همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[~ حراير ~]

سبحان الله ام ياسين كنت داخلة نسقسي عليك و على ياسين حتى لقيتك هنا
نقاط ياسين ماشاء الله عجبوني بزاف
راهو ماشاء الله عليه
سلمي عليه و باركيلو على نقاطه المليحة انا عن نفسي عجبتني راه في تحسن ماشاء الله تبارك الرحمن عليه

[~ حراير ~]

السلام عليكم و رحمة الله تعالى و بركاته

من 3 ايام و انا حابة نحط التقرير تاعي على شاكلة تقرير اغيلاس و خولة
و لكني راح نعفيكم من اني ندوخلكم راسكم بحكاية متشابكة الخيوط
و على رأي المتنبي
الحزن يقلق والتجمل يردع *** والدمع بينهما عصي طيع
لأنه 3 ايام فاتت بكاء و مرض و تعب نفسي و كملها اليوم نائب المديرمع اريج و كيما قاتلي شبعت بكاء

الي يهم درك انه الحمدلله رب العالمين
اريج ضمنت باذن الله 10 في الرايضيات
و كل تمارينات الفرنسية صحاح و حتى التعبير مليح و يادرى وش يعطوها عليه
اما اللغة فغلطت في كلمة واحدة في جملة المطلوب تحويلها
اما التعبير او الوضعية عن نفسي عجبتني و الله اعلم
انا نقول حاجة برك قلتها من قبل انا و ام ياسين و منى الله يذكرها بالخير
و هي المداومة على حل المواضيع و المداومة على قراءة اي شيئ فهموه او ينتظر فهمه

المهم اسمحولي بزاف والله اني تعبانة اليوم و مريضة و الا نقلكم حاجة غايضتني عمري
باذن الرحمن غدوة ان شاء الله نحط الإمتحانات في 3
اذا ما بانوش في هاد الصور

سلامي للجميع

[عطوفة]

المشاركة الأصلية كتبت بواسطة ~~ أغيلاس ~~

السلام عليكم و رحمة الله و بركاته،
كتبوا لهم 13h و النصف و خولة عند الحل اكتبت بثلاطش أوغ و لم تحتسب ثلاثين مينوت، زملاؤها تنبهو أما هي فـ !!! لما أخبرتها قبل لحظات انهمرت الدموع و تملكها ألم في المعدة، طبعا شرعت في رفع المعنويات و التّصبير ! يجب علينا أن نرضى بقضاء الله و قدره ! كانت تكرر : لمذا دائما لا أتحصل على 10 في اختبار الرياضيات ؟ لأنها تتحصل على 10 في الفروض.
ــــــــــــــــــ
الأستاذين الكريمين ربي يبارك فيكما؛
التلميذ لما يدير عملية ناقص فقط و الباقي خطأ كون المعطيات خرجها غالطة هل ممكن يمنحه المصحح 0.25 لأنه دار عملية ناقص ؟
أيضا؛ ممكن تصحيح وضعية خولة في اللغة العربية و تقييمها من 4 ؟

الوضعية :
لي زميلة لا تحب المطالعة و تحاول في كل مرة أن تتهرب منها .
ذات يوم و عندما كنا نتجاذب أطراف الحديث سألتها عن سبب كرهها للمطالعة فكان جوابها هو أن المطالعة لا تفيدنا في أي شيء فقلت لها أنت مخطئة يا صديقتي فللمطالعة فوائد عظيمة في حياتنا عندنما نطالع نستمتع و في نفس الوقت ننمي رصيدنا اللغوي و (ننمي) نثري معارفنا في شتى المجالات و نصبح أكثر فصاحة من ذي قبل و نتعرف على حضارات قديمة في قراءة كتب التاريخ .
لذا احرص يا صديقتي على قراءة أكبر عدد من القصص و الروايات التي فيها فوائد و عبر .

