همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[serine alger]

الأخت**أم اريج**يعطيك الصحة على المجلة بصراحة رائعة ونفتقد لمثل هذه المجلات في مكتباتنا.والله اليوم بارك رحت لعدة مكتبات باش نشري كالعادة **مجلة العربي**ونزيد**مجلة سبايستون*-* مالقيت والو قالي صاحب المكتبة عندهم شحال ماجابولناش.
فقط سؤال بعد تحميل المجلة هل تكون على شكل كتاب ؟ لأني أنا كل صفحة تتفتح وحدها؟

[serine alger]

الأخت**أم الولدين** شوفي المراجعة تاع الفصل الثاني اللي حطاتو الأخت **أريج المسك**راح يساعد ابنك بزاف.الرابط
https://www.djelfa.info/vb/showthread.php?t=1227735

[~ حراير ~]

السلام عليكم و رحمة الله تعالى و بركاته
الأمنيات اختي بارك الله فيك على الإمتحان و نقلك انه هاد الإمتحانات نفسهم مرو عليا هنا في المنتدى
لكن واش من فعل ماض و مضارع
راهم مازال ماقراوهش هاد الدرس راه حتان للثالثة اذا كنا من الحيين

سيرين المجلة انا تجيني plein écran و نبدا نهبط بلاسوري "بالعجلة تاعها" و فيها اكثر من 100 صفحة
و نقلك مجلة ماجد افضل منها بزاف لأنه فيها تسالي هايلين

راح نحاول اليوم باذن الله نرفعها

بما انك مالقيتيش المجلات ننصحك تكافئ ابنك بكتيب تاع النكت و الألغاز راني نشوف بناتي يحبوه بزاف يمكن حتى ولدك يُعجب به

انا في الحق بناتي نكافئهم بغض النظر على نتائجهم
و نقلهم انه المكافئة على التعب و الإجتهاد و على انهم ياخذو الراي و ما يغلبونيش
اما النقاط راهم فاهمين مليح انها ليهم مش ليا انا

ام ياسين سلميلي على منى و قلها ايا تهنيتي من التعب و ما تغيضكش عمرك على النقاط
حتى اريج العام الي فات قسمها كان نقاطه كارثية و هبطو كامل "حتان معلمتهم مرضت مسكينة"
لكن باذن الله الفصل الجاي تعوض و تسترجع عشراتها
و قلها تعبك مش راح يروح باطل
قلها العام الجاي راح تجيك الخامسة ساهلة ماهلة باذن الله

[أم الولدين]

السلام عليكم
شكرا لملاحظاتكما الاخ اغيلاس و الاخت سيرين بارك الله فكما
اخت ام عادل نتائج كلها دون المستوى تقريباااا 7 تحصلوا على مافوق ال 6من 10
وتلميذ مستواه بالفرنسية ماشاء الله عائلة مفرنسة ان صح القول جاب 8 قلتلك الوضعية هي عملتها بيهم
بصح نقطة تاع مادة واحدة ماتاثرتش بزااف لانه في الفرنسية 6 مواد تحسب في نقطة واحدة في المعدل يعني
يونس مازال معدله ان شاء الله ب8 ونصف
شكرااا على الرابط تم تحميله

[منال 81]

لقد قمت بعمل قناة على اليوتيوب و هي قناة تعليمية فيها قصص و اغاني للاطفال اسمها : StepByStepChannel (تكتب من دون فراغات)

هدفي هو مساعدة الاطفال على التعلم عن طريق التخيل, فقصصي تعتمد على الاستماع و ترك مخيلة الطفل تسبح بعيدا

لتساعده على انمائها و تطويرها.

اما بالنسبة للاغاني فهي من وحي ذكريات الابتدائي فستجدون : دق الجرس , الطائر الصغير , لسلمى خروف , اشارة المرور ...و انا بصدد

انتاج اغاني اخرى

مساندتكم لي مطلوبة لبعث الموروث الجميل للمدرسة الجزائرية و تبليغه للاجيال القادمة

و شكرا

ملاحظة هامة : هذا البرنامج يساعد ايضا الاطفال الذين يعانون صعوبة في النطق

[ام الزهراء]

السلام عليكم و جمعة مباركة على الجميع

و اخيرا مرت فترة الاختبارات لم استطع دخول المنتدى منذ فترة كنت نطل عليكم عالسريع ما نقدرش نستغنى عليكم الله غالب نتوحشكم هههههههه

