دورة " ربات بيوت واثقااااااات"

[rowaida18]

فطائر روعة و ساهلين جربوهم
الوصفة الأولى جربتها شخصيا خرجت هايلة..............





هذا هو الرابط


https://www.dztu.be/watch?v=UQog8iMu9Cw

و هذا أيضا لفطائر لأخت مغربية أخرى

https://www.dztu.be/watch?v=NdU6-z2HQ6g

و وجدت ايضا فيديو لعجينة متعددة الإستعمالات

https://www.dztu.be/watch?v=1Lo4Rp4cawA

[rowaida18]

المشاركة الأصلية كتبت بواسطة ام شمسو محمد

السلام عليكم
اسعد الله بالخير اوقاتكم فرااااشاااات .....كيف الأحوال ..نتمنى تكونو كامل بخير ..

مع هذا البرد كاش نشاط ...مزلتو ملتزمين بالروتينات ...المسائية و الصباحية و الأسبوعية و الترتيب اليومي ..مع قصر اليوم راكم لاحقين

البرد هذا ينفع في العبادات و الطاعات.... يمد لذة ...الغنيمة الباردة ...نتمنى يوفقنا ربي و نخطفو ايامات صيام و قيام و قران و اذكار ...

و طبعا مع البرد نكثفو العناية للشعر و البشرة ..لانهم يجفو و يتضررو من هذا الفصل ...

اهم شي المحافظة على البيت النظيف تماما و المرتب دائما و تكوني منظمة في وجباتك و واجباتك و مسيطرة على كل التفاصيل اللي تهم مصلحة افراد اسرتك و منزلك ...و ماتنسايش ابدا حظ نفسك من الراحة و المتعة هذو الوقود اللي تواجهي بيه مسؤولياتك

الحمد لله
البرد غير هو و لاكن مع الأولاد بالدراع عليك تقومي و تخدمي و تطيبي و تجهزي الخ...............................
الروتينيات اليومية الحمد لله غيرولنا نمط حياتنا نحو الأحسن و العبادة نحن في جهاد دائم قدر المستطاع ......كما ذكرت من قبل.................
و ربي يعينا على عبادته و إلى ما فيه خير دنيانا و آخرتنا....................

[أم *عائشة*]

ﻋﻦ ï؛ƒï»§ï؛² ï؛‘ﻦ ﻣï؛ژï»ںï»ڑ، ï»—ï؛ژï»‌: ï»—ï؛ژï»‌ ï؛*ï؛³ï»®ï»‌ ï؛چï»ںï»*ï»ھ ï؛»ï»*ï»° ï؛چï»ںï»*ï»ھ ﻋï»*ï»´ï»ھ
ï»*ï؛³ï»*ﻢ: " ï؛‡ï»¥ ﻣﻦ ï؛ƒï؛·ï؛®ï؛چï»پ ï؛چï»ںï؛´ï؛ژﻋï؛”: ï؛ƒï»¥ ﻳï؛®ï»“ï»ٹ ï؛چï»ںﻌï»*ﻢ ï»*ﻳï؛œï؛’ï؛–
". ï؛چï»ںï؛*ﻬï»‍، ï»*ﻳï؛¸ï؛®ï؛ڈ ï؛چï»ںï؛¨ï»¤ï؛®، ï»*ﻳﻈﻬï؛® ï؛چï»ںï؛°ï»§ï؛ژ
(80) ï؛*ï»*ï؛چﻩ ï؛چï»ںï؛’ï؛¨ï؛ژï؛*ï»±
اللهم ثبتنا

[قرويجة]

السلام عليكم فراشات.....
إن شاء الله تكونو بخير نتمنالكم يوم موفق ومتنساوش الصلاة على من بكى ليرانا
اللهم صلي و سلم و زد و بارك على حبيبك محمد

[ام شمسو محمد]

السلام عليكم فراااشااات ..كيف الحال ..

ربي يمتعكم جميعا بالصحة و العافية ..و نبقاو واقفين على رجلينا و قايمين بيوتنا و لادنا ...و لكن المعرفة دائما مليحة ...خصوصا و اننا نساء ..و نتعرضو للكثير من الظواهر اللي لازم نفسروها و نكونو عارفين واش راه يصيرلنا ..

وقعت على وثيقة بيداغوجية ..عجبتني و اعتبرتها مفيدة و حبيت تستفادو منها ..اسمها اعرفي ليمونتك ...هي عبارة عن مخطط توضيحي لاعراض سرطان الثدي عافانا الله و اياكم منو ...يقدم تفاصيل ممكن تنفع في حالات الشك و التشخيص ..اقترح انو جميعا نحتفظو بنسخة في هواتفنا او اجهزتنا ..و انو نبقاو دائما يقظين و حذرين ...خصوصا و انو الأكيد رانا كامل نعرفو قريبا او صديقات اصابهم هذا البلاء و كيفاش اثر كثيرا على حياتهم

على اني نرجع نقول انو المؤمن ما يكونش هلوع ...حتى وجود هذه الاعراض ما يعنيش دائما الإصابة بالمرض ..و لكن اذا طولت الاثار اعرضي نفسك على طبيبة للاطمئنان ...


