~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[arwa alaa]

تقرير اليوم
جانب ديني
تسبيح صلاة وسلام على الرسول صلى الله عليه وسلم
وجدت القهوة ومنبعد درت غداء كسكسي بالخضرة وصوص حمراء جمعة نديرو ابيض وجمعة احمر
غسلت مواعن الفطور غسلت وبدلت للبنات وفرزت الدنيا وهويتها سيقت خفافي وغديت البنات

[ام الابتسامة]

السلام عليكن
بالنسبة لخلطة الجافيل والخميىة هل هي خميرة الخبز ام الكيميائية
كنت متابعة لكن من بعيد وكل يوم اقول غدا ابد ا الانضباط معكن ثم ااخره
فقررت الانضمام حتي التزم مثلكن
لكن لديا مشكل وهو اني جارة لاهلي
امي معها زوجات اخواتي لكن عليا زيارتها كل يوم مرتين والا غضبت مني
انا عاملة احيانا اتي من العمل واذهب اليها ويجب انابقي كثيرا والاغضبت مني
كثيرا مااعود للبيت وقت المغرب ولا اطبخ لاولادى بل اكتفي بالبيص
واذا قلت لها ذلك تقول لي انا اولى من زوجك واولادك
اشيرو عليا ماذا اعمل

[ام آدم]

السلام عليكم
سمورة اضحك الله سنك واقيلا نختصرو الطريق ونجيبلو عروس جديدة و خلاص
توأمي تروحي وترجعي بالسلامة ان شاء الله تجيبيلنا اخبار مليحة على لميمة ربي يطول في عمرها
اروى و غزالة ان شاء الله يكونو ولادكم بخير
ام الابتسامة اولا مرحبا بك معنا
ثانيا الخميرة المستخدمة هي خميرة القاطو على ما اعتقد
وبالنسبة لامك حاولي تقعدي عندها ساعة واحدة اقضيلها شوي شغل ومن بعد روحي اهتمي بولادك وزوجك ربي يعينك يا اختي لكن حتى ولادك وزوجك حرام ياكلو كل يوم بيض حاولي تطبخي في بيتك وتبعثي لامك ولا جيبيها عندك مرة على مرة ربي يعينك

[غزالة1]

السلام عليكم
ام ادم حبيبتي الحمد لله على كل حال
ام ابتسامة عندما قرات ما كتبت لم استطع عدم الرد
حقيقة لن اقول و لن اعيد عن بر الام فهذا لا يختلف فيه2 لكن اذا الوالدة الكريمة ترى انو هي احق بيك من زوجك و اولادك لو لم تزوجك اصلا و تركتك عندها لانو هكذا ارئ انو زوجك يعاني و اولادك يعانون و الادهئ انت اكثرهم عمل و ام و منزل لا يكلف الله نفساً إلا وسعها
المهم المشكل قائم و نحن نبحث على حل انا راح نقول راي و الاخوات و انت شوفي الي يخرج عليك لانو نحن لا نعلم الظروف كلية
في رايي حددي وقت مثلا نصف ساعة فقط لما تمري عليها و اذا غضبت قولي عندي خدمة (خدمة للعمل) و لازم نعملها و الا خدمتي في خطر و هكذا بيني انو راكي مضغوطة في العمل و جبتيه معاك للدار( تقولي هذي تشوف عليا نكذب ايه اذا كان لازم تحافظي على مشاعر الوالدة و في نفس الوقت تنقذي عائلتك)انا مانيش نقولك من اجل الطبخ فقط بل من اجل الجلوس مع الاولاد و التحدث معاهم و حتى الزوج علاه تزوج كي يرجع و مايصيبش مراة تتحدث معاه و تقوم بيه انت عاملة كان الله في العون و زيد وقت واحد اخر تزيدي تمديه كل يوم هذا كثير
اختي الشارع لن يرحم لا اولادك و لا زوجك فلا تستهيني
بر الام لا يعارض القيام بالواجبات لكن بهذه الطريقة لا ارى انو بر و الله اعلم
و يا اختي اذا كانت مريضة حطيها في دارك
اعتذر اختي و لكن هذا هو رايي بكل صراحة

[جهينة اليقين]

