صفحة خاصة بأعوان الشرطة الدفعة التكميلة و الدفعة الثانية

[thameur83]

المشاركة الأصلية كتبت بواسطة بلقاسمي1991

السلام عليكم أنا من ولاية مستغانم وفوت في في بلعباس ورحت لاأمن الدائرة وقالولي ماكاين ولوا وهذو لي راهم يقولوا وصلونا إستدعائات نقلهم آتوا برهانكم إن كنتم صادقين والله العظيم غير كذب وشهادة زور ستأثمون عليها عند الله تعلى ما عساي أقول لكم سوى الله يهديكم الله يهديكم

استغفر وشهد راك تقذف في الرجال يا صحيبي وانا ماقتلكش جاني استدعاء قتلك رحت ليهم وكومباطيت لتم مانخرجش حتا تقولولي وش كاين مانستناهمش يعيطولي

[كمال1981]

المشاركة الأصلية كتبت بواسطة amarali

........... راني نشوف ناس تقوللك وصلوا الاستدعات نتاع تحقيق...........انا نعرف هم يدروا تحقيق بلا مايخبروك

يا شريكي راه مازال ما كان والو اصبر برك بالاك هذا الاسبوع كاش ما يبان
و نزيدلك حاجة تعرف واحد يقولولو طيبي بوعلام ولا لا و راه عندهم مطعم امام القوس تاع اولف

[thameur83]

ولا اللي يقول الجديد هنا كذاب و ماشي راجل هاي ليكم الله يسهل على كل واحد نشوف مصلحتي وحدي

[أمينوو]

اخوتي انا لاعلاقة لي بالموضوع لكن هناك شخص معروف فالمنتدى وراه دخل مع الدفعة الاولى هما السطاج رايحين ايديروه في 6 اشهر وراه خبر رسمي صح.......اما بخصوص الدفعة الثانية بلاك تاريخ الدخول هو 4 اكتوبر كما سمع من المدرسة الي راه فيها .....يعني 6 اشهر راني متأكد منها لانوا هوا بعد راه فيها بصح تاريخ 4 نقولوا بلي راه 80 بالمائة................وبالتوفيق للجميع

[boughnibachi]

بسم الله الرحمان الرحيم
والصلاة والسلام على أشرف المرسلين أما بعد

نحن في ولاية أدرار يوم الاحد أنديرو لونكان إن شاء الله ياجماعة ألي قلت بلي مكان والي كاين الجديد إن شاء اللله يوم الأحد أنديريو لونكات
والستاج راهوا 06 أشهر
والدخول أخبار تقول مع بداية أكتوبر لكن الخبر الصحيح هو في بداية نوفمبر
أتمنى لكل ألي جاته لونكات التوفيق إن شاء الله تعالى وشكرا

[titou01]

اخي الله يفرحك. ولي راه يقول مزال يروح يدبر على راسه باش يقولوله لانو نتائج خرجت

[جمال ليفربول]

الحمد الله نجحت ونشكر ربي على هدي الخدمة

[كمال1981]

السلام عليكم
واش راكم خاوتنا الشرطة و الامن
الجديد= لحد الساعة لا يوجد جديد في ولاية سطيف و لكن اخر الاخبار من وحدة المنصورة تاكد انه هناك جديد و لكن الجديد لا يعني كل الناس و انما قائمة صغيرة او احتياطية من الدفعة الثانية لان الدفعة الاولى كل من شارك في مسابقة الرياضة قبلوه و بالتالي لا يوجد عندهم قائمة احتياطية و ان التدريب 6 اشهر حقيقة و ليس كذب و يتدربون شهرين ثم يخرجون شهر واحد تطبيقي و يعودون الى الوحدة شهر للدروس ثم يخرجون الى التطبيقي 3 اشهر و عند الخروج للتطبيقي 3 اشهر تدخل الدفعة الثانية و للعلم ان جميع الوحدات ليست ممتلئة فالمنصورة مثلا مازالت تحتاج 32 فرد و فيس ديس بباتنة اخر الاخبار تفيد بان 40 فرد قدمو استقالتهم ..............الخ و ان دخول القائمة الاحتياطية في هذا الاسبوع او الاسبوع القادم وارد جدا فنرجو من الله ان نكون من الناجحين ان شاء الله
ملاحظة=
ارجو من الاخوة عدم الوقوف كثيرا هذه الايام لان الوقوف يؤدي الى ضهور ليفاريز و هم غير مقبولين و هي اولى توجه الطبيب اليهم فارجو الاستماع الى هذه النصيحة
كل هذا الكلام هو من عند عمال وحدة المنصورة و الله شاهد على كلامهم
شكرا

[boughnibachi]