وعليكم السلام ورحمة الله وبركاته
مساء الخير على الجميع .
خولة سهت عن كتابة نصف السّاعة: 30min ونسيت وضعه في العملية وهذا راجع لضغط الاختبارات عليها .. لكن العملية ركّبتها صح ..وهذا التّمرين عليه 1.5
لذا فهي حسب سلم التّنقيط ستأخذ عليه نصف العلامة 0.75
يجب عليهامستقبلا قراءة التّمرين جيّدا واستخراج المعطيات والمطالب على المسودّة حتى وإن كان معطى واحد ومطلب واحد ...لا نستهين بأي تمرين ولو كان بسييييييييييييطا

بالنّسبة للوضعية الإدماجية في اللّغة فهي قد ألمّت بكل جوانبها ووظّفت ما طلب منهافقط نسيت وضع الشّاهد وأظنّ أنّها لو فكرت فيه لوجدت الكثير من الشّواهد الخاصة بالقراءة والمطالعة
وعليه موضوع خوخة جيّد كالعادة ولها العلامة 3.75 من4
بارك الله فيك بنيتي وربي ينورك .....

[عطوفة]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته

من 3 ايام و انا حابة نحط التقرير تاعي على شاكلة تقرير اغيلاس و خولة
و لكني راح نعفيكم من اني ندوخلكم راسكم بحكاية متشابكة الخيوط
و على رأي المتنبي
الحزن يقلق والتجمل يردع *** والدمع بينهما عصي طيع
لأنه 3 ايام فاتت بكاء و مرض و تعب نفسي و كملها اليوم نائب المديرمع اريج و كيما قاتلي شبعت بكاء

الي يهم درك انه الحمدلله رب العالمين
اريج ضمنت باذن الله 10 في الرايضيات
و كل تمارينات الفرنسية صحاح و حتى التعبير مليح و يادرى وش يعطوها عليه
اما اللغة فغلطت في كلمة واحدة في جملة المطلوب تحويلها
اما التعبير او الوضعية عن نفسي عجبتني و الله اعلم
انا نقول حاجة برك قلتها من قبل انا و ام ياسين و منى الله يذكرها بالخير
و هي المداومة على حل المواضيع و المداومة على قراءة اي شيئ فهموه او ينتظر فهمه

المهم اسمحولي بزاف والله اني تعبانة اليوم و مريضة و الا نقلكم حاجة غايضتني عمري
باذن الرحمن غدوة ان شاء الله نحط الإمتحانات في 3
اذا ما بانوش في هاد الصور





سلامي للجميع

وعليكم السلام ورحمة الله وبركاته
أختي العزيزة خيرا إن شاء الله.. راني تحيرت ما تخلينيش هكا
ما حدث حتى تتأثري وأريج هكذا؟؟؟!!أخبرينا وضعي تقريرك بسرعة. حسيت بيك قلقانة بزاف ...
وأريج الله يبارك .. ما شاء الله عليها .. راني متبعا أخبارها فعلاماتها جيّدة والحمد لله ....
نتمنى تكون الأولى في قسمها
ولي عودة مرة أخرى ..
إليك بهذا الدعاءعزيزتي :
اللّهم أعوذ بك من :

[أم الولدين]

السلام عليكم
الاستادة عطوووفة بارك الله فيك على الشرح الوافي و الكافي
ام ياسين ماشاء الله علامات ياسين تحسنت مزيييد من التالق ان شاء الله
ام ارييييج ربي يحفظها تبارك الله ادن عالاماتها ممتازة ربي يسهل
البقية نسيت واش قرييت راسي راه فيه 10 اليوم بفضل الله انتهت الامتحانات

راني نستنى في أخبار يونس.

