دورة خطواتي الواثقة لأصبح ربّة بيت متألّقة

[عسجدة]

المشاركة الأصلية كتبت بواسطة randa3

يا عسجدة ماهوش الغني برك الي يحب يعدد راهم فاع الرجال فيهم هاذاك الفيس تاع التجديد
غير اذا ماصابوش كيفاه ( اما ماعندوش ولاخايف من مرتو ولا من المجتمع ولا من العدل ولا ..... حوايج ياسر)
مرة كانو رجال يتناقشو على هذا الموضوع قال واحد فيهم:
كي شغل كل يوم راك تاكل في التفاح ..... يعني ساعات تتشهى البنان ساعات التشينة ساعات الكرموس..... الخ
هادو هوما النساء في رأي الرجال وفي رأيك هل تقدر فاكهة وحدة تجمع بين كل الفواكه؟؟؟؟؟؟
نفس الشي للمرأة بصح لازمها تجاهد حسب طاقتها كيما قالت حياتي كلها امل لا افراط ولاتفريط

شكرا على ردك
الجهاد من اجل من لا بستحق اليس اهانة
لكرامة المراة

[حياتي كلها امل]

صح اختي رندة جا موضوع للنقاش وموضوع حساس بزاف
اختي عسجدة الشيء الي انقولهولك عليك بالدعاء وربي يفرج ويصلح احوالنا واحوال ازواجنا يارب

[ام صفصف]

السلام عليكم يا اغلى فراشات،
راكم هربتولي فالصفحات
ام هاجر حبيبتي يسقسي عليك الخير

[ام صفصف]

رندا اختي،ربي يرحم خالك،ويصبر اهلو

[حياتي كلها امل]

اهلا بالغالية ام صفصف وين تغطسي وماتبانيش ياخ راكي لباس توحشناك

[randa3]

شكر الله سعيك ام صفصف ربي يحفظك
انا ثاني غبت يومين درت ساعة وانا نقرا في الصفحات
ان شاء الله تكوني بخير ام صفصف

[ام شمسو محمد]

السعي باش نكونو ربات بيوت متألقات مش على جال الرجال هوما ياخذو حيز لكن الهدف أنفسنا بكل صراحة ...و ربة البيت قادرة تكون بلا راجل يسمى تخلي دارها مسخة ولا ماطيبش ولا ما تمشطش شعرها.....هذي نفسك شوفي وين تحطيها....أما حقوق الزوج مش برك تعدلي لو روحك أنا نعرف فاتنات ما يحبوهمش رجالهم....لازم تملكي مغ غريزتو عقلو و قلبو و روحو ومساحاتو و حدودو ،خليه نهار تغيبي ما يعرفش يتنفس ...وهذي أهدافنا في الدورة ...و الأصل أنهم مايعددوش رندة كي يحب يزوج حاجة ما تحكمو ...هوما كيما حنا يحبو الإستقرار
وأصل الأصول في التعامل مع الزوج أخت عسجدة انك ما تهدريش على الكرامة هذي قناعتي

[sunshine2013]

المشاركة الأصلية كتبت بواسطة عسجدة

صدقت اختي سونشين ولكن هل تستطيعين التوفيق حقا بين تربية
الطفلة واشغال بيتك واعطاء حقك لزوجك .
اليس شيئ كثير عليك
وهل يراعي كل هذا التعب الذي تعانيه وما هي مكافأته لك .
ام ان شعارك العطاء حتى الموت



شكرا

الرجل بطبعه اناني
و انا قتلك تقدري توفقي بصح رتبي الاولويات مش دارك تشعل ونتي ناسية روحك ركزي عليك اولا و الدار مش كل يوم لازم تمسحي و تسيقي علاه رايح ينود الدود ميناج خفيف و التقيل ديريلو وقت و التربية اعطيلها حقها بلا ما تنساي روحك الرجل لا يرحم

[جهينة اليقين]

اولا راندا عظم الله اجركم
فرحتو ااااااه كنتو تستناو غير الي يقول لكم ماكاش دراسة واعطيتوها للقصرة كنت حاسة بيكم على بها قلت نريحوا ههههههههههه
على كل حال بالنسبة لي شخصيا هذي انجح دورة شاركت فيها كانت خفيفة وظريفة وملمة بكل الجوانب الدينية والدنيوية والفضل يعود للاختين المتالقتين ام هاجر وام هارون وام تغاريد مرورا بماريا ملاك واسيل الى ام شمسو ام متين ام محمد والفراشات القديمات والجديدات من دون ان ننسى حبيبة الكل ام تينة الله يبارك فيها كلكم تستحقون رفع القبعة طبعا بدون ان انسى نفسي اللي ضغطت عليها بزاف هههههه

[ام صفصف]

شكرا ام هاجر ورندة،الحمد لله،كانت عندي انشغالات

[ام صفصف]

بالنسبة للموضوع الي راكم تناقش فيه،حبيت فقط نقول للاخت الي طرحت الموضوع ،انو سعي المراة انها تكون ربة بيت راقية ومميزة،هو ارضاء لله ثم ارضاء للنفس،ومساهة في اصلاح المجتمع،بالتربية الصالحة والراقية لاطفالها،والزوج نصف المعادلة،وطاعته في حد ذاتها عبادة، وهو ايضا انسن فيه خير وشر ويصيب ويخطئ، ليس عدلا القول انه لايستحق
امر اخر،عندما نتحدث عن الخينة،هناك دائما اسبابها وخلفياتها،خاصة المعصية من احد الطرفين وليس بالضرورة الزوج
ايضا التعدد له خلفيات لايعلمها الا الزوجين، فالزوجة في بعض الاحيان تحب ان تكون الضحية
https://www.dztu.be/watch?v=e8jHL_5QRSw

