الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة روح مراد

سلام أخواتي أم اسيد أنا نحب هاذ الجو البرد و الشتاء خاصة كي نكون في الدار
كل حاجة نخترعها هذاك النهار
غزالة في يوم كي هذا أنا نحب العدس أو اللوبيا أو الشربة أنا في فصل الشتاء ما ناكلش السلاطة كامل نحس بالبرد كس نشوفها
طريقتي في تحضير الأرز ساهلة ماهلة
نغسل الأرز و نخليه يشرب جيه
نغلي الماء فيه الملح و ورقة رند و فلفل اسود زيت في وقت البصل الأخضر نحط 2 أوراق بصل كاملين أو 2 فصوص ثوم كاملين باش نحيهم من بعد و غصن كرافس
و نغلي الأرز لمدة 8-10 دقائق و نصفيه مباشرة بلا ما نغسلو و نحي كل الأمور الأخرى من الرند و الثوم و البصل
نفرغو في صحن يدخل للفرن
نكون حضرت اي نوع من الصلصة بيضاء بالجلبانة أو حمراء بالزيتون أو حتى صلصة عادية تكون جارية شوية
حسب الأرز إذا كان ناقص بزاف طياب نغطيه بالصلصة و نخلي شوية في الطنجرة
إذا كان تقريبا طايب نغطي نصف كمية الأرز فقط و إذا كان عندي جاج نحطو من الفوق يكون مقلي شوية يعني نصف طايب و نغطي بورق ألمنيوم و إلى الفرن تكون نار خفيفة و نخليه حتى نذوق نلقاه طايب
أنا نكون خليت شوية صلصة إذا كانت بيضة نزيد عليها شوية معدنوس و شوية توابل و نخليها تزيد تخثر شوية
إذا كانت حمرة نزيدها شوية طماطم مصبرة و نخليه تزيد تخثار شوية
و كي نقدم الأرز نحط بجانبه الصلصة للي يحب يزيد هو بدون صلصة يكون بنين

سلام على كلّ الأخوات. ولك أختي روح مراد. وشكرا على تقديمك لأطباق الشّتاء. أنا كيما أنتي فقط مايحبوش الشّربة بزاف. أنا أنموت عليها. أما عن السّلاطة رغم البرودة راجلي ايحبها بزاف حتى أنا . راهو ريجيم كيما ايقولوا( أَلِي ايْحَبْ الشّْبَحْ مَايْقُولْ أَحْ ).
وشكرا على طريقة تحضيرك للرّوز . أنا نعمل لاصوص كالتالي ( البصل + الثوم + الجزر مقطعه دوائر + طماطم حبة + قطع اللّحم) + التّوابل الكل داخل طنجرة الضّغط. على نار جدّ ضعيفة دون مانقلي الكلّ. . رايح نلقى الكلّ اطلق الماء . وفي هذاك الماء رايح ايطيب اللّحم. ولما يقرب على الطياب نأخذ كميّة من الماء الدّافئ+ طماطم مصبرة + الملح . أنا أنخليي الملح في الأخير. ونكون أغسلت الزيتون ونحيتلو كثرة الملح ونضيفوا إلى الطنجرة. ونخلي الكلّ على النار حتى تخثار المرقة.
لما ايطيب الرّوز أضع المرق فوقه. وبالصحّة والهناء. بصحّ هاذي المرّة حبيت أنوّع في الطريقة . حبيت طريقة تسحين الروز على المقلة. هل الروز نغسلو أو مباشرة من الكيس إلى المقلة. ثمّ ماذا أفعل بعد ذلك؟ هل أحضر الصوص وأضع الروز في طنجرة وأفرغ الصوص عليها وأتركها تواصل النّضج أم كيف. ساعدووووووووووووووووووووووووووووونيييييييييييييييي يييييييييييييييييييييياللّه ايجازيكم.:sdf:.