يا اختي ام الابتسامة رسولنا عليه الصلاة والسلام يقول ان الرجل امه قبل اي انسان والمراة زوجها مقدم على والديها فالله يحاسبك على زوجك قبل امك اي نعم طاعة الوالدين فرض لكن ليس على حساب بيتك واولادك لازم تفهميها وتفهمي خاوتك باش يقومو بها واذا ما حبتش قولي لها يا هل ترى لو كان نسمح فيهم ونجي نقعد عندك تقبلي؟؟ نظمي وقتك واجبدي روحك غير بالتدريج حتى تولفيها مثلا كل يمين مرة ولازم تحطي حد يا اختي زوجك راه صابر معاك اعطيه حقو وقلب الام ما يفوتكش غير بالعقل وتوالف اطلعينا على كل جديد

[arwa alaa]

ام الابتسامة ربي يكون في العون يا ختي بصح اسمحيلي كيما يماك عندها حق تان ولادك وزوجك عندهم حق عليك وزوجك راهو ناس ملاح كي يقبل ياكل كل يوم البيض بصح كاين القطرة التي تفيض الكاس وكي تروحي عند يماك 2مرات واش تقعدو تديرو تحكيو ولا تديريلها الشغل لكان تحكيو الحكايات مشي خير من انك تتهلاي في ولادك ولكان تديري الشغل خصصيلها وقت محدود تعاونيها فيه ولازم تفهم بلي انتي تاني عندك التزامات وهي بكري كانت دايرة هكى كل يوم تروح ليماها المهم حاولي تفهميها وتديري حل الروحك انتي الاعلم بالظروف وعلاش يماك تحب تروحيلها..........اسمحيلي اختي لكان قتلك حاجة معجباتكش

[ام محمدْ ومريمْ]

السلام عليكم ورحمة الله وبركاته
هذا تقريري اليومي
نضت الصباح مع الفجر صليت واستغفرت وناض محمد يبكي رجعتو لبلاصتو ورقدت وراح عليا قراءة الورد اليومي
ومبعد نضت على ال30-6سا وجدت الفطور فطرت مع زوجي هو خرج وانا شغلت الة الغسيل غسلت شوية ملابس
ونظمت الغرف و وجدت المرق نتاع الشخشوخة وبليت العجين وكملت غسيل اواني الفطور
وناض محمد فطرتو بدلتلو ملابس النوم
ورجعت مسحت الغبار وسيقت ونشرت القش وطيبت الكسرة نتاع الشخشوخة
ومبعد حددت القميص نتاع زوجي
وعلى 00-12سا تغدينا
ومبعد غسلت الماعن ووجدت مسكوتشو ودرتو يطيب 40-12سا بداء الدرس نتاع الجمعة قعدت في الحوش نسمع المسجد قدامي حتان خلص دخلت صليت ريت شوية ومبعد رقدت 30-03سا نضت وجدت القهوة وقطعت المسكوتشو وتقهوينا ومبعد صليت العصر
لميت العاب محمد وغسلت اوني القهوة وحطيت الجلبانة الطيب
وضرك نروح نقراء شوية في المصحف سلام

[الأمنيات]

المشاركة الأصلية كتبت بواسطة arwa alaa

صباح الخير عليكم يا امنيات واش هذا التشاؤم

اي تشاؤم اختي ؟؟؟؟؟
قلت اليوم يكون لصله الرحم هل فيها تشاؤم ؟؟؟

[الأمنيات]

اقتباس : المشاركة الأصلية كتبت بواسطة الأمنيات
موضوعنا تاع الصباح ناقشوه
يخص المطبخ كيما قلنا دارنا كبيره وكل مره نروحوا لبلاصه اليوم المطبخ
اذا شريتي خبز جديد ولا زوجك جاب لك وانتي كان باقي لك خبز صابح البايت كيما نقولو
كيفاش تتصرفي تعطي لولادك الجديد ولخر وين يروح ؟؟؟؟ واطراف الخبز الي تبقى او الخبز المتبقي
وين تحطوه هاتوا نشوف افكاركم ؟؟؟
لا تنسوا دردشتنا مفيده وايجابيه اتركوا المجال لافكاركم ومخيلتكم

موضوع اليوم جبته لكم عن الخبز البايت ولا يخلوا اي بيت منه

[ام آدم]

