الى ام اسيد1 وكل وحدة حاصلة واش الطيب

[mon espoir]

السلام عليكن لبنات..يعطيك الصخة ام حمزة.. كل يوم دبارة..ما شاء الله..راني نقول في بالي الركن هذا لازم يسموه مع ام حمزة كل يوم دبارة..ربي يباركلك في صحتك.. واش راها بنتك.ان شاء. الله احسن.. اسمحيلي راني كيما هذاك اللي يسموه ديما روتار..كي رديت اخر مرة.. و رجعت للصفحة باش عرفت بلي قراجمها يضرو..الملح ثاني مليح تغرغر ببه قداه من مرة..وديريلها عسل مع القارص..طهورا ان شاء الله.
درك نديرك شوي تصاور و كاين اللي ما لقيتهمش راهي بنتي تبربش في بورتابل.. كاين الي تسيبريمو.

[mon espoir]

هذه بعض من الصور المضحكة

[mon espoir]

وهذه أخرى. كاين اللي ماحبش يقبلهم يقولي y have not permission to acces. This document ما فهمتش وعلاه

[hanane09]

صباحكم بالخير ام حمزة ربي يشفي ابنتك اه انا تاني بنتي مقلقتني الكحة محبتش تروحل ها من الطبيب لطبيب او مراحتش ربي يشفي كل مريض
غزالة الصحراء والله راكي ضحكتني mon espoireشكرا على astuce ام هديل الخل ديره مع الما وتغرغري ومليح للاطفال

[ام هاديل وياسين]

صباح الخير على الجميع ام حمزة ان الله بنتك ارتاحت شوية طمنينا عليه الاخت الي حطت اطباقها الله يبارك

اللهم ادمها نعمة وحفظها من الزوال ام حمزة عجبتني طريقتك في تحماس السميد فكرة مليحة يعطيك الصحة

حنان الخل انا كي نديرو وحدو وتغرغري بيه وللاطفال ولدي مرة حكموه ولله غير الماء ماقدرش يفوتو كان عمرو اقل من 10
سنوات جربتولو ولله غير ارتاح منهم يجوه مرات بصح خفاف ميمرضوش بزاف بصح مع المداومة ولله غير تلقاي بلاوي تخرج من الحلق
وربي يرزق الشفاء لكل مريض يومكم موفق حبيباتي

[mon espoir]

صباح ارق من الندى. و صرف الله عنكم كل اذئ..و هذا فطور الصباح لاحلئ عضوات طبق تاع فطاير..كابن اللي يقولهم خفاف..

[ام حمزة22]

المشاركة الأصلية كتبت بواسطة mon espoir

هذه بعض من الصور المضحكة

المشاركة الأصلية كتبت بواسطة mon espoir

وهذه أخرى. كاين اللي ماحبش يقبلهم يقولي y have not permission to acces. This document ما فهمتش وعلاه

المشاركة الأصلية كتبت بواسطة mon espoir

صباح ارق من الندى. و صرف الله عنكم كل اذئ..و هذا فطور الصباح لاحلئ عضوات طبق تاع فطاير..كابن اللي يقولهم خفاف..

بصحتكم mon espoir
اطباق رائعة
طبق ابنك رائع بصحتو هو تان

[ام حمزة22]

المشاركة الأصلية كتبت بواسطة hanane09

صباحكم بالخير ام حمزة ربي يشفي ابنتك اه انا تاني بنتي مقلقتني الكحة محبتش تروحل ها من الطبيب لطبيب او مراحتش ربي يشفي كل مريض
غزالة الصحراء والله راكي ضحكتني mon espoireشكرا على astuce ام هديل الخل ديره مع الما وتغرغري ومليح للاطفال

المشاركة الأصلية كتبت بواسطة om hadil

صباح الخير على الجميع ام حمزة ان الله بنتك ارتاحت شوية طمنينا عليه الاخت الي حطت اطباقها الله يبارك

اللهم ادمها نعمة وحفظها من الزوال ام حمزة عجبتني طريقتك في تحماس السميد فكرة مليحة يعطيك الصحة

حنان الخل انا كي نديرو وحدو وتغرغري بيه وللاطفال ولدي مرة حكموه ولله غير الماء ماقدرش يفوتو كان عمرو اقل من 10
سنوات جربتولو ولله غير ارتاح منهم يجوه مرات بصح خفاف ميمرضوش بزاف بصح مع المداومة ولله غير تلقاي بلاوي تخرج من الحلق
وربي يرزق الشفاء لكل مريض يومكم موفق حبيباتي

