التحضير البسيط لرمضان و ما بعد رمضان

[OM DHOHA ANES]

اهلا اختي رويدا.
وفيك بارك الرحمان على الوصفه وانا هنا إذا ااردتن اي وصفه.
بالنسبه لحفظ الثوم فأنا غلطت فالاسم باه نكتب رنده كتبت رويده فعذراااا سأصلحها الآن

[rowaida18]

المشاركة الأصلية كتبت بواسطة om dhoha anes

اهلا اختي رويدا.
وفيك بارك الرحمان على الوصفه وانا هنا إذا ااردتن اي وصفه.
بالنسبه لحفظ الثوم فأنا غلطت فالاسم باه نكتب رنده كتبت رويده فعذراااا سأصلحها الآن

ربي يباركلك في صحتك و في عمرك أختي الغالية....

راني متناوبة مع ابنتي عندها الباك على جهاز الحاسوب فهي تقرا بيه و تحظر بيه دروسها .....و لا أحب المشاركة من جهاز الهاتف لأنو ما يعمرليش عيني.
.....نحب نشوف الصفحة كاملة على الحاسوب و نتمعن فيها مليح......لهذا راني نواجه بعض الحصار في أوقات استعماله....

المهم كل ما وجدت فرصة نشارك بيها معاكم إن شاء الله.

[ام هزار]

حبيباتي ربي يعاونكم و يعاونا جميعا
الحقيقة انا حبست التنظيفات هادو يومين لانو جات ريح قاوية بالغبار ما حبيتش نحل بزاف باه ما نفسدش واش خدمت و لبارح امطار غزيرة ما شاء الله اليوم بادن الله رايحة نستانف
رويدة بارك الله فيك على تقديم الطريقة النبوية الشريفة للوضوح عني راني متبعة في كلش ما عدا الاستنشاق و الاستنفار مرة واحدة و كدا مسح الراس و الادنين معا بالغرفة نفسها
ام شمسو ما تتخيليش كلامك عن قضاء احلى الاوقات مع دوينا و الاستمتاع باللحظة الانية قداه اثر في فبارك الله فيك
ام ضحى الحلواجية تاعنا ما شاء الله شكرا على الوصفة اما بالنسبة لقاطو الفلسطينية للاخت اسمهان راني مجرباتو من قبل فعلا راااااااااااااااااائع و راني معاك في انقاص كمية السكر الرطب تاعة
جهينة بارك الله فيك على مقادير راس الحانوت احنا ما نستعملوهش عادة في الشرق نديرو لفاح و كل واحد كيفاه اما حشاوش الحريرة ما فهمت منهم والو و اكيد انهم مفيدين
اختي رندة بارك الله فيك على طريقة حفظ الثوم مع اني نخاف من التجميد وراني ندير كيما قالت الاخت ام ضحى لاني من متتبعات الدكتور محمد الفايد
و حتى اللحم و الدجاج نديرو في البابي او الورق الخاص بالطبخ و من بعد نحطو في اكياس التجميد راكي ولهتيني يا ام ضحى الى الاكياس الورقية اسههل بكثير
وفقكم الله و سدد خطاكم و شهر كريم للجميع

[OM DHOHA ANES]

ااالله يبارك على بنتك ربي ينجحها ويحفظها ياارب.
وخوذي راااحتك راكي معذوره هذا حال الام والمرأه بصفه عامه عندنا بزاااف مسؤوليات ربي يعينك ويعينا أجمعين.

[ام هزار]

ربي يوفق بنتك في الباك اختي ام رويدة و جميع الممتحنين و ربي يقدرك على المسؤولية المضاعفة

[rowaida18]

