صحيفة النتائج الشفوية والرياضية لضباط الشرطة وضباط الشرطة اختصاصات وملف المطلوب للتكوين

[bilelthebest]

المشاركة الأصلية كتبت بواسطة amine-maghnawi

السلام عليكم بعد طول انتظار ذهبت اليوم الى مركز الامن و كنت خاسر بعد ان كنت ناجح

الف مبروك للاخوة الاعزاء

قدر الله وماشاء فعل

الله يعوضك ما خير منها ; راك تستاهل كل خير

ربي يرزقك بأحسن منا و في وقت خير منا

اذا كانت الغلطة من جماعة اللي يردو في التيليفون من كثرة الضغط عليهم فربي وكيلهم.

[bilelthebest]

المشاركة الأصلية كتبت بواسطة ibrahim2927

السلام عليكم يا جماعة احنا رجال مراناش اطفال الي نجح بصحته والي خسر الله يعوضه انا شخصيا هذي المرة 6 على توالي اصل لهذه المرحلة وما ننجحش والحمد لله مانطمع ما نطمع روحي الي كاتبه من عند ربي تجيك والمعريفة والرشوة ربي فوقهم قادر بالمعريفة والرشوة والله ما تفوة اتقوا الله مانكونوش جاهلين كون نرجعو غير في جانفي كون قلت ليكم نعرف المرحوم علي تونسي ونقوليكم عمي وراه رايح يدخلني واش تقولوا راك داخل ايا قولولي العقيد علي تونسي وين راه وربي صبحانه وين راه مايدوم غير الصح خلوها على ربي هو مقسم الارزاق لا عرف لارشوة والله يسهل على كل واحد اما باه نكونوا خاوة و من بعد النتيجة نبقاو نعايرو في بعضنا و نتقاسم في الشتائم وتهم الرشوة خلونا كبار وربي كبير على الكل وسلام

الله أكبر الله أكبر

هذي هي هدرة تاع الرجال ياو نحبك يا سي براهيم

تأكد انو ربي على القلب تاعك هذا راهو مايخليكيش

كيما وصيتك برك ياو نهار العرس تاعك ما تنسانيش.

[kadi_red]

السلام عليكم ..
- اولا مبروك لزملاءنا ضباط الشرطة لنجاهم ..و اللي مازالو ان شاء الله ربي يعوضهم ما هو خير .
- ثانيا .. اوجه كلامي الى من يتهمون الناجحين بدفع رشوة و المعريفة .. يا عباد الله الرزق على ربي هو يرزق من يشاء
اما عن المعرفة ..اتكلم عمن نفسي شخصيا لدي معرفة كبيرة و متينة لا علاقة لها ببني البشر .. معرفتي هي ثقتي بالله عز و جل لا اكثر و لا اقل .. قول الرسول عليه الصلاة و السلام : \* لو اجتمعت الانس و الجن على ان ينفعوك بشيء لا ينفعوك الا بشيء قد كتبه الله لك .و ان اجتمعت الانس و الجن على ان يضروك بشيء لن يضروك الا بشيء قد كتبه الله عليك * اذن راجع روخك خونا احذر اعراض الناس

[kadi_red]

خونا و صديقنا امين المغناوي .. كلشي بالمكتوب عرفناك راجل الله يبارك .
.يا خونا ان شاء اله ربي يفرج عليك و على كل الاخوة الي ماساعفهمش الحظ... راه عندك skyp تاعي + رقم الهاتف ان شاء الله تدوم صداقتنا ..اذا كتب ربي و تخرجنا اضرب يدك على صدرك و قول عندي حبابي و متخافش نعونوك بالشي الي نقدرو عليه انت و كل الجماعة ..سلام

[نسيم34]

السلام عليكم
صدقوني يا جماعة انا متاسف جدا لاخوتي الذين لم يساعفهم الحظ ولم يكلل تعبهم بالنجاح
راهم جماعة بزاف والله يبارك
والكل يعلم انكم صح تستاهلو تكونوا ضباط شرطة والحمد لله لكن ربي يعرف خير مني وخير منكم وادرى بشؤون عباده
عسى ان تحبو شيئا وهو شرا لكم
واقولها
صح تغيض الواحد من عام باكمله بمافيه تعب وانتظار وشوق وسفر ووووو لكن ما بالبيد حيلة
قدر الله وماشاء فعل
والجماعة الي نجحت نقول مبدئيا مبروك عليكم
لكن
لتعلمو ان اسمائكم مكتوبة بقلم الرصاص بالمدرسة يعني اي غلطة اي تجاوز سينقلب قلم الرصاص الى الممحاة ويحذف اسمكم بالسهل
واعيد اقول للراسبين ماتقطعوش لياس
القائمة الاحتياطية موجودة وللعلم هناك الكثير ممن يخرجون بارادتهم او يخرجون من فوق ارادتهم بسبب او باخر
رحمة ربي واسعة
واذا ربي كاتبلك تكون ضابط شرطة ماكانش الي يقلعهالك سؤاء بالقائمى الرسمية او حتى بالاضافية
واذا ربي ماهوش كاتبلك باش تكون ضابط شرطة ولو حتى يتدخل وزير الداحلية وماتفوتش
خلوها على ربي

[le grand bleu]

..............................................