صباحكم اسعد حبيباتي
شكرا على السؤال بنتي تحسنت والحمد الله
ربي يجيب شفاء العاجل لبنتك حنان السعلة صامطة الا جات بسيف لا تروح

[ام حمزة22]

لبنات انا اليوم طيبت رشتة
طيبتها فطور وعشاء باه ما نزيدش لعشية ندخل للمطبخ
علابالي حلاوتها لعشية


وبمناسبة المولد النبوي الشريف نقوللكم كل عام وانتم وكل عائلتكم بالف خير
ربي ينورها علينا دنيا وآخرة

[mon espoir]

iهذا ارز بالتمر.. درتو لولدي..راني حاصلة معاه ما حب ياكول والو..شفت هذا في الانترنات ياخي عجبو.

هذا عشانا تاع البارح درت بركوكوش و سلاطة خضراء و قرنون ما حبتش صورة القرنون تخرج.. راني فتحتهم كالورود.. هاها


هذا كسكسي غدا امس.. تضحكي عليا.. نحساب امس الجمعة.. و داخلة عليها جمعة مباركة ..ما دختوش فيها..انا كل جمعة ندير كسكي.. غير امبعد باش فقت بلي اليوم الخميس.. راجلي يموت على الكسكسي.. الاكلة الوحيدة اللي ما يملش منها.




و الصور الاخرى ما خرجتش تاع الروز الجربي .. راهو طبق هايل حمرت معاه الدجاج.. و درت الكيك.. كي عرفت بلي لمة في دار خويا..قلت نديه معايا خفت ما يكفيش وليت قصيتو مربعات و سقيتو بشربات مخلط مع عصير برتقال و درتو ف لي قوبلي بالترتيب كرام شنتي كيك ,كريمة فانواز كيك.. الخ




الله يسلمك حبيبتي راني خليتلك المومو تاع القرنون ليك. راهو في الصورة ما خرجتيهاش الى الملتقى

[*أم جابر*]

السلام عليكم ورحمة الله و بركاته
mon espoir يعطيك الصحة على الاطباق ماشاء الله
ام حمزة بصحتكم الرشتة

[mon espoir]

الله يسلمك اختي ام اسيد راني نصور و نضحك.. و نقول والله غير مليحة فكرة التصوار.

[بيلسان91]

مساء الخير ام حمزة
وش راكي وش راهم الاولاد نتمنى تكونونا كل بخير
صح مولدك
تعرفي اليوم درت قاطو تاع ام اماني هاو ليك الرابط
https://www.djelfa.info/vb/showthread.php?t=1448943

كالعادة لقيت مشكل مي معرفتش اصلا وش هو المشكل

مشكلتي اني درت العجينة تاع القاطو نورمال وحطيتها فمول السيليكون وحطتها في بلاتو تاع الفور وعمرت البلاطو تاع الفور بالماء بش ميتحرقش مول السيليكون
هنا كلش عادي جدا
مي ريقلت الفور 20 دقيقة وعلى درجة 180بش يطيب القاطو وحطيتو ملتحت قلت كي يطيب ملتحت نقلبو لفوق
من 11و45 الى غاية 13و30 والقاطو فالفور محبش يطيب
وكي ندخل الموس نلقاه مازال عجينة كما راهو
حرت كفاش وحبس مخي وملقيتش الحل
وليت جبتو وضاع جهدي وتعبي هكاك
ميتكلش القاطو
قوليلي المشكلة واااين

[mon espoir]

سلام اختي بيلسان..صلي على. النبي..باش نقولك راني درت القاطو هذا من قبل..بصح ما فهمتش وعلاه درتي الما في البلا..علاه كاين في الوصفة.؟ اذا كاين انا مادرتش.قلقت منو في الاول.. على. خاطر يحب بال واسع..خسرولي قداه من حبة على خاطر حسبت 8دقائق لكن كل فرن وحرارتو.. انا شدلي وقت اكتر..بلاك 15د

[mon espoir]

راني رجعت للوصفة ما فيهاش انك تحطي المول في الما. حطيه كيما راه في البلا..و من بعد كي تكملي و ديريلو نستلي و اللوزة يجيك يم يم يهبل.. ان شاء. الله. تنجحي فيه. اسمحيلي اختي ام حمزة كي جاوبت في بلاصتك..على خاطر جربتو و حليت نقولها على حكاية الما.