موضوع مميز وصفات من حراير مطبخ وش طيبتي اليوم - الصفحة 12 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات من حراير مطبخ وش طيبتي اليوم

موضوع مغلق
 
أدوات الموضوع انواع عرض الموضوع
قديم 2013-09-24, 15:49   رقم المشاركة : 166
معلومات العضو
maloo
عضو نشيط
 
إحصائية العضو










افتراضي

تارت الاختokio hotel t






ما يكون الا خاطرك اختى العجينة 125غ مارغرين فلوريال ضربيها مليح مع 125غ سكر رطب زيدى بيضة و فانى قرصة ملح نصف خمارة و 250غ فرينة حطى غير بالشوية ممكن ما تحطيش كل الكمية العجينة تكون طرية طيبيها على نار هادية انا نحبها حمرى و مقرمشة
الكريمة 100غ سكر 50غ نشا2 بيضات و فانى و نصف لتر حليب نزين بالفواكه و لمعى بالجولى انا بحبة كيوى و حبة خوخ درت حالة قطعى برك الشرائح رقيقة









 


قديم 2013-09-24, 16:45   رقم المشاركة : 167
معلومات العضو
maloo
عضو نشيط
 
إحصائية العضو










افتراضي

asmagirl90

ام ماجد انا نقلك على السفنج تاع سميرة
شوف ديري السميد عاادي ومعاه ملح قرصة وماء ولازم الماء بشوية برك
وامباعد ابداي ضيفي بشوية تاع الماء حتى يكون مطلوق شوية بصح يلصق
وامباعد ادلكيحتى دوخي ههههههههههه
وامباعد ديري الخميرة لكل كيلو 3 مغارف صغار ايواااا وامباعد ا خليه يخمر يتنفخ بزاااف
اجبديه وابداي اجبدي قرصة منووو وبصباعك شكليه وديري في صباعك الماء لانو يلصق وابسطيه
ثم الى الزيت يكون سخون وخليه يتنفخ ثم ديريلو الزيت فوقو
وهذا مكان نتمنى تكوني فهمتي ههههههههههه









قديم 2013-09-24, 16:52   رقم المشاركة : 168
معلومات العضو
maloo
عضو نشيط
 
إحصائية العضو










افتراضي

بريق الامل&
ام ماااااااااااجد


سفنج * خفاف *

شوفي انا دققت على طريقة العجن وطريقة الطياب
المهم سميد رطب وخميرة الخبز وملح وماء
وعجنت بالبيتران شويت يابسة وخليتها ادلكت مليح وزدتلها خميرة مشمخة في شوية ماء دافي
وطبعاا العجن بماء دافي
وبديت نزيد غير بشوية الماء
المهم تتحصلي على عجينة الاستيك تتكسل كي تجبديها تشبه عجينة لمسمن ولا الشخشوخة
كنت نحسب السفنج نطلقها على هك لالا قاتلك شغل كي تجي تقليها تتحلك
وتغطيها وتخليها تخمر
تسخني الزيت لاحظت مش مكثرة الزيت موالفة ندير واد ههههههههههه
لالا
وتغطصي يديك مليح في الماء وترفدي قيس قرصة تاع مسمن وتحليها بيدك وتقلي وترمي الزيت عليها
ديري مغرف طويلة تقلي بها باش ما اطيحلكش قطرة ماء في المقلى وتتحرقلنا ذوك لديدات الزينين الي يعرفو اطيبو
نقولك الصح ما تقيدتش بامقادير عيني ميزاني في السميد والخمارة والملح
ومن بعد نعاودو بسميد شباب
يعجبني مولكس
امنيات راها جايتني على التلباز ههههههههههه مزية رافقتيني نلبزو وحنا علاه
ما كنتش معولة شفتو طيران على المطبخ هههههههههه
وعد نعسهالك ونكتبلك مقاديرها ولا نسجلهالك ام مجود هذا مكان تطلبي عين نزيدك العين الاخرى
هبلتني لا كونكسيون راني نبعث ونعاود