أم الولدين بالتوفيق لولدك غدوة إن شاء الله يفرحك

أيضا بالتوفيق ليونس في اختبار الخميس،

جزاكم الله خيرا على الدعوات
ولله الحمد و المنة اليوم آخر يوم وكان ماشاء الله يوم مفرح بفضل الله
الرياضيات اهم شيئ يخيفني تحصل يونس على 10 هم 3 عشرات فقط و البقية عالامات بين المتوسط و دون المتوسط
وكما توقعت كانت اسئلة حول الكسور امس كنت جد قلقلة واش كنت نعرف و نسيت هههه ولكن اعطاهم مجموعه
من الكسور و يرتبوها الى كسور تساوي ال 1 و الاكبر من 1 و الاقل من 1
اما اللغة و لله الحمد و المنة 8.5 كاعلى عالامة تليها 7.75 اعرابه ماشاء الله كالعادة كله صحيح فقط خطا طفيف
غلط في التحويل انك تسيطرين ......... و انك ستملكين ............ جملة طويلة و يونس غلط في تسيطرين قالي ظننت حذف النون
في الفعل المضارع اختلطت عليه المفاهيم ......
و باقي المواد 9.5 بالاسلامية كانت اول مادة وغضبت وحتى هو تقلق لانه اول مرة في 4 سنين يتحصل في مادة التربية الاسلامية على اقل من 10
و باقي المواد ماشاء الله **** 9.75 *****و 10
بقي كما دكرت اختي سيرين الرتبة اليوم المساء مادة الرسم لست ادري النقطة و التقويم اهم شيئ ليحسم الامر
المهم نعترف انه كان اسبوع ضغط كبيييير لست ادري الصراحة هل الضغط نحن صانعوه ام لابد من الوقوف الى جانب التلميذ ودعمه وتتبعه
لهذه الدرجة
ربي يهسل و يوفق اولادكم جمييييعا واوالا و اخيرا نسال الله تعالى ان يبارك لنا فيهم و يجعلهم درية صالحة بااارة و يحفظهم من كل سوء

[serine alger]

الأخت*yacidani*بصحتو ياسين راهو ماشاء الله.ان شاء الله في الفصل الثالث يكون أحسن من الثاني

الأخت**أريج المسك**يالله هات التقرير رانا نستناو. رانا عايلة واحدة اللي يفرحك يفرحنا واللي يزعفك يزعفنا.

الأخت**أم الولدين**ما شاء الله على يونس علاماتو ممتازة ان شاء الله يكون في المرتبة الأولى.
و بالنسبة لعادل المنافسة راهي قوية لأنها بين 5 أو 6 تلاميذ. بصراحة كلهم بنفس المستوى.يعني اللي يحتل المرتبة الأولى المعدل تاعو يكون قريب من الثاني والثالث.....الخ. والان زاد عليا الننوس الصغير **يونس** اللي عداه عادل ونهار كامل وهو يقولي **ماما قولي ان شاء الله أنجي الأول باش نسبق أميرة**أميرة هادي زميلتو**. بالتوفيق لجميع التلاميذ وخصوصا تلاميذ همزة وصل.

[عطوفة]

المشاركة الأصلية كتبت بواسطة ام امجد14

الى تقدر تعاونى ما تبخلنيش بنتى هيبة العام الجاى ان شاء الله عندها سنة الاولى عندها الحق تدخل على 5 سنين لان والد نتاعها استاد
لكن ما عندهاش الحق فى التحضيرى
يعنى السنة الجاية اولى ديراكت واما دخلتهاش حضانة دخلتها للجامع تقرا القران واش تنصحونى
واش هى الاساسيات الى لازم تتعلمهم
رانى حاسة غادى تدخل كيما الاطرش فى الزفة واش لازم على نعلمها

أختي أم أمجد نصيحتي لك لا تسجلي كوثر في السنة الأولى .
خليها السنة المقبلة إن شاء الله في التحضيري تتعلم المبادئ الأولية للتربية.. و تندمج شيئا فشيئا في الوسط المدرسي ..
وفي السنة الأولى تكون مهيأة ذهنيا وجسديا لتلقي الدروس ..وما أكثرها :
فمعلم السنة الأولى يعاني أكثر مع التلاميذ الذين لم يمروا على التحضيري ....

أنا أيضا سجلت إبني في التحضيري وقد أكمل البارحة فقط 5 سنوات .ما شاء الله .
.

