صحيفة اختبارات ضباط الشرطة وضباط الشرطة للامن العمومي

[Badre88]

إلى mohamed:
بعد هاذا سبقى les concour
sportK psychology, ecrite et oral
كل مرة يبعتولك convocation باش تفوتهم
صح فطورك

[Badre88]

من بعد يصلك استدعاء خاص بالفحص الطبي و البسيكو تقني فياحدى المدارس او مقرات الوحدات الجمهورية الواقعة في منطقتكم

من بعد يصلاستدعاء خاص بالكتابي و يكون في الكتابي 3 امتحانات في القانون العام و الجغرافياالاقتصادية
و الثقافة العامة المعاملات 3 3 2

من بعد يصلك استدعاءللشفوي و الرياضي

الشفوي فيه مجموعة من الاسئلة موضوعة في الطاولة على شكلقصاصات تختار وحة و تجاوب عليها

و الرياضة فيها 400 متر سرعة و رمي الجلة

و من بعد يوصلك محضر التبليغ للاتحاق بمدرسة الشرطة للشاطوناف او الصومعة

الف مبروك

[مشري85]

انا جوزت البسيكو تكنيك
العام اللي فات تاع ضباط شرطة جوزنا يومين بالاحد و من باعد الاربعاء في نفس السمانة
تجوز عند الطبيب يقلبك يقيس طولك و يشوف النظر تاعك و رجليك
المهم يتاكد من كل شيء.
مدونا اسئلة
كراس فيه اسئلة '500'
تجاوب في ورقة
oui/Non/?
قالنا الطبيب النفسي ردو بالكم ديروا علامة الاستفهام
و لازم ايجاباتك تكون موحدة
في جميع الاسئلة المتشابهة
لانوا صح 300 مي متشابهين و نفس الشيء للاسئلة الاخرى
و من ياعد مدونا
300 سؤال بنفس الشكل
و من باعد مدولنا
599 سؤال بنفس الطريقة لكن مختلفة شوية
على العموم ساهلة
و من ثم اعطاونا 20 تمرين
في اشكال تاع ديمينوا كاين فراغات لازم تكمل الفراغ بالديمينوا الصحيح
هادي هوما يفهموك عملية حسابية برك
لازم تحل 20 تمرين في 30 دقيقة
انا الحق حليت 13 تمرين و نجحت
و كاين اللي تخلعوا ما حلوا والوا
المهم انك ما تتخعلعش و تفتح حتى كون غالط
و الله سااااااهل ما تخاااافش
حنا دخلنا على 7:00 صباحا
حتى الـ16:30
بالتوفيق

[salim amari]

صح فطورك اخي كريك انا فوت امتحان طبي والبسيكو في ولايتي يوم02/08/2010ولكن امتحان الثاني مزال مرسلوناش كونفيكاسيو بصح حاجة وحدة باغينسقسي عليها من فضلكانا اليوم الذي دفعت فيه كان عمري 30اجريت امتحان الاول كل شيئ نورمال ولكن انا الان دخلت السن 31 يوم 23اوت 1980 حبيت اعرف هل اجري امتحانات اخرى او لا اريد منك الرد في اسرع وقت مع السلامة اخي كريك

[dreamboydz]

[list]
[*]السلام عليكم انا فوت هذا العام ضباط و فوت البسيكو نوصيك حاجة قبل ماتروح 1 اللحية طلبوا من تحليقها [*] 2 البليغة أي النعالة [*] 3 التريكو لازن مايكونش رياضي و لا فيه الكتابة [*] 4 عند الدخول لا تقعد في الكرسي لازن حتى يقولك تفضل[*]أنا العام اللي فات حركوني علا جالها و الأسئلة الإسم و اللقب و تاريخ الإزدياد لماذاإخترت الشرطة قلو لأسباب أجتماعية \و ربي ينجحك
[/list]

[salim amari]

