الى ام اسيد1 وكل وحدة حاصلة واش الطيب

[روح مراد]

f و الله البارح نهار كامل و أنا نخمم على اللوبيا و صبح نسيت باش نشمخها و لكن نديرها غدوة في النهار
أحنا في دارنا الصالة للضياف وأو في الأعياد أو نهار يكون الجميع في الدار الكوزينة ما تكفيش و أنهار نكونو كامل كامل الرجال ياكلو في الصالة و النساء في غرفة أخرى أو الرجال في الصالة و النساء نقسموهوم على أفواج في المطبخ
رايحة تستغربي و لكن العائلة مجمولة الله يبارك راهي تفوق 40 شخص الأبناء و الأزواج و أولادهم الله يبارك
أما باقي الأيام قعادنا كامل في الكوزينة و في معظم الأحيان حتى كي يجونا الضياف المقربين الرجال في الصالون و النساء في الكوزينة و في داري لقيتهم الطابلة حاطينها في الصالون و الماكلة في الشتاء ياكلو في الصالون و في الصيف في البالكون
أنا صبرت شهرين الأولين من بعد درت الطابلة في الكوزينة ما نقدرش نحمل في الماكلة
ما نخبيش عليك أحنا كي كنا صغار كنا عايشين في الكوزينة كانت عندنا كوزينة كبيرة قيس 3 غرف فيها نطيبو و فيها ناكلو و فيها نقراو و فيها نلعبو و فيها كل شيء علا بيها كبرنا على هاذيك العادة و حتى بعد ما بدلنا بنيان دارنا بقينا عايشين في الكوزينة

[روح مراد]

أختي أم حمزة إنشاء الله راجلك يكون تحسن شوية ، أم اسيد ماش أحوالك

[منال ومنير]

السلام عليكم وشركم وشراكي روح مراد

[غزالة الصّحراء]

المشاركة الأصلية كتبت بواسطة روح مراد

f و الله البارح نهار كامل و أنا نخمم على اللوبيا و صبح نسيت باش نشمخها و لكن نديرها غدوة في النهار
أحنا في دارنا الصالة للضياف وأو في الأعياد أو نهار يكون الجميع في الدار الكوزينة ما تكفيش و أنهار نكونو كامل كامل الرجال ياكلو في الصالة و النساء في غرفة أخرى أو الرجال في الصالة و النساء نقسموهوم على أفواج في المطبخ
رايحة تستغربي و لكن العائلة مجمولة الله يبارك راهي تفوق 40 شخص الأبناء و الأزواج و أولادهم الله يبارك
أما باقي الأيام قعادنا كامل في الكوزينة و في معظم الأحيان حتى كي يجونا الضياف المقربين الرجال في الصالون و النساء في الكوزينة و في داري لقيتهم الطابلة حاطينها في الصالون و الماكلة في الشتاء ياكلو في الصالون و في الصيف في البالكون
أنا صبرت شهرين الأولين من بعد درت الطابلة في الكوزينة ما نقدرش نحمل في الماكلة
ما نخبيش عليك أحنا كي كنا صغار كنا عايشين في الكوزينة كانت عندنا كوزينة كبيرة قيس 3 غرف فيها نطيبو و فيها ناكلو و فيها نقراو و فيها نلعبو و فيها كل شيء علا بيها كبرنا على هاذيك العادة و حتى بعد ما بدلنا بنيان دارنا بقينا عايشين في الكوزينة

أهلين أختي روح مراد. وعلاش نستغرب. اللّه ايبارك فيكم ويخليكم لبعضاكم. أحنا ثاني عائلة اكبيرة . بصّح كلّ واحد وين راح.ولّما نتلاقاوا في دارنا يكثر الهرج.وبصّح رغم ذلك. عندو ميزة خاصّة.
أما في داري أنا الصالون نعملوا فيه كلّ شيئ. مايحبوش ياكلوا في الكوزينة اخلاص أخلاص. راني دائما مع التخمال.
واش أنقولك راكي أبديتي أترجعيني للطفولة . ربّي أيخليك لينا ويسجيك.

