عروستنا في المطبخ - الصفحة 12

سميحة 01 · 2013-10-14, 22:37

mimi souma · 2013-10-16, 09:39

اقتباس:

المشاركة الأصلية كتبت بواسطة ravanaflora

جبتلكم أفكار جميلة لتزيين قوالب الثلج لعمل مختلف العصائر
فاجئي أهل زوجك وزوجك ...زغللي أعينهم

لأن العين تعشق قبل المعدة أحيانا

على فكرة لما شفت الصورة الأخيرة تذكرت عصير الليمون بالنعناع الأخضر راهو يجي رووووووعة وصحي
ونعرفو كامل باللي الاثنين يهدو الأعصاب..ويستحسن لما يكون وقت القارص تخدمي كبيرة وتحطيها في الكونجيلاتور
وتذكرت بالمناسبة حاجة نحكيهالكم بقات تحرق في قلبي
واحد المرة رحت عند صاحبتي عروسة جديدة بدارها وحدها تجمعنا كامل الصحابات حطتلنا عصير القارص بالنعناع و حسينا فيه بنة أخرى تاع لاكريم كريبوني كي قلنالها نكرت وقالت مازدتللو والو بخلتنا
من بعدها وحدها جات كنت نهدر مع خطيبي قتلو على القارص بالنعناع قالي زيدي واش ثاني
قتلو هذا ماكان قالي يزيدولو الكريبوني يشربوه ديما برا ....امممم صار هكذاااا
ماشي مليحة الواحد يبخل وزيد مراناش في دار واحدة لي تحبي تباني فور عليا
انتي في دار وأنا في دار مع ناس اخرين

أيا اسمحولي طولت عليكم

ختي انا جربت مرة عصير الليمون بالنعناع ماجانيش بنين ادا عندكم الوصفة الصحيحة مدوهالي ويكثر خيركم والكريبوني يشروه من برا ويضيفوه ولا كيفاش

حليمة هازار · 2013-10-17, 20:03

فعلا موضوع مميز اختي زهور الفل ،ويستفاد منو الجميع سواء متزوجات او مخطوبات او عازبات وان شاء الله كل خبيرة في الطبخ تفيدنا بنصائحها وتجاربها سواءا في تحضير الاطباق او طرق تزيين الموائد ،ربي يجعلها في ميزان حسناتكم

حليمة هازار · 2013-10-18, 15:13

اقتباس:

المشاركة الأصلية كتبت بواسطة nihell

أنا ساعات نطيب عجب أطباق رائعة و ساعات نطيب تقول برجليا...................

تقول راكي تهدري عليا احيانا نحس روحي شاف في الطبخ واحيانا تقول عمري لا دخلت المطبخ

ريم الفلى · 2013-10-19, 16:05

عندي شحال وانا نحوس نكتب رد بحكم الضروف لم استطع اليوم جبتلكم فكرة لتزين الكؤوس
جيبي كاس اغسليه مليح ونشفيه وقلبيه على فمو واغمسيه في ماء غير شويا برك قيس ما يتشمخ فمو برك ومباشرة الى السكر حرش واقلبيه وخليه ينشف مليح وقدمي في عصير بنين ممكن عصير القار بالليمون اللي يحكيو عليه لبنات
والوصفة تاعو اللي نعرفها هي هادي اللي تعرف وصفة احسن توريلنا رانا كامل نتعلمو
5 ليمونات كبار
كاس كبير سكر او اقل حسب الذوق
ليترا ماء
وكاس ثلج
ربطة اوراق النعناع
والطريقة معروفة وهي نعصر الليمون في العصارة اليدوية ونحيو البذور
ونوجدو ربطة اوراق النعاع الاوراق برك ماشي الاغصان
من بعد نغسلوهم مليح ونحطوهم مع القارص المعصور والسكر والما انا نزيد لافاني في الميكسور ونخلطو جيدا
من بعد نحطو الثلج في الكاس ونصبو العصير

وهادي طريقة تزين الكاس بالسكر

شفتو كيفاش راهو السكر مزين فم الكاس

ام نسمة · 2013-10-20, 12:55

انتظروني هذا المساء مع نصائح اخرى

ravanaflora · 2013-10-20, 14:45

اقتباس:

المشاركة الأصلية كتبت بواسطة ريم الفلى

عندي شحال وانا نحوس نكتب رد بحكم الضروف لم استطع اليوم جبتلكم فكرة لتزين الكؤوس
جيبي كاس اغسليه مليح ونشفيه وقلبيه على فمو واغمسيه في ماء غير شويا برك قيس ما يتشمخ فمو برك ومباشرة الى السكر حرش واقلبيه وخليه ينشف مليح وقدمي في عصير بنين ممكن عصير القار بالليمون اللي يحكيو عليه لبنات
والوصفة تاعو اللي نعرفها هي هادي اللي تعرف وصفة احسن توريلنا رانا كامل نتعلمو
5 ليمونات كبار
كاس كبير سكر او اقل حسب الذوق
ليترا ماء
وكاس ثلج
ربطة اوراق النعناع
والطريقة معروفة وهي نعصر الليمون في العصارة اليدوية ونحيو البذور
ونوجدو ربطة اوراق النعاع الاوراق برك ماشي الاغصان
من بعد نغسلوهم مليح ونحطوهم مع القارص المعصور والسكر والما انا نزيد لافاني في الميكسور ونخلطو جيدا
من بعد نحطو الثلج في الكاس ونصبو العصير

