طريقة أكيدة لتصبحي ربة بيت سعيدة

[رندة.]

صباح النور أم شمسو، صباح الجمال لكل الفراشات الجميلات،
واليرقات الانيقات.

[ام شمسو محمد]

فراااشاااات أثناء تحليقنا في روتيناتنا اليومية ماننساوش تحدي أنفسنا ل 20 د صيانة في منطقة المطبخ النظيييييييييف ...
أنا اليوم أتحدى نفسي في تنظيف الفرن من الخارج و الداخل .
الأخوات اللي عندهم مناطق ساخنة يستمرو في تبريدها .
كونو ذاكرات و جميلات و انتوما في الشغل

[Oum Mohamed123]

السلام عليكم

[ام شمسو محمد]

صباح الأنوار رندا وش راح تنظفي اليوم و وش راح ديري عناية ، وش راح طيبي .....حشرية هههههه

[رندة.]

المشاركة الأصلية كتبت بواسطة ام شمسو محمد

صباح الأنوار رندا وش راح تنظفي اليوم و وش راح ديري عناية ، وش راح طيبي .....حشرية هههههه

ممممممممم، وش نحب الفضول انا ثاني، ياحشري انت ياحشري.....
صباح الفل والياسمين، اليوم معولة على الثلاجة في الحقيقة هي نظيفة بصح معليش شوية صيانة احم احم احم.
عناية رايحة ندير ماسك لوجهي بحليب البودرة وماء الورد. ان شاء الله
الطياب، مممممم رايحة نطيب جلبانة ان شاء الله.

[رندة.]

السلام عليكم ورحمة الله تعالى وبركاته
بالنسبة للامس: قمت بتنظيف عميق للفرن من الخارج والداخل في الحقيقة استغرقت اكثر من ساعة، ولكن كان لازم نكمل مافيهاش انو نتوقف بعد الساعة مباشرة.
وال20 د غسلت فيها السلال البلاستيكية، مادام فتحت باب الغسيل.

[ام شمسو محمد]

حبيبتي رندا الفكرة اللي فهمتها أنا مبعد في أسلوب الفراشة هي أنو تتحملي الإزعاج تاع الوقت المحدود باش تضمني الإستمرارية يعني كي تعرفي روحك ديري ربع ساعة في حاجة تنوضي ليها في أي وقت الصباح ولا في الليل بينما الفترات الطويلة ما تلقايلهاش مساحة ، و كاينة نظرية بيروتو هذيك تاع 80 % و 20% اللي تقول بتقارب النتائج بين شغل ساعة و شغل ربع ساعة و هذي كاين منها عمليا المرحلة الثالثة هو انك راح تستمري بالصيانة و الصيانة هي اللي تعطيك النتيجة اللي تحوسي عليها ...إذن الفكرة هي انو مع كثرة التزاماتنا ما عندناش الوقت ، يسمى نديرو قانون للوقت اللي نعطوه للعمل المنزلي باش نضمنو زوج حوايج منزل مرتب و نظيف على مدار الثانية و فسحة كبيرة من الوقت لباقي التزاماتنا ، و هذا سر نجاح الميتود .

[رندة.]

يسلم هذاك الفم يا أم شمسو،
هذاك هو الشيء الي رانا نحوسو عليه ( بيت مرتب ومنظم على مدار الوقت، و مساحة لانفسنا وديننا وعائلتنا)،
انا هذا وين بدات تبان لي معالم سلوب الفراشة مليح، لحقت روطار شوية، بصح معليش.
انا لما قلت استغرقت اكثر من ساعة، هو لأني اولا جديدة في تطبيق الاسلوب، وثانيا الشهر الجاي بالتأكيد راح نستغرق وقت أقل لانو شيئا فشيئا راح تكون مجرد صيانة مش تنظيف عميق.
يعطيك الصحة أم شمسو لانك فهمتي الاسلوب مليح وحاولتي تشرحيه بأسلوب بسيط جدا في متناول الجميع.

[رندة.]

يسلم هذاك الفم يا أم شمسو،
هذاك هو الشيء الي رانا نحوسو عليه ( بيت مرتب ومنظم على مدار الوقت، و مساحة لانفسنا وديننا وعائلتنا)،
انا هذا وين بدات تبان لي معالم سلوب الفراشة مليح، لحقت روطار شوية، بصح معليش.
انا لما قلت استغرقت اكثر من ساعة، هو لأني اولا جديدة في تطبيق الاسلوب، وثانيا الشهر الجاي بالتأكيد راح نستغرق وقت أقل لانو شيئا فشيئا راح تكون مجرد صيانة مش تنظيف عميق.
يعطيك الصحة أم شمسو لانك فهمتي الاسلوب مليح وحاولتي تشرحيه بأسلوب بسيط جدا في متناول الجميع.