[ام حمزة22]

المشاركة الأصلية كتبت بواسطة غزالة الصّحراء

أهلا بيك حبيبتي أم حمزة. ماشاء اللّه عليك ياشاطرة. بصحتكم. على حساب مارني أنشوف نشاطك.يعني راجلك بسلامتو ولّى بخير. ياربّ ايكون الأمر كذلك. ربّي ايطوّل لك في عمرو حتّى تزوجوا اولادكم. حتّى تبداو تمشيوا على العكازات. وأكيد حتى العكازات رايح تعطيلهم جمال رائع بفضل اليّدين أنتاعك النّافعين في كلّ صنعة ماشاء الرحمان.
أما عن الطبق. انموت على البكوكس. الأم أنتاعي اللّه ايطوّل في عمرها عندها طريقة تقليديّة في هذا الطبق. بصّح ماتعلمتهاش. غير هاذي ألي مانعرفهاش من الأطباق التّقليديّة. مرّة أخرى نطلب منها الكيفيّة باش نتعلموها.
ألف ألف صحّة وهناء.

المشاركة الأصلية كتبت بواسطة غزالة الصّحراء

بصحتكم راه اشهي. شفتي اشحال أمليحة هاذي الصّفحة . راكي بفضلها لمّتينا مع بعضنا. ولينا أنشجعوا بعضانا . ربّي يسترك ويحفظك. واللّه غير هذاك البريوش ألي عملتواتقولي توأم أنتاع البريوش أنتاعك. مع هاذي لبرودة هذا ماينفع. اليوم في العشاء درت أطعام بمرقة الحمص. . والسّر في البنّة أنتاعو هي ( نجمة البحر ). وهاذي تعرفوها؟؟؟؟
قطع اللّحم + البصل + الجزر + الحمص + حبة طماطم مرحيّة . الكلّ على نار جدّ ضعيفة. رايحين يطلقوا الماء وفيه ينضج كلّ شيئ. . يعني بدون قلي. ولمّا يقرب اللّحم على النّضج نأخذ قيس 2 لتر ماء دافئ + طماطم معلبة + الملح + الفلفل الأكحل+ نجمة البحر + فلفل حار مرحي. ونضيف الكلّ إلى الطنجرة. ثمّ نقشّر البطاطا + القرعة. ماكانتش عندي استغنيت عنها. ولمّا يطيب الكلّ نرحي بأطراف الأصابع ( الحبق ) ونضيفه. ولما تخثار المرقة أنطفي النار. مذاقه ماأروعه. انتشرت الرّيحة العذبة في كامل الدّار . لوكان غير جات الريحة تخرج من الحاسوب لكنت أبعثتهالكم . باش تتأكدوا
طبعا الطعام أغسلتو ثمّ فورتو 2 مرات. الطعام من صنع يديا . مانشريش.
سلام حبيباتي اتوحشتكم كلّكم بدون استثناء . ياربّ الكلّ ايكون بألف خير. كلّ وحدة باسمها باش ماتزعفوش عليّ.: mh31:

المشاركة الأصلية كتبت بواسطة غزالة الصّحراء

ماشاء اللّه عليكنّ . واللّه غير تحلى القعدة معاكم بزاف بزاف يالبنات. أنا ثاني كنروح الدارنا ننسى كامل روحي. رغم أني لكبيرة في خاوتي بصح كنكون معاهم اتقولي أنا الي اصغيرة. هذا كلّ من الاحترام المتبادل بيناتنا. اللّه ايدوم المحبّة الأخويّة. وكلّ أسرة ايكون فيها التفاهم والتّعاون.
اختي ام حمزة وكلّ الأخوات . هذا ثاني راه طبخ من النّوع الرّفيع. :d:d:d