كذلك البيبي مريضة الزكام داير فيها هي من جيهة و ابتهال من جيهة كيما تعرفوا الحمل كامل على الام

راني بديتها بالشكوة على الصباح ههههه المهم واش ........داروا اولادكم الامتحانات و شكون الي مازال و الي داروا راهم خدموا مليح ؟
ابتهال هذي المرة راهي تترنح بين العشرات في مواد الحفظ الي كانت خايفة منهم و بين الكوارث في المواد الاساسية
الكارثة الحقيقية كانت في الرياضيات اختبار ساااااااهل جابت كلش صحيح و صلت للوضعية لي على 4 نقاط و الي كذلك كانت ساهلة عمليات كلها جمع و طرح ( المعلم راع وضع انهم ما قراوش مليح عند المستخلفة و كذلك فترة الاضرابات و ما حبش يديرلهم اختبار صعيب ) و لان ابتهال كالعادة ما تتفاهمش مع الساهل غلطت في عملية طرح بسيطة بسبب التسرع وعدم التركيز و راحتها النقاط الاربعة لكن المعلم لا ادري شفقة منه او ربما لان الطريقة كانت صحيحة عطالها عليهانص نقطة يعني 6.5 في اختبار كان في المتناول قدر الله و ما شاء فعل
اللغة 8.5 و الفرنسية 9.5 اما باقي المواد الحمد لله 10 عدا الجغراقيا 7.5 كاعلى علامة جاتهم بعض الاسئلة عن دروس ما قراوهاش

[ام الزهراء]

المشاركة الأصلية كتبت بواسطة أم الولدين

السلام عليكم
اختي سيرين اليك النص الذي طلبتيه
l'arbre est un etre vivante.il se nourit,respaire,et se develope comme nous. L
l'arbre est tres utile il degage l'oxygène que nous respairons il nous donne des fruits :
Des pomme des oranges et bananes.
C'est pourqouoi il faut l'aimer et le proteger
هذا كان النص و الاسئلة كالتالي
1 عنوان النص
2 مادا تعطينا الشجرة
3 لمادا تعتبر مثل الانسان
4 ماهي شجرة pomme ; orange
5 le menuisier fabrique des meubles
separe le gns ---gv---cv
وهنا الكارثة يونس قام سيبارا ونسي تاني باش يحط رغم انه يعرفهم مليييح راحت 1 ببلاش
6حول الجملة التالية الى الجمع
l'arbre est utile il donne des fruit
رغم انها بدروس ماضية لم تقم بامثلة او تمارينات مشابهة قامت بدرس الجمع مجرد مفردات
تاني غلط في est
7 كانت الوضعية الادماجية حول شجرة الpomme
اعطت كلمات مثل paye -.arbre ....
ويشكلون بمفردهم وضعية
في نظري و حسب راي صح نوعا ما صعب على مستواهم و لكن يبدو شيئ جميل تعويدهم على الصعب
يونس هاد العام جل عالاماته بين 10 و 9.5 ولكن هدا الاختبار تحصل على 7 انا اعتبرتها 8 لانه كما دكرت
سؤال 5 كان يعرفه فقط نسيه اما الباقي يجب تنبيهه عليه خصوصا في التحويل مع الافعال و غير دلك
وعالامات كلها لم تكن بالمستوى لم اعمل له اي ملاحظة قالي 7 قلتله ماعليش في قلبي ركز في الباقي
و الاهم
رايكم في الاختباريهمني كثيييييييرا

اهلا ام يونس

الاختبار يبانلي شويا صعيب خصوصا اذا ما همش متعودين يخدموا مثل هذه الوضعيات في القسم
اصبري شويا درك نحط اختبار ابتهال
هوما تاني الوضعية عطاتلهم كلمات و يديروا الوضعية بمفردهم
المهم 8 راهي مليحة فقط اطلبي منو التركيز في المرة القادمة لانه المشكل الحقيقي الذي يعاني منه اولادنا

يونس كملوا الاختبارات ولا مازالوا ؟

[ام الزهراء]