[*أم كوثر*]

السلام عليكم
قريت الصفحات لي فاتو
وماقدرتش نقتبس
المهم اختي اريج نورمالمو انت لي ديري الكوراج لبنتك ماتبينيلهااش
اختي ام الولدين ماشاء الله على ابنك ربي يفرحك بيه

اختي ام سيرين فكرتيني بملاك بنتي
العام الماضي وهد العام دايما رتبتها الاولى
منين تدخل وتجيب النقطة تقلي ماما جبت 10 وغير انا بررررررررك لي جبت 10 بفرحة ماتتصوريهاش
لوكان تدي 9.5 تقلي معليش راني فايتة ضياء الدين ==منافسها== في الفروض
ربي ينجحهم

كوثر عمرها ' 4سنوات و' 4اشهر
دخلتها مدرسة قرآنية ومعلمتها ماشاء الله
اتحفظهم الادعية والاحاديث والاداب العامة
والارقام والحروف وتحفظهم القران

الان راهم في سورة البينة قريب يكملوها
في الاول كنت مترددة لان كوثر من زادت وهي مريضة حتى خروجها ولعبها كان قليل جدا
في البداية كانت تحفظ عادي لكن لما بداتلهم الكتابة واجهت صعوبة كبيرة لدرجة اني يئست وقلت نحبسها حتى العام الجاي

لكن بفضل ربي سبحانو وشوية صبر راهي تكتب الحروف والاعداد الان وتحفظ عادي

منعرف ادا العام الجاي يقبلوها في التحضيري ام لا لان عمرها يكون وقتها 4 سنوات و 10 اشهر
'درتلكم ارشيف
ــــــــــــــــــ
المفيد هاهم امتحانات سيرين رياضيات وفرنسية

[عطوفة]

المشاركة الأصلية كتبت بواسطة *أم كوثر*

اختي عطوفة وش عاملة مع تلاميذك وخلصتوا والا مازال؟

شكرا لك أختي أم كوثر ..لقد هدأ البركان الذي كان يغلي في صدري والحمد لله ..
صبت النقاط أمس وسيتسلمون كشوفهم الأسبوع المقبل بحول الله
انتهت الاختبارات بسلام والنتائج متباينة كاين الي كان هابط وطلع وكاين العكس ..وكاين الي جاني يعتذر لأنه لم يأخذ علامة جيدة ووعدني بها في الفصل الثالث .وهاني نستنا اذا كنا من الحيين هل يوفي بوعده ام لا:1
رانا نساعفوا فيهم وخلاص ..ساعات يغيضوني لأنهم ما درسوش السنة الاولى والثانية مليح بسبب غياب معلمهم
..وجدتهم لما أتيت إلى هذه المدرسة قبل سنتين ضايعين مساكن .. ربي يقدرنا ويوفقهم جميعا في نيل الشهادة وبكل جدارة إن شاء الله ...

[عبد اللطيف مرواني]

رحمة الله على العلم و التعليم بالجزائر ..ابعثوا أبناءكم إلى انجلترا و فرنسا و أمريكا أحسن من الحالة الكارثية التي آلت إليها المدرسة و المُدرّسة الجزائرية .

[~~ أغيلاس ~~]

السلام عليكم و رحمة الله و بركاتت؛

صباحكم سعيد و جمعة مباركة للجميع؛

أم أمجد؛ لم أغفل عن مشاركتك و إنما أخرتها لأنني خشيت أن أطيل و لم يكن بمقدوري الإطالة، أولا ربي يباركلك في أبنائك و ما شاء الله تبارك الله، سورة المائدة، إبداع، يعني عن قريب إن شاء الله سيتم حفظ كتاب الله في هذه السن المبركة، روعةةةةةة، القدرة على الحفظ دليل على أن المخ شغال، يعني عندو ( أمين ) قدرات كبيرة جدا برك راهي مخبية بالأحرى هو راه مخبيها عمدا بسبب التهاون أو معرفش يخرجها لأنه معندوش منهجية، أقول هذا الكلام لأنني أرى تناقضا في علاماته، علامات مواد الحفظ كالتاريخ و الجغرافيا هي علامات الممتازين المثابرين لكن علامة الانجليزية (07) هي علامة اللامبالين، و معلوم أن التلميذ اللي يتبع في القسم و يحل التمارين في المنزل يتحصل على المعدل في الانجليزية، يعني معادلة تناقض العلامات ميحلها غير أمين،

