همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[ماريا205]

السلام عليكم ورحمة الله تعالى
كيف أحوال الجميع ان شاء الله تكونو تمام
مبارك علينا وعلى أبنائنا انتهاء فترة الإختبارات هوما تعبو وأحنا تعبنا أكثر
الأستاذ عبد الناصر عسى المانع خير ان شاء الله برك تكون لاباس
الأخت عطوفة ربي يعاونك والله مgواكم مع خرجات التلاميذ يفشلو الواحد احنا اولادنا وفشلونا وينك يا انتم قسم ما شاء الله
بنتي سنة ثالثة خرجتلي واحد الخرجات مواد الحفظ جابت فيهم كامل 8 الرياضيات 5.5 رغم عشرات التمارين اللي حليناهم خلاتني نشك في روحي راني مرضت ما زلت مشوكية
اولادي سر سعادتي كي تغلط بنتك في مادة أجنبية شوية تعذريها المهم تتعلم ولازم تعطيها حيل تتنبه لهم ربي يوفقها
كنت حابة نشارك بالاختبارات بنتي بصح هم يمتحنو في ورقة الاختبار وما تمدلهمش الاوراق الا مع الدفتر قبل يومين من العطلة

[*أم كوثر*]

السلام عليكم

تسجيل حضور لحين عودتي

[serine alger]

السلام عليكم

الأستاذة**عطوفة** غير بالعقل سينون لاتونسيو تطلع .راكي كيما معلمة عادل كلما تديرلهم الاختبارات تمرض.وعلابالك كاين للأسف اللي عندو رهبة من كلمة اختبار.واللي متعودين يحلو الصعب تلقايهم في الاختبار السهل ويغلطو فيه.. ربي معاك ومع كل أستاذ يخدم بكل شرف ومع كل الأولياء اللي متعودين يتبعو ويراقبو ولادهم.

الأستاذ**عبد الناصر** شارك ولو بكلمة **سلاااام**أو **صباح الخير**أو **أزول فلاون** باش نعرفو راك معانا ومانتقلقوش عليك.

[مقدسية]

السلام عليكم ورحمة الله وبركاته
تحياتي للجميع اولياء وتلاميد
وتحية خاصة لاستادي عبد الناصر استادة عطوفة ان شاء الله تكون فترة لاامتحانات مرت بسلام ونتائج التلاميد كانت طيبة
للاسف كان جهازي معطل لم اتمكن من ادراج امتحاني اللغة والرياضيات الاسبوع الماضي ليستفيد منهاجماعة السنة الثانية لكن يمكن الاستعانة بها للمراجعة


اما باقي المواد تكون بكراس القسم
العلامات :الجزاء من جنس العمل على قدر ماتعبنا العلامات افرحتني كثيرا وعبد الرحمان اكثر وكثر
اللغة9 والعلمية 9اما الباقي عشرات الحمد لله على مااعطى وانعم
ربي يفرح كل ام باولادها ويرزقها برهم وتراهم من اهل الصلاح والتقوى
تهاني لكل المتفوقبن مزيدا من انجاحات وللبقية ارفعو شعار لارجوع الى الامام الى الامام حتى تحقيق الافضل

[عبد الناصر أمازيغ]

المشاركة الأصلية كتبت بواسطة serine alger

السلام عليكم

[/SIZE]

الأستاذ**عبد الناصر** شارك ولو بكلمة **سلاااام**أو **صباح الخير**أو **أزول فلاون** باش نعرفو راك معانا ومانتقلقوش عليك.

و عليكم السلام و رحمة الله و بركاته
صباح الخير
أزول فلاون
راني متابع الموضوع على طول ، و إذا أردت التأكد اطرحي أي استفسار و سترين النتيجة .
أنا بخير و الحمد لله ، كل هذا بفضل الله و دعواتكم .

المشاركة الأصلية كتبت بواسطة ماريا205

اليكم هذه السلسلة الرائعة للأطفال للمطالعة وجدتها في أرشيفي


[SIZE=5]اول تجربة لي في تحميل ملفات مضغوطة لم أستطع تجميعها في ملف واحد لست متمكنة في الاعلام الالي [/SIZE
سلام

و عليكم السلام و رحمة الله و بركاته

تجميع الملفات في ملف واحد مضغوط عملية سهلة للغاية ، تابعي معي :

أولا يجب أن تثبتي في جهازك برنامج winrar

ــ قومي بتحديد الملفات التي تريدين تجميعها بالضغط عليها واحدا واحدا بالزر الأيسر للفأرة ، مع الإبقاء على المفتاح ctrl مضغوطا في نفس الوقت حتى نهاية تحديد كل الملفات كما يلي :



ــ بعد تحديد الملفات ، حرّكي مؤشر الفأرة على إحداها و اضغطي بالزر الأيمن ، ستخرج لك نافذة تختارين عبارة ajouter à l'archive و تضغطين عليها .



ــ ثم تخرج لك نافذة أخرى ، تكتبين اسم الملف الجديد الذي تختارينه (أنا اخترت الاسم "قصص" ) ثم تضغطين على الزر ok ، و بعدها تلاحظين أن البرنامج بدأ في ضغطها .



ــ و في النهاية تجدين الملف المضغوط بجانب الملفات التي حدّدتها .



