للإجابة عن استفساراتكم حول السنة الأولى '' تخصص الطب '' و كذا '' الطب العسكري '' - الصفحة 12

جوجيتي · 2014-07-07, 01:24

السلام عليكم ورحمة الله تعالى و بركاته
بارك الله فيك اخي والله استفدنا من اجاباتك على اسئلة الزملاء و لي اسئلة اخرى
- بخصوص معاملات المواد اللي نقراوها اي المواد اهم؟
- كنت سامعة بلي نقراو رياضيات لكن مالقيتهاش في الموقع اللي في توقيعك؟
- بالنسبة للاحصاء هل له علاقة بالاحصاء لي قريناه فالليسي لاني نكرهو بزااف و كنت نشوفو حفيظة ماشي فهامة والان نسيتو !!
- ماذا عن درس الاحتمالات !! يقولو نحتاجوه لكن حنا ماقريناهش!
-سمعت على ناس بزاف في وسط العام يحبو يابوندونيو !! خفت ! في رأيك ماهو السبب لتفاديه ان شاء الله؟
- واش عن اصحاب القلوب الضعيفة؟ انا كانو يقولولي ماتقدريش ديري مدسين لكني مصرة باذن الله وزعمة شفت اوتوبسي فاليو تيوب و ماصرالي والو مع اني على يقين ان الواقع شيء مختلف تماما !
- هل ممكن تسأل الاستاذ عن مصطلح ما و تقلو ترجمولي بالعربية مثلا p: ؟؟ اذا كان يعرفها !
- بخصوص المحاضرات فهمت انك ماكنتش تحضرها لكن ان شاء الله عندك فكرة راني نحوس طريقة مليحة باش تستوعب اثناء الدرس يعني واش رايك كي يكون الاستاذ يشرح نتا تكتب كل كلمة يقولها -يعني واش كابتيت اكتب- او tenregistré e'son !! ماهي احسن طريقة وهل الاولى ممكنة ؟؟

و مشكور مسبقا اخي

.زَيْنْ الْدِيِنْ. · 2014-07-07, 02:12

اقتباس:

المشاركة الأصلية كتبت بواسطة جوجيتي

السلام عليكم ورحمة الله تعالى و بركاته
بارك الله فيك اخي والله استفدنا من اجاباتك على اسئلة الزملاء و لي اسئلة اخرى
- بخصوص معاملات المواد اللي نقراوها اي المواد اهم؟
- كنت سامعة بلي نقراو رياضيات لكن مالقيتهاش في الموقع اللي في توقيعك؟
- بالنسبة للاحصاء هل له علاقة بالاحصاء لي قريناه فالليسي لاني نكرهو بزااف و كنت نشوفو حفيظة ماشي فهامة والان نسيتو !!
- ماذا عن درس الاحتمالات !! يقولو نحتاجوه لكن حنا ماقريناهش!
-سمعت على ناس بزاف في وسط العام يحبو يابوندونيو !! خفت ! في رأيك ماهو السبب لتفاديه ان شاء الله؟
- واش عن اصحاب القلوب الضعيفة؟ انا كانو يقولولي ماتقدريش ديري مدسين لكني مصرة باذن الله وزعمة شفت اوتوبسي فاليو تيوب و ماصرالي والو مع اني على يقين ان الواقع شيء مختلف تماما !
- هل ممكن تسأل الاستاذ عن مصطلح ما و تقلو ترجمولي بالعربية مثلا p: ؟؟ اذا كان يعرفها !
- بخصوص المحاضرات فهمت انك ماكنتش تحضرها لكن ان شاء الله عندك فكرة راني نحوس طريقة مليحة باش تستوعب اثناء الدرس يعني واش رايك كي يكون الاستاذ يشرح نتا تكتب كل كلمة يقولها -يعني واش كابتيت اكتب- او tenregistré e'son !! ماهي احسن طريقة وهل الاولى ممكنة ؟؟