أنت كأم دورك هو التشجيع و التوجيه فقط لأن ابنك الله يبارك راه (14) سنة، يعني قادر يعتمد على نفسه بصفة كلية، يمكن أن نقول أن نجاحه 5 بالمائه بفضل تشجيعك و توجيهك و 95 بالمائة بفضل جهده و مثابرته ( بلا ما ننسى طبعا توفيق الله سبحانه و تعالى )،

كنت راح نقولك أنو من الأفضل دراسة اللغة الأجنبية تكون باللغة الأجنبية لكن ابنك لا يفهم اللغة لكن تذكرت نفسي لما كنت سنة ثامنة (14 سنة ) و درست الانجليزية بمفردي باللغة العربية طبعا، كنا في القسم نأخذ القواعد التي كنت أفهمها مائة مائة أما في المنزل فوجدت مما ورثته عن أخواتي كتاب ( تعلم الانجليزية بنفسك ) به بعض القواعد و مفردات و جمل و نصوص مشروحة بالعربية، كنت أعمد و خاصة اثناء العطل إلى الاكتفاء بقراءة الجمل و الحوارات الانجليزية دون فهم لكن مرة على نرمي عيني إلى المعاني باللغة العربية باش نعرف المعنى، الكتاب بقيت معه سنتين ( سنة ثامنة و تاسعة ) و الحمد لله كانت النتيجة جيدة ( مكنتش نهبط من 19 و 20 في الانجليزية ) و في الأولى ثانوي أول فرض عملناه في الانجليزية تحصلت على 8 من 10 و كنت مصعوقا ( كنت أنتظر على الأقل 9 ) لكن الأستاذة اسرعت إليّ متعجبة، كيف تحصلت على هذه العلامة الممتازة و أنت لا تشارك في القسم مطلقا ؟!!! ( قلتلها في قلبي أنا كنت أنتظر العلامة الكاملة و أنت راكي فرحانة بـ 8 !!! تغلط في كتابة حرف تنحيلك نقطة !!! )،،،،،،، ضربت مثال قريب و هو أنا !!! و مبعدتش باش يعرف ابنك أن نجاحه مرهون بمثابرته و اجتهاده الخاص،

اللغة الفرنسية علامته 10 و هذا يدل على أنه مش مغلوق كليا ( كما يُقال بالدارجة ) و عليه لازم يدخل دروس خصوصية باش يثري القواعد وفق ما يتماشى مع السنة اللي راه فيها، الآن العام الدراسي قريب ينتهي و عليه السنة الرابعة متوسط يدخل دروس خصوصية فرنسية خاصة بـ 4 م ، و أيضا في إجازة الصيف دخلوه لأي مدرسة خاصة لتعليم اللغات أو جمعية تدرس اللغة لفرنسية لتحسين المستوى،،،،،،،،،،،، هذا من جهة،،،،،،،،، و من جهة أخرى أول شيء يقوم به في المنزل هو ضبط برنامج الفرنسية تع رابعة و خامسة ابتدائي لأن دروس السنتين مهمة جدا و تعتبر القاعدة تع الفرنسية، التلميذ لما يضبط هذه الدروس يصير باستطاعته تكوين جمل و فقرات صغيرة دون أخطاء، وكتاش يدير الماجوسكول و وكتاش ميديرش و كتاش يدير النقطة و وكتاش دير الفاصلة، لو غاديكال ( أصل الكلمة ) اللي من خلاله يتعرف على مختلف الكلمات اللي لها نفس الأصل و حتى لو صادفاتو كلمة جديدة يقدر يعرف معناها لأن لها نفس الأصل تع كلمة من عائلتها يعرفها مسبقا، إلى غيرها من الدروس المهمة جدا جدا، و اثناء دراسته لدروس القواعد طبعا يكون القاموس ( قديما ) و غوغل المترجم ( في الوقت الراهن ) بجانبه باش يترجم أي كلمة مفهمهاش و يضمها إلى رصيده اللغوي هكذا باش يولي يفهم تدريجيا،،،،،،،،،،،، نقطة اخرى مهمة لفهم اللغة و هي قراءة النصوص باستمرار، نصوص السنة الرابعة و الخامسة في مجموعها أكثر من أربعين نصا، يبدأ تدريجيا من أول نص و يشرح كلماته كلمة كلمة ثم يقوم بقراءته باستمرار، باش يتعود على القراءة و باش يرسخ الفهم، ممكن في الأول تكون صعوبة لأن المخ إن صح التعبير مش متعود على هذه اللغة لكن بعد ثلاثة اشهر أربعة اشهر بالمداومة راح تصير هناك تعود و ألفة كبيرة جدا، في الأشهر الأولى ميهمش، نص واحد في خمسة عشر يوما معليش، المهم المداومة و الاستمرارية،

