل العين تبدا صغيرة وتكبر
في انتظار ذلك ديري كمادات الشاي رووووعة تحسي براحة
غلي الشاي حطية في كمادات وخليه على عينيك ربع ساعة راح تتحسني باذن الله وسلامتك من كل مكروه يا غالية

سلام اختي
بارك الله فيك على المرور والوصفة يعطيك الصحة والله يسلمك ويخليك ربي يحفضك ويباركلك في اعمالك
مرحبة بيك معنا سعدت بمرورك

المشاركة الأصلية كتبت بواسطة ام اسيد1

السلام عليكم و رحمة الله و بركاته ان شاء الله راكم كامل ملاح
ام حمزة لاانا نستناو في الطبق الجديد

وعليكم السلام ورحمة الله تعالى وبركاته رانا الحمد الله وانت واش راكي ام اسيد هدي غيبة

المشاركة الأصلية كتبت بواسطة ام سراج وملاك

ممممممممممممممممممم بصحتكم يبان بنين نجربو ان شاء الله

الله يسلمك حبيبتي جربيه ورديلي لخبر

المشاركة الأصلية كتبت بواسطة crono

مساء الخير للجميع إنشاء الله تكونو بألف خير و بصحة جيدة

مساء الانوار يا الغالية رانا الحمد الله مادامك انت بخير بوركتي على اعمالك الرائعة

المشاركة الأصلية كتبت بواسطة koky 07

شهيتونىىىىىى تبارك الله عليكم يالحراير

وفيك بركة يا الحرة
سعدت بمرورك اهلا وسهلا بيك

المشاركة الأصلية كتبت بواسطة crono

أختي أم حمزاة حت أنا عينيا تعبو من الخياطة والكروشي وكملت عليهم بالميكرو لازملنا نواظر ربوزونت
متزتهزيش بروحك روحي لطبيب العيون أنا والله معندي الوقت مع الضالا مازال الفينيسيون ....
خصوصا مع الشتا ربي يكون معنا
وسلامتك من كل مكروه يا غالية

كروني انا بادن الله هاد الاسبوع نروح للطبيب يله انت تان روحي لطبيب راه الوقت يجوز والصحة ماعه ربي يخليلنا صحتنا اجمعين

المشاركة الأصلية كتبت بواسطة منال ومنير

مساء الخير اختي ام حمزة يعطيك الصحة وربي انشاء الله يحفضلكم اولادك والزوج

مساء الانوار اختي شكرا على الدعاء لك بالمثل

[ام حمزة22]

لبنات طبقي اليوم هو اللفت بلللحم
اعلم ان الكثير منكن لا يحب هاد الخضار رغم انه يحتوي على فيتامينات وفوائد كثيرة انا عن عن نفسي كنت اجهلها
حبيباتي رحت الغوغل باه نشوف فوائد اللفت غرقت ههههههههههه
وحبيتكم تغرقو معايا هههههههههههههههه
تفضلو رابط المعلومات عن فوائد وفيتامينات اللفت
https://attarzaman.com/benefits/2411-2411

[ام حمزة22]

لتحضير الطبق لازم اللحم او الجاج ونقدر حتى نطيبوه وحدو
قليت اللحم في درسة متكونة من فلفل دريس وثوم مع زيت وفلفل عكري وملح
بعد ما يطيب اللحم نضيف اللفت هي طيب تمتم ما تسحقش الكثير من الوقت ثم نمرق ونخليها تشرب ما ننساش الحميصة انا دايما يطيب بكمية كبيرة من بعد نحطها فالمجمد كي نسحق نخرجا ونضيفها لماكلاتي
مع طبق اللفت طيبت سباقيتي لان ولادي ليسو من محيبي اللفت

[mon espoir]

المشاركة الأصلية كتبت بواسطة crono

وعليكم السلام أختي حت أنا عندي لحساسية تع العينن كان طبيب يعطيلي نشرب داوء حت كرهت
كي جربت العسل في عيني والله حمدوالله صبحت مليحة

الحمد لله انو كاين شكون يعرف الوصفة و جربها.. كي ما ردتش اختي ام حمزة و كاين اخت وحد اخرى ردت و قالتلها ما تبقايش تجربي فيهم.. حسيت بالاحراج..و انا كان قصدي المساعدة

اكيد لازم اي واحد يسقسي قبل ما يجرب اي حاجة.. بالشفاء عليك أختي ..الله يحفظك من كل مكروه

[mon espoir]

سلام لبنات.. اليوم درت عشايا شوفلور في الفرن على شكل قلوب .. و حطيتوا في موضوع جديد .. لكن الظاهر انو طبق قديم و ما عجب حتى وحدة ..على خاطر ولا رد و انا فرحانة بعمري و نصور فيه

[ام هاديل وياسين]

السلام عليكم

ان شاء الله تكونو جميعكم بخير ام حمزة ان شاء الله ريحتي شوية من عينيك

ربي يجيبلك الشفا حبيبتي سلام لكل الاخوات

[crono]

المشاركة الأصلية كتبت بواسطة روح مراد

كورنو الحمد لله كي راكي مليحة طولتي الغيبة حتى توحشناك

أهلا بيك روح مراد كيف الأحوال. وكيف صحّة الزّوج . واعجوزتك . ياربّ اتكونوا كامل املاح. الله غلب كنت مشغولة وزيد أشغال البيت من الألف إلى الياء طايحين على راسي لوحدي.

[crono]

المشاركة الأصلية كتبت بواسطة ام حمزة22

وعليكم السلام حاضر حبيبتي واعتدر عن الاطالة



مساء الانوار يا الغالية رانا الحمد الله مادامك انت بخير بوركتي على اعمالك الرائعة



كروني انا بادن الله هاد الاسبوع نروح للطبيب يله انت تان روحي لطبيب راه الوقت يجوز والصحة ماعه ربي يخليلنا صحتنا اجمعين


مساء الانوار اختي شكرا على الدعاء لك بالمثل

ام حمزة ان شاء الله ريحتي شوية من عينيك

ربي يجيبلك الشفاء حبيبتي حكيتلو لراجلي عليك قالي قوليها تنقص laminosité تع لتبلات

ان شاء الله كي تروحي عند الطبيب طمنينا عليك