[روح مراد]

سأساعدك يا غزالتي
اغسلي الروز و خليه جانبا باش ينشف و سخني الزبدة و فرغي الروز في المقلاة
عندك كل عبر روز لازملة 2 أعبار و نصف ماء
إما تحطيه في الماء وحده في هذاك العبر و غير يغلي نقسي للنار و خليه حتى يشرب كامل الماء أو تقدري تعبري نفس الكمية نتاع المرقة مثلا كاس روز = 2 كيسان و نصف مرقة

[غزالة الصّحراء]

المشاركة الأصلية كتبت بواسطة روح مراد

سأساعدك يا غزالتي
اغسلي الروز و خليه جانبا باش ينشف و سخني الزبدة و فرغي الروز في المقلاة
عندك كل عبر روز لازملة 2 أعبار و نصف ماء
إما تحطيه في الماء وحده في هذاك العبر و غير يغلي نقسي للنار و خليه حتى يشرب كامل الماء أو تقدري تعبري نفس الكمية نتاع المرقة مثلا كاس روز = 2 كيسان و نصف مرقة

مشكورة يا روح مراد وروحي على المساعدة.
يعني أنسحن الرّوز عادي في مقلة فيها الزبدة. حتى يتغيّر اللّون. ثمّ في نفس الوقت أنكون جهزت لاصوص . انحط الروز في طنجرة مثلا ثمّ أضيف الصوص على حساب المقادير ألي اذكرتيها. كل أعبر روز لازملو 2 أعبار ونص ماء. هكذا مانيش غالطة؟؟

[ام حمزة22]

السلام عليكن يا حبيباتي
الله الله عليكم
ماشاء الله ماشاء الله
نورتو الموضوع ربي يحفضكم ويخليكم ليا
انا اليوم النت رتعي مهبلتني
اشكركم على اهتمامكم بمرض زوجي وعلى وصفات للريجيم راح نطبق بادن الله لاكن بعد ما يرجع زوجي من عند الطبيب
ونشوف واش يقلو دعواتكم حبيباتي

[ام حمزة22]

حبيباتي طبق اليوم كان غراتان شفلور واامراحل في الصفحة 8
وسلطة مشكلة من انواع خضر موجودة فالبيت

[غزالة الصّحراء]

المشاركة الأصلية كتبت بواسطة ام حمزة22

السلام عليكن يا حبيباتي
الله الله عليكم
ماشاء الله ماشاء الله
نورتو الموضوع ربي يحفضكم ويخليكم ليا
انا اليوم النت رتعي مهبلتني
اشكركم على اهتمامكم بمرض زوجي وعلى وصفات للريجيم راح نطبق بادن الله لاكن بعد ما يرجع زوجي من عند الطبيب
ونشوف واش يقلو دعواتكم حبيباتي

أهلا ومرحبا وسهلا بالحبوبة أم حمزة. على سلامتك. وسلامة راجلك ياربّ مايكون غير الخير . واللّه يعطيه الشّفاء العاجل من عندو. برك ماعليك غير تتهلاي فية . لازم المراقبة المستمرة . باستعمال جهاز مراقبة الضّغط + الرّجيم. خاصّة هذه الأيام . ثمّ فيما بعد سيكون الأمر عاديا. فالسّبب الرّئيسي في مثل كلّ هذا هو عمر الإنسان كلّما تقدّم في العمر كلّما ظهرت بعض الأعراض. الجانبيّة . فقط على الإنسان زيارة الطّبيب لمّا يكون الأمر ضروري خاصّة.

[ام حمزة22]

المشاركة الأصلية كتبت بواسطة غزالة الصّحراء

أهلا ومرحبا وسهلا بالحبوبة أم حمزة. على سلامتك. وسلامة راجلك ياربّ مايكون غير الخير . واللّه يعطيه الشّفاء العاجل من عندو. برك ماعليك غير تتهلاي فية . لازم المراقبة المستمرة . باستعمال جهاز مراقبة الضّغط + الرّجيم. خاصّة هذه الأيام . ثمّ فيما بعد سيكون الأمر عاديا. فالسّبب الرّئيسي في مثل كلّ هذا هو عمر الإنسان كلّما تقدّم في العمر كلّما ظهرت بعض الأعراض. الجانبيّة . فقط على الإنسان زيارة الطّبيب لمّا يكون الأمر ضروري خاصّة.

