دورة خطواتي الواثقة لأصبح ربّة بيت متألّقة

[ام متين]

على سلامتك يا سرين هذ غيبة ان شاء الله ترجعي بقوة وما تخافيش كاين الي راهم يمشيو كالسلحفاة في الدورة ولكن سيصلن الى الهدف ان شاء الله ( نتكلم على روحي انا)
ام تينة وام اسيل مشكورات على ماتكتبن
الاخت sun shine123 ما تقلقي روحك ما والو تاكدي ان حالتك هي حالة اي وحدة جديدة في التربية وتحس وكانها غير قادرة على تحمل المسؤولية ولكن فترة وتفوت وبالنسبة لحياتك الخاصة استري ما ستر الله اضافة فقط بالنسبة للغسل يمكن تخليل الشعر دون صب الماء كاملا عليه يعني يديك مشمخين وتمسحي راسك فقط

[ام متين]

ام شمسو محمد واش تقصدي بالمنادل

[ام متين]

اليوم عملت تنظيف للغرف والحمام والمطبخ درت العشا والفطور سخنت نتاع البارح الجانب الديني تم الجانب الجمالي عملت ترطيب فقط الجو راه ممطر الحمد لله على النعمة وزيد اولادي يخرجو عاى3.30 يعني راني ريحت هذ الساعة قبل ما نخرج نجيبهم
حبيت نظيف شيئ لست ادري اذا عملتوه من قبل في الدورة ام لا وهو تنظيف الة الغسيل ان مرة كل شهر نعمل فيهاخل ابيض مع صابون الغسيل ونشغلها على اعلى درجة حرارة مدة ثم نحبسها حوالي نصف ساعة ونعاود نشغلها وهكذا لانكم تعرفو ان الخل يفضي على ترسبات الكلسية

[ام متين]

اليوم عملت تنظيف للغرف والحمام والمطبخ درت العشا والفطور سخنت نتاع البارح الجانب الديني تم الجانب الجمالي عملت ترطيب فقط الجو راه ممطر الحمد لله على النعمة وزيد اولادي يخرجو عاى3.30 يعني راني ريحت هذ الساعة قبل ما نخرج نجيبهم
حبيت نظيف شيئ لست ادري اذا عملتوه من قبل في الدورة ام لا وهو تنظيف الة الغسيل ان مرة كل شهر نعمل فيهاخل ابيض مع صابون الغسيل ونشغلها على اعلى درجة حرارة مدة ثم نحبسها حوالي نصف ساعة ونعاود نشغلها وهكذا لانكم تعرفو ان الخل يفضي على ترسبات الكلسية

[ام شمسو محمد]

أم متين المنادل عندنا هوما طراف مصنوعين من الصوف نغطيو بيهم المطلوع باش يخمر عجوزنا مرا كبيرة جايبة خدمة بكري و هذا الجيل مايفهمهمش

[ام شمسو محمد]

ما لحقنا بحتى حاجة أم متين هذا الغسالة لازملها تنظيف عميق و المكواة و لكونجيلاتور و الأجهزة اللي في المطبخ ....و الله غير راني من فوق و خلاص

[الطائعة لزوجها]

المشاركة الأصلية كتبت بواسطة ~اسيل ريحانتي~

الرقاق يجي رقيق كيما قلتي والشخشوخة انا راني عايشة في بلاد الشخشوخة ههههه يديروها رقيقة ويحمروها مليح باه ماتجيش معجنة والله روووعة انا تعلمت منهم بزاااااااف اطبااق كلهم رااااائعة بكل معنى الكلمة
وكاين لي ماتعرفش ترقق العجينة ماعليش تتعلم مع الوقت وتولي شاطرة هههه

انا عمري ماكليتها الشخشوخة بصح نشوفها في التلفاز ولا في الانترنت ..كاش نهار ذوقيني الشخشوخة بصح نجو قاع عندك و جدي و كتري هههههه

[الطائعة لزوجها]

سبحان الله وبحمده سبحان الله العظيم

[سيرين 5]

