يوميات فتاة جزائرية متجدد - الصفحة 12

جوهرة الغرب. · 2010-11-07, 20:34

ههههههههههههههه
ان شاء الله يكون باباها قبل
خليتينا التشويق اممممممممممممم

soltana · 2010-11-07, 21:51

زيدي حكيلنا زيدي ما تحبسيش راني باغية نعرف النهاية بلخف

شكرااااااااااا لك على اليوميات

المبروك سعد إبراهيم · 2010-11-07, 23:22

رائـــــــــــــــــــع

[كبْرياء] · 2010-11-08, 07:42

اللهمـ صلي وسلمـ وباركـ على سيدنا محمد وعلى آل سيدنا محمد

مُتابعة وفية

شكراا أختي

سلامـــــ ي..

نينا الجزائرية · 2010-11-08, 12:00

اقتباس:

المشاركة الأصلية كتبت بواسطة أسمهان ميمي

ههههههههههههههه
ان شاء الله يكون باباها قبل
خليتينا التشويق اممممممممممممم

ههههه
يا تري هل يقبل هذا ما ستعرفينه في حلقة الجاية
حنونة شكرا علي متابعتك

نينا الجزائرية · 2010-11-08, 12:01

اقتباس:

المشاركة الأصلية كتبت بواسطة soltana

زيدي حكيلنا زيدي ما تحبسيش راني باغية نعرف النهاية بلخف

شكرااااااااااا لك على اليوميات

علاش ختي تتسرعي اقطفي حبة الفاكية في وقتها
حبة حبة
راني راحة نحط حلقة جديدة

نينا الجزائرية · 2010-11-08, 12:02

اقتباس:

المشاركة الأصلية كتبت بواسطة المبروك سعد إبراهيم

رائـــــــــــــــــــع

بورك في مرورك

نينا الجزائرية · 2010-11-08, 12:03

اقتباس:

المشاركة الأصلية كتبت بواسطة إيمان قلب

اللهمـ صلي وسلمـ وباركـ على سيدنا محمد وعلى آل سيدنا محمد

مُتابعة وفية

شكراا أختي

سلامـــــ ي..

العفو اختي غايتي امتاعكم
ساضع حلقة جديدة

نينا الجزائرية · 2010-11-08, 12:11

السلام عليكم
على الساعة 11 كان بابا في الجامعة وشفتو كي دخل لمكتب الأستاذ لي طلب يقابلو باش زعما يقنعو قعدت في بلاصة مقابلة المكتب واستنيت كي يخرج باش نشوف وجهو من البعيد اذا يبشر بالقبول او
وبعد شوية شفت بزاف أباء صحاباتي لحقوه وقعدنا استنينا احنا لبنات مع بعض وبعد ساعة او اكثر خرجوا كامل بما فيهم الأستاذ لي كان خارج ويضحك معاهم تقول يعرفهم من زمان تماك قلت لصحاباتي الظاهر والدينا هوما لي قنعو الأستاذ يبطل هذي الخرجة وينحيها من بالو
على هذي لي قلت حتى نروح للدار ونشوف قرار تع بابا يعني فضلت نبكي وحدي في شمبرتي خيرمن نقعد نبكي هنا في الجامعة
وكي رجعت للدار دخلت وعلامة الإحباط في وجهي بصح مازال عندي شوية تع أمل نعرف أبي مسكين قلبو حنين...

صح ابي قلبو حنين بصح بقا يعذب فيا حتى لليل باش قالي انو أخيرا وافق بعدما قدر الأستاذ يقنعو وفي الحقيقة هو وافق برك كي لقى روحو يعرفو من بكري يسمى حشم منو هذا مكان
هذي الموافقة جات بعدما بقى يوم واحد للخرجة تع وهران وكان لازم عليا نخمل كابتي ونحط كامل صوالح لي نستحقهم وانا ماصدقت رحت تم تم في هذاك الليل وجدتها وبقيت نستنى وقتاش يلحق يوم الرحلة

كان هذا اليوم هو الأحد رحنا في وقت مبكر للجامعة على اساس نروحو بكري واجتمعنا كامل القسم تاعنا في بلاصة وحدة نستناو في les bus لي يدونا وبعد ما استنينا قيمة ساعة كاملة بدى كل واحد فينا يمل ويروح يدور شوية جاء المسؤول وقاللنا لازم نستناو l'autirisation لي يمضيها رئيس البلدية ورئيس البلدية كان من زهرنا خارج البلدية طول اليوم
يعني بعدما قدرت وبصعوبة ندي موافقة بابا باش نروح للرحلة بدات عراقيل اخرى تبانلي ساعتها قلت في قلبي زعما لوكان انا مانيش ضمن افراد الرحلة يصراو هذوة العراقيل؟؟؟؟؟
الأستاذ لي كان مسؤول على رحلتنا كان ولا على بالو رمى كامل المسؤولية على هذاك déléguai تاعنا خاطر شافو كيفاش قدر بإتصالاتو يجيب رقم رئيس البلدية وعيطلو وتفاهم معاه انو يتلاقى بيه بعد الظهر في المكتب تاعو
اما احنا قعدنا طول هذيك الفترة نتسكعو في ارجاء الجامعة وبالطبع كان عاجبني الحال كي كنا كلما نفوتو على جماعة يقولو هذو هوما لي راهم رايحين لوهران
وفي وسط هذا الإستمتاع والسرور لي كنت فيه قطعني صوت التلفون كان بابا يعيطلي باش يسقسيني وين رانا زعما على اساس قلعنا ورانا في الطريق
بصح انخلع كي قلتلو بلي مزالنا في الجامعة وكي حكيتلو وعلاه مازالنا مانروحو حسيتو شوية تقلق خاصة كي عرف بلي حتى بعد الظهر باش ننطلقو
وجاء الظهر وبعد الظهر قعدنا نستاو والمسؤول مزال ماجاش وكي لحقت الربعة تع العشية تقلقنا كامل وبدينا نعياو أما انا فقدت الأمل إطلاقا بلي رح نروحو هذي الرحلة خاصة بعدما أبي الحنون كان يعيطلي كل نص ساعة ويقلي وين راكم واخر مرة قالي راني في الطريق جاي نديك نظن راهم الغاو الرحلة وحشمو باش يقولولكم
( زعما ولى محلل نفسي)
على 4.30 جاء المسؤول ومعاه التسريح وانا كنت اكثر وحدة مقلقة وقتاش يقلع الbus هكة باش بابا مايلقانيش هنا كي يلحق وماجينا نوجدو رواحنا ونحكمو بلايصنا كانت الساعة 5 مساءا وانطلقت الحافلة على أقل من مهلها واحنا خارجين من الجامعة لقيت بابا قدام الباب الكبير ويجبد في تلفونو باش يقلي ارواحي راني قدام الباب
الحمد لله سلكتلها ورفدت عليه وقلتلو خلاص انطلقنا ورانا قريب (يعني) نخرجو من الشلف وماسمعتش بعدها غير صوت طيييين طيييييين (قفل التلفون)
وصلى اللهم وسلم على سيدنا محمد