~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[arwa alaa]

السلام عليكم اهلين بهطلة شتقنا لوجودك يا ام صابرين توحشناك وتوحشنا تطبيقاتك

[omelbanin]

يا ختي يا ام راضية، انا نضطر نخبي ، بي غير وحدي كي يكونو جايين ضياف ،ما نلحقش ،نقول اوموا نخبي شوية حلوة باش نوجد غير كاش مشروب والشاي

[arwa alaa]

شكرا لكل من اجاب على سوالي لاني موالفة ندير بوراك الرنة وقريوش انا نسخف عليها ومنبعد منكلهاش وندير شوية قطايف لانو زوجي كي يجي من التراويح ياكل شوية حلويات ووحدة محلبي وميسحرش وانا منكلش في السهرة ونسحر ديسار وبريوش بالحليب وانتوما كيفاه تديرو

[arwa alaa]

ام متين والله انا نخاف من شريانو كون تشوفي يخرف عليه رمضان ويبدى غير يلم غير اغلطي برك وبعثيه لكاش بلاصة ...........هههههه
كل رمضان يقولك خلاص المرة هاذي منضلش نشري ومنبعد ........نولي منبعثوش على قد مقدرت

[arwa alaa]

ام البنين شكون ام راضية راهي الحالة تخلطتلي
والله انا ميجيني حتى واحد لاننا نسكنو بعاد على الاهل ومنخالطش الجيران بصح ندير لزوج نحاول نعمرلوالسنيوة لانو هذاك هو سحورو

[omelbanin]

ختي اروى ،،ام راضية هي جهينة ،... انا نرقد مور التراويح ،ونوض للسحور انا زوجي (انا كون مانتسحرش نهبل ) انا نشرب الحليب والتمر وشوية قهوة ،وفاكهة خاصة الدلاع ،وزوجي يتسحر بالطعام وزبيب واللبن.

[arwa alaa]

حنونتي ام راضيةوالله مضطرين اننا نوجدو ونخبيومع حدوك لفلالس وزاد خوهم راهم خرجوني من عقلي قبل كنت نهار بنهار القاطو .

والمعجنات نخدمهم جدد كل يوم بيومو غير السلاطة مشوية والطماطم نديرهم من قبل والسلاطة نخبي غي المجمد غير الفلفل والطماطم نشوي كل يوم لانو زوجي لازم جاري وبوراك وشباح وكسرة سخونة كل يوم وانا منقدرش كل يوم نقلي الشباح وندير السلاطة ............منلحقشوالدوزيام بلا في الاول يقولي ديري نهار بنهار ومنبعد يولي كل يوم تنفحلو على حاجة ويخرف عليه رمضان
وتان نقص المصروف كي نوجد في الدار ميروحش يلملي الحانوت كامل

[arwa alaa]

ام البنين حنا تان نرقدو بعد التراويح منسهروش ولكن زوجي ياكل شوية حلويات وقلب اللوز ومحلبي ويرقد وانا وياه نوضو نصليو انا نتسحر ديسار وحليب بالبريوش وهو يشرب غير الماء يقولك كي ناكل منقدرش نرجع نرقد ونصبح خدام وانا نسخف علي المسفوف ونتفنين نديرو ليا وحدي ...........والله سعات نحب ناكل حوايج وكي الجماعة متكلهاش نقول نتعب على جالي هيا مكالاه

[oum sabrin]

بعدما نظفت غرفة ابنائي و رتبت خزانتهم كما سبق و وضعته في تقرير سابق رتبت بلاكار غرفتهم هو متكون من 3 اجزاء الجزء الاول فيه الافرشة و الجزء الاوسط كان فيه تلفاز نحيتو من مدة بحكم اني ضد فكرة التلفاز في غرفة الاطفال و حبيت نديرو كمكتبة صغيرة لكتب بنتي و ادواتها الخ و لكن حتى هذه المرة باش تقعدتلو دارلي فيه زوجي رف يعني قسمتو على 2 و غلفت الرف بالورق الاصق و كذلك ارضيته رتبت الكتب المدرسية بجهة و القصص و كتب التلوين و غيرها بجهة و جدول التوقيت طبعا كنت خدمتو من قبل و لصقتو الان السنة الدراسية خلاصت
خذيت علبة من الكرتون و غلفتها بنفس الورق الاصق المتبقي ووضعت فيها الحروف الهجائية الاصقة الخاصة بسبورة بنتي ووضعتها على الرف ليسهل استعماله و ما تضيعش
الرف السفلي هو في الحقيقة مخصص لادوات زكريا مستقبلا حاليا وضعت فيه علبة ارشيف تحتوي ادوات ابنتي الخاصة بالروضة يعني خليتها لزكريا
و كذا سلة صغيرة فيها مشط و شوشوات بنتي
اما الجزء السفلي و الاخير فهو مخصص لالعاب ابنائي عاودت فرزتهم و عندي ما رميت العاب مكسرة و غير صالحة و لي بقاتلي رتبتها البعض داخل السلة و البعض الاخر في علب بلاستيكية
كما توضح الصور