تعلم اللغة اللغة لا يكون في شهر أو شهرين و إنما سنوات، المهم الشخص يبدأ و يكثف البرنامج و يتعب، أما اللي يحب يتعلم و هو لا يتبع منهجية محددة، و يفتح الكتاب و الكراس مرة واحدة أو مرتين في الاسبوع فهذا ضرب من المحال،،،،،،،،،، كما يُقال بالدارجة : اللي يحب الشباح ما يول أح،

و قيل :

لا تحسِبنّ المجد تمرا أنت آكله ... لن تبلغ المجد حتى تلعق الصّبرَ

يبدو أنني أطلت كالعادة !

[~ حراير ~]

السلام عليكم و رحمة الله تعالى و بركاته

صباحكم بالخير و الهناء و نهاركم طيب و زين

وخيتي عطوفة و يا لعزيزة و يا لحبيبة سامحيني ياسر و الله لا يحيرك و لا يغيب عليك لا حبيب و لا صديق اللهم آمين
دعائك ديما يأثر فيا و نحسك تقولشي طالة على قلبي
كيما قال عمر ابن الخطاب مانحملش هم الاستجابة نحمل هم اني نلقى الدعاء و الكلام تاعه
و انت ماشاء الله لا قوة الا بالله عليك
تطلي على قلبي و تهدري
ربي يحفظك و يخليك و يعليك اللهم آمين