الله يسلمك حبيبتي غزالة
والله راني قايمة بيه هادا واجبي راه زوجي وابو ولادي والسنين لي قضيتهم معاه اكثر من السنين لي قضيتهم مع اهلي
شكرا على الدعاء حبيبتي بارك الله فيك

[غزالة الصّحراء]

المشاركة الأصلية كتبت بواسطة ام حمزة22

حبيباتي طبق اليوم كان غراتان شفلور واامراحل في الصفحة 8
وسلطة مشكلة من انواع خضر موجودة فالبيت
النت راهي تقيلة ما قدرتش نحمل الصور
لي عودة بادن الله

أكيد رايح نرجع للصفحة ونشوف. على خاطر راني اجديدة. بزاف من الأمور فاتتني .
طبقي اليوم قد يكون غريبا عنكن. لكن سأحاول شرحه وياربّ اكون موفّقة.ولي مافهماتوش أنزيد نشرحو.
أنحضروا عجينة لمسمّن. نعملوا قرصات ونخلوها ترتاح.
انحضروا لاصوص ( في طنجرة نقطع 2 حبات بصل + الثوم . كثريلو+ حبة طماطم مرحية + الفلفل الحار + الملح+ طماطم مصبرة + قطع من اللّحم اليابس + 2 حبات بطاطا مقطعة قطع صغيرة ) نقلي الكل.. ثم نضيف الماء . لازم اتكثري الماء. ولما ايطيب الكلّ. نضعه داخل قصعة كبيرة. ونضيف الماء إذا دعت الضّرورة. ثم أنحط قرصات العجينة. على طاولة ونجبدها كيما نجبد المسّمن. ولمّا أنشوف الخليط ألي داخل القصعة بدأ يغلي نضع فيه القرصات ألي أجبدناهم كيما عجينة لمسمّن . بصّح وحدة بوحدة. لما اتطيب الأولى أنرجعها في الطرف ، ثم أنزيد الأخرى في الوسط، ثم أنرجعها في الطرف. . وهكذا حتّى انكملوا لعجينة. على حساب المقدار ألي أنحب نعملو . . والباقي نعمل بيه لمسمّن نشربوا بيه القهوة.
هذا الطّبق لما انكمل العمل. انصب لكلّ واحد في طبسيه . والأحسن يؤكل هذا الطبق في صحون الفخار وهو ساخن. . ونزيد من الفوق زيت الزيتون. راه ايهبّل هذا الطبق. وخصوصا وهو حار. واش قلتوا؟؟ تعرفوه؟؟ اسمعتوا بيه؟؟؟ ياله خبروني. كاين ألي تعرفو ولا راه غريب فعلا.

[غزالة الصّحراء]

المشاركة الأصلية كتبت بواسطة ام حمزة22

الله يسلمك حبيبتي غزالة
والله راني قايمة بيه هادا واجبي راه زوجي وابو ولادي والسنين لي قضيتهم معاه اكثر من السنين لي قضيتهم مع اهلي
شكرا على الدعاء حبيبتي بارك الله فيك

عندك الحّق أم حمزة. صحّ هذا واحبك. واللّه ايجازيك كلّ الخير عليه. هو راس الدّار وساسو. اللّه يحفظو ليك ولوليداتو ياربّ.

[ام حمزة22]

اناعن نفسي عمري ماسمعت بيه ولا شفتو راه جديد عليا
والله على حساب شرحك راه يشهيييييييييييييييييي
قليلي غزالة مااسم هاد الطبق

[ام حمزة22]

المشاركة الأصلية كتبت بواسطة غزالة الصّحراء

عندك الحّق أم حمزة. صحّ هذا واحبك. واللّه ايجازيك كلّ الخير عليه. هو راس الدّار وساسو. اللّه يحفظو ليك ولوليداتو ياربّ.

ربي يحفضك ويحفضلك الناس العزاز والغاليين ليك

[غزالة الصّحراء]

المشاركة الأصلية كتبت بواسطة ام حمزة22

اناعن نفسي عمري ماسمعت بيه ولا شفتو راه جديد عليا
والله على حساب شرحك راه يشهيييييييييييييييييي
قليلي غزالة مااسم هاد الطبق

رايح أنقولك واش اسمه و. بصّح ايشهي. اسمو ( ثِيْمَقْزَرْثْ )thimegzarth بالقبايليّة. راني رايح نعجن لعجينة ونخليها بجيهة ثمّ نرجع اندير لاصوص. ايشهي بزاف بزاف ويندار خاصّه في البرودة كيما أنتاع اليوم. وكاين ألي يعملو لعجينة أنتاعو بالحليب. يفتتوا لعجينة لأجزاء اصغيرة اشويا. يعني لما اتطيبي عجينة لمسمن وهي دائريّة الشّكل. على الطاجين. . ويدريروها داخل كاسرونة فيها لحليب. ويخلطوا اشويا حتى تذبال. ويطفيو النّار . ويرجعوه داخل صحن ويزيدولوا اشويّة زبدة + زيت الزيتون. لوكان جيتوا أقراب منّي واللّه غير انجيب لكم حقكم كلّكم بدون استثناء . الطوموبيل أنتاع راجلي اتوصلني ليكم . وتاكلوه بالصحّة والهنا.

