الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة ام حمزة22

لبنات طبقي اليوم كنت من المفروض نطيب ضولمة كرومبيط لاكن بدلتلها الشكل وبدل الضولمة درتها بسطيلة الكرومبيط ههههههههههههههههه
الصور ماحبتش تطلعلي في مركز التحميل لتقل اانت
راني كي نحملها نبعتها بادن الله
لبنات مادام رانا في الطبخ والمطبخ نخليكم مع هاد الرابط ان شاء الله يعجبكم
https://www.djelfa.info/vb/showthread.php?t=1732218

اختي ام حمزة. غير تتحسّن النت أبعثيهم. راني نستنى بفارغ الصّبر على خاطر أنا ثاني عندي الكرومبيط. حبيت أندير بيه ضولمة. بصّح أنشوف اقبل هاذ الابتكار الجديد باش انبعدوا اشويا على الروتين. ربي ايخليك لينا. أنا اليوم رايح أندير الروز بالزيتون . ونزيد أنجرب غير أشويا بطريقة الأخت روح مراد ربي يحفظها. يعني أنسحن اشويا في المقلة. وليت لوكان ماندخلش لهاذي الصّفحة نتقلق. اخلاص والفتكم.

[mon espoir]

المشاركة الأصلية كتبت بواسطة روح مراد

f و الله البارح نهار كامل و أنا نخمم على اللوبيا و صبح نسيت باش نشمخها و لكن نديرها غدوة في النهار
أحنا في دارنا الصالة للضياف وأو في الأعياد أو نهار يكون الجميع في الدار الكوزينة ما تكفيش و أنهار نكونو كامل كامل الرجال ياكلو في الصالة و النساء في غرفة أخرى أو الرجال في الصالة و النساء نقسموهوم على أفواج في المطبخ
رايحة تستغربي و لكن العائلة مجمولة الله يبارك راهي تفوق 40 شخص الأبناء و الأزواج و أولادهم الله يبارك
أما باقي الأيام قعادنا كامل في الكوزينة و في معظم الأحيان حتى كي يجونا الضياف المقربين الرجال في الصالون و النساء في الكوزينة و في داري لقيتهم الطابلة حاطينها في الصالون و الماكلة في الشتاء ياكلو في الصالون و في الصيف في البالكون
أنا صبرت شهرين الأولين من بعد درت الطابلة في الكوزينة ما نقدرش نحمل في الماكلة
ما نخبيش عليك أحنا كي كنا صغار كنا عايشين في الكوزينة كانت عندنا كوزينة كبيرة قيس 3 غرف فيها نطيبو و فيها ناكلو و فيها نقراو و فيها نلعبو و فيها كل شيء علا بيها كبرنا على هاذيك العادة و حتى بعد ما بدلنا بنيان دارنا بقينا عايشين في الكوزينة

سلام اختي ام مراد.. ان شاء الله الجميع بخير .. راني ديما مزروبة.. حبيت نقوللك انا كي نحب نطيب اللوبيا نشمخها في الليل باش يسهال طيابها ... ويلا نسيتيي ما شمختيهاش نعطيك استيس هايلة ديري اللوبيا تاعك في الماء كيما موالفة و لوحي معاها 2 نوات تمر.. ايه نوايا تاع التمر و روديلي الخبر ما تحكمش ساعة meme pas هذا و دجيك ذايبة كيما حبيتي بصح ما ديريش الملح و الثوم على خاطر هوما اللي يعطلوا الحبوب باش طيب.. الله يهديهم.. هاها
كيما قولتلك l'astuce هاذي اعتمديها حتى مع باقي الحبوب و تحياتي

[روح مراد]

شكرا أختي mon espoir هاذي فكرة جديدة رايحة نجربها
أنا نشمخ اللوبيا أو حتى العدس أو الحمس و عندي كوكوط autocuisson الطيب كل شيء في أقل وقت كيما اللوبيا و الحمص في 15 دقيقة
و لكن الأفكار ملاح و رايحة نعتمدها نربح الوقت

[غزالة الصّحراء]

المشاركة الأصلية كتبت بواسطة mon espoir

سلام اختي ام مراد.. ان شاء الله الجميع بخير .. راني ديما مزروبة.. حبيت نقوللك انا كي نحب نطيب اللوبيا نشمخها في الليل باش يسهال طيابها ... ويلا نسيتيي ما شمختيهاش نعطيك استيس هايلة ديري اللوبيا تاعك في الماء كيما موالفة و لوحي معاها 2 نوات تمر.. ايه نوايا تاع التمر و روديلي الخبر ما تحكمش ساعة meme pas هذا و دجيك ذايبة كيما حبيتي بصح ما ديريش الملح و الثوم على خاطر هوما اللي يعطلوا الحبوب باش طيب.. الله يهديهم.. هاها
كيما قولتلك l'astuce هاذي اعتمديها حتى مع باقي الحبوب و تحياتي

