~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[sarsoura23]

سلام لبنات أنا راني من مدة نتبع فيكم بصمت وكل مرة نقول نرد وملقيتش الوقت هدي الدورة رائعة ونتمني تستمر لاحضت غياب الأخت حبيبة ان شاء الله خير وعندي بزاف أشياء نقولهم درك تفكرت غير حاجة وحدة هي انو لفقر الدم وحدة مدت وصفة الكبدة و العصير ووحدة سقسات عليها ادا نية ولا لالا وهل لازم العصير طبيعي انا حبيت نوضحلك وعلاه لازم معاها العصير بالنسبة للكبد يحتوي علي الحديد لي ينحي فقر الدم ولكن لكي يثبث الحديد في الجسم ويستفاد منو لازم الفيتامين س لهادا لازم كي توكلو مصدر للحديد كالكبد ولا العدس وووو لازم توخدو معاه في نفس الوقت مصدر للفيتامين س والا ملقيتيش خله اشري فيتامين س لي يتباع عند الفرماسي و الكبد في رأي تقدري تشويه ,
عندي اقتراح وعلاش متديروش موضوع هنا في رمضان وكل وحدة تحط صور وتدابيير وووو وهو عبارة عن دورة جديدة تكون بعنوان روتيني في رمضان,

[جهينة اليقين]

[sا لحمد لله على سلامة وليدنا ياام هاجر الله يشافيه شفا[ء لا يغادر /سقما]

[جهينة اليقين]

ام لجين الحال من بعضو انا كذلك اليوم ما جاش الخدام وكرزت والزوج كذلك وليت انا نهدي فيه ونقولو ما عليش وقت ما خلصنا ها ذاك هو وانا من الداخل راني نغلي يا اختي الماصو عاد كيم الطبيب سبيسياليست نفششوه ونوكلوه ونشربوه والدراهم كل ما يطلب ويا ربي يرضى علينا ربي يوسع القلوب

[ام محمدْ ومريمْ]

سلام لبنات
اسمحيلي ام متين طولت والله الطابلات خسرتلي وصورت غير بالهاتف كي عاد قلت نحط برنامجي نتاع الاطباق
وبه نكون صريحة انا ميحبوش ياكلو الخضر في رمضان وانا نكلحم اي حاجة فيها لحم مرحي نزيد معاها خضر مرابية في الجهة الرقيقة وميفيقوش

ايه وراني حاطة غير 5ايام وتقريب كل يومين او ثلاث لم واش كاين في الثلاجة وناكلوها

[omelbanin]

حبيباتي لجين وجهينة ،انا واش عانيت من الماصو ، كانو كل ما نلقاو واحد يوعدنا ،ونوجد لفطور وممبعد ما يجيش.
واحد النهار ماصو قال لزوجي خلطلي السيمان والرمل ضرك نجي ،راجلي بيه الفرحة خلط قوجا عجنة وممبعد والله ما جا خسرنا غير السلعة .

[نسمة صبح]

اهلا ام احلام و سارة نورتو

[نسمة صبح]

الحمد لله على سلامة وليدك ام هاجر..و كي جات سلامات ..راهو صغير يبرى ان شاء الله

[arwa alaa]

السلام عليكم يا فراشات سامحوني على الغياب
ام هاجر على سلامت وليدك وربي يقدرك ويجيبلو الشفاء

[omelbanin]

على سلامتك اروى قلتلي مرةانك درتي تاست تاع الحساسية، وسالتك واش مدلكم الطبيب بعدما عرفتو سبب الحساسية ، مدلكم des vaccins ولا شنو.؟

[omelbanin]

يا بنات راهي جايتني وحد الكأبة اليوم، ولادي ما كملوش اختبارات ،بقيت مقيدة ،وزيد كمل علي الجو نتاع اليوم، راني غير نستغفر.

[arwa alaa]

فراشات واش راكم انا اليوم جاوني ضياف على غفلة حتى دقدقو الباب على 11:30
جاب ربي دايرة تليتلي قلت لراجلي جابلي جاجة محمرة درتلها صوص بلخف ودرتها طاجين الشواء وسلاطة والمشكل كي زخلو لقاوني نسيق كانت مزلتلي الكوزينة المراة تبهدلت ولات تقولي اسمحيلنا جينا بلا ما نقولو حبينا نديرو مفاجىة
المهم وكان عندي شوية كروكي حطيت بيه القهوة المهم جازت
على فكرة هاذو موالين راجلي ودايما الي يجي يجي على غفلة باش يشوفو الدنيا كيفاه يعني على الحقيقة وراهم جايين من بعيد هكاك ودايما يديرو حكا

[ام صفصف]

السلام عليكم
ام هارون كملي الاستغفار راو انحي عليك ، رام ايامات برك ويفوتو ،
زيد انا واش نقول بناتي حتى ال23جوان باش يدو العطة

[ام متين]

الحال من بعضو يا ام البنين الجو اليوم ما تفهمي برد اوسخانة وزادت مع المساء المطر بالتراب رحمتك يا الله
وزيد الما الي راح من المساء نتاع امس يعني لا تنظيفات الا الغدا والعشاء وترتيب خفيف لان البارح سيقت البيوت وتقريبا كملت المطبخ
اليوم كما كان مقررفي البرنامج العناية بالنفس والجمال ...لكن صدقوني معطنيش قلبي نتكلم فيه واختنا حياتي كلها امل لاهية بولدها في المستشفى ربي يشفيه

[arwa alaa]

سامحيني ام البنين والله رديت عليك ومعقبش ونسيت نعاود نكتب شوفي يا اختي وليدي مزال صغير ميقدرش يدير وعندو حساسية نتاع البنان والصوف شريتلو كوات نتاع الحساسية والقش كي نغسلو نتاع الصوف نحطو في الكونجيلاتور باش تنقصلو وانا حساسية نتاع حبوب الطلع ومواد التنظيف مزال مدرتش لازم على دفعات وان ا مع البنات ملقيتش روحي بصح يما دارت كاين متوفرين هنا في دزاير ولي مكانش توصي الصيدلي يجيبو
اسمحيلي اختي والله نسيت نعاود نكتبلك راني غير من البورتابل

[omelbanin]

حبيبتي اروى ،كي لقاوك تسيقي معناتها راكي انسانة نقية ،والله راكي قمتي بيهم واش تزيديلهم.
والي يفهم يعذر الي تربي وعندها ذراري صغار.