فكرة وتدبيرة من تجربتيي....شاركينا واحدة - الصفحة 12

شوشو 11 · 2014-05-28, 14:16

اقتباس:

المشاركة الأصلية كتبت بواسطة تاج النور@

سلام عليكم

عفوا أختي مافهمتش ممكن توضيح

وبارك الله فيك على هذا الموضوع اول مرة انتبه له

اهلا وسهلا اختي ونور الموضوع بمروررك وطبعا لا تحرمينا زياراتك محملة بالفائدة لنا ولك
والبوشون تشدي به لاجاكس بدل يدك باش ما تتحك

اقتباس:

المشاركة الأصلية كتبت بواسطة wafa.wafa

للاحتفاظ بالدقيق (سميد ) مدة طويلة بلا ما يفسد خاصة في الصيف ضعيه في الفريقو وجبدي كل مرة الكمية اللي تحتاجيها وهكذا يبقى كيما حطيتيه وما يفقدتش بنتو ولا ريحتو مجربة واكيدة

شكرا اختي وبارك الله فيك

اقتباس:

المشاركة الأصلية كتبت بواسطة حواء امة الرحمن

السلام عليكم باش تحتفظي بالحشاوش و المعدنوس ويبقى اخضر و جديد نقيه من الاعشاب الاخرى لي تكون معاه بلاما تغسليه ديريه مثل الباقة وحطيه في كاس ماء و ديريه فالباب نتاع الثلاجة راح يبقى فترة طويلة حتى 15 يوم جديد برك زيديه الماء كي ينقص عليه و كي تعودي داتستعمليه نحي واش تسحقي و اغسليه راح يبقى كي ما شريتيه

صح وانا موالفة نعملها
يعطيك الف صحة وننتظر مرورك بتدابير اخرى

اقتباس:

المشاركة الأصلية كتبت بواسطة بوبازين

علاش تخصري روحك وتشري بخاخ اصنعيه انتي ما.وخل ابيض ومسحي النوافد.التلفاز المريات.ادا حابة البغرير او الغرايف يجيك خفيف احنا تاع الشرق.نعجنوه مليح وعندما نبل نحظلو بيض كامل حوالي اربعة وتزيدي ودعيلي خفة وطراوة..الفور توسخ اشري مكشط الفور.وايضا نستعمله لما تتسخ الكوزينة اي الجدران نرش فقط ويترك يمسح دون عنا باي مزال افكار جديدة

ياسلام هده تدابير كالدرر كلها عملية ومفييييدة
الف الف شكر
ولا تحرمينا غيرها من التدابير نحن فالانتظار اختي

أم أماني أريج · 2014-05-28, 16:25

.................................................. .................................................. .................................................. .......................

أم أماني أريج · 2014-05-28, 16:35

إذا أردت تجميد الجلبانة ما تجمديهاش داخل أكياس بلاستيكية جمديها في قارورات ماء معدني أو مشروبات غازية و تكون صغيرة الحجم و هذي الطريقة تسمحلك باش تحافضي على الجلبانة فريشكة حتى و ان ذوبتي الثلاجة عكس الأكياس البلاستيكية لي تفسد فيها الجلبانة سريعا بعد تذويب الثلاجة

أم أماني أريج · 2014-05-28, 16:41

إذا حبيتي تجمدي حميس أو شلاضة فلفل في المجمد و تستعمليها في شهر رمضان ما تجمديش كمية كبيرة في بورت مونجي ضعي كميات صغيرة في أكياس ببلاستيكية و ضعيها كلها في بورت مونجي داخل المجمد و كل مرة تحبي تستعمليها اجبدي كيس واحد .

djazia87holi · 2014-05-28, 20:29

اخواتي اليوم حبيت نقلكم على حل مشكل تعاني منهم بعض السيدات وهي تعفن الطماطم المصبرة كي تتفادايها ديري طبقة من الزيت فوقها في الثلاجة وعند احتياجها ديري منها ونحي الزيت منها ورجعيها للثلاجة ولي عودة ان شاء الله بافكار جديدة تحت اشراف الاخت شوشووووووووووووووووووو