[B][I][SIZE="5"]أهلين وسهلين بالأخت=mon espoir وياربّ الكلّ ايكون بخير. واللّه أنا البارح أنسيت ماشمختهاش . ونضت على الوحدة أنتاع الصباح وشمختها. ونزيد أنطيبها في القدرة على نار هادئة في القليل من الماء . باش هذاك الماء نستعملو. يعني لما اضيف اللّوبيا للمرق ، ألي حضرتو ( بصل + ثوم + جزر قطع دائريّة + حبة طماطم مرحيّة + الرند ) نقلي كلّ شيئ. ثمّ أضيف الماء وطماطم مصبرة وملح وكمون وفلفل أكحل + قرنفل أندخلو داخل الجزر .يعني لما نعمل دوائر أنخلي واحد6 سم من الجزر وندخل فيه القرنفل .
بصّح مافهمتش أمليح الطريقة زيدي وضحيلي .
يعني لما أندير اللّوبيا داخل الصوص أنزيد معها 2 نوات تمر ورولي الخبز؟؟ الوخذة إذا ألقى راجلي نواة التمر ايقولي واش جاب التمر للوبيا؟؟ رايح أنقولو اللّوبيا هي الي عرضاتو للفطور. ههههههههههه

[روح مراد]

لالا يا غزالة هاههاهاهاهاها ماشي رولي الخبز
الديري اللوبيا عادي و زيدي 2 عضمات تمر و قالت لك رديلي الخبر ماشي رولي الخبز

[غزالة الصّحراء]

المشاركة الأصلية كتبت بواسطة روح مراد

لالا يا غزالة هاههاهاهاهاها ماشي رولي الخبز
الديري اللوبيا عادي و زيدي 2 عضمات تمر و قالت لك رديلي الخبر ماشي رولي الخبز

يعطيك الصّحة عل التّوضيح. واللّه غير أضحكت على روحي حتّى اشبعت. لما جيت أنرجع الرّد انقطع الضّوء. حتى وانا نخدم في الشغل كنت نضحك. الحمد لله ماعنديش الغاشي في الدّار كانوا يحسبوني أهبلت. شفتي للتمهبال؟ هاذا راه غير في داري . واش أنقولك كنكون في دارنا. ؟ يعطيك العفاية على التّوضيح. بصح لازم نبعث الميساج لصاحبة الموضوع ونعتذر منها.

[غزالة الصّحراء]

المشاركة الأصلية كتبت بواسطة mon espoir

سلام اختي ام مراد.. ان شاء الله الجميع بخير .. راني ديما مزروبة.. حبيت نقوللك انا كي نحب نطيب اللوبيا نشمخها في الليل باش يسهال طيابها ... ويلا نسيتيي ما شمختيهاش نعطيك استيس هايلة ديري اللوبيا تاعك في الماء كيما موالفة و لوحي معاها 2 نوات تمر.. ايه نوايا تاع التمر و روديلي الخبر ما تحكمش ساعة meme pas هذا و دجيك ذايبة كيما حبيتي بصح ما ديريش الملح و الثوم على خاطر هوما اللي يعطلوا الحبوب باش طيب.. الله يهديهم.. هاها
كيما قولتلك l'astuce هاذي اعتمديها حتى مع باقي الحبوب و تحياتي

سلام أختي=mon espoir ويعطيك الصحّة على الطريقة . لكن في نفس الوقت رايح أنقدّم لك الاعتذار التالي.
نظرا لرداءة الأحوال الجويّة وكثرة الغيوم التّي أغشت العيون، تمّ قراءة العبارة ( روديلي الخبر) كالتالي ( رولي الخبز ) . وتمّ تصحيحها من طرف الأخت ذات العيون الدّقيقة في النظر روح مراد تبارك اللّه فيها. أتقدّم بالاعتذار باعتبارك الأمل الوحيد في إعادة الأمور إلى طبيعتها ومجراها ، والحمد للّه على انّه لم تترتّب ايّة خسائر ماديّة من جرّاء هذا الخطأ. وزيدي رداءةالأحوال الجويّة راهي أتطيّح الطيّارة لثقيلة من السّما. واش أنقولوا في الحروف لخفيفة تكْرَازِيهَا كامل. هاذا ألي صار معيا. اللّه غالب ماينفع غير السّماح. قوليلي راكي مسامح ؟؟

