دورة فراشات تزهو بالألوان بيوتهن قمة في النظافة و التنظيم و التدبير و الاتقان

[أم أيوب 11]

صباح الخير عليكم يرقات وفراشات

فراشات العمر شكرا على الحكمة

دائمة الحمد الله يجازيك الخير على المعاملة الحسنة لعجوزتك

[لبرايجية]

صباح النور حبيباتي و صديقاتي سلامي اليكم وحدة وحدة

[lalo24]

صباح الخير حبيباتي واخواتي احبكن في الله راني تدكرتكن في صلاة الصبح ودعوت لكل الفرشات واليرقات وملكة السرب طبعا وفقكن الله لما يحب ويرضا

[دائمة الحمد]

الله يخليك ضيفة الرحمن هذا واجبي حبيبتي
ام امنية واش راح نقلك انت حاولي قدامو انك ما تقعديش ولو تعبانة وريلو شطارتك رانا نعرفوك فحلة وكي يخرج هو يروح خدم ريحي انت نفسك راكي مرضعة وان لبدنك عليك حق
عزيزتي اكرمك الله حاولي قدر المستطاع انك تلفتي انتباهو وتغريه ولما لا بلاباس اوكلام جميل او حتى بالصمت عند غضبه ماهو الا رجل
لبنات ما تقصريش معاهم وما تبينيش نقص والدهم امامهم باش يبقو يهابوه ويحترموه وما يفلتش منك زمام الامور
واشكري افضالو ولو بالكذب قدامهم لانهم هكذا راح يتعقدو مساكن من الرجال ويعود ذلك سلبا على حياتهم في المستقبل
وفوضي امرك لله واشكيلو همك
اما الطلاق خرجيه من راسك تماما المسؤولية صعيبة

[lyzzabel]

صبااح الخيير حبيبااتي اليرقاات و الفراشاات النشيطاات
ام امنية حبيبتي الحل لي قلتي عليييه قاااع مشي حل ،، ومادام راكي تعااني من كلاامه الجاارح و انت راكي ترضعي في بنتك و تربي في مراهقاات فنصيحتي ليك انك ما تديرييش على هدرته مهما كانت قااسية و ديري رووحك ماسمعتيي واالو ،، علاباالكي الرجل مراات يقول كلاام قاسي و حنا النساا ننفعلوو بلا ما نخممو ،، ما ننسووش بلي هو السند تاعنا و تاع الاولااد و الداار و تخمامه اكبر بكتيييييير مما نتصورو على متطلباات الحيااة و مشااكلها ،، و الزوجة يلقاها سااهلة قدامه بااش ينفس عن غضبه في وجهاا و يجرحهاا ،، ربما عن غير قصد ،، تفكري التعب لي راه يتعب فيه بااش يوفر لعائلته كل المتطلباات و ما يخفى على حتى وااحد بلي المعييشة غلاات و المدخوول قيلييل و هو مين يشووفك ما عاندتيهش غاادي يزييد يقدرك اكككتر صدقيييني الرجل على بااله بلي الزوجة تتعب بزااااف فالداار بصح ما يبينش و هادي من طبيعة كل الرجاال ،، و زيد كيما قلتي المسؤولية مشي سااهلة علييك و لا حتى عليه
اسغفري يا الحبيبة و ديري ربي في خااطرك و نحي هاد التخماام من رااسك و انعلي الشيطاان لانه هو لي رااه يدوور بيك
نطلبلكم من عند ربي سبحانه السدااد ليك و لزوجك و يفرج عليكم و يبعد عليكم المشااكل و الهم و يفرج عليكم في القرييب العااجل

احلى صبااح لحبيبة قلبي داائمة الحمد ،، بالشفاا على عجووزتك و ربي يجازييك خير الجزااء

حبيبتي حبيييبة شكرااا على التعب لي رااكي تتعبي فيه باش ترشديينا ،، اما بالنسبة لصلاة الفجر فالحمد لله راني نصليها في وقتهاا و الامااكن السااخنة رااهي عنديي كللليوووم رااكي عاارفة الصغااار ههه تسمى داايما نخصصلهاا وقت بااش نبردهاا ،، يوم امس مين خرجو الاولااد مع جدهم بروفيتيييت و خوييت الشمبرة تااعي و نفضت الفرااش و رفدت التابياات و سيقتهاا و عطرتهاا و مين نشفت رجعت كلشي لمكاانه مع العلم انه موحااااال يخلوني نسيق على غرضي مين يكونو معاياا ،، و الحوض تااني كل ليلة نلمعه
اما الجدااول فدرك نسجلهم قبل ما نبدا الفطوووور

ام صبرييين نحييك على نشااطك و حيويتك حبيبتي رااكي مثل يقتدى به الله يباارك و يخليلك صحتك


اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر

[دائمة الحمد]

ليزابيل الف الف مبروك التميز والتكريم حبيبتي تستاهلي كل خير

[وفاء الياسمين]

السلام عليكم يا حبيبه احبك الله وجعلك من المقربين يوم لا ينفع لامال و لا بنين
و الله بكيت عندما قرأت ردك سبحان من سخرنا لنساعد بعضنا الحمد لله
أولا لكي تكوني في الصورة انا متزوجه من اربع سنوات بملتزم سلفي و انا ايضا سلفيه هدانا الله لسواء السبيل
بعد العلاج انجبت ابنتي نُسيبة
على أم عماره لاني احب شخصيتها
قبل الزواج ككنت عاملة مسيرة مكتب و متحصله على ليسانس ماليه و بنوك
و عندي شهادات اخرى و الحمد لله
انا البس الجلباب و الستار او ما يقال عنه نقاب و قفازين
قبل الزواج تصورت انني لم اتبرج في الشارع لانني سافعل ذلك في بيتي الا ان زوجي منع عني كل انواع التبرج و اضع الخمار حتى امام النساء يعني ليس لدي شيء جميل الحمد لله

[وفاء الياسمين]

تبدلت حياتي بعد ان كنت جد نشيطه اصبحت مربوطة اليدين و كان بيتي الاول غير مجهز يعني مش مسقم حتى انعم الله علينا بان استفدنا من شقة اف 3 الحمد لله و رغم ذلك لازالت نفسيتي محطمه
المهم احاول دائما ان اضع برنامج لترتيب البيت لكنني لا انجح
المهم انا بإذن الله ساتابع تعليماتك حرفيا بارك الله فيك و في وقتك و مجهودك
يومكم مبارك

[منال100]

صباح الانوار لكل فراشة ويرقة والله لقد دخلتن في قلبي مثل بناتي تماما وقلت لازم نتفقدهم مع الصباح ونصبح عليهم على بالي هذا الوقت نتاع الخدمة وماعندكمش الوقت بصح ماعليهش لتكمل تضرب طلة
راني عرفت بلي واحدة منكن ماهيش مليحة مع زوجها انا نقولها انت عامليه مليح وكثري من الدعاء والاستغفار ماراح اسلكك غرب سبحانه
ونصيحتي عمرك ما تفكري في الطلاق هذا على جال بناتك لازم اتضحي لان البنات يبقى باباهم ويحبوه مهما كان وانا بدوري ندعبلك كل صباح انشاء الله رب يحنن قلبو عليك وترجع الحياة كما كانت من قبل وان شاء الله يرزقك رب بذكر لانو انا منيش فاهمة القصة مليح منيش عارفة سبب الخلاف وانت كما قالت الاخت لسبقتني نقصي شوية من روحك وعيشي حياتك لان الحياة بقدر ما هي صعبة هي قصيرة
اسمحولي يابناتي انا رايحة ندير الفطور معولة على تليتلي جافي بالي البارح واللفت راه غهو ياريت تجو تفطرو معي راني غوحدي اليوم في المساء انشاء الله نتلقاو وعندنا ما نحكيو

[أمة الله 84]

السلام. عليكم
صباحكم سعيد كبير الفراشات ويرقات
حبيباتي ارجوا ان تكونوا قد قبلتموني معكم رغم انضمام متأخرة. بوركتم

[وفاء الياسمين]

المشاركة الأصلية كتبت بواسطة salam algeria

اهلًا اختي
شوفي موضوع زينب 83 او موضوع فيفي تاع الرجيم في قسم العرائس و انضمي لينا و ان شاء الله تستفادي و تنقصي وزن و ما شاء الله البنات كامل نقصو و راهم مازالو ينقصو و انا معاهم طبعا

بارك الله فيك باذن الله حبيبتي

[أم فاطيمة]

صباح الخيرات على احلى فراشات و يرقات و قائدتهن
اولا حبيت رحب بكل العضوات الجدد و يسم بسم الله و يدخل برجلهم اليمين
الاخت حبيبة كنت ناوية اليوم نغسل الفريجيدار جات الفكرة مع الحملة الربيعية و ربي يوفقك الى ما يحب و يرضى
ام صابرين ام ريحت النقا وصلت حتى لعندي يعطيك الصحة
ام امنية استغفري و كثري من الدعاء و نحي كلمة الطلاق من راسك نهائي على خاطرش ماهوش حل و راهم عندك بنيات و مسؤوليتهم صعيبة
و المجتمع ما يرحمش و الحل الوحيد عند نقاشك انت و الزوج ما ترديش عليه و ما تعمريش راسك بهدرته و فرضي روحك حتى انت و بينيله بلي راكي في دارك
و خدمي شغل و خصوصا كي يكون في البيت بلاك كل ما يدخل يلقاك مجمعة يحسبك مراكي ديري والو اجلي كل اعمالك كي يكون في البيت باش يشوفك
و ما تفرطيش في روحك و في بنياتك و فيه هو لان رضا الله من رضا الزوج و راهي حاطة الاخت حبيبة كيفية التعامل مع الزوج العصبي
دي افكار منها و حاولي طبقيها و ربي يهدي زوجك و يستركم
تطبيقاتي ما شية مثل السلحفات و الحمد لله صلاة الفجر في وقتها مع قراءة القران و الاستغفار و الدعاء و باقي الصلوات في وقتها
المناصق الساخنة فرزت حوايج ولدي نحيت الصغيرة نمدها و قش شتا نحيو و جبت قش الربيع و الصيف
فرزت ثاني الصبابيط خبيت نتاع الشتا و جبت لبالغين و لصوندال
الحكاية مع النفس النهار وانا شائخة معاها مرة تغلبني و مرة نغلبها هههههههههههههه
و العناية بها واش نقولك راهي الله يبارك و هذا كله راجع ليك الاخت حبيبة ربي يخليك
تواقي غسلتهم مبصح كل عشية يجي المسلسل نتاع الغبار ما يلي حتى حاجة نقية
اليوم سيقت كامل الدار و عطرتها و ناوية للفطور كرانتيكية و نغسل لفريجيدار
الا خت ليزابيل حتى انا ولادي ما يخلو حتى حاجة كي يروح يقراو تكون الدنيا منظمة غير يجو بسلامتهم و راحي نتي تشفي
ربي يهديهم و يعنا في تعبنا

[أم ريتاج زهرة]

لاسلام عليكن حبيباتي يا أختي و حبيبتي الحبيبة ما تأمنيش ردك شحال فرحني ربي لايخليك لينا كامل و الكاراتي تعلمته من عندك ب 15 د في الأماكن الساخنة و راهي عندي لاسانتور الكحلة هههههههههههههههههههه يعطيك الصحة و الرد نتاعك زادني نشاط الله يحفظك و يسترك الأخت أم نسيبة طاعة الزوج من طاعة الرحمان و نتي سلبياته رديهم إيجابيات عندك باش تقدري تعيشي معاه و ماعليش ديريها في بالك بلي راهي الغيرة الزايدة من عند زوجك و بينيله بلي نتي فحلة أم أمنية إياك و إياك و إياك و تخمام في الطلاق إذا مش على جالك خمي في بناتك و الله ما كان وحدة مطلقة و عايشة هانية و ماكانش وحدة متزوجة و ماعندهاش ماشاكل هذه هي الدنية و الراجل يقول يقول و كلامه مثل السيف في القلب صدقيني الحل الوحيد هو أنك مترديش عليه مين يزعف و مترحيش مين هو يكون في الدار و بينيله نتي شكون و يجي النهار اللي يسعرف بيك ربي يوفق الجميع

[حبيييبة]

احلى صباح على احلى فراشات و يرقات
في بستاننا الراائع الدافئ الجميل

[حبيييبة]

ايا حبيباتي
كل وحدة تاكل قضمة و تخلي لخواتاتها
باه الكل ياخذ نصيبه من
الخير الهنا السعادة الحب الفرح الأمل السرووور