اهلا بكن في الجزء *145* من كوزينتنا¨¨عيد اضحى مبارك¨¨

[scorpionoir]

ام عبدو مقروظك يهبل بصحتك
ام ياسين بصحتكم البريوش .
ام باسم خبزك شفتو البارح بصح كنت نقرعج من البورتابل ومانحبش ندير ردود منو يديرلي لاكريز هههههههههه وقاطوك تحفة بصحتكم .
ليناااااااااااااااااااااا هذوك البايط ياخي تاعي راح تبعثيهملي للعيد .ههههههه ربي يسجيك يا لحبيبة خممتي فيا .

[باسم وبيسان]

المشاركة الأصلية كتبت بواسطة دائمة الشكر

صباح الخير اخواتي الكريمات
سماح مبروك عليك افتتاح الكوزينة ربي يجعلها فاتحة خير علينا وعليكم اللهم امين
نشكركم على الاطباق الروعة اللي راكم تحطو فيها
ام باسم وبيسان صباحك فل اختي ومتزعفي ماتغشي روحك والله مع كثرت الاطباق والانشغالات نتاع الأخوات انّا وحدة ننسى نعتقد
المهم الخبز البارح خرج يشهي والله غير شفتو
واليوم عجبني قاطو النيقرو بصحتكم
وبصحتك البيتزا اختي

يعيشك حنونة والله لبارح نهار كامل وانا نسنى واحد ما ردلى ولوكان قالولى مش مليح :d:d:dومانتخشش تعيشى

المشاركة الأصلية كتبت بواسطة ام عبدو و ملاك

صباح الخير يا وجوه الخير
دائمة الشكر صباح الانوار
ام باسم وبيسان القاطو خرجلك يهبل بصحتك
ام وابنة صباح الانوار
ام جوجو صباح الخير والحمد لله كي رتاحو اولادك
ام امينة ام اماني وعبدو ميزو فضيلة و ام سراج و ملاك و ام ياسين عازفة الناي ليزابال زينب و كل الحراير صباح الخير
واللي نسيتها تسمحلي
غدايا راهو تالف

يسلمك ام عبدو انا وياك غدلنا تالف انا درت النطوياج عندى 3 ايام واليوم رايحة نزيد ندور كشما نزيد نفرز وغدايا نقلى بطاطا منين نخلص وخلاص

المشاركة الأصلية كتبت بواسطة أم ياسين الزهراء

واخيرا قبل المركز التحميل بريوش ام اماني بتحريفاتي تفضلو للخايبات اللي ينوضو على 10 يشرب القهوة بيه هههههههههههه

ام ياسيييين تقهويت خلصت بصح نعاود راهوووو يشهى

المشاركة الأصلية كتبت بواسطة لينا11

الله أكبر الله أكبر الله اكبر
لا اله الا الله
الله أكبر الله أكبر
ولله الحمد

سماح هذا باروكي
صباحو على الجميع دون استثناء وعواشركم مبروكة وربي يشفيني ان شاء الله

روووووعة يعطيك الصحة لينا ديما متألقة بقدوات تكلوهم بالصحة

المشاركة الأصلية كتبت بواسطة جوهرةالجنة

ابنات اماااااانة تدعوا لمن ليس له اولاد ولكل محروم من الذرية ولا يعرف قدر هذه الامنية الا من حرم منها امانة اخواتي وربي يفرج علي الجميع ويعطي كل واحدة واش متمنيا في هذه الايام المباركة وخاصة يوم عرفة ربي يتقبل من الجميع قاستني الاخت اروى بكاتني بكلامها

ربى يسهل ويرزق كل محروووووم فى هده الايام المباركة انا والله اختى رايح يخرج قلبها على لولاد عندها 10سنين زواج

[scorpionoir]

واش راح ديرو غدااااااااااااااااااااااااااااااا ؟؟؟
راهي تالفتلي .وعندي لهريسة راح نرحيها وععععععععععععع
هيا حاوزوني خير نبدا راني روطار اليوم

[x ام رحاب x]