المشاركة الأصلية كتبت بواسطة hanane09

السلام عليكم ورحمة الله وباركتهشكرا لكل من سئل عني وشكرا لك يا ام حمزة راني توحشتكم كلكن
كنت مريضة ببرودة في رحم وابنتي الصغيرة انفها مسدود والكحة ديتها لطبيب ولكن الكحة لم تذ هب قالي حساسية
ام حمزة اطباقك رائعة وخاصة العصير اني معاولا ندرو كشما يقويهم انا ماعنديش الماشينة نخلط الجزر وعصير البرتقال باليد ام السيد شكرا لك على النصائح ولا انس الاخوات روح مراد كرونو امنيات ام هديل صدفات غزالة الصحراء كل كل الاخوات راني نحس بلي رانا عائلة

المشاركة الأصلية كتبت بواسطة روح مراد

zصباح الخير للجميع
إنشاء الله تكونو بصحة جيدة
مليح تمهبيل أنا ثاني نتمهبل و نلعب و كل شيء حتى أنا راجلي حاسب روحو صغير نهار كامل يلعب
بالصح أنا مكاني في الدار الكوزينة مهما كانت الأحوال إما عرس أو يوم وخلاص الكوزينة
أنا ندخل لدارنا صدقوني اللي نلقاه في طريقي نسلم عليه و إلا الروح مباشرة للكوزينة حتى أدواتي إيروحو معايا للكوزينة بلا عجز لوكان نلقى ندير كل شيء و نطيب كل شيء و نجرب كل شيء الحمد لله كي مانلقاش المقادير ديما متوفرة و ثم ثم يلحق الوقت باش نرجع لداري أو نبدا غير نجري
قالت لي أختي هاذيك المرة جيتي و رحتي بلا ما هدرنا حتى كلمة

المشاركة الأصلية كتبت بواسطة غزالة الصّحراء

اهلا وسهلا بيك أختي روح مراد ويار ب أتكوني بألف خير أنت والعائلة خصوصا مع هذه البرودة. ويارب كلّ عضوة من عضوات الصفحة خاصّة ايكونوا كلّهم بخير. وياربّ زوج ام حمزة ايكون اتحسن .
شوفي أختي روح مراد . واللّه كي راكي تهدري على روحك أتقولي أنا ألي راني نهدر. ونزيدلك. لما أنكون ضيفة في دارنا الأم أنتاعي اللّه ايطوّل في عمرها هي والأب أنتاعي ايقولوا لي أرواحي تاكلي في الصالة . أنقول لهم لا لا ناكل في الكوزينة. هذا من كثرة ألي أنحبها. . اليوم راني درت طبق اللّوبيا هذا مايليق . ونزيد نعجن الرخساس.

المشاركة الأصلية كتبت بواسطة غزالة الصّحراء

أختي أم حمزة .ياربّ ايكون زوجك أتعافى من ارتفاع الضغط. والقلق أخلاص أنقص من عندك. وكلّ عائلتك بألف خير. أنسيت أنقولك كيفاش كانت اعجوزتي الله يرحمها أتحضّر طبق البركوكس . ومازلت أنا نعملو هكذاك. على خاطر زوجي ايحبو بطريقة أمه.
انطيب البركوكس في قدرة فيها الماء + الملح + قطرات من الزيت وذلك بعد أن يغلي الماء. ولما ايطيب أنخليه يقطر في الكسكاس. ثمّ أنرجعو لقصعة اصغيرة ونخليه يرتاح.
انفوّر الجزر مقطعة إلى دوائر. وبعد مايدخلها الطياب اضيف البطاطا مقطعة قطع صغير + البصل مقطع ايضا. طبعا كلّ ماانحط أيّ نوع من الخضرة أندير قليل من الملح.ولما ايطيب الكلّ. أنفرغوا على هذاك البركوكس . ونخلط امليح. ثمّ أضيف زيت الزّيتون. في نفس الوقت أنكون طيّبت البيض في الماء . على حساب أفراد العائلة. لما أنسربي على الصحون. أزيّن كلّ صحن بحبات البيض. وبالصحّة والهناء.