في الحق والله ماحبيت اني نحكي لأنه شيئ فات و الحمدلله و لكن ...
مساء اثنين اريج قعدت تشكي من الم في بطنها و تبكي قلتلها نطلبو سيارةو نديك للطبيب و هي تقولي لالا و من بعد قلتلها خلاص غدوة الصباح نديك للطبيب لكنها الصباح ما حبتش و اصرت انها تروح للمدرسة جا في بالي انا انه الخوف من الإمتحان
عاودت لبست و رحت معاها و قعدت نتكلم مع معلمها في حضورها و قتله راهي ماتحبسش من المراجعة و هو يقلي التحسن تاعها ابهرني ووو المهم انه قلت نرفعلها معنوياتها
في المساء نفس الشيئ الام في بطنها و تبكي و وحهها تصفار و تخضار تحدثت معاها مطولا قلتلها راهو امتحان عادي و ما تخافيش و قعدت نتمسخر معاها و من بعد قاتلي وعلاش ماما انا خايفة من امتحان ؟؟؟ انا اصلا نموت بالضحك على لبنات الي يخافو؟؟؟ مالا وش بيك بنيتي قاتلي والو كرشي توجع فيا برك يمكن كثرت من الياغورت
قلتلها خلاص غدوة ما تروحيش "على يوم الأربعاء" و جات باش تنظم المكتب من الأدوات قلتلها خلي برك درك انا نديرهولك المهم اني لقيت كتاب الذكريات تاعها " و بكل صراحة انا موالفة نتجسس عليه اذا ماكتبتش معاها"
فم عرفت بنيتي مسكينة بيها كل وحش والدها لقيتها كاتبة شبه خاطرة
بابا حبيبي محتاجة ليك تكون قريب مني كيما راني نحتاج للماء و الهواء محتاجة لحضنك يدفيني كيما تدفي الدجاجة بيضها محتاجة نقول بابا و ترجعلي بكلامك او بصراخك المهم تتكلم معايا .....
المهم انه كلام طويل هاد وش تذكرت منه
في الحقيقة اني تزعزت من داخل و من اعماق قلبي
خاصة انه كاتبة انها لقات صورتو هنا في المنتدى العسكري و انها كي شافت الصورة ماعرفتش تفرح انه والدها "مشهور" او انها تبكي لأنها اشتاقتلو
على هك قلتلكم "غايضتني عمري" حسيت بنتي كبرت بزاف كبرت عليا حتى انا لانها عرفت تعبر وش في قلبها و في نفس الوقت انها عبرت لكراسها و ما تحدثتش معايا عكس مار انا متعودين
المهم انه يوم الأربعاء خرجتها دراع شريتلها بعض الإكسسورارت و صاك باهي
و كي روحنا توقعت انه تكون مليحة مع دخلنا رجعتلها نوبة البكاء
فم قلتلها استغلي حزنك و تعبك و المك باش تحوليه لحاجة تفرحي بيها و فتحت المنتدى و قرينا قصة اديسون مع بعض رجعتلها شوية الروح
فوتت لعشية كامل و هي تحل في الوضعيات
و من بعد قلت نستعين بصديق
اتصلت بصديقتي و تكلمت معاها في الس ك ي ب بدلت عليها الجو و ضحكت اريج اخيرا و قعدت تخير معاها وش تلبس ليوم الخميس المهم انه ماخلاتهاش حتان لـ 9 و نص مباشرة رقدت
الصباح لبست باش نروح معاها الا انها رفضت و راحت مع الوقت تماما "و هي غلطة في الحق"
كي وصلت و دخلت لقسمها قالتلها المعلمة لا انت مش في هاد القسم عيات اريج و زملائها يقنعو في المعلمة الا انها قالتلها لا روحي للقسم الآخر
راحت اريج و جلسيت و وزعو اوراق الإمتحان
حتى جاء المدير و النائب تاعه
بدا يقرا في الأسماء في الأخير قاتلو اريج ماذكرتش اسمي
كي حوس عليه لقاها في القسم الآخر مع زملائها
قالها ازربي روحي لهيه "قبل مايجي المفتش"
قاتلي اريج خفت يجي المفتش و يخرجني صرت نجري و من بعد و هي خارجة حكمها نايب المدير و صرخ في وجهها قالها يخي امس فهمناكم
قاتلو غبت امس بدا يصرخ عليها و قالها هاد اهمال الي مانحبوش و وعلاش تغيبي في يوم مصيري وووو قاتلي صرت نبكي نبكي و نشهق وماقدرتش نجاوبو
حتان جا معلمها و قالو راهي كانت مريضة و تحضنها باش يسكتها قاتلو مابكيتش على صراخه
بكيت لأنه كون جا بابا معايا راهو ماتجرأش انه يصرخ عليا بهاد الطريقة
قاتلي كي رحت للقسم الآخر و حليت و كملت و ماحبيتش نخرج "مكرة" المهم انه المعلمة قالتلها راني نزيدك خمس دقائق
قالتلها اريج هذا حقي و سمعت المدير كي قالك زيديلها "بنتي استسأدت فوق اللازم" و جات المعلمة تساعدها قاتلي فم خرجت باش حد مايقول عاونتها مسكينة
اما امتحان الرياضيات قاتلي انه بعد ما حلت و كملت ثان ماحبتش تخرج و تكمل كل وقتها المهم انه المعلمة اشارتلهم او لمحتلهم عاى تمرين الوقت
قاتلي اريج فرحت اني كنت صحيحة
كي روحت روحت عينيها يبرقو من الفرحة و الحمدلله لكن لما بدات تحكيلي وش دار معاها نائب المدير استعجبت انها مش تحكي بحرقة بلعكس تحكي و هي حاسة بانتصار
لعشية بعد امتحان الفرنسية قاتلي تفكرت حليش نهار ضربوه في مصر قلتلها و انا ثان حسيتك كيفهم تخدمي مليح في الظروف الصعبة
و قعدت مطولا و هي تكتب في كتاب الذكريات تاعها؟؟؟
هاد هو تقريري المطول هو صح ماعندوش علاقة بالدراسة وماعنده ماراح يفيد
على هك نقلكم حاجة باش يكون يصلح بهمزة وصل
اول حاجة على التلاميذ انهم يروحو قبل الوقت بشوية
................ هيهيهيه والله هاد وش تفكرت
بالمناسبة اريج امس الخميس تكون من اربعة اسابيع تماما ما سمعتش صوت والدها