[*أم جابر*]

السلام عليكم ورحمة الله و بركاته
مرحبا بالاعضاء الجدد معنا
ام حمزة بارك الله فيك على الموضوع و الله نقولك كوزينتي ضيقة كيما اللي في الصورة الاخيرة في موضوعك بصح معليش راضية بها ختى نهار يفرج ربي
وعلى البسطيلة تع الكرمبيط راكي شوقتيني ما طوليش علينا بالوصفة و الصور
روح مراد الحمد لله يسال عليك الخير
غزالة راكي دايرة حالة دمت نشيطة
و الله crono توحشناها عندها بزاف ما طلتش علينا

[ام حمزة22]

سلام لبنات
متاسفة الصور ما حبتش تطلعلي حاولت نحملهم في جميع مراكز التحميل لاكن بدون نتيجة للاسف
فالغد بادن الله نحطهم فالصباح الباكر

صحيتو لبنات على طلتكم في موضوعي فرحتوني


غزالة والله ضحكتيني وبناتي قعدوغير يستغلو فيها شبعو دحك عليا ههههههههههههههه
الله لا يحرمني من طلتكم عليا يا الغاليات

[mon espoir]

سلام الله عليكن اخواتاتي و حباباتي.. اسمحولي.. هذا وين شفت الردود..راكي شايفة الوقت..ناض وليدي درتلر بيبرون حليب و قلت نصلي ركعات لله.. كي تكيت شديت البورتابل وقلت نطل علئ الفحلات.. ياخي راني مايتة بالضحك مي الداخل..وكرشي غير تتحرك ..خفت نضحك بالصوت.ينوضو الولاد..يدوخو يقولوا ماما وقيلا.!!. الله يعطيك الخير..كنت راح نشوف برك جديدكم.. ياخي من الضحك رديت بلا ما نشعر.. اضحك الله سنك و جعل ايامك سعادة.. و خاتمتك شهادة و رزقك النظر الئ وجهه الكريم..اللهم لا تحرمنا مرافقة نبيك الامين في جناتك و اغفر لنا. و لوالدينا و لجميع المسلمين.. اللهم امين
هيا واش تقولي في دعا . كيما هذا يجيك في ظهر الغيب في الثلث الاخير من الليل..
و ضرك عينيا ضروني من ضو البورتابل راهو صغير شوي..إن شاء الله الصباح رباح..كي يطلع النهر نحكيو..في امان الله..يارب اللي في بالو حاجة فيها صلاح ليه حققهالو.

[غزالة الصّحراء]

ياصباح الورد والياسمين.ياصباح الهنا والسعادة. على أحلى وأروع عضوات الصّفحة بالخصوص. أم حمزة ، أم أسيد ، روح مراد ، mon espoir وكلّ من ستلتحق بنا مباشرة بعد تحسّن النت. ياربّ الكّل ايكون بألف خير. وياربّ زوج أم حمزة ايكون أتاعفى. بصّح قوليلي راح للطبيب؟؟؟
شكرا جزيلا لكّل من وضعت بصمتها على هذه الصّفحة وتحدّت الأحوال الجويّة لتعطي للصفحة رونقا وجمالا، ودفئا حنونيا يجمع بين الكلّ رغم بعد المسافات ورغم اختلاف انتماء كلّ واحدة منّا.
طبعا انشغالاتنا نحن النّساء لا تنتهي أبدا ، ولكلّ منّا نصيبها، ولكلّ منّا طريقتها في التّحدي لها. وبفضل هذه الصّفحة القيّمة تمكّننا إلى حدّ بعيد من تحديّ هذه الصّعاب. شخصيّا استفدت كثيرا. وجزاكنّ اللّه بكلّ الخيرات وحقّق لكنّ كلّ الأمنيات وخاصّة ونحن نحتضن السّنة الجديدة 2015. اعادها اللّه علينا بالخير والبركات والصّحة ونجاح ذريتنا وأزواجنا ونجاحنا أيضا.
أختي mon espoirأجدّد لكي شكري على الدّعاء. واللّه كنت أتخيّلك وأنت تضحكين خوفا من أن يستيقظ الأولاد. في بعض الحالات الضّحك أيضا جدّ مفيد للصحّة. وللكل مثيل من هذا الدّعاء المبارك علينا.