و مشكور مسبقا اخي

مرحبا بك اختـــــي
- بخصوص المعاملات ،، كل المواد 2 عدا : l'embrio _ l'histo _ l physio _ deonto _ informatique
- الرياضيات مآكاش ،، كاينة الاحصاء ــ تشبه بززاف للي قريناها فالليسي ،، ماتقلقيش روحك معاها بزاف ،، ساهلة
- درس الاحتمالات '' الثلاثي الثاني '' مام حنا ماقريناهش لكنو ساهل والله غير ساهل ،،، يومين تقرايه بشكل ممتاز ،، لأنو ماش راح يعطيك تمرين كيما فالباك ــ مجرد حسابات خفيفة برك
- بالنسبة للناس اللي تابوندوني ،، هاذوك اللي مادخلوش عن قناعة نظن يكرهوا و يملو ،،، نعطيك نصيحة ،، جيبي اكبر معدل تقدري عليه فالثلاثي الاول و راح تقضي العام مرتاحة نفسيا مالgري التعب و كثرة الدروس "" مجربة ""
- عن موضوع القلوب الضعيفة ،،، ديري في بالك اختي بلي كل شيئ راح تتعودي عليه بمرور الوقت ، سواءا ريتم الدراسة ، العمل ، الجراحة ،،، كل شيئ ...
- بخصوص سؤال الاستاذ عن مصطلح بالعربية ،، لا أظن ذلك لأني ماشفتش حالات كيما هاذي ،، لكن اساتذة الاعمال الموجهة رايعين ،، تقدرو تحكيو معاهم بالعربي عادي جدا ،، يساعفوكم
- بالنسبة للمحاضرات ،، نعطيك حل ،، قبل ماتدخلي لللمحاضرة لازم تكوني حضّرتيه الكور وحدك ولو قريتيه برك ،، أولا عليك بالصفوف الاولى في المدرج لأنو فالاخير ماكاش تركيز تقريبا ،، الناس كامل تحكي ... ،، سجلي المحاضرة و في نفس الوقت اكتبي وش قدرتي تسمعي و لا تشوفي ،، مباعد كي تحبي تراجعي ،، اسمعي الصوت و اقراي فنفس الوقت من الورقة اللي كتبتيها

هوارية 123 · 2014-07-07, 11:45

سلاااام اخي

انا كون نختاااار الطب نقرااااااا في وهراان وهي قريبة ليناا يعني حولي 2 ساعات بالكثير

بصح انا راني حاابة الجزائر العاصمة لانوو تباالي القراية فيها مشي كيف مع وهران هل هذا صحيح ؟؟ واش تنصحني انت

شكرااا

bastori27 · 2014-07-08, 00:56

اقتباس:

المشاركة الأصلية كتبت بواسطة هوارية 123

سلاااام اخي

انا كون نختاااار الطب نقرااااااا في وهراان وهي قريبة ليناا يعني حولي 2 ساعات بالكثير

بصح انا راني حاابة الجزائر العاصمة لانوو تباالي القراية فيها مشي كيف مع وهران هل هذا صحيح ؟؟ واش تنصحني انت

شكرااا

نفس المشكل و نفس التوجيه ربي يستر

هوارية 123 · 2014-07-08, 19:15

اقتباس:

المشاركة الأصلية كتبت بواسطة bastori27

نفس المشكل و نفس التوجيه ربي يستر

هههه والله غي غبنونا ...ايا وكيفاش رح دير اا اذا تحتمت عليا نقرا 1 سنة في وهران و نتحول وانت

bastori27 · 2014-07-08, 22:45

اقتباس:

المشاركة الأصلية كتبت بواسطة هوارية 123

هههه والله غي غبنونا ...ايا وكيفاش رح دير اا اذا تحتمت عليا نقرا 1 سنة في وهران و نتحول وانت

نقارعوا لرحمة ربي نسيي عام ومبعد نشوفوا قالولي لازم معرفة كبيرة وانا ما نقدرش نخلوها عند ربي
ايه نسيت متشرفين انا من تيسمسيلت على حساب اسمك انت من وهران

هوارية 123 · 2014-07-09, 01:12

[QUOTE=bastori27;3991174540]
نقارعوا لرحمة ربي نسيي عام ومبعد نشوفوا قالولي لازم معرفة كبيرة وانا ما نقدرش نخلوها عند ربي
ايه نسيت متشرفين انا من تيسمسيلت على حساب اسمك انت من وهران[/QUOTE

لا انا من غليزااان

الصفاوالمروة · 2014-07-07, 13:38

نزيد نهبلك ماعليهش ... و الله انا حيرة كبيرة ... نفس الحيرة الي كانت عندك بين الطب و جراحة اسنان ؟؟؟؟؟؟
انصحني و بكل موضوعية مش فقط لانك تحب الطب او تفوقت فيه

soumaya08 · 2014-07-07, 15:02

سلام عليكم

انا متحصلة على بكالوريا 2014 بمعدل 15.25 ولي ميول علمية بالدرجة اولى فهل ساقبل في كلية الطب؟

نصحني الكثيرون بتخصص الطب ولن اخفي عليك اني احب مهنة الطبيب ففيها من الانسانية و الاجر الكثير لا ارى ان هنك افضل منها حاليا

ما هي الصعوبات التي يواجهها طالب الطب ؟

وللعلم انا من الاغواط وقد تم افتتاح الكلية رسميا هده السنة بجامعة الاغواط فهل برايك ان الدراسة بها والمستوى سيكون جيد بحكم انها جديدة؟ وهل يفضل ان انتقل الى جامعة البليدة افضل في حالة قبولي

جزاك الله خيرا

ربي يتقبل منا ومنكم صالح الاعمال

romi rosa · 2014-07-07, 15:37

لك جزيل الشكر الاخ زين العابدين بورك فيك وربي يكثر من امثالك

abdelkader1996 · 2014-07-07, 16:10

هل على التسجيل من موقع وزارة الدفاع الوطني؟؟؟
الان لاني قد سجلت

حمودي نسرين · 2014-07-07, 16:37

اليوم ذهبت للجامعة للتسجيل بعد ذلك كان هناك اساتذة الطب فذهبت اليهم و يا ليتني لم اذهب هناك واحد منهم قال لي الافضل لكي ان تكوني منظفة على ان تدرسي طب و ايضا حياتك ستذهب هباءا و ستندمين اشد الندم و لا اخفي عنك اني انزعجت للغاية من حديثه حتى كدت ان ابكي لقد تحصلت على معدل 17 لكن اين و كيف يمكن ان تنجح في بلد استاذ بنفسه يكسر احلامك بكلمات لا معنى لها و لا انسى انه احبرني ان الدراسة جد صعبة و قد تؤدي للجنون ارجوك ماذا يجري في بلادنا اخبرني

.زَيْنْ الْدِيِنْ. · 2014-07-07, 16:45

اقتباس:

المشاركة الأصلية كتبت بواسطة حمودي نسرين

اليوم ذهبت للجامعة للتسجيل بعد ذلك كان هناك اساتذة الطب فذهبت اليهم و يا ليتني لم اذهب هناك واحد منهم قال لي الافضل لكي ان تكوني منظفة على ان تدرسي طب و ايضا حياتك ستذهب هباءا و ستندمين اشد الندم و لا اخفي عنك اني انزعجت للغاية من حديثه حتى كدت ان ابكي لقد تحصلت على معدل 17 لكن اين و كيف يمكن ان تنجح في بلد استاذ بنفسه يكسر احلامك بكلمات لا معنى لها و لا انسى انه احبرني ان الدراسة جد صعبة و قد تؤدي للجنون ارجوك ماذا يجري في بلادنا اخبرني

نعطيك une vérité general في بلادنا ،،،
الأستاذ يقولك ماديرش التعليم ،،، الطبيب يقولك اخطااااك من الطب ،،، المهندس يقولك دير اي حاجة بخلاف الهندسة .. ..

كون تبعيهم ماتفرآآآش
وهل كل الاطباء مجانين .. ؟؟ يعني ماكيش نتي أول و آخر وحدة راح تقرا الطب ،،، القراية عادية فيها تعب و تحتاج تضحيات لكن توالفي الريتم العالي بكل بساطة ،،،
اختي اذا كان حبيتي تكوني طبيبة فماتخلي حتا انسان يأثر عليك ،،، لأنو مستقبلك و هي حياتك

حمودي نسرين · 2014-07-07, 18:46

اقتباس:

المشاركة الأصلية كتبت بواسطة .زَيْنْ الْدِيِنْ.

نعطيك une vérité general في بلادنا ،،،
الأستاذ يقولك ماديرش التعليم ،،، الطبيب يقولك اخطااااك من الطب ،،، المهندس يقولك دير اي حاجة بخلاف الهندسة .. ..

كون تبعيهم ماتفرآآآش
وهل كل الاطباء مجانين .. ؟؟ يعني ماكيش نتي أول و آخر وحدة راح تقرا الطب ،،، القراية عادية فيها تعب و تحتاج تضحيات لكن توالفي الريتم العالي بكل بساطة ،،، :d:d:d
اختي اذا كان حبيتي تكوني طبيبة فماتخلي حتا انسان يأثر عليك ،،، لأنو مستقبلك و هي حياتك

ماهي درجة الصعوبة فيها,?

الطموحة نانا · 2014-07-07, 16:53

اهلا انا تحصلت على معدل 15.33 لكن هل يقبلوني في كلية الطب كي زدت شفت المعدلات كلها عاليــــــــــــــة
و هل الطب يمدولك النقطة تاعك عادييي لانوا المعريفة تقلقني و صح تحفظوا برك ماكانش الفهامة
و مادا عنه في العاصمة شويا مخوفتني الدعوة لهيه