وقفة

أخواتي الغاليات ....بالنسبة لموضوع فقه العبادات اللي راني نعالج فيه معاكم هو موضوع مهم جدا ... مهم لأي شخص مسلم و يمس أكبر شريحة من المجتمع و اللي ما يقوموش بتربية أولادهم و تنشأتهم تربية إسلامية صحيحة منذ الصغر و لم يأمروهم لا بالصلاة و لا بالحجاب و كأنه شيء ثانوي ليس له أهمية... بل همّ هذه الشريحة من المجتمع هي التربية المادية و الشكلية ...و يعتبرون التدين نوع من التصوف ....أما العبادات تأتي بالوراثة .....حركات و أفعال بلا روح و بلا اتباع لهدي النبي صلى الله عليه و سلم ....و لا توجد عناية بقراءة القرآن و لا الأحاديث و كأن هذا الأمر هو أمر يليق فقط بالمساجد و لا يعنيهم ....
و كنت واحدة من هذه الطبقة من المجتمع....إلى أن دخلت الجامعة و منَّ الله عليا أن يسر لي التعرف إلى مجموعة من الأخوات جعلهم الله سببا في هدايتي فبدأت شيئا فشيئا أتعلم منهم........و اكتشفت حينها مدى حجم التقصير الذي كنت فيه و مدى البعد عن الله الذي كنت فيه ......فحمدت الله تعالى و لا أحصي ثناءا على الله بهذه الهداية ....ثم تخرجت و أخذت باكمال التعلم لوحدى عبر جميع الوسائل التي توصلت إليها .سواءا اقتناء الكتب أو سماع الدروس المسموعة و المرئية ....

ذقت حينها معنى السعادة الحقيقية .......سعادة أن تكون متبعا للحبيب في أفعالك و تتحرى العلم و تصحح أخطائك و أنت سعيد لتصحيحها و كـأن الله أعطاك عمرا ثاني لتتدارك أخطائك و تعبده على الوجه الصحيح ........و لم يشأ الله أن يأخذك أو يتركك على غفلة فهذه والله أكبر نعمة أنعم الله بها عليك ...و لله الحمد من قبل و من بعد .....

و كم هم كثيرون الذين يعيشون مثل العيشة التي كنت أعيشها ..............و الكثير منهم يقرأ مقالتي و يعلم الحقيقة ........


فلهذا أنا أصرّيت على نشر هذه الأسس الصحيحة لأهم العبادات ليستفيد منها أغلب الأشخاص من هذه الشريحة .....و أعلم جيدا أن الكثير منهم لهم قلوب طيبة و محبة لله و رسوله و لاكن لم يجدو من يأخذ بيدهم إلى بر الأمان.....

سامحوني على الإطالة.....

[حياتي كلها امل]

السلام عليكم ربي يوفق بنتك رويدا في الباك وتفرح وتفرحك
ام ضحى شكرا على الوصفات وعلى فكرة الاكياس الورقية فكرة مليحة بوركتي
اما الثوم انا معتمدة نفس طريقتك نخليه حب ونجمدو
اما التنظيفات راح نكمل بلاكارات البوتاجي مساءا ان شاء الله

[رندة.]

السلام عليكم ورحمة الله وبركاته
واش راكم فراشات ؟ ان شاء الله كامل تكونو بخير
بارك الله فيك يا أم ضحى على مشاركتك لينا وصفاتك المجربة، بإذن الله راح نجرّبهم.
ربي يحفظك يا رويدة على الدعاء وربّي ينجّح بنتك ان شاء الله في البكالوريا.
أم هزار رانا كامل مع الغبّار بصّح الأشغال متواصلة مضطرين لذلك.

أنا اليوم نظّفت الثلاجة تنظيف عميق، طفيتها وذوّبت الجليد تاعها، غسلتها مليح وتخلّصت كثير من المكوّنات إلي كانت في المجمّد، حرّكت الثلاجة من بلاصتها ونظّفت الشباك إلي يجي من الخلف من الغبار، وغسلتها مليح من الفوق وغلّفتها بالبلاستيك الشفاف
هكا باش تبقى محافظة على نظافتها من فوق.


وأمبعد غيّرتلها المكان نتاعها، كنوع من تغيير الديكور ويعطينا إحساس جميل.

