الجزء 47 من واش طيبتي اليوم ؟؟ مرحبا بيكم جميعا - الصفحة 12

دائمة الحمد · 2013-12-23, 22:37

مننننننننال شفتي الوصفة ولا مزال زيدي ماتجربيهاش
ساعة وانا نكتب ادايا طاحو

islam1aya · 2013-12-23, 22:38

سلامو حبيباتي المتواجدة منولة وام ماجد والاخت مونية واللاخرايات ومبروك المطبخ الجديد

دائمة الحمد · 2013-12-23, 22:42

اهلا وسهلا ام اسلام

أم ماجد · 2013-12-23, 22:46

دائمة الحمد حطي صورة هاد الوصفة شهيتيني هههههه
منال واقيلا غير راكي تسماني هههههههه
ام اسلام ليك وحشة وين كنت ؟

islam1aya · 2013-12-23, 22:47

الاخت ريتاج عشاك هايل بصحتكم اختي زهرة الحوت اممم مشهي والمطلوع خفييييف بصحتكم

طمطوطمتي هايل الدبدوب حبيبتي وفي انتظار الوصفة

راجية غفران ربها · 2013-12-23, 22:47

اهلين ام اسلام و اية و يوسف واش هذ الغيبة ان شاء الله خير

دائمة الحممد فهمت وما فهمتش هههههه يعني تحليهم الكل و تعاودي تولي ليهم ماكانش الصور التوضيحية حنونة باه نشوف الطريقة هذي اول مرة نشوفها

يعطيك صحيحتك يااااااااا رب و يصلحلك لوليدات يااا رب يسخرلك زوجك ياااااا رب

ام الهضاب · 2013-12-23, 22:49

اقتباس:

المشاركة الأصلية كتبت بواسطة ilbeldelmondo

سلااااام على الأحبة
مبروك الكوزينة و تفضلو الدبدوب المحشي و ان شاء الله نحط الوصفة في المنتدى

درتو مع حساء الخضر و باه نفرح الكردي الصغير حبوبي هههههه فرح بيه و حب يهز كل هههههه

يا تومة اخيتي عندي طفل سمين و إلا حطيتلو هذا الدبدوب واش راح يولي هههههههه ؟
بصح الحقيقة و الله غير الأفكار عندك ما يخلاصوش الله يبارك ،واش راهي لايدي سلميلي اعليها

راجية غفران ربها · 2013-12-23, 22:50

اقتباس:

المشاركة الأصلية كتبت بواسطة أم ماجد

دائمة الحمد حطي صورة هاد الوصفة شهيتيني هههههه
منال واقيلا غير راكي تسماني هههههههه
ام اسلام ليك وحشة وين كنت ؟

و العكس صحيح ياك قتلك راني مريضة هذا ما عجبني في المرض ههههههههه ربي يشفينا اجمعين يااااااا رب

lamis.imen · 2013-12-23, 22:51

السلام عليكم
انا جديدة معاكم كنت نتبع بصمت و عجبتني لمتكم و صحبتكم ربي يدومها
تقبلوني بيناتكم

هذا عشايا ديرت شوربة و بوراك راجلي يموت عليه و ديرت رولي مونيا خرج روعة ولكن انا بدلت الحشو ماكانش عندي سلق و ديرت تارت الشيكولا
ان شاء الله يعجبكم عشايا و تقبلوني بيناتكم

راجية غفران ربها · 2013-12-23, 22:52

ام الهضاب واش لقيتي العطلة رااااااااااااااااااحة من التحضير و تكسار الراس و البكرة و الحس نتاع التلاميذ و .....

واش درتي للعشا يا العزيزة

دائمة الحمد · 2013-12-23, 22:52

يامنال راني مازلت مابيناتنا مانعرفش انحط الصور اني نصور ونخبي حتى يحن ربي

islam1aya · 2013-12-23, 22:54

اهلا بيك اختي دائمة الحمد معرفة خير منورة المنتدى ان شاء الله صحبتنا تكون طيبة
ام ماجد عزيزة حتى انا توحشتك حنونة الحياة بلا بيكم فارغة والفتكم

ام ماجد ومنولة مقروطة سراق الكابل سرقلنا الكابل للمرة 10على ما اظن لكن قريب اصلحوهولنا هذه المرة تحت الارض يعني نات فيبروبتيك
والان راني معاكم بالوفي يعني بيراتاج هههه مصبرتش عليكم هههههه والنات بيه ثقيلة مانقدرش نشارك ولا نحمل صور

راجية غفران ربها · 2013-12-23, 22:54

اقتباس:

المشاركة الأصلية كتبت بواسطة lamis.imen

السلام عليكم
انا جديدة معاكم كنت نتبع بصمت و عجبتني لمتكم و صحبتكم ربي يدومها
تقبلوني بيناتكم

هذا عشايا ديرت شوربة و بوراك راجلي يموت عليه و ديرت رولي مونيا خرج روعة ولكن انا بدلت الحشو ماكانش عندي سلق

اهلين لميس ايمان بين اهلك و اصدقاءك

قوليلنا شحال عمرك؟؟؟؟

و واش درتي ولا درتو للعشا؟؟؟؟؟؟؟؟؟؟؟؟؟

R I A D · 2013-12-23, 22:54

بنات اني قاعدة نشخشخ في الشخشوخة
و عيني عليكم ساعة ساعة نضرب
طلة دوك عييت نقول لكم تصبحون على خير
بون نوييييي
في امان الله

دائمة الحمد · 2013-12-23, 22:55

ام ماجد الوصفة راي كان تتفكري واحدالوقت كان قاطو اسمو قاطو البرية
مانعرف انتم واش تسموه يجي مثلو