آخر تعديل *ام رامي* 2013-09-27 في 15:46.
قديم 2013-09-24, 16:54   رقم المشاركة : 169
معلومات العضو
maloo
عضو نشيط
 
إحصائية العضو










افتراضي

بريق الامل&

كغ سميد مغرفو ونص ملح
ديري الماء بشوية واعطيه الوقت سر نجاحو في العجين
ما تزربيش
طميه واعجنيه
اذا عولتي لعشية شمخيه الصباح في كيس بلاستيكي وخليه يطرا
الفرق بينو وبين تاع الفرينة ما يشدلكش الوقت
تاع السميد يشد الوقت قد ما تعجنيه قد ما يجي مليح
اعطيه 20 حتى 25 د
وزيدي الما فير شوية على يدك
راكي تشوفي لعجينة راهي طرية ويديرلي في لبنابل هكذاك تعرفي العجينة راها مليحة بالعقل برك
هذا هو تاع السميد افار تاع وقت وعجين ههههههههههههههههه راني على المباشر ما لحقتش
تقدري تخبيه في الكونجلاتور وتسخنيه في الميكرو اوند
نروحو للخميرة
كيلو يدي تلاث مغارف دارتها هكاك في القصعة وشمختها
قاتلك هذ العملية هي الاخرة وما تزيديلوش الماء بزاف رايح يتحرحرلك
هك برك ادهني يدك
وغطيه ببليي فيلم يخمر مدة 20 حتى 25 د
ممكن ما ياخذش هذ الوقت
يطلع يخمر بزيادة ما تتقلقيش
اغطسي يديك في الماء وتبداي ترفدي وتقطعي وتزيدي تشمخي يدك وتشكلي لخفاف من الوسط للاطراف هكا هههههههههههه
لازم الزيت سخونة
الزيت ما اديريش بزاف ما لازمش تغرق
ولوحي عليها قد ما راكي تزيديلها قد ما راهي تطلع
كيف كيف مع تاع الفرينة تختلف فقط في طريقة العجين والوقت
نعاودو هك ههههههههههههه معليش تخيرلك الاولى الثانية الثالة ديريه مرات ومرات
اووووووووووووف
بدات توصي في بنات هذ الوقت يتعلمو فاتتني هههههههههههههه
باش يديروه لو لادهم كي يدخلو للمدارس ههههههههههه يديروه قبل لعمارهم ولرجالهم ومن بعد ولادهم
نظن وصلتلك الفكرة سيدتي ام ماجد
وماذا بينا بناتنا يتعلمو القليل القليل تاع التقاليد
والمطلوع يكون حاضر دايمن في شهر رمضان هههههههههههههههه









قديم 2013-09-25, 13:59   رقم المشاركة : 170
معلومات العضو
فايزة44
عضو مميّز
 
الصورة الرمزية فايزة44
 

 

 
إحصائية العضو










افتراضي

للغالية ام محمد تاج :

لحلوة طابع الصامصة:

أم خالد هاي ليك الوصفة: 300 غ مارغارين أنا نستعمل صول وزوج مغارف سكر قلاصي ورشة ملح وزوج بايط ياؤورت تاع الصومام ذوق فاني خبطيهم مليح بالباتور ومبعد ضيفي الفرينة حتان تتلم
حبيبتي كي تخدمي بيها خشني العجينة تاعك تجي روعة وتجي الحبة منفخة هذي الأولى والثانية لحواشي في دقيقة يرتاحولك أحسن من تاع أم أماني واعرين باه يرتاحو ويتعبو في الخدمة وزيد عجينتي تتغلق كي تخدمي الحبة بصح تاع أم أماني نصهم تفتحلي وتورطت ياي والثالثة أثقبي الحبة تاعك بالكوردون زوج ثقبات باش لهوا يخرج والرابعة ماتجريش الحشو تاعك وأنا استعملت حشو الحبيبة كاكي رووووووووعة يذوب في الفم وهو أربع كيلات لوز مرحي رقيق بكيلة سكر عادي وأربع مغارف زبدة طرية وزاست القارص واكستري اللوز المر ولميها بالبيض وعندك تجريها لوحي البيض بالشوي حتان تتلم وتجي ساهلة للتشكيل على خاطر راح تشكليها مثلثات أوكي يالحبيبة وكاشمة خصك راني هنا عمبالي طولت بالهدرة خخخخخخخ