[ام سراج وملاك]

صباح الخير عليكم ان شاء الله تكونو بالف خير ام حمزة حبيبتي كشما جديد في الطبح رانا نستناو في طبخة اليوم راني وليت نطل في موضوعك باستمرا عجبني طبخك بزاف ربي يعطيك صحتك

[غزالة الصّحراء]

المشاركة الأصلية كتبت بواسطة ام حمزة22

سلام لبنات
متاسفة الصور ما حبتش تطلعلي حاولت نحملهم في جميع مراكز التحميل لاكن بدون نتيجة للاسف
فالغد بادن الله نحطهم فالصباح الباكر

صحيتو لبنات على طلتكم في موضوعي فرحتوني


غزالة والله ضحكتيني وبناتي قعدوغير يستغلو فيها شبعو دحك عليا ههههههههههههههه
الله لا يحرمني من طلتكم عليا يا الغاليات

[SIZE="6"]
أم حمزة ياربّ هذه الصّفحة اتكون فاتحة خير علينا كلّنا . وخصوصا على بناتك يرجع لهم نشاطهم وحيويّتهم وايكونوا دائما من الأوائل. التراجع اللي حدث عند بنتك أمر طبيعي . بما أنّها الأولى في قسمها ، يعني أنّها ذات مستوى جيّد. عليها فقط بالإرادة وعدم الاستسلام والمداومة على المراجعة دون أن تترك الدّروس تتراكم عليها. لكن لاتنسي خبرينا على نتائجها. دون ماتنسياي زيارة مؤسستها. لاتنتظري حتى بداية الامتحانات. بالتّوفيق لهنّ ولكلّ من مازال على مقاعد الدّراسة. وسنة جديدة ملؤها الجدّ والنّشاط والنجاحات بإذن اللّه.
اليوم رايح أندير طبق السّلق بالطريقة التّي سبق وأن ذكرتها + الفلفل الحار بطريقتنا ( نشوي الفلفل والطماطم على طاجين ، ثمّ أنقشرهم. وبعد ذلك أنفتتهم باستعمال الشوكة ، الفرشيطة ) أضيف الملح وزيت الزيتون . وبالهناء والشّفاء[/SIZE]

[غزالة الصّحراء]

المشاركة الأصلية كتبت بواسطة ام سراج وملاك

صباح الخير عليكم ان شاء الله تكونو بالف خير ام حمزة حبيبتي كشما جديد في الطبح رانا نستناو في طبخة اليوم راني وليت نطل في موضوعك باستمرا عجبني طبخك بزاف ربي يعطيك صحتك

أهلا بيك أم سراج وملاك. وصباحك أسعد. عندك الحّق رانا نستناو ا كامل في الأخت أم حمزة ويكتاش أتزل الصّور. اللّه يعطيها الصحّة والعافية على مجهوداتها. ولكل وحدة ماتبخل علينا بمساعداتها.

[mon espoir]

جمعة مباركة على الجميع ,,ان شاء الله تكونوا بخير ,,واش راكي اختي ام حمزة يارب يكون ابو حمزة تعافى,, اسمحيلي,, ساعات ندعي بالشفاء بصيغة العموم..نخاف يطل راجلي عليا و انا نكتب و يقولي و انتي وين تعرفيه هذا ابو حمزة.. هاها و الله غير ساعات تجي لبالي راهو مغيار.. المهم بقيت نخمم كي قولتيلي على العرضة .. مهمة صعبة .. وقلت و علاه صعبة.. و قلت ندير العشاء و نقلك .. لكن ما كتبتش.. اللي نعيطلو يقولي خلي مرة اخرى ..واحد مسافر ..و واحد عندو شغل المهم..قلت مرة اخرى ان شاء الله..

امس درت الغداء مرقة فول و بطاطا جات بنينة..بشهادة المعلم (على فكرة حكيت معاه و قولتلو وعلاه كي تعجبك الماكلة تاكل و تسكت و كي ماتعجبكش تهدر).. قالي خلاص نعود نقولك بارك الله فيك و نجيبلك كادو.. هاها..قولتلوا نحنا النساء كلمة حلوة طلع لينا المورال و نزيدوا في الابداع( على اساس راني نبدع ها ها) المهم قالي خويا ارواحي عندنا راهي كاين لمة يديرو في المقروط تاع مرت خويا باش تولد.. ربي يسلك و حلها على خير و يرزق كل محرومة.. امين.
كنت راح ندير روز جربي .. ياخي وجدتوا برك و اديتو معايا طيبتو لهيه مع طروف دجاج بالتتبيلة..قلت نبعتلك صور التحضير في ملف مرفق و انتي عدليهم باش نزيد نعلق عليهم ok