صباح الخير عليكم واش اصبحتو
مبروك الكوزينة الجديدة يجعلها فال خير عليك اختي سماح وعلينا يارب
ام جوجو يعطيك ماتتمناي حبيبتي غير انت الي تفكرتيني والله راني في حالة وزدت قطعت صبعي الصغير راني في حالة منو وجاتني الحمة وانا عندي السكر والله واحد السطر راني قاعدة غير بسيف كي اللحق العيد مرضت مرضة واعرة الله ايجيب الخير
ام تاج انا بنت خويا مزال مسكينة ماسلكت ربي يسلكها على خير ادعولها حبيباتي
انا انخليكم راني في حالة من السطر سلالالالالالالالالام

[ام سارة18]

احلى صباح لاحلى نساء العالم
راجعت وشفت الحلويات ما شاء الله عليكم فحلات بدون ذكر الاسماءكثيرة وخافت كاش ما ننسى واحدة ان شاء الله تكونو بخير
سماح هادا باروكي البسيط مازال ماسكرتوش المرة الثانية

[زينب 83]

صباح الخير على الجميلات الطيبات

دخلت على دعاء ام اروى أبشري حبيبتي سيستجيب الله دعاءك و لو بعد حين ، ابدا ابدا لا تياسي لنا رب رحيم لا يردنا ابدا عليك بوقت السحر و انا على يقين بان ربي الكريم لن يردك غاليتي ام اروى ، عندي ابنة عمتي كل الاطباء حتى في الخارج قالولها مستحيل تجيبي الاولاد لانك عقيم مئة بالمئة و هي رضات بالأمر الواقع لكن بعد 14سنة راحت زيارة عادية عند طبيبة قالتلها راك حامل و اللحمد لله رزقها ربي بولد في الأربعينات لانو هو الرزاق و ليس الاطباء ، و اكيد غاليتي لن ننساك بالدعاء في انتظار البشارة بإذن الله


حبيباتي ربي يشفي المريض منكم و يرزق المحروم و يسهل ولادة الحوامل و يشفي وليداتكم و يصلحهم و يحبب أزواجكم فيكم و يحقق امانيكم في هذه الايام المباركة ، حبيباتي لا تستهينوا بالدعاء فهو أقوى سلاح على الاطلاق ، كان عمر ابن الخطاب يقول انا لا احمل هم الإجابة و لكن احمل هم الدعاء


يا رب يا كريم

[رفيف رانية]

صباااااااح الانواااااار حنووووونااااااتي

المشاركة الأصلية كتبت بواسطة أم ياسين الزهراء

صباح الانوار وصلت وليدي وقضيت وقلت نطل عليكم قابلتني بيتزا حبيبتي ام باسم هداك واش يحب الخاطر هايلة والقواطو تحفة تعيدي بالصحة اهلا بيك معانا وجدي روحك مقاسك اللي متعود تخيطي عليه غير زيدي راح تولي وزن الدببة هههههههههههههههه اهلا بيك

ام محمد يالجايحة هدي اول ولادة راح تسهال انت سهليها برك وشدي في ربي

شفت كلش يعطيكم الصحة وبصحتو توم القط ام سراج هههههههههههههه كلش بالطبع يعطيكم الصحة

لحد الساعة مازالني خايبة نعول اليوم ونبدا

سخفني عيش ام اسمهام راح نديرو للغداء والزوج صايم والحمد لله

رنيم اختي ربي رحيم كريم رانا ندعولك والله المجيب ماتتقلقي ماتخمي ماتعياي تقوليلنا واش ندر لولادي هبلوني كاليوم حنونة

اهلا رفيف ليك وحشة

نزنق شوي

حتى انا تووووووحشتكم يا أحلى صديقاااااات

المشاركة الأصلية كتبت بواسطة أم محمد تاج

اختي الحبيبة رنيم اروى روحي الله يعمر حجرك ويرزقك الذرية الصالحة وتقر عينك بضناك يالله يا حي يا قيوم
رفيف حنووونة الله يناولك واش في بالك يالحبيبة