وهادي طريقة تزين الكاس بالسكر

شفتو كيفاش راهو السكر مزين فم الكاس

يعطيك الصحة حنونة
أنا فيا طبيعة خاصة في هاذ الحوايج مانتقيدش بالمقادير عيني هي ميزاني
والعصائر مافيهاش قاعدة معينة تقدر أي واحدة تدير اي نع فاكهة مع ليمون أو عدة فواكه كوكتال يعني
وكاين عصير الموز والحليب والفراولة يجي مليح بزااف أنا نموت عليه ومغذي في نفس الوقت

قطيطوشة · 2013-10-20, 15:47

موضوع أكثر من رائع وأنا متابعة من البداية
أنا متزوجة وراح نحاول نشارك بلي نقدر إن شاء الله
من فضلكن لا تهجرن الموضوع فهو جد مفيد

ريم الفلى · 2013-10-22, 14:19

اقتباس:

المشاركة الأصلية كتبت بواسطة ravanaflora

يعطيك الصحة حنونة
أنا فيا طبيعة خاصة في هاذ الحوايج مانتقيدش بالمقادير عيني هي ميزاني
والعصائر مافيهاش قاعدة معينة تقدر أي واحدة تدير اي نع فاكهة مع ليمون أو عدة فواكه كوكتال يعني
وكاين عصير الموز والحليب والفراولة يجي مليح بزااف أنا نموت عليه ومغذي في نفس الوقت

والله انا حبيت نمد طريقتي للاخت mimi souma هي اللي طلبتها وكل واحد حر في طريقة تحضيره

سميحة 01 · 2013-10-22, 16:02

ravanaflora · 2013-10-23, 12:18

اقتباس:

المشاركة الأصلية كتبت بواسطة ريم الفلى

والله انا حبيت نمد طريقتي للاخت mimi souma هي اللي طلبتها وكل واحد حر في طريقة تحضيره

حنونة ماتفهمينيش غالط بالعكس أنا عجبني الحال كيما رديتي وبارك الله فيك
وأنا مارانيش ننقد فيك

حبيت برك نوصل فكرة للأخوات يعودو رواحهم في بعض الأشياء ما يتقيدوش بالمقادير وكل واحدة تبدع بطريقتها
واسمحيلي

ام نسمة · 2013-10-23, 13:37

مرحبا بنات اسفة جدا على كثرة غيابي عن الموضوع لكن ها قد عدت اليوم سنتحدث عن اسسيات مهمة في المطبخ يجب عليكي عزيزتي العروس ان تتعلمي او ل شي هو كيف تخزنين المواد والخضر الموجودة في مطبخك ؟

لو نقسم محتويات المطبخ من مواد غذائية سنجد اللحوم والخضر مع فواكه ونجد البقوليات وتوابل وطحين بمختلف انواعه يجب ان تجيدي كيفة حفظ كل من هاته المواد بعناية وفي ردودي المقبلة ساشرح كل مكون على حدا والطريقة المثلى لحفظه سواء في الثلاجة او خارجها

وتاكدي ان الشطارة تبدا في المطبخ انطلاقا من تعاملك مع محتويات المطبخ والطبخ لا زم تتعرفي على كل المكونات وططريقة حفظها وطريقة استعمالها المثلى فلا يمكن للرسام انجاز لوحة جميلة ان كان يجهل فن الالوان بحد ذاته فكوني في المتابعة والله انا اعطيكن من معلوماتي الشخصية وابحث من اجلكن في مواقع النت فافيدكن واتعلم انا ايضا معلومات جديدة لم اكن اعرفها

ام نسمة · 2013-10-23, 13:38

**الحشيش قصبر كرفس وبقدونس **

عند اقتنائهم مباشرة قومي بفك الربطة وفرزها جيدا من الاعشاب الاخرى ونفضها من التراب العالق بها وجد ورتبيهم في علبة بلاستكية فرشي فيها ورق مطبخ ورتبي فيها الحشيش اتاعك وعاودي غطي بمنديل ورقي اخر واحكمب الغطاء وضعيها في الثلاجة عزيزتي العروس عليك دوما ان تثقفي نفسك عن قيمة المواد التي تستهلكينها كغذاء الكرفس خاصة مفيد جدا للصحة بالطبع الكزبرة والقدونس ايضا فوائدهما عالية جدا

كما انه يحارب نمو الخلايا السرطانية ويقى من سرطان الثدي للنساء اقصد الكرفس

[IMG]https://www.alm5zn.com/upfiles/gAk61209.jpg[/IMG
والكزبرة هنا يمكنك ايضا ان تقومي بفرمها مع ثوم وملح وزيت وفلفل اسود وجمديها من اجل الحريرة كي تطيب وتطفي ارمي فيها مكعب وشوفي البنة خاصة اذا اضفتي مكعب البنة بدل الملح

وكي تفرقي بين القصبر والبقدونس

خاصة في فصل الخريف الى الربيع هو ان اوراق البقدونس اكبر من اوراق القصبر وليست لها رائحة اذا فركتي بضعة اوراق بين يديك اما اواخر الربيع والصيف يكون القصبر مميز بلون زهره الابيض ورائحته القوية

مثل هذا الصورة جبتها من موضوعي باش تفهمو واش نقصد

وممكن انك تجمدي كزبرة في الصيف لعمل بها حريرة في الشتاء لما يكون متوفر القصبر الاخر الاقل طعم ورائحة من القصبر المزهر
اتمنى ان اكون افدتكم ولو بالقليل ولي عودة ان شاء الله

ام نسمة · 2013-10-23, 13:39

.................................................. ..........................................

ام نسمة · 2013-10-23, 13:39

.................................................. .........................