جزء***135***من واش طيبتي اليوم - الصفحة 12

زهرة الريف* · 2015-06-22, 11:28

صباح الخير عليكم خياتي إن شاء الله تعالى تكونو لباس
قمر حنونة راني جربتها في البيراكس وماصرالو والو وأنا خليتها ريحت
أم الجود واش راكي وموفقة صلاة بإذن الله وكل من يقرأ حرف من كتاب الله ربي يفتح بصيرتو
أم تاجو كنت نستنى فيك جاوبيني على المشماش يعيشك عسولة
أم ياسين مبارك لابنك التفوق وربي يسرلك حفض القرآن وتختميه انا حبست في سورة نوح والزهايمر بدأ مفعوله معايا
الأخوات سيماسيم وكاكينوفا وسونو مرحبا

زهرة الريف* · 2015-06-22, 11:31

اقتباس:

المشاركة الأصلية كتبت بواسطة ياسمين البلاد

خدي المشماش مع كمية السكر حسب الذوق التي انت تفضيلنه اتركيه يغلي مدة 10 دقائق بعدها مريه على الميكسوغ وطحنيه
ثم اقسميه في قارورة اتركي المقدار الذي تستعملينه الليلة وضفي له الماء واحتفظي بالباقي في الثلاجة

بارك الله فيك اختي ربي يحفضك ويرزقك واش تتمناي

أم محمد تاج · 2015-06-22, 11:35

واااي ااريفية حنوووونة قصدك العصير
اسمحيلي والله العتب على الذاكرة المهرية هري
شوفي اغسلي المشماش تاعك ونحي النواة وحطيه في قدرة وغطيه بالماء وحطيه يطيب على نار متوسطة وساعة ساعة حركي راه يلصق وخليه حتان يذوب يعني طاب نحيه وارحيه سخون وخليه يبرد وخبيه خاثر غي ساشيات باش مايحكمش اابلاصة وكي تحبي اجبدي بالساشية ذوبيها وزيديلها شوي ماء وصفيه ومبعد زيدي الماء والسكر حسب الخثارة والحلاوة لي تحبي وماتنسايش عصرة ليمووووون

أم فاطيمة · 2015-06-22, 11:38

السلام عليكم و رحمة الله
كي صبحتو الشيرات الله يبارك راكم ناشطين
دائمة الحمد ربي يعاونك و شكرا على الباروك مبصح هذاك مشماش و لا برقوق
راجع و نرجع

زهرة الريف* · 2015-06-22, 11:38

خوتاتي راني راجعت الصفحات على السريع بارك الله فيكم كامل وعييت نحفض الأسماء سامحوني التركيز 000000000
سلام حبوباتي نروح لشغالاتي ربي يوفقني ويوفقكم
سبحان الله .......والحمدلله. ....ولاإله إلا الله والله. ..........والله أكبر

زهرة الريف* · 2015-06-22, 11:45

اقتباس:

المشاركة الأصلية كتبت بواسطة أم محمد تاج

واااي ااريفية حنوووونة قصدك العصير
اسمحيلي والله العتب على الذاكرة المهرية هري
شوفي اغسلي المشماش تاعك ونحي النواة وحطيه في قدرة وغطيه بالماء وحطيه يطيب على نار متوسطة وساعة ساعة حركي راه يلصق وخليه حتان يذوب يعني طاب نحيه وارحيه سخون وخليه يبرد وخبيه خاثر غي ساشيات باش مايحكمش اابلاصة وكي تحبي اجبدي بالساشية ذوبيها وزيديلها شوي ماء وصفيه ومبعد زيدي الماء والسكر حسب الخثارة والحلاوة لي تحبي وماتنسايش عصرة ليمووووون

هذا هو عشمنا فيك يااحلى قطعة سكر بلون الألماس
بارك الله فيك وربي يرزقك ببنية حلوة واعطيهالي عروسة لابني الوحيد راه عاقل وحليوة ومتخافيش نسكنو وحدو 😆

دائمة الحمد · 2015-06-22, 11:52

عزيزتي ام فاطيمة المشماش احنا نسموه برقوق بثلاث نقط على القاف الاولى والثانية

أم فاطيمة · 2015-06-22, 11:52

راجعت و كلش فووووووووووووووور
الله غالب عندي زهايمر ما نقدر نحفظ الاسماء راني مع لعجايز لمخرفييييييييييين ههههه
بصحتكم دائمة الحمد معلومة جديدة واش درتي ريحتي من راسك ؟

