۞۞۞ سكنــــــــــــــات عـــــــــــــــــدل ۞۞۞ (لكل إستفساراتكم و أسئلتكم تفضلوا هنا)

[ام عبدو و ملاك]

اذا دفعت في الشطر الاول 21 مليون الشطر الثاني رايح يكون 10 ملاين ونصف و اذا دفعت في الشطر الاول 27 مليون رايح يكون الشطر الثاني 13 مليون و نصف يعني المبلغ رايح يكون نصف مبلغ الشطر الاول

[kokotg]

المشاركة الأصلية كتبت بواسطة المعلمة الجديدة

اذا دفعت في الشطر الاول 21 مليون الشطر الثاني رايح يكون 10 ملاين ونصف و اذا دفعت في الشطر الاول 27 مليون رايح يكون الشطر الثاني 13 مليون و نصف يعني المبلغ رايح يكون نصف مبلغ الشطر الاول

ربي يحفظك دفعت واحد وعشرين

[radiasiham]

السلام عليكم ورحمة الله وبركاته
اختي في الله هبة الرحمان لقد اغلقتي كل الابواب في وجهي هل يعقل ان يتم الغاء طلبي لا لشيء الا لان زوجي كان يملك قطعة ارض اشتراها بحر ماله وباعها ليستثمر ماله اللذي خسره فيما بعد في مشروع عام 2006 أي قبل التسجيل في عدل 2 c'est pas logique sachant que nous n'avons aucun bien à l'instant ni terrain ni appartement soubhen lah wa bihamdihi koulech fi yed rabi

[(( هبة الرحمن ))]

المشاركة الأصلية كتبت بواسطة kokotg

ربي يحفظك دفعت واحد وعشرين

راح تدفعي عشرة ملايين ونصف مليون

[(( هبة الرحمن ))]

المشاركة الأصلية كتبت بواسطة radiasiham

السلام عليكم ورحمة الله وبركاته
اختي في الله هبة الرحمان لقد اغلقتي كل الابواب في وجهي هل يعقل ان يتم الغاء طلبي لا لشيء الا لان زوجي كان يملك قطعة ارض اشتراها بحر ماله وباعها ليستثمر ماله اللذي خسره فيما بعد في مشروع عام 2006 أي قبل التسجيل في عدل 2 c'est pas logique sachant que nous n'avons aucun bien à l'instant ni terrain ni appartement soubhen lah wa bihamdihi koulech fi yed rabi

وعليكم السلام ورحمة الله وبركاته

ربي يعوضك خير منها إن شاء الله

حتى أنا زميلتي معلمة وزوجها أستاذ ثانوي احنا نسكنوا في الشمال وزوجها راح يدرس في الجنوب المرتب الشهري زادله شوية كي دمجوا المرتبين ( يعني راتب الزوجين ) وجدوه 11 مليون تم رفض الملف ...الله يرحم والديك ناس عندهم أولاد حتى ولو الدخل 11 مليون نحسبوها بالمنطق: كاريين سكن 2 ملاين ...مصروف الشهر ...كل هذا نقولوا يوصل 6 ملاين ....يبقى 6 او 5 فالشهر ...لوكان يخبو فالعام راح يذاخروا 50 مليون .....السكن راه من 800 مليون للفوق ..شحال لازم من عام 15 حتى 20 سنة باش يلحقوا سكن ...

[radiasiham]

اختى هبة راني نقلك كان عند و تراب و باعه في نفس السنة 2006 الان معندنا والو.....هل سنقصى?

[(( هبة الرحمن ))]

المشاركة الأصلية كتبت بواسطة radiasiham

اختى هبة راني نقلك كان عند و تراب و باعه في نفس السنة 2006 الان معندنا والو.....هل سنقصى?

نعم اختي حتى ولو باعها تخرج في شهادة السلبية.

[louli2007]

السلام عليكم ورحمة الله وبركاته
راني باغيه نسأل عن مشر وع سكنات عدل للمهاجرين,,,,,,,يعني سمعت أنو رح يديرو سكنات عدل للمغتربين
هل هاد الشي صحيح أو غير إشاعات

[ام البنوتة]

بالنسبة لاخي :
ماهو الوضع مع شهادة السلبية في حالة امتلاك الزوجة لمحل تجاري اشترته من ديوان الترقية و التسيير العقاري..هل شهادة السلبية تهم فقط في حالة امتلاك سكن او شقة او قطعة ارض ام يدخل ضمنها محل تجاري مساحته 26 م

[radiasiham]

سيدي juriste ماذا يقصد ب:
المكتتب لا يملك أو لم يسبق له أن تملك هو أو زوجه ملكية كاملة, قطعة ارض صالحة للبناء أو عقارا ذا استعمال سكني, ولم يستفد كلاهما من مساعدة مالية من الدولة لبناء مسكن أو شرائه

- عبارة: لا يملك أو لم يسبق له أن تملك, هل هذاه العبارة تعني انه
من تملك في السابق ولا يملك حاليا او لم يسبق له أن تملك
كلا هما له الحق في الاستفادة ام تقتصر على الذي لم يسبق له أن تملك فقط

[ام عبدو و ملاك]

المشاركة الأصلية كتبت بواسطة ام البنوتة

بالنسبة لاخي :
ماهو الوضع مع شهادة السلبية في حالة امتلاك الزوجة لمحل تجاري اشترته من ديوان الترقية و التسيير العقاري..هل شهادة السلبية تهم فقط في حالة امتلاك سكن او شقة او قطعة ارض ام يدخل ضمنها محل تجاري مساحته 26 م

السلبية تظهر فقط السكن او قطعة ارض و الله اعلم

[oum mouhamed l3id]

السلام عليكم اخت راني حابة نسقسيك. زوجي راه داير و خلصنا شطر الاول وحنا كنا ساكنين. في دار شيخي. كي. توفى طالبت اخت زوجي بحقها هي شقة ودرك باعوها عنها واحد شهر و نص ضرك كيفاش. يقصوه و لا. جاوبيني. اانا حايرين ربي يخليك

[ام عبدو و ملاك]

المشاركة الأصلية كتبت بواسطة oum mouhamed l3id

السلام عليكم اخت راني حابة نسقسيك. زوجي راه داير و خلصنا شطر الاول وحنا كنا ساكنين. في دار شيخي. كي. توفى طالبت اخت زوجي بحقها هي شقة ودرك باعوها عنها واحد شهر و نص ضرك كيفاش. يقصوه و لا. جاوبيني. اانا حايرين ربي يخليك

يا اختي وزير السكن قالها بصريح العبارة اللي عندو ورث و يكون شقة مقسمة بين الاخوة ولا قطعة ارض صغيرة يعني ما تكفيش باه يتبنا فيها سكن و اصحاب الشقق بغرفة واحدة عندهم الحق في السكن يعني بربي ان شاء الله ما ينحيوكمش

[oum mouhamed l3id]

يعطيك الصحة اختي بصح راهي. شقة من 4غرف وهواختو برك هوما. زوج . وهو ماقدرش يشريها عليها وهي ماصصبرتش حتان. بااعوها. وحقو.
مايجيبلوش دار علابييها. رانا خايفين

[radiasiham]

ولي عندو ورث niveau de villa أو مازال مكتوب على اسم باباه المتوفي هذاك راهو مهني راه sure يدي ماشيكيف حالنا شرينا تراب في 2006 مقدرناش نبنوه ولضروف ما بعناه في نفس العام قالولي راح نقصى مع العلم لم نستفد من دعم الدولة وليس لنا سكن اوأرض باسمنا حاليا