~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~ - الصفحة 12

ريتاج تيارتية · 2015-03-31, 23:14

هدا الكان يقولو طريق عماري هديك الطريق تدي لولاية تيسمسيلت

ام سراج وملاك · 2015-03-31, 23:18

ههههههههههه ريتاج وحدك لوكان غير عينيها هبلوني
زينب سطيف العالية شكون لي ميعرفهاش ربي يبارك وتصاور نتاوعك رووووووووووووعة سخفتني عاندتك جبتلكم تشوفو بلاد المشماش نقاوس شوفو كي بدا ينور كي ينوض نزيد نصورولكم كي رحنا عند اختي خرجنا نحوسو وصورتهم

وهاذم حجار هزوهم لولاد كي كنا نحوسو شوفوهم سبحان الله

وهاذي مشوشة دارتهالنا اختي بلاكش متعرفوهاش كاس حليب زوج بيضات شوي ملح مغرف كبيرة نشاء ونص باكي خميرة القاطو تخلطوهم مليح وتزيدو السميد العادي نتاع الكسرة تولي جارية شوي تقليوها وتكبو لعسل فوقها لي فحلة طيبها لغدوة صباح لفطور ساهلة وبنينة بلاكش كاين لي ميعرفهاش

زينب 83 · 2015-03-31, 23:19

شكرًا رتاج. المكان رائع صراحة و كنو قطعة من الجنة تسلمي

تصبحون على خير حبيباتي ، نروح نحط حفظ القران ،راني روطار اليوم ، ليلة سعيدة ، الدار داركم

ام سراج وملاك · 2015-03-31, 23:21

لبنات نخليكم عينيا تغمضو ومزالو شوي تصاور غدا ان شاء الله نحطهملكم
زينب ربي يبارك راكي قايمة بالكوزينة وعجبني التغير

ريتاج تيارتية · 2015-03-31, 23:22

ههههههههههه ام سيراجووو هامالا واش هبلك كتر ماتقوليليش اللون لخضر ههههههههههههههه
مممممممم بصحتكم التحويسة الله يبارك شفتي ايام الربيع مكانش قاع كيفها

ناهدوران · 2015-03-31, 23:22

مساء الخير والنور و الانوار وصح عشاكم
زينب83 الف مبروك على الكوزينة وربي يجعلها معمرة بالخير و الفرح و السرور
يعطيك الصحة على التحويسة الي ديتينا لسطيف شكككككككككككرا

أم هبوبة · 2015-03-31, 23:24

ام ماجد بصحة روزا المشتريات و تتهنى بيهم ان شاء الله و تستعملهم بالصحة
ز زينب 66 مممممم رائع واس حطيتي
ام هديل ذوائع واش حطيتي
ريتاج طاجين الجلبان يشهي و سكرا على وصفة صبيعات القذنون
سندوسة مممم على هديك الحريرة ذانا من واتبة وحدة يعني رانا جيذان
ام ساجد بصحتك العشى و ربي يخليلك اختك على المشتريات و سمية الحمد الله راك عارفة مسكينة و الله حالتها راه مقطعتني هدي الايام راه غير تبكي
ام خالد اسلام حلوباتك ذوعة
اسمهان رائعة و متالقة و اطباقك ما شاء الله و راني شفت موضوع المدلان نجربه و نحطلك التطبيق بادن الله
نجاة بصحتك ااعشى راه يشهي
جيادة الله الله على هدوك الاطباق بصحتك كل شيئ روعة
زينب شكرا على التحويسة الله الله على سطيف العالي نموت على الشرق الجزائري و متمنية نشوفه و لا لابسة الشاوية يا ما علبها شعال تعجبني القندورات نتاعوهم مين كنت نوجد في جهاز عرسي بعت قطعة قماش حتى لوسارة و قلتلهم خيطولي موديل كيما نتاع الشاوية
مين نكون انا و زميلاتي في العمل و يبقاو يتكلموا واحدة تقول باغية نشوف فرنسا و اخرى تقول اسبانيا دايما نقولهم باغية نشوف بلادي الشرق و الجنوب و الوسط عاد نخمم في بلاد الخارج و الله بلادنا شابة و زينة الله يحفظها و يحميها
ان شاء الله ما نكون نسيت وحدة و الي نسيتها تعدرني و نقولكم كامل يعطيكم الصحة و مهرجان ااسفرة بين بلي كاين فحلات و شافات احسن من الي راهم بجو في حصص الطبخ
تصبحن على خير