المشاركة الأصلية كتبت بواسطة منال ومنير

صباح الخير يا لاحباب توحشتكم بزاف انا راني مريضة شوية راني حامل في شهر الثامن راني عيانة مع الاولاد والحدمة قتلي الطبيبة البيبي شوية الكبير قولولي وشنو اديز شهاني البركوكس بسح الغالب مناقدرش ناكلو

المشاركة الأصلية كتبت بواسطة روح مراد

f و الله البارح نهار كامل و أنا نخمم على اللوبيا و صبح نسيت باش نشمخها و لكن نديرها غدوة في النهار
أحنا في دارنا الصالة للضياف وأو في الأعياد أو نهار يكون الجميع في الدار الكوزينة ما تكفيش و أنهار نكونو كامل كامل الرجال ياكلو في الصالة و النساء في غرفة أخرى أو الرجال في الصالة و النساء نقسموهوم على أفواج في المطبخ
رايحة تستغربي و لكن العائلة مجمولة الله يبارك راهي تفوق 40 شخص الأبناء و الأزواج و أولادهم الله يبارك
أما باقي الأيام قعادنا كامل في الكوزينة و في معظم الأحيان حتى كي يجونا الضياف المقربين الرجال في الصالون و النساء في الكوزينة و في داري لقيتهم الطابلة حاطينها في الصالون و الماكلة في الشتاء ياكلو في الصالون و في الصيف في البالكون
أنا صبرت شهرين الأولين من بعد درت الطابلة في الكوزينة ما نقدرش نحمل في الماكلة
ما نخبيش عليك أحنا كي كنا صغار كنا عايشين في الكوزينة كانت عندنا كوزينة كبيرة قيس 3 غرف فيها نطيبو و فيها ناكلو و فيها نقراو و فيها نلعبو و فيها كل شيء علا بيها كبرنا على هاذيك العادة و حتى بعد ما بدلنا بنيان دارنا بقينا عايشين في الكوزينة

المشاركة الأصلية كتبت بواسطة روح مراد

أختي أم حمزة إنشاء الله راجلك يكون تحسن شوية ، أم اسيد ماش أحوالك

المشاركة الأصلية كتبت بواسطة منال ومنير

السلام عليكم وشركم وشراكي روح مراد

السلام عليكم ورحمة الله تعالى وبركاته
صباحكم سعيد ويومكم اسعد
اشكر جميع من سال عن زوجي والله راه الحمد الله البارح راح الخدمتو ومن كترت لتته بالخدمة ما راحش لطبيب اليوم تتن راح يخدم زعمة قالي نروح على 12 وما نعرف
ربي يجيب شفاء لكل مريض
عسلامتك حنان هدي غيبة ربي يشفيك ويشفي بنتك

منال ربي يعطيك وقفة ساهلة ويقدرك على اولادك ربي يحفضهملك سامحيني الا شهيتك بصح تقدري طيبي شويباه تنحي الشهوة انا البارح طيبت الزوجي حساء الخضار هو يحب البركوكس والله ماخليتهولو في قلبو اعطيتلو شوية وربي يستر هادي نفس وصعب نقدر نتحكم فيها

غزالة وروح مراد حتى انا كنت منين نروح ضيفة لدارنا انا لي مستكلفة بالكوزينة رانا كيفكيغ
راهي النات تقيلة ان شاء الله برك هاد الكلمات يروحو وتقراوهم

[غزالة الصّحراء]

المشاركة الأصلية كتبت بواسطة ام حمزة22

السلام عليكم ورحمة الله تعالى وبركاته
صباحكم سعيد ويومكم اسعد
اشكر جميع من سال عن زوجي والله راه الحمد الله البارح راح الخدمتو ومن كترت لتته بالخدمة ما راحش لطبيب اليوم تتن راح يخدم زعمة قالي نروح على 12 وما نعرف
ربي يجيب شفاء لكل مريض
عسلامتك حنان هدي غيبة ربي يشفيك ويشفي بنتك