و الآن إليك الخط لتضعي لنا كامل السلسلة في ملف واحد مضغوط ، لأني "فنيان" أتعب في التحميل

[**افنان**]

السلام عليكم ورحمة الله
تحياتي للجميع ارجوا ان تكونوا بخير اساتذة واولياء
اليكم اسئلة اللغة والرياضيات للخامسة ان شاء الله تفيدكم



https://www.gulfup.com/?LnJnzK

[**افنان**]

وهذه اللغة

[أم درمان]

[serine alger]

قوليلي*afnane28* هادي تاع الأستاذ**معمري**شفتها حطها في الصباح.؟

[serine alger]

الأستاذ**عبد الناصر**شكرا. حلت البركة بوجودك.

[ماريا205]

السلام عليكم
بارك الله فيك أستاذ عبد الناصر على الشرح راني فهمتو وانجحت في أول مرحلة حولتو الى ملف winrar
لكن كي جيت نحمل ما قدرتش ما عرفتش وين المشكل حاولت بمركز الخليج يعاود يرجع الى page vierge
بدلت ب العملاق الصفحة تبلوكات ؟؟؟؟؟؟؟؟؟؟؟
اليوم جهازي معول يحشمني ؟؟؟؟؟
لاحقا نعاود التحميل لعلّ وعسى
عذرااااااااااااااااا

[**افنان**]

المشاركة الأصلية كتبت بواسطة serine alger

قوليلي*afnane28* هادي تاع الأستاذ**معمري**شفتها حطها في الصباح.؟

هذا الاختبار التجريبي التاني عملوه اليوم والفرنسية في المساء قلت ربما يستفادوا منه الذي لم يمتحنوا بعد وكذلك يحاولو فيه اولادنا في الرابعة

[**افنان**]

https://www.gulfup.com/?J5OkOu
وهذه الفرنسية
ابني عملتلهم اللغة نتاع الخامسةالتجريبي وقالت لهم نحسبولكم هو الاختبار

[yacidani]

المشاركة الأصلية كتبت بواسطة serine alger

السلام عليكم

اليوم اخر يوم في الامتحاتات.كان من المفترض اليوم الرياضيات وغدا اللغة.ولكن المعلمة كي دخلت اليوم في الصباح دارو الرياضيات وزادت لهم اللغة:d. قلت لعادل/هكدا خير راكم تهنيتو.
بالنسبة للوضعية اللي أعطاتهالهم اليوم هي حول **الماء**.أنا قلت ربما على فصل الربيع أو أحد الاختراعات أو وسائل النقل ولكن الموضوع مغاير. قلت في نفسي هكذا أحسن لأني في الأول قلت لعادل يحاول اليوم يدير بعض الوضعيات فالدار حول المواضيع اللي كنت متوقعتهاونعاونو شوية.هكا على الأقل العلامة اللي يجيبها تكون من راسو وحدو بدون مساعدة مني.
الأخت**yacidan **طمنينا عليك قبل من ياسين لأني علابالي راكي مقلقة.

عليكم السلام و رحمة الله و بركاته

أخت سرين اسال عليك الخير..تقولي طليتي على قلبي....جابلي ربي نقصت بـ 2كغ هاذي ليام...المهم غدا أخر اختبار هذا الفصل و هو الرياضيات و ان شاء الله فيها خير ..
و ان شاء الله عادل و يونس خدموا مليح... ربي يوفقهم كامل,

[serine alger]

المشاركة الأصلية كتبت بواسطة ماريا205

السلام عليكم ورحمة الله تعالى
كيف أحوال الجميع ان شاء الله تكونو تمام
مبارك علينا وعلى أبنائنا انتهاء فترة الإختبارات هوما تعبو وأحنا تعبنا أكثر
الأستاذ عبد الناصر عسى المانع خير ان شاء الله برك تكون لاباس
الأخت عطوفة ربي يعاونك والله مgواكم مع خرجات التلاميذ يفشلو الواحد احنا اولادنا وفشلونا وينك يا انتم قسم ما شاء الله
بنتي سنة ثالثة خرجتلي واحد الخرجات مواد الحفظ جابت فيهم كامل 8 الرياضيات 5.5 رغم عشرات التمارين اللي حليناهم خلاتني نشك في روحي راني مرضت ما زلت مشوكية
اولادي سر سعادتي كي تغلط بنتك في مادة أجنبية شوية تعذريها المهم تتعلم ولازم تعطيها حيل تتنبه لهم ربي يوفقها
كنت حابة نشارك بالاختبارات بنتي بصح هم يمتحنو في ورقة الاختبار وما تمدلهمش الاوراق الا مع الدفتر قبل يومين من العطلة

شوفي اختي**ماريا**8 في مواد الحفظ مليحة .ان شاء الله في الفصل الثالث تكون أفضل .ولكن العلامة تاع الرياضيات ماشي مليحة ولازم تعرفي وين راه الخلل.أنت قلت عشرات التمارين ربما هنا الخلل .اذا هاد العشرات كانت تحلهم في الفصل الدراسي مليح ولكن اذا هاد العشرات في أسبوع الاختبارات فهذا خطأ لأنو يولي عندها ضغط وراكي تعرفي الضغط يولد الانفجار.فترة الاختبارات لازم تكون فيها المراجعة خفيفة بزاف خصوصا الرياضيات واللغة.
ان شاء الله في الفصل الثالث تكون النتيجة أفضل.سلاااااام