آمين. يا رب
ويسلكك على خير ويفرح كل محرومة

المشاركة الأصلية كتبت بواسطة scorpionoir

صباحو حبيباتي
نهاركم مبروك ان شاء الله كامل الحاضرات والغايبات لي ملحقناش عليكم
رفيف ربي يهنيك ويفتحها عليك ان شاء الله .حقا تفكرتك عندي يومين. نمت روحي جبت طفلة وسميتها رفيف ههههههههه
رنيم حبيبتي رانا حاسين بيك وربي يعمر حجرك بالذرية الصالحة وكي اليوم ان شاء الله تدخلي وتبشرينا .رانا ندعيو لكل وحدة ربي يفرج عليها .واكثري من الاستعفار .

اهلييبيين حنونة يتفكرك الخير يا لعزيزة
ان شاءالله يرزقك ربي برفيف

المشاركة الأصلية كتبت بواسطة x ام رحاب x

صباح الخير عليكم واش اصبحتو
مبروك الكوزينة الجديدة يجعلها فال خير عليك اختي سماح وعلينا يارب
ام جوجو يعطيك ماتتمناي حبيبتي غير انت الي تفكرتيني والله راني في حالة وزدت قطعت صبعي الصغير راني في حالة منو وجاتني الحمة وانا عندي السكر والله واحد السطر راني قاعدة غير بسيف كي اللحق العيد مرضت مرضة واعرة الله ايجيب الخير
ام تاج انا بنت خويا مزال مسكينة ماسلكت ربي يسلكها على خير ادعولها حبيباتي
انا انخليكم راني في حالة من السطر سلالالالالالالالالام

ميمتي ام رحاااب ربي يشفيك ليا الغالييييييةويبعدعليك الضر
ويسلك بنت خوك على الف الف خير

[زينب 83]

ام رحاب ربي يشفيك يا غالية و يعافيك يا رب اذا لاقريب البصل راهو روعة قصدي الماء تاعو خليه مع العسل و اشربيه راني نداوي بيه ولادي خير من الدواء ، و صبعك ديريلو زيت الزيتون لكن عقميه حطيه في بلارة يغلى في الماء و ديري منو للجرح ، انا تحلي الجرح تاع السيزاريان في خامس يوم اني كنت نخدم ماوليتش للاكلينيك داويتو غير بيه حتى السيكاتريس راحت ، حتى ولادي دوكا كي يجرح ًو يجيو وحدهم يديروه

ام رفيف صباح الخير يا رب تكوني بخير انت و الاولاد

[رفيف رانية]

المشاركة الأصلية كتبت بواسطة زينب 83

صباح الخير على الجميلات الطيبات

دخلت على دعاء ام اروى أبشري حبيبتي سيستجيب الله دعاءك و لو بعد حين ، ابدا ابدا لا تياسي لنا رب رحيم لا يردنا ابدا عليك بوقت السحر و انا على يقين بان ربي الكريم لن يردك غاليتي ام اروى ، عندي ابنة عمتي كل الاطباء حتى في الخارج قالولها مستحيل تجيبي الاولاد لانك عقيم مئة بالمئة و هي رضات بالأمر الواقع لكن بعد 14سنة راحت زيارة عادية عند طبيبة قالتلها راك حامل و اللحمد لله رزقها ربي بولد في الأربعينات لانو هو الرزاق و ليس الاطباء ، و اكيد غاليتي لن ننساك بالدعاء في انتظار البشارة بإذن الله


حبيباتي ربي يشفي المريض منكم و يرزق المحروم و يسهل ولادة الحوامل و يشفي وليداتكم و يصلحهم و يحبب أزواجكم فيكم و يحقق امانيكم في هذه الايام المباركة ، حبيباتي لا تستهينوا بالدعاء فهو أقوى سلاح على الاطلاق ، كان عمر ابن الخطاب يقول انا لا احمل هم الإجابة و لكن احمل هم الدعاء


يا رب يا كريم

امييييين يا زينب يا طيوووبة شكراا على الدعاء ولكي بالمثل
واش راكي حنونة واش راهم لولاد ولميمة