منال ربي يعطيك وقفة ساهلة ويقدرك على اولادك ربي يحفضهملك سامحيني الا شهيتك بصح تقدري طيبي شويباه تنحي الشهوة انا البارح طيبت الزوجي حساء الخضار هو يحب البركوكس والله ماخليتهولو في قلبو اعطيتلو شوية وربي يستر هادي نفس وصعب نقدر نتحكم فيها

غزالة وروح مراد حتى انا كنت منين نروح ضيفة لدارنا انا لي مستكلفة بالكوزينة رانا كيفكيغ
راهي النات تقيلة ان شاء الله برك هاد الكلمات يروحو وتقراوهم

صباح الأنوار أختي أم حمزة. صباح يحمل معه كلّ الأشواق الحارة رغم برودة الأجواء. إليك وإلى كلّ عضوة التحقت بنا على المباشر، رغم ثقل النت . غير ماتخافيش الكلمات بسلامتهم وصلوا. وكلّ وحدة راهي تقراهم. لكي منّا جميعا بالنيّابة عن الأخوات جزيل الشّكر. والحمد لله على سلامة زوجك. بما أنّه عمرو ماراح للطبيب غير ماتخافيش عليه. ماش رايح ايروح. وحالتو أكيد اتحسنت . عليك فقط تشري جهاز قياس الضّغط. ماتتكليش عليه يشريه. أنا ثاني راجلي كيكون أمريض ونطلب منو ايروح عند الطبيب ايقول من بعد انروح ، لعشية ، غدو،... وهكذا حتى مايروحش كامل.. واش هو دوري أنتبّع برك معاه الرّيجيم. وأنخاف عليه. كيما قلتي لما أندير حاجة ومالازمش ياكلها. نعطيلو اشويا برك باش برك مايسخفش ويخبي السخفة في قلبو. هاذو هما النّساء. يتقلقوا على الأولاد ويزيدوا الرّجالة أنتاعهم. ربي ايوسّع في خاطرنا برك ويعطينا الصّحة هذا مانتمنى.

[روح مراد]

سلام منال و منير واش أحوالك يا الشلفية كي راكي
انا راني الحمد لله مادام راني هنا معاكم

[منال ومنير]

نحمدوه و نشكروه راه البردالشوية انا عضو جديد معكم شحال راني فرحانة كي ردتو عليا
يعطيكم الصحة

[روح مراد]

راكي في دارك الحمد لله ماعندناش أزمة السكن في المنتدى اللي يجي ندخلوه و نفرحو بيه

[kouki2]

برك الله فيك

[ام حمزة22]

المشاركة الأصلية كتبت بواسطة غزالة الصّحراء

صباح الأنوار أختي أم حمزة. صباح يحمل معه كلّ الأشواق الحارة رغم برودة الأجواء. إليك وإلى كلّ عضوة التحقت بنا على المباشر، رغم ثقل النت . غير ماتخافيش الكلمات بسلامتهم وصلوا. وكلّ وحدة راهي تقراهم. لكي منّا جميعا بالنيّابة عن الأخوات جزيل الشّكر. والحمد لله على سلامة زوجك. بما أنّه عمرو ماراح للطبيب غير ماتخافيش عليه. ماش رايح ايروح. وحالتو أكيد اتحسنت . عليك فقط تشري جهاز قياس الضّغط. ماتتكليش عليه يشريه. أنا ثاني راجلي كيكون أمريض ونطلب منو ايروح عند الطبيب ايقول من بعد انروح ، لعشية ، غدو،... وهكذا حتى مايروحش كامل.. واش هو دوري أنتبّع برك معاه الرّيجيم. وأنخاف عليه. كيما قلتي لما أندير حاجة ومالازمش ياكلها. نعطيلو اشويا برك باش برك مايسخفش ويخبي السخفة في قلبو. هاذو هما النّساء. يتقلقوا على الأولاد ويزيدوا الرّجالة أنتاعهم. ربي ايوسّع في خاطرنا برك ويعطينا الصّحة هذا مانتمنى.