ريتاج تيارتية · 2015-03-31, 23:24

واه زينب شفتي بلادنا كي شابة ماشاء الله ليلة سعيدة ربي يكون في العون
تصبحي بخير حبيبتي ام سراج غدوة ان شاء الله

ام سراج وملاك · 2015-03-31, 23:25

اقتباس:

المشاركة الأصلية كتبت بواسطة ريتاج تيارتية

ههههههههههه ام سيراجووو هامالا واش هبلك كتر ماتقوليليش اللون لخضر ههههههههههههههه
مممممممم بصحتكم التحويسة الله يبارك شفتي ايام الربيع مكانش قاع كيفها

رجعت علاجالك ريتاج عندك الحق وحدو اللون الاخضر متبدليش التصويرة كي ندخل للكوزينة ونلقاك تبانلي الصفحة لي فيها نتي ضاوية بزاف وانا نموت على التوارق ولبستهم خي تقولولهم هكذا ولا راني غالطة حقا نسيت معلقتش على طيابك رووووووووعة وشكرا على الوصفة لي حطيتيها نطبقها باذن الله تصبحي على خير ياغالية
حقا بلادك رووووووعة

ريتاج تيارتية · 2015-03-31, 23:28

ههههههههههه ربي يحفظك ويخليك حبيبة واه اللون هداك باهي انا ثانيك يعجبني واه نورمالمو توارق كيما قلتي
شكرااا حبيبتي ربي يخليك ان شاء الله تعجبك
موااااااااااااااح

ريتاج تيارتية · 2015-03-31, 23:29

شكرااا حبيبتي ام هبووبة ربي يحفظك
شيرات نخليكم تصبحو بخير ليلة سعدة غدوة ان شاء الله

ام نوردين · 2015-03-31, 23:30

السلام عليكم ورحمة الله تعالى وبركاته بصحتكم العشا عشانا كان شربة فارميسال والسردين درتو طبيقات وليفريت وكسرة دارت بنتى الهام تارتلات تاع الفراز بالعجينة تاع الزيت تاع الهام بصح انا نحط معاها زوج مغارف سمن ولا مارغرين تجي مليحة
زينب بخصوص التحلية انى موافقة ديريها فى المسابقة بلاك نزيدو كانش تلباز
السمهان عيونك الحلوة يالزينة جيادا بصحتك العشا يسخف
قمر الزمان شكرا حنونتى بصح مافهمتش واش هو الحلحال
ام ماجد بصحتكم المشتريات وتستعملهم بالصحا والهنا
ام ساجد الفريكاسى كاصانى امممممممم وبصحتك واش شراتلك اختك ربي يخليهالك
زينب 66 عشاك خفيف ظريف ويشهى
ام هبوبة الهامبورغر روعة بصحتك
زينب 83 عشلك سخفنى بصحتك حنونة شكرا على التحويسة كي شفت الثلج بردت
ريتاج كلشى هايل دخلة قوية امممممم
ارزاق ام هديلام محمد اسلام ام سيراج وملك
نجاة بصحتك الكرنب
ليلى شاهين اهلا وسهلا ومرحبا بيك معانا

ام نوردين · 2015-03-31, 23:31

ام سيراج ماشاء الله على جمال الطبيعة صور تحفة شكراااا

ام نوردين · 2015-04-01, 00:12

تصبحون على الف خير

زينب 83 · 2015-04-01, 05:35

صباح الخير عليكم حبيباتي

صباح الإبداع و النشاط و الحيوية

ان شاء الله يكون يوم سعيد للجميع

راح نعمل رياضة ، و نكمل الميناج و نرجع بإذن الله ، غدايا عدس

أصبحنا و اصبح الملك لله