[noure31]

المشاركة الأصلية كتبت بواسطة نسيم34

السلام عليكم
صدقوني يا جماعة انا متاسف جدا لاخوتي الذين لم يساعفهم الحظ ولم يكلل تعبهم بالنجاح
راهم جماعة بزاف والله يبارك
والكل يعلم انكم صح تستاهلو تكونوا ضباط شرطة والحمد لله لكن ربي يعرف خير مني وخير منكم وادرى بشؤون عباده
عسى ان تحبو شيئا وهو شرا لكم
واقولها
صح تغيض الواحد من عام باكمله بمافيه تعب وانتظار وشوق وسفر ووووو لكن ما بالبيد حيلة
قدر الله وماشاء فعل
والجماعة الي نجحت نقول مبدئيا مبروك عليكم
لكن
لتعلمو ان اسمائكم مكتوبة بقلم الرصاص بالمدرسة يعني اي غلطة اي تجاوز سينقلب قلم الرصاص الى الممحاة ويحذف اسمكم بالسهل
واعيد اقول للراسبين ماتقطعوش لياس
القائمة الاحتياطية موجودة وللعلم هناك الكثير ممن يخرجون بارادتهم او يخرجون من فوق ارادتهم بسبب او باخر
رحمة ربي واسعة
واذا ربي كاتبلك تكون ضابط شرطة ماكانش الي يقلعهالك سؤاء بالقائمى الرسمية او حتى بالاضافية
واذا ربي ماهوش كاتبلك باش تكون ضابط شرطة ولو حتى يتدخل وزير الداحلية وماتفوتش
خلوها على ربي

ان شاء الله اسماءهم منقوشين في الحجر
ح

[nadiro23]

bilel2010
vous pouvez pas m'ajouté sur ***** s.v.p neshakek urgent c : nadiro_25
je vous attend

[تبسي زوالي]

المشاركة الأصلية كتبت بواسطة amine-maghnawi

ربي وكيلهم..ربي وكيلهم

ماعليش خويا خيرها ف غيرها انا سي لا 3 يام فوا وعادي بويسك معقب بزاف ليكونكور يعني تعودنا (ولا خير الا فيما اختاره الله )
لكن هذا ما يمنعش اننا نقولو للناس اللي نجحو الف مبروك مي حاولو تجيبولنا الجديد اللي يسمح بيه القانون طبعا و الحمد لله ان كاين ضباط العام الماضي من ذاك لذاك يجيبولنا خبر ولا حاجة جديدة بالتوفيق للجميع.

[mayassa-2009]

المشاركة الأصلية كتبت بواسطة amine-maghnawi

ربي وكيلهم..ربي وكيلهم

دع الأيام تفعل ما تشاء وطب نفسا إذا حكم القضاء
ولا تجزع لحاذثة الليالي فما لحوادث الدنيا بقاء
وكن رجلا على الأهوال جلدا وشيمتك السماحة والوفاء
وان كثرت عيوبك في البرايا وسرك أن يكون لها غطاء
تستر بالسخاء فكل عيب يغطيه كما قيل السخاء
ولا ترى للأعادي قط ذلا فإن شماتة الأعداء بلاء
ولا ترج السماحة من بخيل فما في النار للظمآن ماء
ورزقك ليس ينقصه التأني وليس يزيد في الرزق العناء
ولا شؤم ولا سرور ولا بؤس عليك ولا رخاء

[yahia1921]

سلام عليكم
ممكن سؤال ياجماعة
اسكو تقدر تدخل للابوليس بالسورسي الا كنت مزال تقرا
ولا لازم تكون معقب العسكر ولا عندك العفو

[ibrahim2927]

المشاركة الأصلية كتبت بواسطة yahia1921

سلام عليكم
ممكن سؤال ياجماعة
اسكو تقدر تدخل للابوليس بالسورسي الا كنت مزال تقرا
ولا لازم تكون معقب العسكر ولا عندك العفو

تقدر بسورسي باذن الله واه ربي يسهلك خويا العام الجاي

[yahia1921]

المشاركة الأصلية كتبت بواسطة ibrahim2927

تقدر بسورسي باذن الله واه ربي يسهلك خويا العام الجاي

ان شاء الله خويا العزيز ربي يحفظك
قالولي بيل هنا في المنتدى انو في اوت هذا يكون ان شاء الله دفع الملفات
والمدة كم تاخذ حتان يسهلنا ربي

[layal_17]

السلام عليكم
merci

[sinosse]

المشاركة الأصلية كتبت بواسطة layal_17

السلام عليكم
إخواني من فضلكم ردوا علي
أنا ناجحة في مسابقة ضباط الشرطة و الحمد لله لكن هل أقدم استقالتي أو أأخذ maladie علما أني تم تعييني منذ حوالي 27 يوم فقط في إدارة أخرى
من فضلكم و ماذا أكتب في الاستقالة

اختي مبروك عليك ...اختي لا يمكن ان تطلبي عطلة مرضية و انما عليك تقديم استقالتك و ليس لك خيار في ذلك لانه سيكون ازدواج في الوظيفة..عليك ان تفكري جيدا قبل اتخاذ القرار في اختيار احد الوظيفتين حتى لا تندمي
بالتوفيق