و هذا مخطط توضيحي لمسار الفحص و التشخيص في حال معاينة الاعراض ...مع التأكيد انو الوعي الصحي و الكشف المبكر فعالين جدا في القضاء على هذي الافة اللي استفحلت في هذا الزمن ....اسال الله العافية لنا و لكم ...و الشفاء لكل المصابات

[ام شمسو محمد]

رويدا كي حكيتي على الفطائر فكرتيني باكلة شعبية عندنا سقساتني عليها مرة ام محمد و جهينة هي سلاطة مهراس ...طبق شعبي و بسيط و حميمي ..و ماكانش عندنا في مسيلة اللي ما يثيرش فيه ذكريات رائعة من الزمن الجميل ...الشي اللي نستغربو في هذي الاكلات هو رغم بساطة المكونات تلقاي طعم ماتوصلوش ابدا اشهى الاطباق العصرية و نتساءل هنا هل السبب في رفعة المذاق هو الوصفة ام المزاج ....في منطقتي لطالما كان هذا الطبق رمز للكرم و الحفاوة و العفوية...لانك في أي لحظة تقدري تعرضي أي شخص على هذا الطبق ...مش كيما ذرك عدنا لازم تستناي حتى يكون عندك اللحم او تحيري في المنيو اللي تحضريه ...و كذلك نحطوه للضيف في كل ساعة من ليل او نهار ما يرتبطش بوجبة معينة ...و لطالما كانت الصورة النمطية للجدات هي ...كانون وطاجين و مهراس ...و الام تهرس و ولادها الشباب و صحابهم دايرين بالمهراس ...كاينين حتى اللي يتناولو السلاطة بيديهم مش بالمغرفة ..و يقولو بلي هكذا الذ ....ورغم تغير الظروف و تبدل الزمن مزلنا متمسكين بقوة بهذا الطبق و ماكانش دار تقريبا مافيهاش مهراس خشبي ...و مازالو شاباتنا حريصات على تعلم هذي الوصفة ..لانو باش تكوني فحلة لازم تكوني تعرفي طيبي سلاطة ...و كي عريس جديد يحب يتكسل بطياب مرتو يعرض صحابو على سلاطة مهراس حارة...و الكثير من الاسر احد طقوسها الأسبوعية هو غداء الجمعة اللي يكون سلاطة مهراس و اللبن ...مهما كان مستواك الاجتماعي ..

هذي هي اللي يسموها في بوسعادة زفيطي ...



اليكم الوصفة ..

طريقة التحضير

والان اليكم المقادير وكيفية الاستعمال :

- خبزة ونصف كسرة = سميد + ماء + ملح .

تخلط هذه المواد مع بعضها وتعجن جيدا ثم تتطهى في الطاجين الطيني.

- 250 غ فلفل حار = نقوم بشواء الفلفل وننزع منه البذور والقشور ثم نهرسه جيدا مع القليل من الثوم والكسبرة والملح .

- 500 غ طماطم كعبات = تشوى وتنزع منها القشور ثم نهرسها جيدا

- نصف لتر ماء ساخن

- رأس ثوم

- ربع ربطة كسبرة أو 50 غ كسبر حبيبات

-طماطم مصبرة ملعقة أو أثنين

طريقة الطهي :

أولا نحطو الثوم و الفلف و الطماطم في المهراس الخشبي. ونضيف اليها الكسرة المفتتة .
ونقوم بهرس هذه المكونات جيدا نضيف ملعقة أو اثنين طماطم مصبرة .
ثم نضيف الماء بكميات قليلة أي أننا بين الحين والآخر من عملية الهرس
نقوم بإضافة كمية من الماء الساخن. ثم نقوم بإضافةالكسبرة والملح . ونتم عملية الهرس


للامانة لقيت الصورة والوصفة هنا في احد المنتديات ..و عدلت فيها على طريقتنا ..
https://www.djelfa.info/vb/showthread.php?t=1006001

[ليمونة مجنونة]

جزاكي الله خير وجعل هذه المبادرة الطيبة من ميزان حسنتك وهل يمكنن الانظمام معكم ربي يخليك ويحفظك

[جهينة اليقين]

السلام عليكم واش احوالكم حبيباتي جمعة مباركة لا تنسوا سورة الكهف والصلاة على حبيبنا رسول الله

[جهينة اليقين]

هيه ام متين صبحتي راقدة وين راكي اليوم

[جهينة اليقين]

شكرا لك ام شمسو على الزفيطي نسمع بيه شهيتينا مع الصباح مكونات بسيطة وسهلة وصحية لكن لو كان ما تديروش الطماطم المصبرة يكون اصح

[حياتي كلها امل]

السلام عليكم شكرا ام شمسو على النصائح وعلى وصفة السفيطي الي راني متمنيا انذوقو
اهلا جهينة كيف احوالك
اختي ليمونة المجنونة اهلا تنورينا حبيبتي
يارب يرجع الاقصى وفلسطين الي احضان المسلمين لاتنسوهم من دعائكم

[نصارنصار]

راني متاخرة جدا في الانظمام الموضوع قيم

[Sii]

السلام عليكن اخواتي العزيزات واش راكم
قلولي واش بيه ابن اروى لانو لاحظت انكم تسالو عليه ان شاء الله خير

[Sii]

يا ام شمسو الغالية شحال سخفتيني في الزفيطي ممممم بارك الله فيك على الوصفة

[haninefadwa]

السلام عليكن ورحمة الله وبركاته كيف حالكن أخواتي اشتقت اليكن كثيرا أرجو أن تكن في أحسن حال أود أن أشكر كل من ساهمت في اثراء هذه الصفحات لأنها أخرجتني من جحيم الفوضى والإرتجال إلى راحة النظام و ما أدراك ما النظام ..............
وإن كان كل شيء نظيف في بيتي ولكن الفوضي تخفي ذلك البريق وتحجب كل بصمة جمالية
بعد تتبعي لهذه الأوراق اكتسبت العديد من الأفكار في التنظيم والترتيب فجزاكن الله عنا خيرا و أدعوا الله لكن بالإستمرارية والنجاح هذا ما أملكه لأشكركن أخواتي