قديم 2013-09-25, 14:11   رقم المشاركة : 171
معلومات العضو
om mita
عضو مميّز
 
الصورة الرمزية om mita
 

 

 
إحصائية العضو










افتراضي

أنا اليوم غدايا شوارما وقازوزة يعني كي شعل والو قدامكم










قديم 2013-09-25, 20:32   رقم المشاركة : 172
معلومات العضو
الدنيا
عضو محترف
 
إحصائية العضو










افتراضي

بريق الامل

2بيض
كاس سكر
كاس زيت
كاس حليب
1خمارة
فاني
2كاس فرينة
كاس مايزينة
وزينتها بكرام شونتيي
التزيين كما تحبي










قديم 2013-09-26, 07:48   رقم المشاركة : 173
معلومات العضو
ميمنة الجزائر
عضو متألق
 
الصورة الرمزية ميمنة الجزائر
 

 

 
إحصائية العضو










افتراضي

هذا رفيس من عند يدين حلم جميل يسلمو خرجلها روووعة عن جد

السلام عليكم
تعيشي عزيزتي انا ثاني خممت فالبقلاوة اسهل حاجة بصح قلت تكون اول حاجة دارتها
الله يبارك كاين حوايج بزاف جربت ثاني تشاراك مغبر بعجينة فلة رووووعة
هاهي طريقتي فالرفيس
[










والسر اللي يخليه يبقى طري بعد 10ايام واكثر هو لحليب
كي تبداي تشكلي وتحسيه شايح شوية متزيديش الزبدة كيما نشوف اخرين يديرو
زيدي لحليب بالشوية و اخدمي والله اللي يذوقو يحير فالطراوة تاعو
ساعات نصور نقول ندير مواضيع بصح التفنيين









قديم 2013-09-26, 08:18   رقم المشاركة : 174
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










افتراضي

أم محمد تاج
وصفة قاطو النوقة هاي ليكم حبيباتي:
700 غ كاوكاو بالقشور محمص ومرحي كيما تاع البقلاوة+ 300 غ سكر قلاصي ولافني والبيض وحدة بوحدة حتان يتلم فقط ماتجريهش راح يفسد ومن جهة أخرى أرحي كاوكاو نيء خشين كعبري القاطو تاعك ولوحي الحبات في الكاوكاو لخشين لي مايش محمص وحطيهم في لي كيسات وأدهني من فوق ببياض البيض ولصقي حبة نوازات وحبة بيستاش وحبة نوادكاجو ولا لوز ولا ربع حبة جوز لكي الاختيار وطيبيه كي يطيب عسليه بعسل سخون وحدو يعني مايش مخلط معاه ماء الزهر في ليكيسات بالمغرف حتان يتشرب العسل تاعو مليح وكي يشرب يعني لازم يومين باه يتشرب مليح بدليلو لي كيسات وعاودي أدهنيه فقط من فوق بعسل بارد وخاثر باه يبقى يبرق ورشي عليه بريو دوغي










قديم 2013-09-26, 09:24   رقم المشاركة : 175
معلومات العضو
oum ibrahim
عضو محترف
 
إحصائية العضو










افتراضي

قراتان لوبيا خضراء
تقطعي الوبيا و البطاطا دوائر و تملحيهم و ترابي عليهم سنة ثوم للبنة و تفوريهم او تقليهم انا فورتهم
من جهة اخرى تحضري صوص فيها حبة بصل مقطع مكعبات و حبة طماطم و حبة فلفل حلو و ملح و فلفل و سنة ثوم و شوية لحم مرحي اذا عندك تقدري تستغناي عليه

