يوميات عضوة - الصفحة 12

ام عبودة · 2014-02-28, 08:01

ام عبودة · 2014-02-28, 08:03

اليوم نظت غير مع 7:30 ههههه كسولة
دوشت وصليت وراني نصبح عليكم ونروح تقرا سورة الكهف ما دام الغاشي راهو مصبح
بلاك نغسل الحوايج وممكن نخرجو القيلولة برا
هيا تهلااااووو في ارواحكم

ياسمين1990 · 2014-02-28, 08:23

السلام عليكم
صباح الخير عليكم وجمعة مباركة
اهلا ام عبودة كيفها راوية انشاء الله لابأس عليها

ام عبودة · 2014-02-28, 09:27

صباااخ الخير ياسمين
اليوم لاباس صبحت خير من البارح وراني نحفظ فيها للامتحانات
وتروحي بالسلامة وترجعي بالف خير سلمينا على الاهل

fatiha hana · 2014-02-28, 15:35

لاباس عليا راويا ديريلها قطرة خاصة بالادن اسمها otofa رائعة للادن انا دائما عندي مانستغاش عليها جربيها ورديلي الخبر بالشفاء

ام عبودة · 2014-03-01, 10:36

صبااااااح الخير اين انتن ؟؟؟؟؟؟؟؟؟؟
اليوم الغبار داير فينا حالة
نهي ما بانتش اكيد مع حملة التحوال
وراني مع الغسيل من الصبااح وانا معاه. الصباح نظت روطار من التعب تاع البارح
الحمد لله راوية بخير والاولاد الكل ريحو
وراني معها نحفظ فيها في التربية الاسلامية ولا تسياق ولا شئ غير تخمال وكنس برك المهم نحفظ بنتي
الاولاد لبستهم وراحو مع عمهم وهي في البيت مسكرة عليها
الله يعينا ويعينكم
المهم الفطور فظلت من البارح لابيري ونزيدهم عصير وسندويشات بيض وباتي وفورماج واممم بقالي التيراميسو الهايل تاع ام كوثر
هيا نكمل صوالحي ونوليلكم

نهى اسطاوالي · 2014-03-01, 10:48

سلام يا الزينة واشراكي ان شاء الله تكوني بخير هههههههههههه انا خلاص تعودو تريزارفيو باه تهدروا معاي ندخللكم بالشمعة خطركش بديت الخدمة ههههههههههه بعد عطلة الامومة
المهم انا اليوم نضت ديراكت للحوايج قبل ما ينوض زوجي غسلتهم وطيبت حبة سفنج شربنا بيها الحليب وولادي للذرك مازالوا راقدين هههه خمروا
درت بلا دجاج وبطاطا في الفور وفرزت الصالو وكي نتغداو ان شاءالله نسيق ايا تهلاو في رواحكم سلااااااااااااااااااام

ام عبودة · 2014-03-01, 15:24

اقتباس:

المشاركة الأصلية كتبت بواسطة نهى اسطاوالي

سلام يا الزينة واشراكي ان شاء الله تكوني بخير هههههههههههه انا خلاص تعودو تريزارفيو باه تهدروا معاي ندخللكم بالشمعة خطركش بديت الخدمة ههههههههههه بعد عطلة الامومة
المهم انا اليوم نضت ديراكت للحوايج قبل ما ينوض زوجي غسلتهم وطيبت حبة سفنج شربنا بيها الحليب وولادي للذرك مازالوا راقدين هههه خمروا
درت بلا دجاج وبطاطا في الفور وفرزت الصالو وكي نتغداو ان شاءالله نسيق ايا تهلاو في رواحكم سلااااااااااااااااااام

مرحبااااااااا
يا وخذي ؟؟؟؟؟؟؟؟ هههه المهم عودة ميمونة
يعطيك الصحة وبصح فهمينا حبة السفنج كيفاه ديرتيها وكيفاه كفاتكم هههههه

