الطبعة العاشرة لدورة الرقي بمدبرة منزل مثالية - الصفحة 116

وفاء سعاد · 2012-12-17, 21:40

اختي نبض الفؤاد مبروك عليك النجمة لعقوبة للتميز هيا شدي حيلك ووصليها ل1000مشاركة باه تعود عندك ميزة الرسائل

وفاء سعاد · 2012-12-17, 21:43

فاطيمة ربي يخليلك امك ويكترلها خيرها تعيش وتزيد تجيبلك

وفاء سعاد · 2012-12-17, 22:01

مينة سمراء وبنت الخليل نعاود نشكركم بزاف والله الرد انتاعكم وانتاع نبض الفؤاد وليلي ومنى نحالي على قلبي ماتتصوروش كيفاه ربي يحفظلكم اولادكم وازواجكم من كل شر امين

وفاء سعاد · 2012-12-18, 07:54

صباح الخير حباباتي كيفاه صبحتو اليوم معليكمش

وفاء سعاد · 2012-12-18, 07:55

منى واينك سي سور خرجت من الدار ورحت للخدمة

~ حراير ~ · 2012-12-18, 08:00

السلام عليكم و رحمة الله تعالى و بركاته
صباحكم بالخير و الهناء
صباح الخير يا وجوه الخير
صباح الورد و الفل يا لادروق نتاعي
قولولي نتوما وش عامليلي راني على ما خرجو لبنات لميت الدار غير شووووووووووووية و جيت نجري
ربي يخليكم يا حبباتي و يحفظكم و يهنيكم و يسعدكم كيما اسعدتوني و مليتو الفراغ الي كان في قلبي آمين

نبض الفؤاد · 2012-12-18, 13:23

اقتباس:

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
صباحكم بالخير و الهناء
صباح الخير يا وجوه الخير
صباح الورد و الفل يا لادروق نتاعي
قولولي نتوما وش عامليلي راني على ما خرجو لبنات لميت الدار غير شووووووووووووية و جيت نجري
ربي يخليكم يا حبباتي و يحفظكم و يهنيكم و يسعدكم كيما اسعدتوني و مليتو الفراغ الي كان في قلبي آمين

واش ليلى ؟راني خايفة لا بقينا هاك ما نقدروش على الدورة الماجية ،كيما قلت كنضت الباح لقيت وليدي قدام الميكرو نخلعت راحت لي البلاصة ايمالا بقيت ندور كالنحلة العميا غسلت فم حوايج وقبلها حرجت طاجين الزيتون بالبسباس والجاج مرقة بيضا بالقارص جا هايل خير من نتاع الجزر

وفاء سعاد · 2012-12-18, 08:03

اطلبو من ربي اليوم مايجينى حتى واحد مانيش نكره الضياف بصح ضياف من ضياف وليلى البارح كي قريت مليح الرد انتاعك زوجي الامر عادي جاني يفرح بخواتاتو على خاطر هو الصغير في العائلة من حيت الدكور او الانات وهو الراجل مايحط سني مايهز ماشى كي حالتنا حنا النساء وزيد والله العضيم البارح كي جاو لعندى انا كنت امام الباب تاع الكولوار وسلمت عليهم وقلتلهم روحو لبيت القعاد راهو لتم قاعد مع الاولي ونسلم على الاخيرة وزعمة نروح معاهم موالله ماشيين في الكولوار ويتوقبو عل البيوت وهوما يعرفو مليح بلاصة البيت بصح يشتيو يتوقبو كانت سلفتي الصغيرة كي تجي لعندى تقولو دائما نعتيلي كاشما شريتي حاجة جديدة للدار المهم ربي يهدي عبادو والحمد لله على كلشى

وفاء سعاد · 2012-12-18, 08:04

صباح الخير ليلى صار انتي راكي هنا وانا معلابليش

~ حراير ~ · 2012-12-18, 08:05

صباح الخير وفاء كيف اصبحتي يا لحبيبة قلبي معاك
وشي هو ديري في بالك بلي حاجة ما دوم كلشي فايت و هادو تجارب نفوتو فيهم و فرات و سعدك با الذكي الي يعرف كيفاش يخرج من مشاكله و هو اقوى من قبل و هو معمر ميزانه حسنات

وفاء سعاد · 2012-12-18, 08:05

انا تاني لميت الدنيا بالخف مع الاولاد صباح ونسنا في ابني ينوض هو والمسيو ونروح نفطر معاهم

~ حراير ~ · 2012-12-18, 08:08

ايه راني هنا راهو مول الدار مش موالف لسيستام نومي و انا كيما قلتلكم رقادي قليل مسكين على ما يوصل لبنات للمدرسة يعاود يرجع يقولي خليني نرقد شوية و نستغلها انا فرصة باش نحكي مع حباباتي
استفقدناك مبارح خسارة كون جيتي راكي نحيتي على بالك

وفاء سعاد · 2012-12-18, 08:09

عندك الحق ليلى والله راني الحمد لله عدت نتنافس انا وزوجى ودرتها لعبة معاه وتحدى في الوضوء والصلاة والله جايبة نتيجة وعاد يضحك شوية وبدا يتنحالو هداك الحزن تاع تانيب الضمير ادعولي برك صحاباتي باه ربي يساعدني ونعاونو

وفاء سعاد · 2012-12-18, 08:11

ليلى انا تاني رقادي قليل البارح راني قلتلك ماخطاونيش وكي خرجو وليت مع العشاء وفي اليل دخلت للمنتدى

وفاء سعاد · 2012-12-18, 08:13

ليلى واش رايحة تديري غداك اليوم