المشاركة الأصلية كتبت بواسطة أم الولدين

سلاام لاتزلت بانتظار ملاحظاتكم حول اختبار الفرنسية ومعذرة على بعض الاخطاء كتبت النص مستعجلة
بالنسبة للتاريخ من حمل موضوع المعلم العمري سؤال
عرف المصدر التاريخي واذكر 4 امثلة من مصادر التاريخ لم افهم السؤال او بالاحرى بحتت عنه بالكتاب لم اجده ربما مصاغ بعبارة اخرى
وثاني ومعذرة هذه بعض المواد المستعملة عند الانسان قديما في صنع بعض الادوات اربط كل اداة بما يناسبها
الخشب ********** الاواني
الطين *********** الالبسة
الجلود *********** المحراث
العظام ********** وسائل الصيد
عرفت ثنين فقط قلت غذا ان شاء الله اعطيه سوجيات يحلهم ولكن اكون انا متيقنة اولا من الاجابة
شكرا مسبقاااااااااااااااااا

السؤال الاول انا تاني مافهمتوش ربما يقصد العصور التاريخية
الاواني ............الطين
الالبسة ............الجلود
المحراث ............الخشب
وسائل الصيد ....العظام

شوفي الكتاب ص 24

[عبد الناصر أمازيغ]

المشاركة الأصلية كتبت بواسطة *أم كوثر*

السلام على الاخوة الكرام

استاد عبد الناصر ارجو ان يكون مانع دخولك خيرا
شفاك الله وعافاك

و عليكم السلام و رحمة الله و بركاته

لك الشكر أختي على السؤال
الحمد لله ، راني خفّيت ، يعني لاباس عليّ
أنا موجود و أتابع الموضوع باستمرار ، لكني لم أر داعيا لكتابة مشاركة ، بما أنه لا توجد استفسارات جديدة تتعلق بالدروس و التعلم ، كل ما قرأته هو مناقشات بين الوليات حول الاختبارات .
و من جهة أخرى ، المنتدى ثقيل جدا في الأمسيات لما أعود من العمل ، و هذا أمر لا يحفز كثيرا على الكتابة ، و أنتن محظوظات إذ تجدن متسعا من الوقت في الصباح ( بعد نهاية أشغال البيت )

لاحظت تساؤلك حول طلب معلمة ابنتك من تلاميذها كتابة قوانين الرياضيات في حل المشكلات ، في البداية هممت أن أكتب ردا في هذا لكني عدلت عنه ، لأني أعرف لن أغير في الأمر شيئا ، القوانين للحفظ و التطبيق و ليس لكتابتها في الإجابة ، أقبل إن كان المعلم يطالبهم بذكرها أثناء حل المشكلات على السبورة ، كي يعودهم على استحضارها وقت الحاجة ، لكن يتعدى ذلك لحسم العلامات في التقويمات فهذا غير معقول . من المفروض أن المعلم يحاول جاهدا لخلق الأعذار ( يجد الأسباب ) التي أدت إلى الإخفاق ، و ليس خلق العراقيل التي تؤدي إلى النسيان و الارتباك و منه إلى تضييع العلامات .
أنا أركز دائما مع تلاميذي على تنظيم الورقة عند حل المشكلات و تقديم الأجوبة بكيفية حسنة ، و عند التصحيح أبحث عن كل ما يستحق زيادة النقاط و لو كان غير وارد في سلم التنقيط .
و السلام عليكم و جمعة مباركة .

[ام الزهراء]

اختبار ابتهال في الفرنسية




https://www.gulfup.com/?0BSi7C


https://www.gulfup.com/?1wy8tz

[~~ أغيلاس ~~]

المشاركة الأصلية كتبت بواسطة serine alger

الأخ**اغيلاس**عندي سؤال من فضلك /بما أنه تقريبا مازال فصل واحد على نهاية العام الدراسي .واش لازم على تلميذ السنة الرابعة يكون عارفو في الفرنسية ؟ أرجو أن يكون سؤالي واضح. :d

نهاية الفصل الثاني التلميذ لا يزال يتعلم، لكن مع نهاية الفصل الثالث من المفروض أن التلميذ المُتابع عائليا يكون على الأقل يفهم سبعين بالمائة من نصوص الكتاب المدرسي، و أكيد مستوعب دروس السنة الرابعة اللي درسوها، أما التلميذ الغير مُتابع عائليا فمسكين !