بسم الله الرحمان الرحيم

اللهم صلي وسلم على سيدنا محمد وعلى أله وصحبه أجمعين
أما بعد
حسب مايبدو لي أن الدخلة حقيقة هذه الأيام إن شاء الله رغم نقص في العدد أي الدفعة الأولى
حتى النسبة التي لاحظتنا نسبة ضعيفة جدا نحن عندنا في أدرار عدد الناجحين هو 30 فقط كم قد صرحو به في عدة ولايات
ويقال أنه هناك دفعة أخرى الله أعلم
المهم نستنتج من كل ماسبق أن 80بمئة الدخلة في بداية أكتوبر بالنسبة للقائمة التي الأن بين أيدينا في كل ولاية لايتجاوز العدد 30 ناجح
فهذه الفئة التي نجحت سوف يندمجوها مع الدفعة الأولى لأنها ناقصة العدد
وبالتالي لم يبقى بين الدخلة سوى خيوط بيضاء
نتمنى أن نكون من يسمعون القول ويحسنون به

[mouadh200]

الخبر اليقين كاين جماعة عيطوهم قالولهم جيبولنا عدة وثائق
هذه الجماعة مبروك عليهم والعقوبة لينا ربي يجيبها في الصواب

[kokomani01]

مبروك عليك يا جمال ليفربول ولعقوبة لينا إنشاء الله

[جمال ليفربول]

المشاركة الأصلية كتبت بواسطة kokomani01

مبروك عليك يا جمال ليفربول ولعقوبة لينا إنشاء الله

الله يسلمك والعقوبة للجميع ان شاء الله

[zaki10]

المشاركة الأصلية كتبت بواسطة كمال1981

السلام عليكم
واش راكم خاوتنا الشرطة و الامن
الجديد= لحد الساعة لا يوجد جديد في ولاية سطيف و لكن اخر الاخبار من وحدة المنصورة تاكد انه هناك جديد و لكن الجديد لا يعني كل الناس و انما قائمة صغيرة او احتياطية من الدفعة الثانية لان الدفعة الاولى كل من شارك في مسابقة الرياضة قبلوه و بالتالي لا يوجد عندهم قائمة احتياطية و ان التدريب 6 اشهر حقيقة و ليس كذب و يتدربون شهرين ثم يخرجون شهر واحد تطبيقي و يعودون الى الوحدة شهر للدروس ثم يخرجون الى التطبيقي 3 اشهر و عند الخروج للتطبيقي 3 اشهر تدخل الدفعة الثانية و للعلم ان جميع الوحدات ليست ممتلئة فالمنصورة مثلا مازالت تحتاج 32 فرد و فيس ديس بباتنة اخر الاخبار تفيد بان 40 فرد قدمو استقالتهم ..............الخ و ان دخول القائمة الاحتياطية في هذا الاسبوع او الاسبوع القادم وارد جدا فنرجو من الله ان نكون من الناجحين ان شاء الله
ملاحظة=
ارجو من الاخوة عدم الوقوف كثيرا هذه الايام لان الوقوف يؤدي الى ضهور ليفاريز و هم غير مقبولين و هي اولى توجه الطبيب اليهم فارجو الاستماع الى هذه النصيحة
كل هذا الكلام هو من عند عمال وحدة المنصورة و الله شاهد على كلامهم
شكرا

السلام عليكم
في بعص الولايات رهم يدرو لونكلت و لكن بعثو غير قائمة صغيرة هل يعني ان هناك دفعة ثانية لان هناك كلام في الشارع يقول ان هناك دفعاة ثانية و الله اعلم هل هذا صحيح .

[mouadh200]

المشاركة الأصلية كتبت بواسطة zaki10

السلام عليكم
في بعص الولايات رهم يدرو لونكلت و لكن بعثو غير قائمة صغيرة هل يعني ان هناك دفعة ثانية لان هناك كلام في الشارع يقول ان هناك دفعاة ثانية و الله اعلم هل هذا صحيح .

هذا وين عيطت ل drh قالي ما كاين حتى قائمة اخرى

[كمال1981]

المشاركة الأصلية كتبت بواسطة zaki10

السلام عليكم
في بعص الولايات رهم يدرو لونكلت و لكن بعثو غير قائمة صغيرة هل يعني ان هناك دفعة ثانية لان هناك كلام في الشارع يقول ان هناك دفعاة ثانية و الله اعلم هل هذا صحيح .

السلام عليكم
شوف خويا انت ما تامن حتى واحد الناس لي تقول ما كانش دفعة ثانية خلي تقول على روحها انا نقولك بلي راهي مازالت دفعة ثانية و متاكد من الكلام الذي اقوله لك اصبر برك و تشوف هذي لي بعثو راهي قائمة احتياطية للدفعة الاولى اما الدفعة الثانية انتظر و سترى انه هناك دفعة اخرى
المهم نحن في الانتضار و انت تحب تبع كلامي معنديش مشكل تحب متبعش كيف كيف انا هذا الكلام راه لوجه الله و انت وجهت كلامك لي و انا اجاوبك و السلام عليكم و ربي يوفقك ان شاء الله