حنةالفردوس · 2014-05-29, 18:53

هذه تدبيرة سهلة و مريحة عندماتنظفي السردين وتنزعي الرؤوس تضعينها في صاشي والصاشي داخل صاشي حتى توصلي لخمسة او اكثر رغم هذا وفي فصل الصيف خاصة تتسرب الروائح الكريهة منها الحل هو ......................................قرعة البلاستيك. ضعي فيها الرؤوس و الاعمدة الفقرية اغلقيها باحكام ترتاحي من الرائحة و من هم القطوطة

دُرة بيتي · 2014-05-29, 20:49

شكرا جزيييييييلا اخواتي لقد استفدت كثيرا
وشكر خاص لصاحبة الموضوع

djazia87holi · 2014-05-30, 17:09

اقتباس:

المشاركة الأصلية كتبت بواسطة حنةالفردوس

هذه تدبيرة سهلة و مريحة عندماتنظفي السردين وتنزعي الرؤوس تضعينها في صاشي والصاشي داخل صاشي حتى توصلي لخمسة او اكثر رغم هذا وفي فصل الصيف خاصة تتسرب الروائح الكريهة منها الحل هو ......................................قرعة البلاستيك. ضعي فيها الرؤوس و الاعمدة الفقرية اغلقيها باحكام ترتاحي من الرائحة و من هم القطوطة

اختي هذه الفكرة مجربة شفتها في المنتدي للاخت صاااااابرة والله غير تهنيت من الريحو ومن تمروين القطط لي يكسراي راسي

حنةالفردوس · 2014-06-02, 15:49

اختي djazia كما رايت لم اقل انها فكرتي بل قراتها في منتدى لم اتذكره . ولما اعجبتني و طبقتها و كنت لي حل مذهل اصبحت اقدمها لكل من اعرفها .بارك الله في من اكتشفتها

djazia87holi · 2014-06-02, 16:42

اقتباس:

المشاركة الأصلية كتبت بواسطة djazia87holi

اختي هذه الفكرة مجربة شفتها في المنتدي للاخت صاااااابرة والله غير تهنيت من الريحو ومن تمروين القطط لي يكسراي راسي

اختي هذا كان ردي على تجربتك على ما اظن ومكان حتى نية سوء لك وانت فهمتيها العكس انت حررررررررررررررررة

شوشو 11 · 2014-06-02, 21:50

شكككككككككككككككرا اخواتي الغاليات على التدابير
وفعلا كلها عملية
ربي يجازيكم خيرا
وطبعا نحن دائما فالانتظار بدرر اخرى

شوشو 11 · 2014-06-02, 21:58

حبيباتي الثوووووم وااااااه من ريحته وتنقيته
الحل
حتتي الرؤوس الى فصوص وشمخيها في وعاء ماء مدة حتى يرطى ومن بعد قشريه رايحة تلقاي القشرة رطية وتم تم تتقشر
هنا اللي حبت ترحيه او تخليه فصوص وتكونجليه او تتركه فالثلاجة فالباب

حبيت اطرح تجاربكم في تخزينه
كفاش تخزنيه يعني الطرقة اللي تعجبك ويبقى الثوم محافض على ريحته
ولي عودة غي رايي
انتظركن اخواتي لتبادل الاراء

دُرة بيتي · 2014-06-02, 22:36

شكرا للافكار وعجبني موضوعكم نولي كل مرة نفيد ونستقيد
اختي شوشو شكرا على فكرة الثوم
طريقتي اتركه كماهو حب ونحطو في بلارة في باب الثلاجة وكل مرة نجبد ونرحي على خاطر المرحي يصفار لونه وتتبدل ريحته
هدا رايي
وانتظر راي الاخوات

ضحى تسابيح · 2014-06-03, 15:22

موضوع مفيد .......... لي عودة إن شاء الله

دُرة بيتي · 2014-06-03, 21:58

هاقد عدت اخواتي
ادا حبيتي الدجاج يطيب بسرعة وفيه بنة مليحة زيدي معاه قليل من الخل
وعجائب الخل كثيرة منها
كمية من الصابون السائل مع كمية اقل خل وبودرة خخميرة كيمياوية وتنظفي بها كل مكان في البيت وحتى المواعين
المهم منظف عام