مشكل البعض أنه بمجرد قراءة النص في المدرسة يُنسى النص كليا و لا يُقرأ بعدها في المنزل، و هنا إن كان التلميذ لا يطالع خارج نصوص الكتاب المدرسي و يهمل نصوص الكتاب المدرسي فكيف سيتحسن مستواه ؟! ( المسؤولية على عاتق الوالدين طبعا لأن التلميذ ليس بوسعه فعل أي شيء بمفرده )،

ــــــــــــــــــــ

أم الزهراء؛ الاختبار في المستوى، و الوضعية تع سنة خامسة أيضا ! يبدو أن المعلمة تحضرهم جيدا .

[أم الولدين]

المشاركة الأصلية كتبت بواسطة ام الزهراء

اهلا ام يونس


يونس كملوا الاختبارات ولا مازالوا ؟

اهلاااا بام ابتهال حتى احنا اشتقنالك ههه تدكرتك امس و قلت اكييييد راهي طيح و تنوض مع الاختبارات
راكم تقريبااا غيرتوني لاني انا من اليوم بدا الجد الامتحانات يوم الاحد تربية اسلامية و الاثنين تاريخ و جغرافيا .........
وباقي مواد الحفظ اللغة الاربعاء و الرياضيات الخميس
راني على اعصابي ماعلاباليش علاش خصوصا السيد بداااا يتحاب هو و التفاهات و للاتركيز اكثر شيئ مخوفني
في مايخص ابتهال لما وصلت عند عبارة و المسالة عليها 4 وجعني قلبي هده بجد كارثة خصوصا لما يكون التلميد عارف الحل و يتروح المسالة و نقاطها الكثيرة قغاتوي
مبارك عليها نقاطها ماشاء الله عدا اكارثثة الرياضيات و بالشفاء على الصغنونة
ضرك نحمل الاختبار

[الأمنيات]

السلام عليكم واسعد الله يومكم

[أم الولدين]

رااااائع الاختبار اخت ام الزهراء وحتى الوضعية كانت مشابهة لفرض جانفي تحصل على 10
وكنت في البيت فهمته عن le chat est un animal domistique .............
كتب لي وضعية مشابهة حتى وجدها بالفرض
ومؤخرا بنت اختي قالت لي انه حطت لهم المعلمة بالاختبار السنة الخامسة نفس الموضوع
لست ادري ان كانت من المقرر موضوع الحيوانات هاد السنة ؟
الاخ اغيلاس مرة المعلمة قالت لي انه نصوص الكتاب على حد قولها لم ترق لهاااا و غيرتها بنصوص اخرى
وشخصيا لم اطلع عليها لحد الآن اكتفيت بنصوصها المقدمة مرة عن الحيوانات ومرة عن الاشجار ووسائل النقل
و بالفروض و الاختبار تقوم بقصص مؤلفة على نفس المضمون ....
ام الزهراء شكككككككككككرا رحت شفت الصفحة 24 و فهمت خلاص بارك الله فيك

[~~ أغيلاس ~~]

المشاركة الأصلية كتبت بواسطة أم الولدين

ومؤخرا بنت اختي قالت لي انه حطت لهم المعلمة بالاختبار السنة الخامسة نفس الموضوع
لست ادري ان كانت من المقرر موضوع الحيوانات هاد السنة ؟
الاخ اغيلاس مرة المعلمة قالت لي انه نصوص الكتاب على حد قولها لم ترق لهاااا و غيرتها بنصوص اخرى
وشخصيا لم اطلع عليها لحد الآن اكتفيت بنصوصها المقدمة مرة عن الحيوانات ومرة عن الاشجار ووسائل النقل

حسب مشاركات أحد أساتذة الفرنسية في موضوع سابق هناك في السنة الرابعة المشروع الوثائقي و الأستاذ يختار نصوص وثائقية، كما ذكرتِ الحيوانات، وسائل النقل، الشجرة، و غيرها، السنة الماضية خولة تطرقوا إلى مختلف الحيوانات و أنواعها بكل التفاصيل إضافة إلى الدروس التي ذكرتها سابقا، لانونس وووو،

نصوص كتاب السنة الرابعة أغلبها قصص مسلية، و تفيد التلميذ في السنة الخامسة كثيرا،،،،،،،،،،،،،،،، التعود على قراءة النصوص المتنوعة في مجمله مفيد جدا، بالمداومة و الصبر و العين الحمْرا أحيانا التلميذ يتعوّد .