دورة خطواتي الواثقة لأصبح ربّة بيت متألّقة

[عسجدة]

السلام عليكم

كلما اضع مشاركات جديدة ارى هذا
الموضوع ادخل واقرأ وبدون رد ولكن
اليوم قررت ان اترك رد وهو :

جزاكم الله خيرا على ماتبذلونه من اجل ازواجكم وبيوتكم واولادكم .
والسؤال المطروح هل حقا الرجل او
الزوج يريد ربة بيت متألقة .

كم من ربة بيت متألقة كان مصيرها
الخيانة .

قلم جريئ.

صمت الالم

[randa3]

أختي ام البنين
بالنسبة لسؤالك على الاولاد واكل الخضار يعني هاذي مشكلة تعاني منها جميع الامهات
وكل مرة كانو يديرو برامج تلفزيونية على هذاالموضوع والحل انو تحاولي ادخلي الخضار في اطباقهم المفضلة بطريقة ذكية خاصة بالنسبة للكورجات. الشفلور. الكرنب. الباذنجال. البسباس. لوبيا مونشتو..... وغيرها
وبيناتنا قناة سميرة كانت كل مرة تعطي وصفات للقضية هاذي وانا استفدت منها كثيرا كثيرا كثيرا وكيما قالت شهرزاد الي تقدم لمسة شهرزاد كي تشوفي وصفة وتكون عندك المكونات جربيها في يومها ماتخليهاش نهار أخر حتى تنسايها واذا جربتيها ونجحتلك سجليها عندك في القائمة المفضلة.

[randa3]

يا اخت عسجدة مرحبا بيك وشكرا لطرحك هاذي القضية صحيح كاين حالات كثيرة كيما ذكرتي بالرغم من انها ربة بيت ممتازة ومتألقة في كل المجالات لكن خانها زوجها
هي حالات فقط مانقدروش نعمموها . بصح حبيت نقول أنو:
على المرأة عند قيامها بتلك الاعمال حتى تكون ربة بيت متألقة ان تضع في حسبانها ما يلي:

1- إحتساب الأجر في كل ماتفعله لزوجها وبيتها كي لا تضيع أعمالها دون أجر

2- ان تجدد النية في كل عمل حتى لا تتحول إلى عاده فتخسر وتتعب دون فائده

3- أن تصلح ما بينها وبين الله حتى يصلح ما بينها وبين العباد. فالله هو الذي يملك قلب زوجها وجميع حواسه
فحافظي على رضى الله وطاعته والتقرب إليه بالنوافل ووكلي أمرك عليه وهو خير وكيل (وهذا من اهداف الدورة)
4- أن تكثر من الدعاء لزوجها بأن يحصن الله فرجه ويغض بصره ويبعد عنه شياطين الأنس والجن ويسخره ويجمع بينهما على المحبة والرحمة

5- أن لاتهجر كتاب الله عز وجل فهو الونيس والجليس وهو شارح الصدر ومفرج الهم وميسر العسير والمقرب من الرحيم
وان تجعل لها وردا يوميا تناجي الله وتتقرب إليه ..( وهذا من اهداف الدورة)

6- أن تتوب إلى الله من كل الذنوب والمعاصي..فكلنا نخطيء ونحن لسنا بملائكه..وخير الخطائين التوابون
7- ان تهتم بنفسها وزينتهاوان تلبي احتياجات زوجها المختلفة فيما يرضي الله ( وهذا من اهداف الدورة كذلك)

واذا قامت المرأة بكل ما سبق ومع ذلك خانها زوجها فعليها ان لاتفقد الثقة في نفسها وجمالها فالعيب ليس فيها بل فيه هو
كيما يقولو " انا ندير الي عليا والباقي على ربي سبحانه"

[mariamalak]

رندا اختي عظم الله اجركم ربي يصبركم

[sunshine2013]

السلام عليكم اخواتي و ربي يقدركم
اختي رندة عظم الله اجركم ان لله و ان اليه راجعون

عجبتني فكرة موضوع النقاش و نظن الاخت عسجدة( ما معنى الاسم اذا امكن) اقترحت موضوع هل الرجل يريد المراة المتالقة بالبيت
أنا نقولك ماكاش آللي مآ يحبش يشوف مرتو متألقة في دارها بصح مش علاحساب نفسها جمالها و علاقته بيه(نظن فهمتوني) بالمعنى مش تدخليها ميناج و طياب و غسيل و كي يدخل يلقا شعشبونة و تزيدي تهدريلو على كيفاش درتي الميناج و راني تعبانة ياك تعرفو الراجل ما يحبش المرا تشتكي و إذا اشتكيت يقول هادي دارت شوية ميناج خلاص الله غالب هدا هو مجتمعنا ما يقدرش المرا و تضحياتها
أنا شخصيا داري نظيفة مانخليهش يشوف حاجة مش نقية و لا يشم رائحة منفرة بصح ميناج عادي و طبخ عادي مش نقتل روحي حتى يديا يتجرحو و ينودولي ليفاريس نخدم بعقلي و كل مرة شوية المهم الحوايج آللي طيح عينو عليهم لازم يكون مستيكيين هكذا يبقا وقت باش الوحدة تتهلا في روحها هادا نزع شعر هادا ماسك االخ و مع الأولاد مش ساهل أنا كنت نهدر على روحي كي كنت بلا أطفال دوك راني مع التربية طفلة صغيرة عندها شهرين و نص فيها جري و تعب بصح نفضل نخصص وقت لنفسي ما يشوفنيش راجلي في شكل مايعجبش و نتعب روحي و مبعد نقولو اسمحلي عييت حابة نرقد و ممكن من كترة التعب نرقد بلا ما نحس و هدا على حساب شغل البيت أحيانا و هذا رأيي شكون موافقة و شكون معارضة ههههه