IMG]https://www10.0zz0.com/2016/05/26/22/372305476.jpg[/IMG]

البارح انتقلت لغرفة عجوزتي الله يرحمها درتلها تنظيف عميق
نزعت الثريا غسلتها و جففتها نزعت الستائر و كل الاكسسوارات و غسلتها
نظفت اولا السقف
غسلت النافذة و بورت فوناتخ و الباب ثم الحيطان سيقت الارضية عميقا و جوزت نشاف خفيف على كل المنزل ما كملتش حتى 14 دوش و ريحت شويا طيبت قهوة و عاودت فرشتها و اليوم درت غرفة نومي كذلك عميقا لكنني ما صورتش الالة ديشارجاتلي المهم درت نفس الشي نزع الثريا و غسلها مسح السقف مسح الغبار و تنظيف اعلى الخزانة مع وضع ورق جريدة نظيف لحماتها من الغبار
تنظيف بورت فوناتخ و الباب غسل الحيطان و تنظيف الارضية عميقا و في المساء فرشتها قبل ما يرجع زوجي ممن العمل

هذا القريوش الي درتو للوستي جبتهولكم تحليو بيه ما جيتش يديا فارغين

[ام صفصف]

السلام توحشتكم جيت نطل عليكم
ام هارون ربي يتقبل وصح فطورك
اروى راني حطيت شوي تقرير
ام راضية ربي يعاونك
راني مع لعشا درت كارنتيكا وجاج ومع المراجعة تاع لبنات
الا خلاتني بنتي فالسهرة نحط بقية التقري وواش نحضر لرمضان
سلام

[omelbanin]

حبيبتي ام صابرين حليتيهانا ربي يخلي ايامك كلها حلوة ،يعطيك الصحة على الاعمال لي قمت بيها . وعلى لقريوش .
تصبحوا بالف خييييير

[oum sabrin]

الله يسلمك حبيبتي ام البنين بصحتكم تصبحي بالف خير
ام صفصف ربي يوفق بناتك
حبيبتي اروى ترحب بيك الجنة و بصحتك التحضيرات غير بلعقل برك ان شاء الله يكونو البنات ريحو شويا
انا الان باقيلي الكولواغ و الحمام و المرحاض اكلرمكم الله + غسل الزرابي نحاول نكملهم هذا الويكاند باش نتفرغ الاسبوع القادم لتحضيرات رمضان انا نحضر شليطة و نديرها في علب صغيرة و كل يوم نجبد و نحط تبقى على حالها و ندير عجينة مورقة و نقسمها و نديرها في المجمد للمقبلات و نحضر فون دو تارت و نخبيهم في علبة و كي نسحق نجبد نحضر فقط الكريمة و نزينهم و كذلك ندير عجينة الفيلو نستعملها للصامصة او السيقار
نجمد سشويا جلبانة و ننطيب الحمص نصف طياب و نجمدو كذلك هذا واش تفكرت ان شاء الله يكفيني الوقت و نوجدهم مع المراجعة اليومية لبنتي باش ما تنساش تبدا الامتحانات 5 جوان
تصبحن على الف خير

[ام صفصف]

ام صبرين شكرا على الدعاء ربي يحفظلك اولياتك
راكي منورةالصفحة مشاء الله عليك وزيد جبتي معاك الحماس

[omelbanin]

اللهم بك اصبحنا وبك امسينا وبك نحيا وبك نموت واليك النشور.

[omelbanin]

اللهم صل على سيدنا محمد وعلى اله وصحبه اجمعين .
جمعة مباركة للجميع.