صح فطورك اخي كريك انا فوت امتحان طبي والبسيكو في ولايتي يوم02/08/2010ولكن امتحان الثاني مزال مرسلوناش كونفيكاسيو بصح حاجة وحدة باغي نسقسي عليها من فضلكانا اليوم الذي دفعت فيه كان عمري 30اجريت امتحان الاول كل شيئ نورمال ولكن انا الان دخلت السن 31 يوم 23اوت 1980 حبيت اعرف هل اجري امتحانات اخرى او لا اريد منك الرد في اسرع وقت مع السلامة اخي كريك

[houssem_3h]

اخويا انا عقبت العام اللي فات مسابقة مفتشي الشرطة والعام هذا سجلت في ضباط الشرطة..
ممكن نفيدك بمعلومات حول مسابقة مفتشي الشرطة ومنظنش بلي تختلف ياسر على مسابقة ضباط الشرطة سوى بتغيير مكان اجراء الامتحان.
---------
وكانت مراحل سير الاختبار كا الاتي:
1-حطيت الدوسي في مدينة بريكة ومبعد في سبتمبر جا الاستدعاء باه نطلعو للولاية باتنة ونعقبو فحص طبي وبسيكو (كان الحالة مرخوفة اخلاااص).

2-بعد ما فات شهر ولا اكثر جا استدعاء للذهاب لمدرسة الشرطة بفسديس -الولايات اللي لقيتهم ثم : بسكرة . باتنة . الطارف. قسنطينة. تبسة. سوق اهراس. ام البواقي.
وتعقب فيه الفحص الطبي -مزيرة الحالة شوية- وتعفب البسيكو تقني -1000 سؤال على الشخصية والذكاء- عادي بصح راسك يتحرق من الاسئلة اللي يطرحوها ههههه مثلا: هل تخاف من الدم هل لديك صديقة هل تشرب الكحول هل تفضل ان تكون بائع زهور او عامل في منجم ....على هذا المنوال.

3-بعد هذا تاع البسيكو تقني تستنى قريب شهرين وجا الاستدعء ل قسنطينة-سيدي مبروك- تعقب الاختبار الكتابي...
*قانون عام معامل 4 ..........-2 اسئلة اختيارية خير واحد-
*جغرافيا اقتصادية معامل 4 ..........-2 اسئلة اختيارية خير واحد-
*ثقافة عامة معامل 2 ..........-2 اسئلة اختيارية خير واحد-

4-بعد متفوت الكتابي جانا استدعاء نعقبو الشفوي والرياضة هههههه. بمدرسة الشرطة ب ميلة.
الشفوي اسئلة اختيارية يطرحها عنك كوميسار ومعاه 2 اوفيسي يراقبو الحركة تاعك وطريقة الاجابة-نصيحة ليك كي تروحلهم البس كلاسيك ونحي اللحية - هههههههه.
الرياضي 400 متر فقط والوقت مهم ... ورمي الجلة 4 كيلو المهم جيب فوق 9 متر.

واهم حاجة متنساش تجيب معاك معريفة بلا بيها متنجحش ويركبولك فيلم تاع راك مكلاسي في الاحتياط هههههههههه.

[FOUAD91]

السلام عليكم
أريد المنحة ضباط شرطة والحماية المدنية
لمن يهمه الأمر

[FOUAD91]

.................................................. ..................

[aldjazira]

شكرا ... متى تجرى الإمتحانات النفسية

[aldjazira]

هل حقا لن توظف إلا 50 ضابطة .... إدا كان هدا صحيح أعتقد ان الوساطة ستلعب الدور الأكبر

[amine mobile]

المشاركة الأصلية كتبت بواسطة aldjazira

هل حقا لن توظف إلا 50 ضابطة .... إدا كان هدا صحيح أعتقد ان الوساطة ستلعب الدور الأكبر

ان شاء الله

[yacinedroit]

السلام على جميع اللاعضاء و المشرفين
هل من جديد حول استدعاء ضباط الشرطة .
وجزاكم الله خيرا على كل من يساهم في هدا الموضوع من نصائح و من مواضيع التي سبقت حتى تعم الفائدة على الجميع.
و ان شاء الله النجاح للجميع[/