[omomnia15]

صباحو للملتحقات
ام رحاب ربي يشفيك يا الغالية وحاذري على روحك وبالشفاء
ام ياسو البريوش 444444444
لينا على سلامتك ليك وحشة والقاطو روعة
ام سارة التشاراك
ام عبدو المقروط تحفة
رنيم اروى ربي يعمر حجرك ويرزقك الخلف الصالح امين
رفيف على سلامتك وشراهي بنتك وان شاء الله ربي يحقق الي في بالك
ام تاج ربي يسلكك على خير انت وكل الحوامل
دائمة الحمد ربي يشقي مريضكم ويلبسو ثوب الصحة والكروكي 44444444
اليوم درت عسل ام انس الله يعطيها الخير ويشفيلها بنتها ويسلكها على خير ورايخة ندير بقلاوة الفيلو تاعها وندير قاطو الجوزة عندي الطابع التاعو وتزيد بنتي الكروكي يكثر خير المازة علمتهولها كي جات والحمد لله
لطوري لوبيا بالكرعين راهو عندي من رمضان راهي فتحت الكونجيلاتور باش نغسلو وربي يعينا ويهنينا ويلحقنا للعيد ونفرحوا ااااااااااااااااامين

[زينب 83]

الحمد لله حبيبتي و انت وشراك و شراهي ماماك لاباس

[أم ماجد]

جوهرة الجنة هاكي
https://www.djelfa.info/vb/showthread.php?t=1640716
ام تاجو لازم ديما تسجلي حضورك باه نطمنو عليك
راني لهفة وشوق في انتظار الاميرة
رنيم ربي يرزق كل محروم يارب
غدايا ارز راهو يطيب ولله الحمد والمنة

[رفيف رانية]

المشاركة الأصلية كتبت بواسطة زينب 83

الحمد لله حبيبتي و انت وشراك و شراهي ماماك لاباس

لبااس حنونة سوال عليك

[رفيف رانية]

المشاركة الأصلية كتبت بواسطة omomnia15

صباحو للملتحقات
ام رحاب ربي يشفيك يا الغالية وحاذري على روحك وبالشفاء
ام ياسو البريوش 444444444
لينا على سلامتك ليك وحشة والقاطو روعة
ام سارة التشاراك
ام عبدو المقروط تحفة
رنيم اروى ربي يعمر حجرك ويرزقك الخلف الصالح امين
رفيف على سلامتك وشراهي بنتك وان شاء الله ربي يحقق الي في بالك
ام تاج ربي يسلكك على خير انت وكل الحوامل
دائمة الحمد ربي يشقي مريضكم ويلبسو ثوب الصحة والكروكي 44444444
اليوم درت عسل ام انس الله يعطيها الخير ويشفيلها بنتها ويسلكها على خير ورايخة ندير بقلاوة الفيلو تاعها وندير قاطو الجوزة عندي الطابع التاعو وتزيد بنتي الكروكي يكثر خير المازة علمتهولها كي جات والحمد لله
لطوري لوبيا بالكرعين راهو عندي من رمضان راهي فتحت الكونجيلاتور باش نغسلو وربي يعينا ويهنينا ويلحقنا للعيد ونفرحوا ااااااااااااااااامين

اهلييييين حنونة واش راكي واش راهم لولاد
انا راني لباس ورفيف الحمد لله راهي لباس وراهيا تكبار ربي يبارك بصح الماكلة مبغاتش تاكلي

[باسم وبيسان]

ام رحاب ربى يشفيك ويعافيك وقدرك على العيد فيه بزاف جرى وانت مريضة
رنيم اروى ربى يرزق بذرية الصالحة انا اختى والله 1سنييين هيا راجلها مريض وذرك رايحة دير تلقيح الانابيب فى تونس ادعولها ربى يسهللها ويرزقها فى هدو بيمات المباركييين
لى راهم بالحمل ربى يعطيهم وقفة ساهلة وتتمم حملهم على خير ويعطيهم حسن الخلق وخلق التامة يارب منعرف ندعى هههههه