طـــالبة لهـــا هدف vs المُعــادلة الصّعــبة

[طالبة لها هدف]

المشاركة الأصلية كتبت بواسطة مريم المتفائلة

اجمعيييييييييييييييين


تعبت والله

لا عليك ليس الامر سوى اختبار دنيوي قاومي
فانت اقوى من هذا

[المُعادلة الصّعبة]

يا لطيييييف راني نشرب فالقهوة غصبا عن وجهي

هاذا كامل باش نسهر
حاشا طعام ربي مانحبهاش ما فاها حتى بنة ما تشبه لوالو

[المُعادلة الصّعبة]

راني ساهره بصح والله ماعندي حتى فكره على واش رح نقرا هههههه
وش ندير مثلا !! توحشت الفيزيا منعرف نقراها ولا ندير علوووووووم وييي علوووم نحل عقريبووووووووووو

[طالبة لها هدف]

اقراي علوم و كمليها بالخف
انا راني مع الجيولوجيا
ما فهتش الدرس رحت للتمارين بديت نفهم خخخ نشوف الحل -_-

[المُعادلة الصّعبة]

لن انتظر الفرصة حتى ترأف بي

بل اصنعها بالاصرار الملتهبي
راني نسمع فيها ضرك
اعمارنا اعمالنا وبها سمت اسماؤنا نمضي وتبقى ها هنا
كل واحد يحاول يخلي بصمتو في هذا العالم خاوتي
بصمتو الخاصة تاعو وحدو مش حتى تاع واحد اخر
اصنعوا حاجه جديده في حياتكم حاجة تحسسكم بلي فعلا انتم عندكم اثر في الحياة هذي

حاجه تخلي ثقتكم في نفسكم تزيد اكثر
انو انت و لا انتي في يوم ما صبرت وقاومت وجاهدت و تقطع شعرك مع السماطه تاع فلسفه واجتماعيات وحليت تمارين وشبت وطبت و وليت مشتاق نوم و في النهايه وصلت لوين حاب
انما النصر صبر ساعه
صدقوني ماكانش حاجه ما تفوتش في الدنيا هذي
كل مر سيمر
كلش يفوت ويتنسى لذلك اصبروا برك اصبروا وقاوموا
يجي نهار هاذي اللحظات كامل تولي في خبر كان
نوليوا نقولوا كنا وكنا وكنا

عام الباك بالذات رح تتوحشوه بحلاوتو ومرارتو
كل شعور مريتو بيه في هذا العام رح تشتاقولو وما راحش يتعاود خطره اخرى
لذلك اجعلوا الخاتمه تاعو ما تتنساش حتى هي
صدقوني رانا نعيشوا في اجمل ايام حياتنا ايه اجمل ايام حياتنا
بالرغم من السوفرونس والكرهة لي عايشينها وحاسينها بصح صدقوني هذي يوما ما تولي من اعز الايام لي نفتقدوها ونفتقدوا جوها وطعمها

ديروا حاجه انجاز في حياتكم خليوها كي المغامرة
ماراكم خاسرين والو
ولا تحسبوا كاين حاجه تجي بلا تعب ؟ انساوها هاذي
ماتجيكمش على طبق من ذهب
عادي جدا ماناش اول واحد يعقب الباك ويتعب هاذي هي راهم آلاف وملايين لي جوزوه قبلنا

خليوها تجربة جديده في حياتكم اصلا هذي هي الدنيا تعب وتعاريك معاها وصبر وجبيد شعر وفاللخر لازم انت تنتصر عليها

[jë suîs comçà]

انا راني مع العلووووووووووم
الوحدة 1

[طالبة لها هدف]

هههههه ريان كنت نعسانة نوضتيني -_-
والله صاي ا بب عندك الحق
كيما قاتلي اية مقبيل نسهروا و نتمرمدوا هاد 20 جور و ما نتمرمدوش حياتنا كامل و حنا في شيء كان و كانه لم يكن

[طالبة لها هدف]

الجيولوجيا يا انا يا نتي الليلة هاذي
نفهمك نقتلك نشنشفك ما نفهمش
خصني نقتلك الليلة هاذي اطونسيون تلعبي معايا والله ما تعرفيني -_- ابقاي عاقلة شيغي ايواااااااااااااه هكاك

[~ شُـمــــــوخٌ ~]

يعطيك الصحة ريان حفزتينيييي
لبنات وش راكم تقراو
انا مع الاجتماعيات كيما قالت ريان نقطع في شعري معاها ههه

[طالبة لها هدف]

المشاركة الأصلية كتبت بواسطة ~ شُـمــــــوخٌ ~

يعطيك الصحة ريان حفزتينيييي
لبنات وش راكم تقراو
انا مع الاجتماعيات كيما قالت ريان نقطع في شعري معاها ههه

جيولوجيا زينوبة هاذي غيبة بب

[المُعادلة الصّعبة]

ههههههههههههههههههههههههه والله ضحكتيني هههههههههههههههههههههههه نقطع في شعري معاها تخيلتك هههههههههههههههه ياخي قصة ياخي
وقيلا رح نكتب موضوع انا ضرك نفرغ قلبي شوية ونحفز روحي ونحاول نحفزكم ههههه

[~ شُـمــــــوخٌ ~]

اهلا لينة والله مع الباك بلوون ورمضان ملقيتش روحي نفطر من نرقد من ايا رجعت للقهوة
ريان اضحكي مليح ههههه

لبنات حابة نستشيركم غدوة نعقب على 8 وش رايكم نسهر ليوم ولا لا خفت نسهر بزاف نتعب غدوة

[طالبة لها هدف]

المشاركة الأصلية كتبت بواسطة ~ شُـمــــــوخٌ ~

اهلا لينة والله مع الباك بلوون ورمضان ملقيتش روحي نفطر من نرقد من ايا رجعت للقهوة
ريان اضحكي مليح ههههه

لبنات حابة نستشيركم غدوة نعقب على 8 وش رايكم نسهر ليوم ولا لا خفت نسهر بزاف نتعب غدوة

انا نهار العلوم والله غير لل4 هه و رحت نورمال مي كي رجعت طحت قراف للنوم ديراكت

[jë suîs comçà]

لووووووووووينتا تسهرو لبنات

[المُعادلة الصّعبة]

نورمال اجتماعيات ؟ عادي حتى لاكان تعبتي ما تتعبيش ياسر
نقلك التعب وقتاش يطيح عليك ؟ كي توصلي للدار ديراكت وتلبسي قش الدار تتكاي صاي ما يبقاش فيك
بصح فالليسي والله ما تتعبي بزاف
اصلا ليلة وتفوت اذا حابه تسهري اسهري نورمال وكي ترجعي للدار ارقدي

عادي