في بلا نتاع الفور تحطي اللوبيا و البطاطا و تفرغي عليهم الصوص تكون شوية خاثرة و تخلطي شوية باه تداخل المكونات في بعضاها وتدخليها في الفور تتجمروقبل ما تطفي رشي عليها جبن مبشور و معدنوس و تقدميها
تقدري تفرغي عليها البيض بصح كما تقول الهام يجيك كانك تاكلي في اوملات ماشي قراتان الله الله لك الاختيار
على فكرة مقادير الصوص انا درت حبة حبة لانو عائلتي صغيرة تقدري تضاعفي الكمية انت و افراد عائلتك و كمية اللوبيا و البطاطا الي عندك










قديم 2013-09-26, 17:02   رقم المشاركة : 176
معلومات العضو
oum ibrahim
عضو محترف
 
إحصائية العضو










افتراضي

ام رامي
البغرير
3 كيلات سميد + كيلة فرينة + بيضة + شوية زيت ما تكثريش + ملح وملعقة قهوة سكر وملعقة كبيرة خميرة الخبز
لمي المكونات بالماء الدافي حتى تتحصلي على عجينة متماسكة كما الكسرة ومن بعد ابداي باضافة الماء بالتدريح للعجينة مع الخلط انا ساعات نخدمها بيدي وساعات في البيترا وخلطي وحكي بيديك مليح حتى تذوب حبيبات السميدومن بعد غطيه وخليه يخمر حوالي ساعة
ثم اضيفي كيس خميرة كيميائية وحركي مليح وزيدي خليه حوالي 10 د ومن بعد ابداي طيبي










قديم 2013-09-26, 17:59   رقم المشاركة : 177
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي

*ام رامي*

طريقة البركوكس احنا نسموه عيش





اتفضلي
قطع دجاج + بصلة مفرومة كبيرة + 5 فصوص ثوم + قطعة شحم متبل اللي كنت حطيت طريقته في المحجوبة يعطيه بنة مميزة + شوية زيت وملح ونقلي على نار هادية ثم نضيف التوابل كسبر وفلفل احمر حار وحلو وفلفل اسود وافاح حسب الرغبة وفلفل حار اخضر وحبة طماطم حب مرحية وطماطم مصبرة ملعقتين كبيرتين نزيد نقلي شوية ونضيف الحمص وحبة بطاطا مقطعة نمرق ونغلق الكوكوت
العيش نحطه في صحن ونسكب عليه الماء الساخن ونخليه يتنفخ ويشرب ومن بعد نصفيه ونقطره مليح وندهنه بشوية زيت ونفوره تفويرة مليحة حتى يطرا
كي يطيب المرق انزعي منه صحن صغير مرق خليه للنهاية وزيدي اضيفي الماء للقدر لان العيش يحب الماء وحطي العيش نتاعك وخليه يطيب مليح
اثناء التقديم اسكبي فوقه المرق اللي نحيتيه من الاول واللي يكون خاثر وبنين يزيد فيه النص في البنة وما يجيش ناشف
وبالصحة والهناء










قديم 2013-09-26, 22:18   رقم المشاركة : 178
معلومات العضو
الدنيا
عضو محترف
 
إحصائية العضو










افتراضي

ام ياسين الزهراء

شوفي مليحة بالعجل ديري الزيت يتقلى اللحم ومنبعد التوابل انتاعك والملح وخليهم يتقلاو والطماطم حب وعلب ومرقي وخليه يطيب وكيتشوفي اللحم طاب ارمي القناوية ولازم المرقة تكون خاثرة والدبشة على الاخير وبصحتكم حقى ماتشقيهاش بالموس باش ماتوليش تزلق نحيلها غير الراس بلا ماتوصلي للتحت تاع الراس هدا ماكان وايه ماتنسايش الرند نوت عليه ونسيت نقلك اقليها شوي في الزيت قبل ماتلوحيها في المرقى