نخله. · 2014-03-01, 16:22

هههههههههههه ام عبوده انا ثاني تخيلتهم لاباقار على حبه السفنج جابلي ربي تعبير مجازي تع الجلفه ثاني يقولو حبه قاطو على لي تارت تع باتيسري

اعذروني هاذ الايام مانيش قادرة نحكيلهم يومياتي راسي حبس متعب سمحولي

الايام الجايين ان شالله

بصح راني نتبع فيكم بعينيا وقلبي

بالتوفيق

نخله. · 2014-03-01, 16:25

ام عبوده حطيلي رابط الدردشه راني وليت نتلف وين نروح نهمل

amina nourhanne · 2014-03-02, 09:03

صباح النور حبيباتي ربي يوفق صحاب الامتحانات

نخله. · 2014-03-02, 14:29

السلام عليكم المنتدى راهو ثقيييييييييييييييل بسيف يفتح ودير التتحديث نظن من الغاشي تع الامتحانات

انا مزيا ولدي السمانه الجايه يبدا ....................الا مش قادره نراجدعلو حاسه بالتعب هاذ الايام

اليوم صباح نضت 7 وجدت ولادي ورحت درت تحاليل الحمل رجعت 9 درت غدا ومعجون ودرت على ادار وااااااااااااااااااااااع الغبر دخل كم كل جيها

مل قدرتش حتى نفتح التواقي كيما يقول ولدي عواصف

تغدينا وغسلت ماعن نشرت الحوايج توضيت قريت البقره صليت الظهر تكيت شوي نوضتني بنتي ماديرس لا سياست فتحت لميكرو وراني ندور على الامتحانات كاش ما نطبع لولدي

مصبح نكتب وراني حاسه رح يديرها بيا المنتدى هههههههههههه

ام عبودة · 2014-03-02, 14:46

صباااح الخير عليكم واش راكم حتى انا ما قدرتش ندخل البارح مرضني وانا نبحث على اسئلة لبنتي البارح حفظتها التربية الاسلامية والاناشيد واليوم الحمد لله برغم المرض تاعها راحت وجاوبت ما بغيتش نسولها خفت عليها المهم تكون خدمت مليح
ومن بعد نراجعلها الرياضيات ويا رب ما يديرهاش بنا المنتدى بغيت نحوسلها على نماذج اختبارات

ام عبودة · 2014-03-02, 14:53

ايا الحمد لله راهو يمشي المنتدى
نورهان مرحبا بيك وشكرااااااا رانا مع امتحانات الاولاد نجري حنا خايفين اكثر منهم
نخلة ان شاء الله لا باس عليك والغبار تاع اليوم على قول ولدك عوااااصف يا لطيف من البارح وهو يسفف
انا اليوم. سيقت. على خاطر الدنيا تغبرت من البارح تفتحو الشبابيك والباب الكبير وعندي الحساسية ما نقدرش نكنس ايا صبيت الماء. وندور منا نطبع لراوية في مواضيع والنت ثقيلة الصباح عندنا نظن من الغبار
المهم الفطورعزوجتي دارتو عزوجتي تغدينا الاولاد ما درسوش العشية راهم عند جداهم وانا تحممت وراني حاكمة بلاصتي
باي من بعد نوليلكم سلاااامي ليكم

hanane nana · 2014-03-02, 22:20

صديقة جديدة فهل من مرحب
السلام عليكم اخواتي انا حنان من سكيكدة دايما متبعتكم جاسوسة ههههههه طبعا انا ماشي متزوجة و لا مخطوبة اصلا في عمري 24 سنة و متحصلة على ليسانس الكتروميكانيك مولعة بالطبخ حبيت نضيف عليكم شوية يوميات تاع عضوة ما عندهاش بزاف المسؤوليات مثلكم الله يعيننا و يعينكم ان شاء الله
سلام و تصبحون علئ طاعة الرحمن