ياسام على الاشواق الحارة ما عندي ما نزيد نقول على هاد الكلام ماشاء االه عليك شاعرة يا غزالة ربي يحفضك
ومثل ما قلتي غزلالة لازم نهتم بولادنا وازواجنا وربي يزسع في خاطرنا ويمنحنا القوة آميييييييييين

المشاركة الأصلية كتبت بواسطة روح مراد

سلام منال و منير واش أحوالك يا الشلفية كي راكي
انا راني الحمد لله مادام راني هنا معاكم

رربي يحفضك ويخليك لينا

المشاركة الأصلية كتبت بواسطة منال ومنير

نحمدوه و نشكروه راه البردالشوية انا عضو جديد معكم شحال راني فرحانة كي ردتو عليا
يعطيكم الصحة

الله يسلمك راكي صبحتي وحدة من العائلة

[روح مراد]

rقبل ما يكون انقطاع ثاني في الانترنت من صباح تروح و جي نتمنى لجميع الأخوات العزيزات عام سعيد و إنشاء الله عام 2015 يكون فاتحة خير علينا كامل
اللي في قلبها أمنية ربي يحققها لها
ربي يشفي مرضانا كامل و يرزق كل وحدة واش تتمنى و تستنى

[ام حمزة22]

لبنات طبقي اليوم كنت من المفروض نطيب ضولمة كرومبيط لاكن بدلتلها الشكل وبدل الضولمة درتها بسطيلة الكرومبيط ههههههههههههههههه
الصور ماحبتش تطلعلي في مركز التحميل لتقل اانت
راني كي نحملها نبعتها بادن الله
لبنات مادام رانا في الطبخ والمطبخ نخليكم مع هاد الرابط ان شاء الله يعجبكم
https://www.djelfa.info/vb/showthread.php?t=1732218

[ام حمزة22]

المشاركة الأصلية كتبت بواسطة روح مراد

rقبل ما يكون انقطاع ثاني في الانترنت من صباح تروح و جي نتمنى لجميع الأخوات العزيزات عام سعيد و إنشاء الله عام 2015 يكون فاتحة خير علينا كامل
اللي في قلبها أمنية ربي يحققها لها
ربي يشفي مرضانا كامل و يرزق كل وحدة واش تتمنى و تستنى

آميييييييييييييييييييييييييييييييييييييييييييييييي يييين
ان شاء الله نتي تان يعطيك ما تتمناي ويرزقك الدرية الصالحة

[غزالة الصّحراء]

المشاركة الأصلية كتبت بواسطة روح مراد

rقبل ما يكون انقطاع ثاني في الانترنت من صباح تروح و جي نتمنى لجميع الأخوات العزيزات عام سعيد و إنشاء الله عام 2015 يكون فاتحة خير علينا كامل
اللي في قلبها أمنية ربي يحققها لها
ربي يشفي مرضانا كامل و يرزق كل وحدة واش تتمنى و تستنى

أهلين بيك أختي روح مراد. وشكرا جزيل الشكر على كلماتك المتواضعة مثل تواضعك. وآمين ياربّ. . وعامك سعيد وكلّ عضوات منتدى الجلفة عامّة وعضوات صفحة أم حمزة22 خاصّة. وياربّ ايكون عام 2015 عام الخير والبركات علينا جمعا، عام يحمل بين طياته كلّ السّعادة والهناء لكلّ الأسر الجزائريّة، عام يحمل الفرح لأبنائنا ، ويجعلهم من النّاجحين في دراستهم وحياتهم اليّوميّة.
أمّا عن الأمنيّة. فالمرأة الجزائريّة ذات القلب الواسع لاتحمل أمنيّة واحدة. بل أمنيات وأمنيات. تدعي لأسرتها الصّغيرة دون ان تنسى الكبيرة. ودون أن تنسى أعزّ الأحباب . وكلّ من يشاركها فرحتها وأحرانها. أعاده اللّه علينا باليمن والبركات والصحّة والعافيّة.