19 hasna


بعد ماتنقي القناوية فوريها واقلي قرن زوج قرون فلفل حلو وبيدنجال وقطعيهم صغار ومبعد اقلي القناوية في شوية زبدة وملح وماتقلبيهاش ياسر باش متتفتحش ويفسد شكلها

درك وجدي االطنجرة قلي لحم بقري او غنمي ف الزبدة وزيدي بصلة مرابية وحبة طماطم وست سنات توم وملح وفلفل اكحل ومعكر وتابل وكروية وامرقيها كيما الجلبانة كي تقرب تطيب حطي القناوية والفلفل البدنجال ونقصي للنار وخليها تقعد مليييييييح ومتبقايش تحركي فيها باش تبقى الحبة شادة روحها وزيدي فلفل حار وكولييها بصحة والهناء










قديم 2013-09-27, 16:06   رقم المشاركة : 179
معلومات العضو
*عاشقة الجنة*
عضو محترف
 
الصورة الرمزية *عاشقة الجنة*
 

 

 
إحصائية العضو










افتراضي


nadia7888

مربى الكرطوس





حكمت الكرطوس اللي كان عندي كبير قسمتو على 2 و كاين حبات كبار قسمتهم على 4 نحيتلو غير الجزء العلوي و ما قشرتوش , كيلو كرطوس ب 750 او 800غ سكر و عصير نصف حبة ليمون ’ ما تزيديش ولا قطرة ماء خلية ليلة أو نصف يوم تلقايه طلق الماء تاعو , حطيه على نار هااااااادئة و خليه يطيب بلعقل و مرة على مرة نحيلو هذيك الرغوة اللي تجي من فوق ماتجيش بزاف عكس بعض الفواكه و خليه حتى يعقد بصح ما تحركيش طول مدة الطياب ومن الأحسن تطيبي في حاجة ثقيلة انا طيبتو في كوكوط










قديم 2013-09-28, 15:55   رقم المشاركة : 180
معلومات العضو
oum ibrahim
عضو محترف
 
إحصائية العضو










افتراضي

ام رامي
الموسكوتشو
اربع بيضات كبيرة . 8 ملاعق كبيرة سكر عادي .. فنجان قهوة حليب واخر زيت الفنجان حجم كبير يمكنك تعويضه بكاس تاي صغير
1 خميرة .. نص كاس نشا . كاس ونص فرينة
انخلي الفرينة والنشاء وكيس الخميرة الكيميائية
اخفقي بياض البيض كاثلج
واخفقي الصفار وحده مليح ثم اضيفي له السكر واصلي الخفق ثم الزيت وواصلي الخفق حتى يصبح كالمايونيز واخيرا الحليب واخفقي جيدا طولي في هذه المرحلة باه تحصلي على نتيجة مرضية
اضيفي خليط الفرينة والنشاء والخميرة للصفار المخفوق وحركي بملعقة ثم اضيفي البياض وحركي بلطف
ادهني القالب بالمرغرين ورشي الفرينة واسكبي الخليط والى الفرن
ربع ساعة الاولى على نار مليحة 200او 180 كي تشمي ريحتها نقصي للنار باه ما تتحرقش وتنشف مليييييييييييح
خرجيها ادهني بفوطة مبللة بالماء البارد قالب الفرن باه تسقط الكيكة بسهولة وما تتفتتش
زينيها حسب رغبتك
وبالصحة والهناء
ملاحظة البيضات اذاكانوا صغار او متوسطين نقصوا كمية الفرينة اوكي ؟؟؟

























موضوع مغلق

الكلمات الدلالية (Tags)
مطبخ, الدول, حراير, وصفات, طيبتى


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 07:33

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc