الجزء 186 من كوزينة واش طيبتي اليوم على المحبة و الوفاء مجتمعون وللكوزينة مخلصون - الصفحة 12

طيور الجنان · 2018-01-09, 15:09

ام هدول رانا نسناو في الطبق اللي تحبو هدولة امممممم حزر فزر.
ام يوسف ربي يشفي خوك و يعافيه من كل سوء اااامين.

ام هدول · 2018-01-09, 13:51

ههههه،هدوله حصلتيني للطلطاوتك،،،ماعليش. في لعشا نسخن التليتلي،،،ونزيد اكله تحبيها،،،،والميللك تشيك ،،خسرلك الشكل برك البنه رووعه،خلي المره الجايه يصلحلك،،،،

nihal159 · 2018-01-09, 13:51

هديلة أسلوبك فالكلام يهبّل ، فكّرتيني في صغري كيفاش كنت ندلّل و نهدر بالنيّة هههههههه؛ الميلك شايك جاك تحفة خير من تاع عمي قوقل واش رايك؟؟؟؟؟؟؟؟ ههههه بصحتكم لعدس من يدين أم هدول و سلميلي عليها و أغسليلها لمواعن ماتخليهاش حاصلة فالكوزينة ههههههههههه.
سعيدة بصحتك لعدس.مطرح مايسري يمري
فيفي بصحتك السلاطة و لغراتان؛ مطرح مايسري يمري

nihal159 · 2018-01-09, 13:55

أم هدول حبيبتي و الله مانستغنى عليكم و على صحبتكم؛والله راني حشمانة و مبخوصة منكم كي جاية بيديا فارغين و قاعدة غير ناكل من طيابكم بلا ماتذوقو من طيابي ههههههههههههههه.
أم يوسف مرحبا بيك و ربي يشفي خوك فالقريب العاجل إن شاء الله.
حقا شفت حيوتة قالت مهدودي مريض؛ ربي يشفيه إن شاء الله؛ النياب واعرين يامحاينك؛ سايسي و ساعفي برك؛ ربي يحفظلك وليداتك إن شاء الله

ام هدول · 2018-01-09, 14:02

نهوله،،خسارة ،عليك،،علاش،،تقولي هكه،،،(بناتنا،،هادو الكلمات ،مافتش كيفاش خرجو وليت دزيريه،،،هههه )،،،
حبيبتي. طلتك وشوفتك تكفينا،،،الماكله،كولي ونزيرللك وطلبي واش تحبي ،،ولو،،كيف لكان يعني،،،،
ام يوسف،،،،واش راكي. واش خوك،،،ان شالله يكون تحسن،،،

nihal159 · 2018-01-09, 14:27

اقتباس:

المشاركة الأصلية كتبت بواسطة ام هدول

نهوله،،خسارة ،عليك،،علاش،،تقولي هكه،،،(بناتنا،،هادو الكلمات ،مافتش كيفاش خرجو وليت دزيريه،،،هههه )،،،
حبيبتي. طلتك وشوفتك تكفينا،،،الماكله،كولي ونزيرللك وطلبي واش تحبي ،،ولو،،كيف لكان يعني،،،،
ام يوسف،،،،واش راكي. واش خوك،،،ان شالله يكون تحسن،،،

تسلملي القسنطينية بالتوابل العاصمية هههههههههههه.
راني نتخيّل واش هو الطبق لي تحبو هدولة و رايحة ديريهولها للعشا إممممممممممم علابالي حاجة فووووور بزاف

طيور الجنان · 2018-01-09, 17:51

امممنن فيفي يعطيك الصحة الخبز يبان يشهي و الكيك تاني خرج خير من اللي يتباع.

Fifilondon · 2018-01-09, 20:11

اقتباس:

المشاركة الأصلية كتبت بواسطة طيور الجنان

امممنن فيفي يعطيك الصحة الخبز يبان يشهي و الكيك تاني خرج خير من اللي يتباع.

الله يسلمك سعيدة ربي يحفظك

Fifilondon · 2018-01-09, 20:12

شكرا حياة الله يسلمك والحمد الله كي مهدي راه يتحسن

Fifilondon · 2018-01-09, 20:14

صحى عشاكم لبنات انا عشاي بواقي والحمد الله على النعمة

حياة نور الدين · 2018-01-09, 18:37

السلام عليكن
كنت ضيفة رحت هنيت لواحدة ولدت واكيد كليما بركوكس وطمينة

نرحب بنهال اهلااا حبيبتي ولو مننساوش خيرك ادخلي ومتعينا بالخيال ولو بلا صور خفة دمك تكفينا وربي يرجع المياه لمجاريها ان شاء اللخ وزعفة وتفوووت

فيفي اهلااا مهدي اليوم الحمد الله بالرغم مزال مغلوق شوية بصح حال احسن من حال
والغراتان يشهي بصحتكم والخبيزات والكيك كلشي هااايل

سعيدة هههه ضحكت على الفول مالا كل مرة توقعيه نخلعك به حبيبة شكراااا
ولبصحتك البواقي

هدولة حبيبتي والله شكل ميلك شيك تاعك روووعة وتمنيت نذوقوا يعطيك الصحة وانا مع ماماك في قضية السترة على الماكلة عندها الحق كلوا العدس قبل هههههه ربي يوفقك وتحطيلنا قاطو نجاحك

ام يوسف ربي يشفيه اختي ان شاء الله

ام هدول · 2018-01-09, 21:03

جبتلكم. عشايا ،،طاجين الزيتون ،،،وخبز الدار بالسميد منكه بالماء. الزهر ،،امممممم

هدا سميتو الصحن المحقور ،،خخخ
ماش مزوق مسكين،،،بصح بنين كيما خوه طبعا،،هههه،،،،،

Fifilondon · 2018-01-09, 21:28

اقتباس:

المشاركة الأصلية كتبت بواسطة ام هدول

جبتلكم. عشايا ،،طاجين الزيتون ،،،وخبز الدار بالسميد منكه بالماء. الزهر ،،امممممم

هدا سميتو الصحن المحقور ،،خخخ
ماش مزوق مسكين،،،بصح بنين كيما خوه طبعا،،هههه،،،،،

بصحتك ام هدول طاجين الزيتون الله يبارك الطبسي متحوف ومزين بالطبع وابشان والخبز خرج روعة وريحة ماء الزهر راه تعبق في الكوزينة يعطيك الصحة

ام هدول · 2018-01-09, 21:23

بصحتك حيوته ،البركوكس والطمينه

وبالبركه ،،،على لمزيده،،،
فيفي بصحتك البواقي،،وشكرازعلى الكرواسون والكيك ،،،امم يشهو من ايد مانعدمها
الباقيات. بصحتكم لعشه،،،وتصبحو بخير

RIMA.87 · 2018-01-09, 21:49

السلام عليكم ،
صح عشاكم اخواتي في الله ،
عشانا اليوم خفوفي، فريكاسي و سلطة و الحمد لله.

.