[sunshine2013]

المشكل اخواتي هو ان المرا تضع الرجل محور اهتماماتها و تنسى نفسها لا هواية لا صديقات و حتى كي تتهلا في روحها علاجالو و هدا غلط انا نلبس مليح حتى و ما يكونش هنا علاخطرش انا هاك دايرة و شحال من مرة نداوس معاه نقول نروح نشري يقولي انا نشريلك قتلو انا انسان و عندي دوق و نحب نشوف و نخير مانشريش اي حاجة كيما هو يشري واش يحب يسمعني و يسكت و قتلو نروح للكوافاز و ندير رياضة ان شا الله كي تكبر شوية بنتي يحب و لا يكره ما نبقاش نخمم غير فيه هو اصلا يكره كي يشوفك لاصقة فيه يعني هدو نصائح ديتهم من النت و عجبوني و طبقتهم و راني نحاول كل مرة نبينلو باللي عندي كيان و امور نحبها و مهتمة بيها ‘ راني نكافح علاجالها ادعولي نتوفق

[ام شمسو محمد]

نحكي لكم على وحد السيد يخدم مع راجلي مسؤول و حاكم منصب و غني و جميل في الأربعينات من عمرو و شخصيتو قوية متزوج من أستاذة ثانوية و أهلها واصلين مناصب و متعلمين وبيناتهم ولاد....وكاينة شابة ثلاثينية معاهم في الخدمة متوسطة الجمال كانت أولا خرجت إشاعات بلي راهم يحبو بعضهم ...الإشاعات بانت مش منطقية هو وين وهي وين ...شوية شوية يعلنو على عرسهم بشكل مفاجئ و يعرض زملاؤو المسؤولين في الشركة...طبعا أنا بالنسبة ليا كانت صدمة و استغربت في قدرتو على اتخاذ هذا القرار لكن زوجي يقول بلي يمكن للملاحظ انو يشوف وحد الانسجام عجيب بيناتهم غير من خلال نظراتهم و ابتساماتهم و عباراتهم(في العمل) وتحدى وضعو الاجتماعي و أسرتو و أسرة زوجتو وحتى صحابو و ضحى بولادو علا جالهاوهو إنسان متزن و هي مش مميزة ...المهم مرتو طلبت الخلع و أنا كنت ضد لأنو ياإماأنك واثقة في نفسك وهذي نزوة و راح يرجع ولازم تحافظي على بيتك و صحة أولادك النفسيةأوانك كنت مقصرة وانت السبب فلا تلومن الا نفسك..

[ام صفصف]

حبيباتي الفراشات اروى راي تسال عليكم فالدردشة

[@سندريلا@]

لبنات عجبني موضوعكم للنقاش
انا نقولكم الخيانة تقدر تكون عندها سبب كييما تقصير من طرف الزوجة اووو او او و تقدر تكون لحاجة في نفس يعقوب
عجبتني الاخت لي قالت كل يوم يتشهى فاكهة و يحب يبدل وهادي حقيقة خديت وقت طويل باه فهمتها
كبرياء المراة يمنعها انها تفهم انو راجلها قادر تعجبو مراة امرى ولو مقدمة النشرة بصح للاسف هادي هي الحقيقة
نفسية الرجل صعيبة بزززاف اهم حاجة عندو الجنس و متعتو و يخمم بعقلو الجنس بالنسبة ليه ميش شرط مع المرا لي يحبها ميش كيما المرا
حنا النسا عاطفيات بزززززاف و نطيحو بقلوبنا بصح الرجال العكس انانيين و يحبو نفوسهم وبس
كلام sunshine عجبني مالازمش تتمحور حياتك فقط حولووو لازم يكون عندك كيان
ننصحكم بقراءة كتاب why men love bitches لماذا يحب الرجال العاهرات ؟؟؟
راح تلقاو حقائق مثيرة
المهم و الاهم انو المرا تكون فحلة معاه تتعامل معاه براسها ميش بقلبها و تدير وش عليها ارضاء لرب العالمين و هو وش يحب يدير يدير
على فكرة انتم تجسسوا على هواتفهم و فايسبوكاتهم ولا لا ؟؟هههه
انا وحدة من الناس عمري شفت تلفونو و مايهمنيش فيه مالقري راجلي بوقوص .و attirant بصح ربي يسهل فيه
ديما نقول ف راسي نهار يجي يقولي راح نزوج و يرحمها ربي نخمم نطيشو ولا نبقى معاه هههههههه شفتو انا وش واقعية ؟؟؟
تعلمت هاد الاستراتيجية من ابراهيم الفقي ربي يرحمو يقولك كي يكون عندك مشكل اطرح على نفسك سؤال ما هو اسوأ شي يمكن يصرالي ؟؟؟؟ يخي اسوأ شي يجي يقولك نزوج ebain ساهلة منا لهاداك الوقت و يرحمها ربي ههههه
نصيحتي لكل بنات جنسي ما تخليوش الشك يدمر نفسيتكم علابالي الوقت صعيب و بنات الحرام راهم يسوطيو على الرجال بصح ثقتي بربي و بنفسي كبيرررررة