طريقة أكيدة لتصبحي ربة بيت سعيدة

[haninefadwa]

السلام عليكن و رحمة الله تعالى وبركاته صباح الخير

[arwa alaa]

ام هديل البوم نديرو الروتينات اليومية فقط واليوم هوللعائلة

[فرحة العمر]

السلام عليكم
الحمد لله داري مفروزة ونظيفة داخليا وخارجيا روتيناتي تمت ولله الحمد ورايحة بإذن الله نخدم درا بيبي بوحدات كروشي كي نكملو نحطولكم ونخيط بيجامة لبنتي بالقاطيفة كل ليلة تحاولني
يوم موفق للجميع

[حياتي كلها امل]

السلام عليكم وشراكم
اهل ام هديل معنا يارب تلقاي ظالتك هنا
جهينة توحشناك موالفناش الدورات بلا بيك
فرحة ربي يعاونك راكي ماشاء الله
انا كملت الروتينات اليومية والحمد لله يومكم موفق جميعا

[أريج13]

السلام عليكن
ان شاء الله راكم بخير
ام متين شكرا على الدعاء
ام هديل مرحبا بك معنا
فرحة ربي يعينك و يقدرك على عمل درا و البيجامة
حياتي كلها امل ،اروى الاء، رندا ،حنين .ام هزار.........و كل الفراشات يومكن موفق

[روان دينا 27]

السلام عليكم وش راكم حبيباتي

[ام هزار]

صباح الخير غزالة سالي و كل الملتحقات
انا اليوم درت الروتينات الصباحية و وجدت الغدا اللي كان سوب كابويا و سلطة خضراء و قلت نطل عليكم
شكرا رندة على الدعاء . امين يا رب العالمين و لك بالمثل
بعد الظهر نتلهى مع الواجب الاداري
بالمناسبة غزالة و اريج و سالس راهي عندكم نقطة زايدة في الدعاااااااء . ربي يهنيكم و يهنينا اجمعين . و غزالة حقيقة الضغوط تفرض نفسها ربي يكون معاك يا مكافحة
سلااااااااام للجميع[/COLOR][/SIZE][/FONT]

[فرحة العمر]

السلام عليكم
شكرا على الإطراء والتشجيع
عندي إقتراح وفي نفس الوقت رجاء تحطولنا برنامج للحوامل ولا طريقة تنظيف البيت طلبت منكم لإني واثقة في شطارتكم وانكم ماكمش رايحين تخيبوني

[رندة.]

السلام عليكم ورحمة الله تعالى وبركاته
ام شمسو راكي غايبة اليوم... ان شاء الله مايكون غير الخير. لا تكون دارتها بيك الانترنت؟؟؟؟
ام البنين. ام صفصف. جهينة. ام تينة. .... ان شاء الله تكونو بخير.

[رندة.]

مرحبا فرحة العمر:
يظهرلي هوايتك الخياطة والكروشي ما شاء الله عليك يعطيك الصحة.
بالنسبة لبرنامج الحوامل الي طلبتيه انا في رأيي القيام بالروتينات اليومية مع ال20 دقيقة تاع الصباح وال02 دقيقة تاع المساء راهي كافية ماتتطلبش جهد كبير ونتيجتها واضحة.

[ام صفصف]

السلام عليكم حبيباتي،ان شاء الله تكونو بخير.وشكرا حبيباتي على الدعاء، والله نحس من القلب
ربي يدوم هاذ اللمة ويجعلها خالصة لوجه الله،وربي يفرح كل وحدة فيكم بواش راي متمنية في الدنيا والاخرة
اختي رندا يسقسي عليك الخير،رانا غير هنا،نتمشاو مع الظروف.
جهينة ربي يكون معاك
سيي،كي تلقاي الوقت طمنينة اذا خرجتي من المستشفى
ام هديل مرحبا بيك اختي
ام هارون ربي يشفيلك وليدك
ام شمسو وام تينة عسى المانع خير
بقية الفراشات بارك الله فيكم، راكم منشطين الدورة ماشاء الله.

[فرحة العمر]

السلام عليكم
يا رب تكونو كامل بخير وبصحتكم أختي رندة إيه انا نحب الكروشي والخياطة دارها بيا الحمل وكسل الحمل برك كل سمانة تجيني النفحة نخدم حاجة ونبقى نحاول في روحي باه نكملها
خممت في فكرة 20 د تنظيف بصح انا كي نظف ونحبس يجيني تأنيب ضمير ونحس روحي مقصرة ومانيش قايمة بواجبي مع انو ولله الحمد داري نظيفة ومرتبة بصح كي مانخدمش نهار نحس بالتقصير

[ام صفصف]

اختي فرحة،اعتقد ان المراة الحامل وخصوصا الشهور الاخيرة،لازم تعمل الضروري وعلى فترات متقطعة، لانها بعد كل مجهود ولو بسيط، تحس بالتعب ولازم ترتاح.

[ام شمسو محمد]

السلام عليكم .
مساءكم سعيد فرااااااشااااااات .
ما تنساوش ترتبو المنزل و تلمعو الحوض .
تبردو نقطة ساخنة لدقيقتين .
تفقدو الغسيل .
جهزو للغد بداية الأسبوع .
في خضم كل ذلك تحصنو بأذكار المساء و ادفاو بقلوب الأحباء .

[haninefadwa]

السلام عليكن و رحمة الله تعالى وبركاته لا تتعبي نفسك كثيرا فرحة العمر ما تنسيش الجنين ياخذ منك الطاقة والغذاءو،،،،،،،،،،،،،،، الله يكملك بخير ام شمسو ا غيابك عنا كغياب الام عن البيت الله يحفظك لينا لمعت الحوض ساصلي العشاء و ارتب البيت واجهز مستلزمات الغد الله يكون في عوننا نحن الامهات الف حاجة تنتظر فينا ام تينة نحن ننتظر اطلالتك علينا لتذكريننا حبيباتي الفراشات اعانكن الله على ما يحبه ويرضاه سيي طمنينا عنك اخبارك منقطعة