موضوع مميز كل وحدة تدخل و تحط سر من اسرار الطبخ ولها جزيل الشكر - الصفحة 12

mimi souma · 2013-10-25, 15:34

اذا كانت عندك سباغيتي ولا ماقارون بايتة فالفريجيدار وتعجنت وحبيتي ترجعيها تبان جديدة ديريها في كسكاس وجوزيها تحت الماء السخون رايحة تولي جديدة وتبان هاذاك وين طابت

كوثرنيل · 2013-10-28, 09:34

ادا كان الطاجين نتاعك لما تطيبي لغرايف ما تطيبهوملكش مليح اي غير مثقبين من كل الجوانب ضعي كمية من الملح في الطاجين وتركيها تسخن ثم حكيها بطرف قماش وارجعيها جانبا كل ماتلاحظي ان لغرايف ماشي مثقوتين مليح عاودي حكي الملح الموضوع جانب الطاجين

~اسيل ريحانتي~ · 2013-10-29, 07:23

باش المقرود مايجيش معجن وتقيل خدمي السميد مع الزبدة دايبةفي الليل وخليه يبات حتى لغدوا طيبيه يكون تشرب مليح الزبدة او السمن تقليه يخرج هشوش

afiable · 2013-10-29, 22:38

باش تتعسل مليح الحلويات نتاعكم لازم يةون لعسل بارد والحلوة سخونة ولا العكس

dahbia2009 · 2013-11-02, 18:31

يعطيكم الصحة

ام محمد78 · 2013-11-05, 15:57

يعطيك الصحة

ghada91 · 2013-11-07, 19:28

حابة نعطيكم سري في طهي الروز

نقلي الروزمع الملح مليح فالزيت حتى تحسيه شرب الزيت و قبل ما يتغير لونو ضيفي الما

رح تسمعي وحد الصوت كي تضيفي الما... و بالطبع دايمن مقدار الما يكون ضعف مقدار الروز

و قبل ما تنقصي النار ديري مغرف صغيرة تاع زبدة... و نقصي النار مليح و غطي الطاجين

و الله يخرجلك الروز رووووعة و ما يتلصقش و بنييييين

ما تنسايش ضيفي ورقة تاع رند ... هذا اذا كنتي تحبي ريحتو و بنتو

و اذا ما تحبيهش ما تديريهش

ريان 7 · 2013-12-02, 07:07

شكرااااااااااااااااااااااا

imetta · 2013-12-02, 19:23

wellah nai7 mn daheb
ya3tikom elsa7a w rabi yej3elha fmizen 7asenatkom

ضحى تسابيح · 2013-12-03, 09:53

.... لإخفاء رائحه السمك المشوي من الفرن نضع قطعه من الفحم ونترك الفرن مشتعل حتى تبدا بالاحمرار ونطفيه وندعه يبرد وستختفي الرائحه تماما......

ahla tita · 2013-12-04, 14:42

وهاذي من الافكار الي نديرها انا كي ديري قاطو المحقن زيديلو نص كاس حليب وزاست نتاع الليمون ولا برتقال يجي بنين بزاف والبقوليات كيما اللوبيا والحمص انا نشمخهم ليلة كاملة في الماء فيه la levure نص باكي والغدوا نطيبهم يطيبو بالخف ويتنفخوا

ahla tita · 2013-12-04, 14:57

كي تحبي تقلي البدنجان وما يشربش الزيت بزاف لازم تسخني الزيت مليح وتقليه ومباعد حطيه فوق ورق لامتصاص الزيت الزائد
وباه تجيك لاصوص نتاع الشخشوخة خاثرة وبنينة ديري فيها حبة بصل كبيرة
وكيما اديري لاسوب نتاع العدس زيديلها حبات زرودية تجيك بنينة وياكلوها الاولاد

ام قسوم · 2013-12-05, 22:30

كى طيبى المعجنات فى الماء وتصفيها منو ما تغسليهاش بالماء البارد رايحة تبطى باش طيب مرة اخرى

نيفرتيتي. · 2013-12-05, 22:39

اقتباس:

المشاركة الأصلية كتبت بواسطة ام قسوم

كى طيبى المعجنات فى الماء وتصفيها منو ما تغسليهاش بالماء البارد رايحة تبطى باش طيب مرة اخرى

يعطيك الصحة

ريان 7 · 2014-01-14, 10:29

شكراااااااا