دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حبيييبة]

تطبيق اليرقات

ساطلب منكم انكم تجهزوا مفكراتكم او كنانيشكم او كراريسكم
و اقلامكم الزاهية بالوانها
و سجلوا على الثلاث صفحات الأولى هته الجداول التي وضعتها
الى حين نملؤها سوية يوما بعد يوم بتطبيقاتنا اليومية
كل جدول في صفحة
اترككم بود
(ملاحظة: التوقيت في الجداول هي مجرد أمثلة، كل فراشة تملؤ الجدول بالتوقيت اللي يساعدها و تاني حسب منطقتها بالنسبة لتوقيت الصلاة الى غير ذلك و حسب ظروفها و واش اذا كانت امرأة عاملة أو تدرس ام ماكثة في البيت... الخ)

[زينب2000]

المشاركة الأصلية كتبت بواسطة fati 2015

اليوم حبيت نشارككم بطريقتي في الادخار لشهر رمضان الكريم لي كنت خديتها من المنتدى ونجحت معاي بزاف وهاد السنة راني تاني بديت نطبق فيها من هاد الشهر والطريقة هي انك تاخدي قفة كبيرة فارغة تحطيها بعيدا عن المطبخ وكل ما تشري مصروف الشهراو الاسبوع للمواد الغدائية تخبي فيها بعض من المصروف مثل علبة طماطم علبة زبدة قرعة زيت ...الخ وماترجعيلهاش حتى وان كنت محتاجة لهده المواد عاودي شري نفس الطريقة بالنسبة للشهر الثاني والثالث وماتنسيش صوالح القاطو كتري منهم وحاولي تنقصي من صنع الحلويات في هاد الاشهر.مين يلحق عليك رمضان راح تلقاي روحك تهنيتي من قضيان الشهر وحتى من صوالح القاطو للعيد.العام لي فات مين بقا يامات على رمضان قااللي سي السيد ايا نروحو نقضو لرمضان انا خرجتلو القفة العجيبة والله صدقوني تعجب وقاللي مين جاو كامل هاد الحوايج وحكيتلو القصة كاملة وفرح بزاف وقاللي هنيتيني وتفاهمنا الدراهم لي وفرناهم نروحو بيهم عطلة بعد العيدوكدلك ملابس العيد شريناهم قبل رمضان .الطريقة هادي تنفع معاكم حتى في الخضر كل ما تشرو الخضر خبو شوي في المجمد مثلا حبات ليمون حبات طماطم وركزو على التمر لانو يرتفع سعره بزاف في رمضان .طحني القسبر والثوم في الميكسور وضيفيلهم عصرات ليم وحطيهم في مربعات الثلج والى المجمد تاني الفلفة شويها وقطعيعا وللمجمد اما بالنسبة للحوم كل ما تشري الدجاج خبي الصدر وفخض الصدر راح تحتاجيهم في تعميرة البوراك والافخاض للشواء .نتمنى تكون فادتكم هاد الافكار .

يعطيك الصحة نستعرف بيك
ربي يوفقك

[حبيييبة]

غدا باذن الله ساكلمكم عن تطبيق المرآة
لكل يرقة لم تستطع تطبيقه
ابشروااااا


لا تنسوا تطبيقاتنا السابقة حبيباتي


اترككم بود

[زينب2000]

أم وسيم ألف مبروك على ولادة الأميرة الصغيرة ، ربي يحفظها و يقر عينيك وزوجك بها

و كذلك نقول لختنا biba ألف مبروك ما زاد عند اختك ، ربي يفرحها و يهنيها بمولودها

[kiki12]

حبيبتي حبيبة تعيشي قوليلي
انا ظرك وين شفت الموضوع
نروح نقرا من أول صفحة و نطلع بش نلحقكم ؟؟ ياخي راكي تحطي كلش هنا في هاذا الموضوع يعني قصدي موضوع واحد و رانا حاطين فيه كلشي مش بزاف مواضيع

حبيت نشارككم

[زينب2000]

المشاركة الأصلية كتبت بواسطة نجاة54

اختي رقية الناجحة شكرا لك حتى انا كنت نحوس على كاش كتاب نستفاد منو من ايام الجامعة مقريتش كتاب راني لاهية غير بالبيت والاولاد

لالالا اختي نجاة متخليش المطالعة اختي راهي تطور شخصيتك وتعينك بزاف في حياتك فقط غختاري ما تقرئين ، والكتاب اللي اقترحت اختنا رقية الناجحة سمعت انه جميل جدا وغير ممل، وبزاف كتب الان راهي تتباع بشكل خفيف و تطبع بشكل جميل و مضمونها مفيد جدا

[أمة الله 84]

السلام. عليكم ورحمة. الله وبركاته
أولا الحمدلله. إنني هنا وسط أخواتي في الله اشكركم جميعا وخاصة الاخت حبيبة
انا من متابعات الدورة يوميا ومن اول يوم كتبت فيه هذه الدورة لكن ما منعني على المشاركة كوني كنت متصفحك فقط. للمنتدى لكن حماسكن. أرغمني على التسجيل معنا هذا الجمع المبارك بحول الله

[أمة الله 84]