[Oum Mohamed123]

السلام عليكم

[عسجدة]

بارك الله فيكم
شكرا لردودكم الطيبة
اختي رندا :
احيانا تفعل المرأة كل ماذكرتي ثم
يخونها وبعد الخيانة ماذا سيبقى لها وماذا تفعل ؟
ولماذا كل هذا العطاء الكثير والكثير للرجل ليقابله بالجحود
هل سيبقى عقل للمراة بعد ذلك

صدقيني لم اكن اريد ان افسد دورتكن بهذه الردود التي تنقص من
العزيمة ولكن اسئلة اكلت عقلي.

صمت الالم. قلم جريئ

[عسجدة]

صدقت اختي سونشين ولكن هل تستطيعين التوفيق حقا بين تربية
الطفلة واشغال بيتك واعطاء حقك لزوجك .
اليس شيئ كثير عليك
وهل يراعي كل هذا التعب الذي تعانيه وما هي مكافأته لك .
ام ان شعارك العطاء حتى الموت



شكرا

[عسجدة]

المشاركة الأصلية كتبت بواسطة oum mohamed123

بالاضافة الى كلام رندا وsunshine قبل مانتزوج كنت نحير كيفاه ازواج خرين يخليو نساهم ماشاء الله فالديار وهوما يجريو برا وراء الحرام.بصح ذرك بعد الزواج فهمت باللي الجمال وحدو مايشدش الزوج ولا حتى لقفازة.لازم تكونيلو اربع نساء فى وحدة باش مايبقالوش الفيد يشوف لبرا.كاين بزاف مواضيع فالانترنت هادفة ومفيدة للزوجة باش تحافظ على زوجها.ربي يهني كل وحدة مع زوجها

شكرا لك

الشيئ الذي يحزنني هو :
لماذا الرجل لا يسعى للحفاظ على زوجته ولو
بالقليل

شكرا

[حياتي كلها امل]

السلام عليكم المراة المتالقةهي الي تكون قايمة بدارها واولادها وزوجها ونفسها وعاطية لكن شيء حقو دون افراط او تفريط
والخيانة انا انقول انو اهم شيء كي يكون الزوج يخاف ربي والله عمرو مراح يعمل شيء ماشي مليح ولو بسيط وهذا ماهوش مبرر للمراة انها تهمل نفسها لانو من واجبها تحصن زوجها وراهي ماجورة على فعلها

[randa3]

mariamalak. sunshine2013 شكر الله سعيكم وربي يحفظكم

[عسجدة]

المشاركة الأصلية كتبت بواسطة حياتي كلها امل

السلام عليكم المراة المتالقةهي الي تكون قايمة بدارها واولادها وزوجها ونفسها وعاطية لكن شيء حقو دون افراط او تفريط
والخيانة انا انقول انو اهم شيء كي يكون الزوج يخاف ربي والله عمرو مراح يعمل شيء ماشي مليح ولو بسيط وهذا ماهوش مبرر للمراة انها تهمل نفسها لانو من واجبها تحصن زوجها وراهي ماجورة على فعلها

بارك الله فيك
لانه يخاف الله يقول الشرع حلل اربعة
من الخيانة يصير الى الزواج من ثانية رغم
لا نقص في الاولى باسم انا غني من حقي
ان اعدد

شكرا

[randa3]

حياتي كلها امل انتي كنتي تحوسي على موضوع للنقاش فيه هاو ربي جابو
نشكرو الاخت عسجدة على الطرح لانها خلاتنا نتفاعلو معاه تاع الصح

[Oum Mohamed123]

السلام عليكم

[randa3]

يا عسجدة ماهوش الغني برك الي يحب يعدد راهم قاع الرجال فيهم هاذاك الفيس تاع التجديد
غير اذا ماصابوش كيفاه ( اما ماعندوش ولاخايف من مرتو ولا من المجتمع ولا من العدل ولا ..... حوايج ياسر)
مرة كانو رجال يتناقشو على هذا الموضوع قال واحد فيهم:
كي شغل كل يوم راك تاكل في التفاح ..... يعني ساعات تتشهى البنان ساعات التشينة ساعات الكرموس..... الخ
هادو هوما النساء في رأي الرجال وفي رأيك هل تقدر فاكهة وحدة تجمع بين كل الفواكه؟؟؟؟؟؟
نفس الشي للمرأة ما تقدرش تجمع بين كل النساء فيها . بصح لازمها تجاهد حسب طاقتها كيما قالت حياتي كلها امل لا افراط ولاتفريط