الجزء29 من واش طيبتي اليوم؟ - الصفحة 12

ام خالد اسلام · 2013-09-25, 09:09

اقتباس:

المشاركة الأصلية كتبت بواسطة أم محمد تاج

شكرا حبيبتي أم برهووووم والقاطو يطيب يالغالية
حبيبتي أم خالد من عيوني صابروني شوي برك نحطلكم الوصفة وقاطو أم اماني تاع الصامصة هباااااال وهبلو عليه كل لي خدمتلهم يعني تغييير من التشاراك والعرايش ممممممممممم وأنا بدلت العجينة مع احترامي للحبيبة أم أماني العجينة تاعها تعبتني بزاف فدرت عجينتي رووووووووعة إذا حابة نمدلك الوصفة تاعها
والوردات حنونة شتي هذاك لي يبيع حوايج القاطو في لاسيتي مقابل متقن محمد الصديق بن يحي من ثمة شريتو اذا ماخرجتيش عليه نزيد نوضحلك

شكرا حبيبتي راني عرفتو هاداك لي يبيع حوايج القاطو وادا تكرمتي اعطيني مقادير العجينة

أم محمد تاج · 2013-09-25, 09:04

هههههههههههههههههههههههههههههههههههههه لهومة ضهرتي ضرك والتقرعيج ياخي عمبالك في دمي
رانا نستناو فيك وعمبالي راكي تمشي من منطق الشغل لمليح يطول ياخي؟؟؟؟

أم محمد تاج · 2013-09-25, 09:05

شكرا نجمة الحبيبة ومن عيوني وصفة القاطو

zahra30 · 2013-09-25, 09:06

ام ابراهيم عندي بزاف ما درتهمش ولاولاد يموتو عليهم وخاصة اني راح انيرلهم العسل الحر والدهان الحر ههههههه نبدلو شوية كرهنا من المراقي والعجائن
وبصحتك الحمص
اختي نجمة ربي يسرلك امورك حبيبتي ويسهلها ويعطييك ما تتمناي يارب
ام محمد تاج ما شاء الله غير طيحي بالوصفات والعيش درتو البارح للعشى هههههه
والبقية واش راح اديرو للغدى ؟

الأمنيات · 2013-09-25, 09:14

اللَهُمَ ارزُقنا فِي هَذِا اليوم
طُمَأنِينَةٍ لِكُلّ قَلبٍ خَآئِف
وأفتح لنا أبواب السعادة والامَل
صباحكم أمل

بريق الامل& · 2013-09-25, 09:18

مرحبا بالغايبات الي رجعو بقوة حلمي الجميل يعطيك الصحة
وتشكرات نتقبل ياك هكذا اسمك
ولهومة التالي زهرو عالي كل الانضار موصبة نحوك وتترقب بشوق معجناتك اخشى من السلاحف تشبع وتخليناههههههههههه
غياب ام كوثر؟؟؟؟؟؟؟؟؟؟؟
مرحبا بكل من دخلت ونورت الكوزينة

إلهام07 · 2013-09-25, 09:28

نجمة عند بالي أنا اللي راني دايخة واش من غداء راني خدامة
المهم هذو الأيام شبع فيهم العدس وبربوشة الحليب والفريت ههههههههههههههه
باش يشوفو طيابي اللي كانو يتكسلو عليه

بروقة سلاحف النينجا راهم تمتعو مايزيدوش ياكلو على شهر ماتتحيروش عليهم راني قايمة بيهم

نجمة ساطعة · 2013-09-25, 09:31

اقتباس:

المشاركة الأصلية كتبت بواسطة إلهام07

نجمة عند بالي أنا اللي راني دايخة واش من غداء

راني خدامة
المهم هذو الأيام شبع فيهم العدس وبربوشة الحليب والفريت ههههههههههههههه
باش يشوفو طيابي اللي كانو يتكسلو عليه