[جهينة اليقين]

شكرا رويدة انا مثلك تماما اخيرا تبين لنا الطريق الصحيح وهو اتباع سنة حبيبنا محمد عليه الصلاة والسلام ومن اهتدى بهداه فاللهم ارنا الحق حقا وارزقنا اتباعه وارنا الباطل باطلا وارزقنا اجتنابه امييييين

[جهينة اليقين]

ام ضحى الخشاوش الي ما عرفتيهمش يا تروحي عند العشاب يوريهم لك يا تبحثي عليهم في عمك قوقل
ام هزار ارواحي عندي ذوقي الحريرة بالحشاوش تفهمي مليح البنة والمنفعة
وانا كذلك نسمع بالفاح بصح ما نعرفش واش تديرو فيه ياريت توريلنا الطريقة هكذا نتبادل الوصفات

[جهينة اليقين]

شكرا ام ضحى على فكرة الورق في التجميد بصح نظن علب البلاستيك الي فيها مثلت وفيه رقم 5 صالحة للتجميد
الثوم كل طرق تجميده ما عجبتنيش يتغير ذوقو راني نخليه طبيعي نعلقو ونخليه ييبس ونستعملو طول العام حتى يلقى خوه

[جهينة اليقين]

اليوم روتينات فقط غسلت حبوب راس الخانوت وراهم ييبسوا وصنعت قاطو لمشوك لمعسل باش نديه لفاميلتي جاو مالعمرة

[ام شمسو محمد]

السلام عليكم ورحمة الله يا احلى فرااااشااااات تفرحو القلب الله يبارك من الحرة لاختها
رويدا افادتك لينا عظيمة اسال الله العظيم ان يجعلها في ميزان حسناتك ...و الحمد لله اني نطبق صفة الوضوء اللي مديتيها...كنت برك القدمين مانغمرهمش بالماء لفوق العقبين ...الحمد لله صححت هذا الخطا ملي سمعت حديث ويل للاعقاب من النار

الغالية جهينة شكرا على الوصفات نتاع الحانوت احنا نسموهم الفاحات ...و الوصفة الاولى هي تحديدا وصفتنا احنا برك نديرو الفلفل الاكحل و مانديروش الكركم اما الوصفة الزاوجة ماعقلت منها والو بصح اكيد بنينة و مفيدة من معرفتي بيك

ام هاجر ربي يبارك في صحتك و يعاونك على وش بقالك شغل ...و كلامك على فوات الاوقات و فراق الاحبة كان رقيق و يحرك المشاعر واضح انو صادر على احاسيس عميقة عشتيها .
ام هزار ارواحي نحكيلك على الغبار وش دار فيا هههه..والله بهدلنا وزادت ماطاحت المطر ماوالو ...العزاء الوحيد انو ابن خلدون يقول بلي هذا الغبار مفيد في للقضاء على الحشرات المؤذية ...و كي مايجيش يهيجو علينا ...ايا نفكر في الفائدة باش مانتعبش من خدمتو و اجواؤو الكئيبة على كل حال عندو سنوات ماجاش....كلانا الناموس هذي السنين هههه
المبدعة ام ضحى و انس صدق حدسي فيك و طلعتي شاطرة بزاف و متعددة المهارات الله يبارك اضافة قوية للمجموعة ...راني فرحانة كي انضميتي لينا و قويتي بوجودك فريقنا ...و الوصفات اللي حطيتي في ميزان حسناتك ...ذوق رفيع و عرض متميز ...تم الرصد

[ام شمسو محمد]

باعتبار راني هذا الاسبوع ننظف في غرف النوم كملت اليوم لاكوافيز في غرفتي رتبتها مليح ...رميت شوية ..😈بعض المتعة 😁ههههه ام هاجر هذاك الاحساس كي تفرغي المساحات يشبه كيما تقصي شعرك ...نحس روحي خفيييييييفة ...

هذا اضافة الى باقي الاعمال الروتينية تسياق و غسيل و طبخ ...في المساء باذن الله نكمل مهام الطبخ التحضيرية لرمضان ...نخدم لاشابلوغ و الثوم ماكنتش راح نديرو بصح نعاندكم هههه

[ام شمسو محمد]

قـال العلامـة عبد الرحمـن السعدي
رحمــہ اللـہ تعالــى

أقل ما تستفيــده من الجليس الصالح وهـي فائــدة لا يستهان بها أن تكـف بسببــه عن السيئات والمعاصــي.

بهجة قلوب الأبرار 156

كلكن ذلك الجليس الصالح