[غزالة الصّحراء]

المشاركة الأصلية كتبت بواسطة ام حمزة22

ربي يحفضك ويحفضلك الناس العزاز والغاليين ليك

من فمّك لربّي . آمين أجمعين.

[غزالة الصّحراء]

المشاركة الأصلية كتبت بواسطة ام حمزة22

اناعن نفسي عمري ماسمعت بيه ولا شفتو راه جديد عليا
والله على حساب شرحك راه يشهيييييييييييييييييي
قليلي غزالة مااسم هاد الطبق

أم حمزة راني أعجنت لعجينة وخليتها ترتاح . ومن بعد نعمل قرصات كيما أنتاع لمسمن . وانخلي الكلّ يرتاح. وقبل ماندير المرقة. قلت أنطل على الصفحة باش نعطيلكم طريقة صنع البريوش. راني خليت لعجينة ترتاح .الكيلة ألي استعملتها هي: كأس أينوكس الكبير الحجم . ماشي هاذاك لصغير. هاذاك ألي يرفد حوالي 250مل

المقادير هي.
3 حبات بيض
كأس اينوكس سكر
كأس اينوكس زيت
3 كؤس اينوكس حليب دافئ.
ملعقةكبير خميرة الخبز. ممكن الإضافة إذا تواجدت البرودة
1 خميرة نوارة. الفرينة + لافاني وزاست اللّيمون أو البرتقال . على حساب ذوق كلّ واحدة.
الطريقة
في صحن نخلط 2حبات بيض كاملين + بياض بيض واحدة. يعني نحتفظ بصفار واحد للتزيين. نخلط البيض جيدا بالخلاط الكهربائي ثمّ نضيف السّكر ونواصل الخلط إلى أن يبيض الخليط ثم نضيف الزيت ونواصل الخلط. وبعد ذلك نضيف الحليب قليلا قليلا إلى أن ننتهي من الكميّة.+ الفاني والزاست. ثمّ نستعمل ملعقة الخشب. ونضيف الفرينة بالتّدرج ومعها نضيف خميرة الخبز وباكي أنتاع خميرة نوارة. ونخلط الكلّ إلى أن نتحصّل على عجينة طريّة . مالازمش أتكون يابسة . كيما أنتاع البريوش. وألاحسن أتكون ناقصة اشويا أنتاع الفرينة لمّا ترتاح رايح أتشد روحها. أنخليوها ترتاح. ولما تخمر نأخذ قليلا من المارغرين ونعجنها بين أصابعنا وأنكسروا بها العجينة . ونعملوها مرة أخرى على شكل قرصة ونخليوها ترتاح . ونعيد نفس العملية مرتين. ( يعني في المجموع أنكسروا لعجينة ثلاث مرات ) وكلّ مرة نستعملوا قليلا من المارغارين.ثم نعمل قرصات البريوش ونخليوها تخمر. ولما تخمر ندهنها بصفار البيض + قليلا من الحليب . ونذرذر عليها السّكر او الجلجلان.
أنا أولادي واحد ايحبهم بالسّكر والآخر بالجلجلان.وراجلي ايحبهم في زوج. وأنا كالعادة كيما نلقى الحالة نتأقلم معها.
كيما نعرفوا كلنا. الأم هي الي اتنوض الأولى وترقد التّاليّة. ربّي يعطينا الصّحّة والهنا برك. قولوا : آمين.
وياربّ تعجبكم الوصفة. راهي اتجي روعة.

[ام حمزة22]

آميييييييييييييييييييييييييييييييييييييييييييييين
باسم الله ماشاء الله عليك غزالة اليوم نوعتي فالعجائن ربي يخليلك صحتك ويحفضك لاهلك
اليوم البرد وتحلى فيه العجائن
يعطيك الصحة على وصفة البريوش تقريبا نفس الطريقة لي كنت نطبقها
بصح ملي طبقت وصفة ام اماني ربي يحفضها ما بدلتهاش راهي وصفة اقتصادية وسهلة بلا بيض ولا زبدة
جربيها غزالة وشوفي الفرق