~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[حياتي كلها امل]

مساؤكم سعيد يا فرشات راني جبتلكم باه تستقهواو

[omelbanin]

سيرين وين راكي حمسينا شوية قولينا واش نزيدو نوجدو لرمضان،انساي كامل واش صرا،هياااا حبيبتي.

[omelbanin]

وانا جبتلكم القهوة نوضو.

[ام صفصف]

لبنات على ذكر القهوة الي عندهم لمشقة تاعها كيفاش تحضرو رواحكم لرمضان وكيفاش الديرو في اول يوم (داخل في موضوع التحضيرت)��

[arwa alaa]

شوفي يا ختي ان منشربش القهوة وبصح يحكم فيا حليب الصباح نشربو بالنيسكافي والنهار الاول يغلبني رمضان وراسي يوجعني ونوجد كلش من قبل حتى الكسرة نطيبها للنهار الاول وفي العادة انا ندير شربة فريك وشباح وبوراك وسلاطة مشوية النهار الاول يعني يكون خفيف ظريف ...............

[omelbanin]

انا القهوة نشربها وحدها بعدما نشرب كاس حليب، وعندي اول يوم نتاع الصيام يوجعني راسي مور الفطور ،وانا ما نحبش نشرب القهوة بعد الاكل ، سما نشربها غير في السحور.
وانا في ايام رمضان كامل الشربة نطيبها الصباح نتهنى منها والباقي نطيبو بعد ما ندير القيلولة نتاعي ،وساعات كي تكون حاجة خفيفة نطيب بعد العصر .

[حياتي كلها امل]

راكو تهدرو على القهوة انا مانشربش كامل القهوة الكحلة في السحور نشرب قهوة حليب وانا فطوري نهار الاول تاع رمضان داءما خفيف ضريف

[ام متين]

مساءكم طيب الكلام اليوم تحت عنوان التحضيرات لشهر رمضان انا سبقت وقلتلكم في الصباح نحاولو نستهلكو الفري ونبعد شوية على الكونجلي خصوصا الخضر واللحوم دون ان ترك في الكونجلاتور اشياء للحالات الطارئة
اما بالنسبة للقهوة يا القهوةانا حتى لما نشري قهوة ما تعجبنيش في الذوق نطيبها حتى ولو ما نشربهاش وكاين اوقات نكون مريضة بالمعدة وما نقدرش نشربها لكن نطيبها ونشم ريحتها ومع هذا العشق للقهوة الا انني لا اشرب كثيرا فنجان في الصباح ويكون عندو طعم خاص وفنجان في المساء وسبحان الله يكون طعم مختلف بالرغم انها نفس القهوة ونفس الماء
المهم في رمضان عند السحور نشرب قهوتي عادي وعند الفطورنوجد البراس ومجرد الانتهاء من الفطور تتحط القهوة سواء انا او زوجي

[ام متين]

النهار الاول نتاع رمضان نطيب شربة فريك مثوم اللحم حلو(نديروه عادة لازم الحلو بالرغم ان ما يتكلش) بوراك وكسرة وسلاطة والعصائر كل واحد على هواه

[ام متين]

وباذن الله قررت نقص شوية الحلوى بعد الافطار لان ولدي صغيىر يضل نهار كامل رايح جاي عليها وربي يقدرنا ويبلغنا رمضان في صحة وعافية وهنا

[سيرين 5]

المشاركة الأصلية كتبت بواسطة omelbanin

سيرين وين راكي حمسينا شوية قولينا واش نزيدو نوجدو لرمضان،انساي كامل واش صرا،هياااا حبيبتي.

والله راني عيانة شويا مع الصيام و الدواء تاع الحساسية يفشل و يجوع و يسمن ههههههههههههه ثلاثة في واحد بصح الحمد لله راني تحسنت ماشي كيما كنت

[سيرين 5]

جبتلكم تدبيرة هاااايلة تاع السلطة أنا شخصيا تشهيني السلطة نشريها من بعد نرميها ؟

[روضة 88]

الحمد لله جميع افراد عائلتي غير مستهلكين للقهوة،سواء في رمضان او الايام العادية .

اليوم الاول انتاع رمضان شربة فريك وبوراك و حميس و طاجين حلو و سلاطة هذو لازم 30يوم انتاع رمضان ديما حاضرين و نزيدو طبق اخر .
طبعا العصائر و شاربات .

[ام متين]

اكيد ياسيرين ان معظم الخضرلما تغسليها وتنشفيها مليح وتحطيها في الورق رايحة تشد مدة اطول الماء ةالرطوبة هم الي يفسدو الخضر لكن سيرين عفوا على السؤال علاش راك تصومي في هذا الوقت

[omelbanin]

شكرا سيرين على التدبيرة جات في وقتها ،جابلي زوجي راس سلطة كبير ، مالا نديرلها هكدا باش ما تفسدليش.
ربي يتقبل منك الصيام راكي شاطرة.