بروقة سلاحف النينجا راهم تمتعو مايزيدوش ياكلو على شهر ماتتحيروش عليهم راني قايمة بيهم

ههههههههههههه حشمتيني زعمة باش ام كوثر ما تاكلوش الردود تحبهم ياسر لانهم مالحين

ساعة طلعتي خدامة ههههههه

: cool:

وش رايحة ديري عشاء

شفتيني نخلع

بريق الامل& · 2013-09-25, 09:43

اقتباس:

المشاركة الأصلية كتبت بواسطة إلهام07

نجمة عند بالي أنا اللي راني دايخة واش من غداء

راني خدامة
المهم هذو الأيام شبع فيهم العدس وبربوشة الحليب والفريت ههههههههههههههه
باش يشوفو طيابي اللي كانو يتكسلو عليه

بروقة سلاحف النينجا راهم تمتعو مايزيدوش ياكلو على شهر ماتتحيروش عليهم راني قايمة بيهم

هههههههههههههههههههههه ما نأمنكش على بالي راكي تحضري في قنبلة الموسم كلنا شوق للاستمتاع

أم محمد تاج · 2013-09-25, 09:22

صباحووو الأمنيات راح نكسرلك راسك حبيبتي يعني غير ثلاث بيضات ومغرف زبدة يقطعولك بزاف راني عييت نتخيلها وحابة نجربها كيعاد ساهلة أشرحيلي من فظلك موووووووووووووووواح
أم خالد هاي ليك الوصفة: 300 غ مارغارين أنا نستعمل صول وزوج مغارف سكر قلاصي ورشة ملح وزوج بايط ياؤورت تاع الصومام ذوق فاني خبطيهم مليح بالباتور ومبعد ضيفي الفرينة حتان تتلم
حبيبتي كي تخدمي بيها خشني العجينة تاعك تجي روعة وتجي الحبة منفخة هذي الأولى والثانية لحواشي في دقيقة يرتاحولك أحسن من تاع أم أماني واعرين باه يرتاحو ويتعبو في الخدمة وزيد عجينتي تتغلق كي تخدمي الحبة بصح تاع أم أماني نصهم تفتحلي وتورطت ياي والثالثة أثقبي الحبة تاعك بالكوردون زوج ثقبات باش لهوا يخرج والرابعة ماتجريش الحشو تاعك وأنا استعملت حشو الحبيبة كاكي رووووووووعة يذوب في الفم وهو أربع كيلات لوز مرحي رقيق بكيلة سكر عادي وأربع مغارف زبدة طرية وزاست القارص واكستري اللوز المر ولميها بالبيض وعندك تجريها لوحي البيض بالشوي حتان تتلم وتجي ساهلة للتشكيل على خاطر راح تشكليها مثلثات أوكي يالحبيبة وكاشمة خصك راني هنا عمبالي طولت بالهدرة خخخخخخخ

بريق الامل& · 2013-09-25, 09:23

امنيات شكرا على الدعوة مع الصباح تشرح القلب ولك بالمثل
ام تاج تفاهمتو على البركوكوس يعطيك الصحة
والمشوك تحفة

oum ibrahim · 2013-09-25, 09:29

الهام يا صباح المعجنات وين لحقتي وواش تعشيتي البارح ؟؟؟؟؟

أم محمد تاج · 2013-09-25, 09:31

حبيبتي برووووقة وزهرة الحنونة شكرا لكما
بروووقة الغالية ماهوش مشوك حبيبتي راهي حلوة النوقة مممممممممممممم مبعد نحطلكم الوصفة

nihale89 · 2013-09-25, 09:32

صباح الانوار حبيباتي كامل
لكم لباس كاش جديد ما شفتوش
الهام مازال شوقتيناااااااااااااا

أم محمد تاج · 2013-09-25, 09:34

صباحووووو نهال ماكان حتى جديد ولهووومة راهي تلعب على أعصابنا وااااااااااااع