الاخت حبيبة وكل الأخوات أود أن اعبر لكن عندما اعتزازي وأخرى كوني اكتب هذه الكلمات وانا اعتبر نفسي بينكم حقيقة وليس خيالا تابعت الدورة وحاولت أن أطلق فيها كل برنامجها. صدقيني أصبحت بفضلك وحماس الأخوات هنا بيتي أكثر تنظيم. مذكراتي ممتلؤة بالجداول والحمد لله وفقت في أغلب الأحيان على تطبيقها.
أختي حبيبة ذكرتني بالجامعة وصناعة الحياة فأنا كنت صانعة من صناع الحياة. في جامعة قسنطينة. فوجدت فيك الصديقات الغائبات عني جسدا بسبب. الظروف. لي عودة بإذن الله لوضع تطبيقاتي
ارجوا ان تقبلوني معكم و لا تحرمني. من هذا الجمع المبارك بإذن. الله

[زينب2000]

ربي يبارك فيكم
أنا هذه الأيام راني نظف غير بالشوية:وش نقدرونتبع نصائح قائدتنا حبيبة حسب استطاعتي -والحمد لله لما نلقى من يقوم بمهمة كبيرة في البيت ، نقول تهنيت:d، بصح راني خايفة يجي رمضان وانا منظفتش الأماكن اللي من مهمتي و نمشي غير بالشوية وراني نعدل في التخطيط تاعي وراني نتبع فيكم و الله يبارك راكم ناشطات ، واستفدت منكم كثير
ولما نغيب علي المنتدى ، نحس بشوق إليه بل إليكن
جزاك الله خيرا اختي حبيبة

[لبرايجية]

حبيباتي صديقاتي الفراشات كم انا سعيدة بوجودي معكم اختي حبيبة كم اتمنى الالتقاء بك لارى جمالك ونور وجهك حقا اشك في انك من الملائكة كلما احسست بطيبة قلبك وعزمك على المساعدة في زمن عم فيه حب الدات وانشغال كل واحد بنفسه حقا انت مخلوقة فريدة من نوعها جازاك الله على كل ماتفعلينه من اجلنا خيرا بحول الله راني متبع معكم برنامج الفراشات خطوة بخطوة فيا رب لا تحرمني من اختي حبيبة

[فراشات العمر]

السلام عليكم
صباح الخير علينا وعليكم

حكمة اليوم

• نرى مالا نريد ونريد مالا نرى ، فنفقد قيمة ما نرى ونضيع في سراب ما لا نرى ، كن حريصا أن لا تفقد قيمة ماترى .

[دائمة الحمد]

احلى صباح للفراشات واليرقات يومكن مفعم بالطاعات والعبادات
ماقدرتش نتواصل معاكم اليومين لي فاتو لانواولا راني عندي عذر شرعي ولكن هذا لم يحل دوني ودون التسبيح والذكر والاستغفار ولكن نغير كي نشوف الزوج يقوم لصلاة الفجر دوني حكمته سبحانه وتعالى
الحملة الربيعية العميقة راني ماجلتها بسبب زيارة عجوزتي لي هي مراة كبيرة وعاملة عملية على رجلها لذلك رانا نمسحو الارضية فقط ما نقدرش نكثر الماء نخاف عليها
راني معاكم في تنظيف الاماكن الساخنة وتبريدها قدرالمستطاع
يومكن موفق سعيد عزيزاتي

[دائمة الحمد]

فراشات العمر صباحك معطر برياحين الجنة والف شكر على الحكمة
بيبا وام وسيم الف مبروك مازاد عندكم
ام امنية قلقتيني عليك استعيذي من الشيطان واستغفري وتغاضي على مشكلتك مع الزوج وحاولي تلقيلو اعذار باش ما تتفاقمش المشاكل
ووجهي اهتمامك لردينة فانت مرضعة واخواتها فهن في سن حرج وفي امس الحاجة لليقظة والمراقبة والمتابعة
حسيت بيك فانت اخت وصديقة

[دائمة الحمد]

[omomnia15]

حبيبتي وغاليتي دائمة الحمد والله كلامك ديما يكون البلسم الشافي لكل مشاكلي وجروحي بصح احيانا تكون مشاكل متقدريش تتحمليها وزيد راني نخمم على المراهقات كيفاش نسلكهم من هذا السن الصعيب بصح زوجي ديما يحطم في بكلامو الجارح قدام الاولاد ومهما نخدم ولا نطيب ولا نخمل يجي ويقلي مراكي اديري في والو تضلي غير راقدة وزيد يظل يمنن راني كاريلك ب2 ملاين راني رايح نبني راني نخدم عليك نحس روحو طلابة وراهي واقفة عند باب دارو ماشي زوجة في دارها حرة وزيد وليت نخسو شخصيتو فارغة وتافهة مراهيش لي تربي نشىء صالح على ذيك تديني افكار انو نطلق ونتهنى ونتفرغ لتربية ولادي بصح نرجع نخاف منقدرش على المسؤولية وحدي ونقول راهو ستر علينا والله ما لقيت روحي وراهي المضاكل تؤثر في فيكلش ويعطيك الف صحة على تفاعلك ونصائحك
الاخت زينب2000 شكرا ليك حبيبتي على النصائح