[Sii]

السلام عليكن ورحمة الله وبركاته
اسعد الله صباحكن يافراشات يا محلقات ربي يعينكم ويعطيكم قوتكم وصحتكم غيرتوني في النشاط والهمة نعم يا اخت غزالة راني مع المناوبات الليلية والنهارية ههه
على حسب مافهمت انو الغالية جهينة مريضة ربي يشافيها ويعافيها يارب
سلامي الحار اليكن جميعا احبكن في الله

[ام شمسو محمد]

فراااشاااات باش نديرو تلخيص للعناية الصحيحة بالوجه بين قوماج و ماسك و كريمات العناية ...و نحصلو على بشرة ضاوية و منتعشة و جلد صحي هاوليكم الترتيب :
العناية الصباحية :
_ كي تنوضي من السرير شوفي عينيك اذاكانو منفخين ديريلهم 2 د لاقلاص ، اذا لقيتيهم تعبانين أو فيهم les cernes ديريلهم الخيار
_ المرحلة الثانية نظفي بشرتك على حساب نوعيتها : الجافة lotion tonique بقوام حليبي ، والدهنية و المختلطة بالصابون أو الجال اللي يناسبوها ، الآن البشرة راهي نظيفة و صافية و جاهزة للتغذية .
_ المرحلة الثالثة رطبيهاhydrter و هذي أهم أساليب العناية انك تستعملي créme de jour اللي يناسب نوع بشرتك : الجافة créme nourrissante و الدهنية و المختلطة créme hydratante .
ننتقلو الآن للعناية المسائية و مراحلها :
_ المرحلة الأولى : استخدام démaquillant للبشرة سواء استعملتي الماكياج أو لا لأنو هاذ المنتجات عندها خصائص تسمح بتنفس المسام و تساهم في تصفية البشرة و أحسن الأنواع هوما les lotions démaquillantes بالحليب للبشرة الجافة ، و البشرة الدهنية أو المختلطة نظفيها ب gel أو كريم démaquillant من أجل التنظيف العميق ، الأفضل دائما انك تشطفي بالما البارد باش تسدي المسامات .
_ المرحلة الثانية : الترطيب ، استخدمي هذي المرة كريم الليل ، هذا النوع من الكريمات مصمم لتجديد و إحياء البشرة أثناء النوم و هو سر البشرة المشدودة الشابة و الصحية خصوصا بعد سن الثلاثين .
أخيرا عاوني هذي الممارسات الجمالية اليومية بتقشير أسبوعي مرة أو مرتين حسب بشرتك من أجل التخلص من الخلايا الميتة و إزالة الشوائب .
بعد التقشير دائما طبقي ماسك مرطب و منعم لبشرتك بهذي الطريقة تكوني درتي اللمسة النهائية للحصول على بشرةكلها إشراق و نضارة .

[ام تينة]

صلاااااااااااااااة الضحى اخوااااااااتي

[haninefadwa]

["]لسلام عليكن أاخواتي جزاك الله خيرا اام تينة على التذكرة لقد استوعبت جيدا نعمتي العطف واللطف و استشعرت عظمة الخالق سبحانه أاسااله أان يشملنا بعطفه ولطفه والحمد لله أان جعلنا مسلمين حبيبتي ام شمسو جزاك الله خيرا أانك تساعديننا على تنظيم امور دنيانا حففظك الله وأهلكك وعند الله ستوفين الجزاء الأوفى البيت المنظم والنظيف عنوان مشرف لصااحبته وراحة لأهله لكنني بعد عودتي من العمل لا أاستطيع أن أواكب السرب والالمام بجميع المهام غالبا ما أكتفي بالروتينات ففقط وأطبق ساعة التنظيفات الأسبوعية في عطلة نهاية الاسبوع و الله المستعان
حبيباتي الفراشات أأعانكن الله على ذكره وشكره وحسن عبادته

[ام تينة]

ربي يحفظكن اخواااااااااااااااااااااااااااتي ويرزقكن خيري الدنيا والاخرة

[Sii]

السلام عليكم ورحمة الله وبركاته
مسااااء الخير احلى فراشات
يومي كان كالتالي الصباح نضت على الثامنة فطرت وحطيت الملابس في الماشينة رحت درت توالات تاع البيبي و بدلتلو ورضعتو وحطيتو رقد خملت البيت و رحت الكوزينة طيبت الغدا عدس و طيبت الجاج للعشا ندير مع بطاطا كوشة ان شاء الله
من بعد نشرت القش وزوج تاعي دارلي سبيراتور وانا مسحت الدنيا تغدينا وغسلت الاواني
الجانب الجمالي بعد الغداء درت دوش دافىء و كي كملت دهنت جسمي بحليب الجسم و درت تقشير لوجهي ورطبتو وشربت تيزانة ورضعت بيبي ورقيتو وحطيتو يرقد وراني متكية درك
اللهم اشفنا واشفي مرضانا ومرضى جميع المسلمين يارب