اسمحولي بزاف و سلامي للجميع

[~ حراير ~]

وضعية اريج
صف حادث مرور وقع في حيكم .... موظفا صفة و حال

أصبحت حوادث المرور في بلادنا كثيرة "حال" وتخلف قتلى و جرحى أخطر و اكثر مما تخلفه الحروب و هذا رغم الاعلانات و التوجيهات التي تقوم بها وسائل الاعلام المختلفة عن مخاطر السرعة و التهور في القيادة
في احد الأيام خرجت من المدرسة و بقيت انظر لإشارة المرور البرتقالية كيف سيتغير لونها و تتوقف السايرات و انا اردد في نفسي المقولة الشهيرة "لا تسرع فعائلتك في انتظارك" و التي نجدها في كل مكان لتنبيه السائقين
و عندما اشتعل الضوء الأحمر رأيت عجوزا يريد قطع الطريق و من هناك قادمة سيارة مسرعة "صفة" و بينما اقتربت السيارة لم يرها العجوز قطع الطريق، و في بضعة دقائق صدمت السيارة تلك العجوز، و قد رأيته يتألم و دمه يسيل على الإسفلت و الناس حوله يصرخون على السائق المجنون "صفة" ثم جاءت سيارة الإسعاف و اخذت العجوز للمستشفى و بقي الناس يضربون ايديهم على بعضها و يسبون سائق السيارة المتهور. فقلت في نفسي : "هل يا ترى سائق السيارة لم يرى اشارة المرور الحمراء، او انه لا يعرف ان الضوء الأحمر يعني توقف السيارات و اصبح الدور للمارين و ان اللون الأخضر يعني تفضل بالعبور "
ام انه لم يتذكر انه " في التأني السلامة و في العجلة الندامة"
يا سيدي السائق "اذا وصلت متأخر خير لك من ان لا تصل ابدا"

هاد هو تعبيرها راني عارفتها بعدت شوية و رجعاته مش نص لوصف حادث نص للنصيحة . و غلطت في "كثيرة" مش حال انما هي خبر لكن انا عن نفسي اعجبني و فرحت بيه
الي مابين"" كلهم اقتباسات حملتهم من هنا من المنتدى
اما تعبير الفرنسية امس و هي ترتب غرفتها يبدو انها رماته
لكن كيما قاتلي انه سهل عليهم بزاف بعلبة الكلمات و برسم الحيوان المطلوب

[ام الزهراء]

السلام عليكم وجمعة مباركة على الجميع

في البداية تصفحت كل الردود السابقة وكان بودي ان ارد على الكل لكنني انتهيت عند مداخلتك عزيزتي ام اريج

وجدتني و دون ان ادرك اجهش بالبكاء و الله غير قطعتلي قلبي اريج

ولا اعلم ماذا عساي اقول تخونني الكلمات عندما احتاجها

ربي يكون معاك اختي

و لي ان شاء الله عودة

[serine alger]

الأخت**أم أريج** والله لم أجد الكلمات الكافية بصاح نقولك فقط **ربي معاك**لأن مهمتك صعبة. بصاح لازم ولازم يكون تواصل بين الأب والبنت أو الابن ولو عبر الهاتف أو ال س ك ا ي ب . أريج عندها امتحان الشهادة بعد 3 أشهر وهي أكيد محتاجة للدعم النفسي اللي راهي مفتقداتو بسبب غياب والدها.