أَوْتَآرُ الأَمَلْ · 2015-06-22, 12:15

صبآح النور
ادا ممكن تمدولي وصفة قريوش مليحة وناجحة +عجبني هدا شكل والا تقدرو تفيدوني بليـز
كمية قليلة ماشي بزآف

idron0 · 2015-06-22, 12:21

اقتباس:

المشاركة الأصلية كتبت بواسطة قمر 77

ايدرونو صح رمضانكم و ربي يتقبل و بارك الله فيك على الادعية قوليلي ربي يحفظك تقدري تعونيني بوصفات الكروفيت في وصفات الحراير جابولي و نعرفش نطيبو جاني بلاستيك و ليزا الحنينة غايبة ربي يسمعنا عليها اخبار الخير و الميكرو خاسر الرد هذا ما نعرف لا يفوت ربي يحظك

اختي قمر صح رمضانك انت و العائلة و رب يتقبل منا اسمحيلي يا اختي و الله حوست في الفهرس و ما لقيتش هي حطت عدة وصفات للاسماك لكن ليس الكروفيت اسمحيلي.

ام احمدي · 2015-06-22, 12:24

اقتباس:

المشاركة الأصلية كتبت بواسطة عازفة الناي

ام احمدي اسفة طولت عليك اسمحيلي
المسفوف :
نفور الكسكس ( البربوشة ) عادي 2 مرات و كل مرة نبخ بالماء
نحط الزبيب يفور مليييييييييييييييييييييح و من بعد نحط فوقه الكسكس يفور للمرة الثالثة ماننساش الملح
نوجد قصعة و نحط فيها كمية مليحة زبدة و السكر من بعد نخلط الكسكس بالزبيب وهو سخون مع الزبدة والسكر
و تقدميه بالف صحة
وهذي طريقة لف لي كورني

واذا عندك اي سؤال انا في الخدمة

ربي يخلييييييييييييييييييييييكحنونة عازفة الناي ويرزقك الزوج الصالح
المسفوف اليوم راح نديرو بكريقتك اممممممممممم
وميرسي على على عفسة لي كورني

oum anouar · 2015-06-22, 12:28

السلام عليكم
أختي دائمة الحمد لو سمحتي حطيليطريقتك اللي حضرتي بيها السيرووشكرا
السكرة ام محمد واش من وصفة درتي البقلاوة إذا تاعك حطيلي الطريقة وإذا كانت تاع ام أنس مديلي بعض النصائح جربتها مرة ومخرجتليش كيما تاعك
وليستومة إذا كانت مازالت توجعك حلحلي ملعقة صغيرة عسل حر في كاس صغيرماء واشربي على الفراغ راهوامفعولو شافي بإذن الله

idron0 · 2015-06-22, 12:30

اقتباس:

المشاركة الأصلية كتبت بواسطة قمر 77

ايصبحنك بالخير ام الجود و شكرا
ذاك راه سلفي جابلي عرام كروفيت و كالامار و سلمون و ختك حابسة فالبحريات ما نحبهم ما نعرفلهم و دارتها بيا ليزا اللزيزة ربي يرجعها على خير درك نروح كاشما نصيب عند سيمفونيتي شكرا
كاكي يعطيك الصحة
فرح العمر ربي يحفظك تخلفت فيا مللي حصلت حنانو و قلتلها طيشيهم و ما تطيبيهمش ههههههههههه

سمك التونة الصفحة 7
سمك الراية lyzzabel la raie الصفحة 11
سمك التونة في الفرن الصفحة 15
كالامار مقلي الصفحة 17
ارز بالكلامار الصفحة 18
سمك التون بلاصوص تومات الصفحة 24
اﻻسبادوون الصفحة 49

أم فاطيمة · 2015-06-22, 12:35

لبنات شكون تعطيني فلون يطيب في الفور و يكون بنين

زهرة الريف* · 2015-06-22, 12:36

اقتباس:

المشاركة الأصلية كتبت بواسطة أَوْتَآرُ الأَمَلْ

صبآح النور
ادا ممكن تمدولي وصفة قريوش مليحة وناجحة +عجبني هدا شكل والا تقدرو تفيدوني بليـز
كمية قليلة ماشي بزآف

اختي أوتار أنا درت وصفة الطيبة عازفة الناي والله روعة والذوق تهبل جاتني كمية لاباس بها تقدري ديري كمية أقل
تلقايها في ركن الحلويات منعرفش نحط الرابط وكان حطيتو لختي