اهلا بيك جهينة اليقين شكرا ... راني مع تنظيف الثلاجة تنظيف عميق بصح الحمد لله صبتها نظيفة مسحتها بالخل و اعد ترتيبها و دركا راني نشرب في آتاي سخون بخبز تونس الله الله ههههههه
مانيش قادرة كامل نخمم فيه تصرالي كي حالتك خليها على ربي وخلاص
خوخة فكرتيني بواحد اليامات خلي برك اشتقت نرقد رقدة من الليل للنهار كاملة بلا ما تفطني !
و كانت كانت أخت عجوزتي ضيفة عندها و كيما علابالكم الطابق تاعي محلول و المطبخ بدون باب مقابل الدروج و كل صباح طلعها عجوزتي لسطح و يشوفو داري و أنا كنت زيدت سيزاريان و مرة كي نزلت عند هجوزتي قاتلي اختها الضيفة راهي تقولك بنتك نوضي الصباح بكري واخدمي شغلك أنا تبكمت ما لقيتش واش نهدر و المخلوقة ضيفة ؟؟؟؟
بصح كي راحت حكمت عجوزتي حطيتلها سعدها في يدها قلتلها واحد ما دخلو فيا نوض وقت ما نحب و نخدم شغلي وقت ما نحب ما حبيتش نهدر معاها كي شايبة و راهي ضيفة و قلتلها و انت تاني لوكان ما دارتنيش قصرة معاها ما تحلش فمها معايا !
عجوزتي قاتلي واحد ما دخلو فيك و لوكان غير هدرتياها و ما خليتيهاش في قلبك !
الناس واعرين سواء خدمتي او لا ما راحش ييتعرفولك ما تنقيش يقولو معفونة ... تنقي يقولولك معوجة ماشي هكذا لوكان شاورتي ؟
لذالك انا قررت من زماااااااان نخدم لإرضاء نفسي علاجال أنا نعرف روحي اذا نقية او معفونة ؟

[~اسيل ريحانتي~]

المشاركة الأصلية كتبت بواسطة ام متين

اليوم عملت تنظيف للغرف والحمام والمطبخ درت العشا والفطور سخنت نتاع البارح الجانب الديني تم الجانب الجمالي عملت ترطيب فقط الجو راه ممطر الحمد لله على النعمة وزيد اولادي يخرجو عاى3.30 يعني راني ريحت هذ الساعة قبل ما نخرج نجيبهم
حبيت نظيف شيئ لست ادري اذا عملتوه من قبل في الدورة ام لا وهو تنظيف الة الغسيل ان مرة كل شهر نعمل فيهاخل ابيض مع صابون الغسيل ونشغلها على اعلى درجة حرارة مدة ثم نحبسها حوالي نصف ساعة ونعاود نشغلها وهكذا لانكم تعرفو ان الخل يفضي على ترسبات الكلسية

اختي ام متين الة الغسيل نغسلها غير بالخل ينحي الترسبات والاوساخ نعمرها بالماء ونفرغ فيها نص قرعة خل ابيض ولي يبغي يزيد بكربونات يزيد

وحبيت نسقسيكم ايضا شريت صابون سائل تاع مارساي تخلطوه مع صابون تاع الة الغسيل ولا تغسلو بيه وحدو انا راني نخلط هههههه

[~اسيل ريحانتي~]

[quحote=الطائعة لزوجها;3996296020]انا عمري ماكليتها الشخشوخة بصح نشوفها في التلفاز ولا في الانترنت ..كاش نهار ذوقيني الشخشوخة بصح نجو قاع عندك و جدي و كتري هههههه[/quote]

هههههه مرحبا بيكم والله على راسي وعيني
تستاهلو كل خير

[ام شمسو محمد]

ريحانة كون راكي ديري الشخشوخة موضوع في قسم الطبخ راهي تختلف من منطقة لمنطقة حنا نحطوها للضيف لعزيز ولمرا باش يقولو عليها مرا لازم تعرف الشخشوخة أنا نحب الأطباق التقليدية خير ملعصرية تحسي فيها الروح .....و ماتقوليليش برك راكي عندنا..هههههه

[~اسيل ريحانتي~]

اهلا اختي سيرين ماتعمريش راسك بكلام الناس خليهم يهدرو حتى يشبعو المهم انتي ديري لي يخرج عليك ارضاء الناس غاية لاتدرك واجرك على الله

[~اسيل ريحانتي~]

المشاركة الأصلية كتبت بواسطة ام شمسو محمد

ريحانة كون راكي ديري الشخشوخة موضوع في قسم الطبخ راهي تختلف من منطقة لمنطقة حنا نحطوها للضيف لعزيز ولمرا باش يقولو عليها مرا لازم تعرف الشخشوخة أنا نحب الأطباق التقليدية خير ملعصرية تحسي فيها الروح .....و ماتقوليليش برك راكي عندنا..هههههه

ههههه مايكون لا خاطرك ان شاء الله كانش نهار كي نكون ناويا نطيبها نحطهالكم موضوع في قسم الطبخ بصح ماشي دروك راني مجرحة من يديا تعوقت هههه

مافهمتكش لما قلتي راكي عندنا فهميني باه نجاوبك هههههههه

[omelbanin]

قولولي ياناس، ولادكم ياكلو كلش، نقصد الخضرة، ولا عندي لعشا مشكل ما ياكلو والو غير البطاطا، واذا شاورتهم وقلتلهم واش نديرلكم عشا يقولولي بيييتزا
لفطور ماعنديش مشكل لاني نطيب الحبوب ولعجاجن ياكلوهم عادي، لمشكل في الليل.