السلام عليكم اختيالامنيات صراحة انا ما نحبش نرمي الخبز بتاتا وحتى ولو بايت لازم نسخنو وياكلوه وما نشروش خبز جديد حتى يخلاص القديم ونشري قد ما نحتاج فقط ولكن اذا صادف انو عندي بايت وجابلي جديد نحطو في الكونجيلاتور لحين الاستخدام واذا يبس الخبز نستخدمو في صنع الشابلير وفي حالات نادرة كي يكون اليابس بزاف نعطيه لشيخي يشمخو ويطلعو للسطح للعصافير و الحمام

[الأمنيات]

اقتباس : المشاركة الأصلية كتبت بواسطة حيهتى كلها امل
انا الخبز الجديد نخبيه ونسبق فالخبز الصابح اكيد
الخبز اللي ييبس نديرو ف الفرن يكون سخووون نخليه شوية برك وبعدما يبرد نطحنو ونغربلو الرقيق نحطو في بواطة والخشين في بواطة اخرى ولكل استعمالاته .الخشين لدجاج باني او فيلي الحوت الخ .والرقيق خبز تونس وللمعقودة و....الخ
نستعملو فالسفيرية بعدما نشمخو بالحليب ونعصرو ونزيدلو فرماج ومعدنوس وتوابل
ومرات نقطعو دوائر ونمسحهم بزيت الزيتون ونحكهم بقطعة توم ونحمرو ونقدمو مع حساء الحوت او حساء القرع الاحمر ...الخ .مرات ايضا نقطعو دوائر ونمسحو بزيت الزيتون ونديرلو مغرف صلصلة ونزيدلو زيتون مقطع وجبن مبشور ونحطو كمقبلة او لمجة
كاين ايضااللي يديروه فالبيض والحليب ويقلوه ويعسلوه ويقدموه مع القهوة انا مانديرهاش هادي مايحبوهاش
وكاين وين يقعد فالصاشي وماندير بيه والو خاصة اذا كانت عندي لا شابلوغ بالزيادة .نبعثو لواحد جارنا ديما يحوس على الخبز اليابس
ان شاء الله نكون افدتك بتجربتي

هادي بعض الافكار للاخت نقلتها لكم بلاك تفيدكم

[arwa alaa]

شكرا اختي امنيات على الموضوع
راني نطلب منك السماح كنتي في بالي كي كنت نكتب وكتبت اسمك بالغالط راني عدلت المشاركة وارجو انك تقبلي اعتذاري

[الأمنيات]

لارعليك اختي الاء منين تخلطت عليك ههههه انا شكيت قعدت نقرا ونعاود في مشاركتي
ونحوس على التشاؤم اصلا معروفه بالتففائل الزايد هههه
المهم حصل خير
الاخت فراشات العمر لازم تغيري في طريقة تربيتك لاولادك علاه تخليهم يتفرجوا لازم تتفاهمي اولا مع
الزوج يمنعهم هو وانتي وجهيهم
اذا صغار وما قدرتيش عليهم ويرجعوا يهربوا لك كي يبلغ واش ديري لهم
لازم الدعاء والتربيه اما الجانب الديني صح مرات نتكلسلوا بصح مش ديما خصي وقتي
ومهما تكون عندك اشغال وخريها وكملي جانب الديني تاعك لاتستسلمي للضغوطات والنعاس
ليست اعذار كافيه اختي لاننا نحاسب عليها وقتك فيما ضيعته ونحاسب ايضا عن التربيه اولادنا
هادا الشهر للاختبارات وما بقاش بزاف ايا شدي الهمة وربي يعينك اختي

[صابرة محتسبة]

أَصْبَـحْـنا وَأَصْبَـحْ المُـلكُ للهِ رَبِّ العـالَمـين ، اللّهُـمَّ إِنِّـي أسْـأَلُـكَ خَـيْرَ هـذا الـيَوْم ، فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ، وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه

[صابرة محتسبة]

قُل للنّفوس إذا صَحَت من نومها
تَرفع لذي العرش العظيم يداها . .
و لتَحمَد الرّحمن جلّ جلاله
فهو الذي من موتها أحياها . .
(الحمد لله الذي أحيانا بعد ما أماتنا وإليه النشور)