الى ام اسيد1 وكل وحدة حاصلة واش الطيب - الصفحة 113

nina mima · 2014-12-28, 05:39

السلام على الكل وربي يفرح كل مومن ويحلى لمتكم اما انا منخرجش من الدار ما عندي وين نروح انتم الوحيدين الي نزورهم وتعجبني حكياتكم

ام حمزة22 · 2014-12-28, 06:16

اقتباس:

المشاركة الأصلية كتبت بواسطة غزالة الصّحراء

زارتنا براكة ، زارنا الخير والعزّ. أهلا بيك. والحمد للّه على سلامة زوجك. واللّه ايطوّل في عمركم. قوليلي كيفاش ماتطلعلوش لاطونسيو وانت غايبة على الدّار كان ايخمّم عليك. ومن كثرة التّخمام طلعتلوا. شوفي ياحنونة مرّة أخرى لازم وين أتروحي اديه أمعاك. يعني باختصار روحي اصباح وولي لعشيّة. كيما أندير انا . منقدرش أخلاص أنخليه وحدو. لمّا أنحبّ أنروح عند أهلي . يديني أصباح ويرجعني لعشيّة.
عشيتو ورقد قلت نضرب طلة فيكم توحشتكم وما نقدرش نصبر عليكم. شفتي ياحنونة أشكون ايعشيه كيما أنتي . وكيفاش مايوليش ابخير. أكيد غير كيشافك أرجع شاب أنتاع 20 سنة . ربّي ايخليكم لبعض ويحفظ لكم ذريتكم. ياربّ. وشكرا جزيلا على الوصفات اشهيوا. عن قريب رايح أنجربهم. ألف شكر.
أنا ثاني قلت نضرب طلّة. والحمد للّه القيتك. نتمنّى الكلّ ايكون بخير. ومرحبا بكلّ عضوة جديدة.

انت الخير والبركة حبيبتي غزالة والله نورتي الموضوع وزدتيلو قيمة على قيمة وكلامك راه دواء على القلب ربي يحفضك ويخليك ونورلك حياتك
والله ياتختي عندي بزاف ما خرجتش ومابتش عند الاهل ملي كبرو ولادي وليت ما نقدرش نروح نضيف واختي كنت لازم نروح ليها باه نهنيها في السكنة جديدة وما عنديش السيارة باه نروح صباح ونولي لعشية المهم طفرتها وخلاص
[QUOTE=nina mima;3992365448]السلام على الكل وربي يفرح كل مومن ويحلى لمتكم اما انا منخرجش من الدار ما عندي وين نروح انتم الوحيدين الي نزورهم وتعجبني حكياتكم[/QUOTE

وعليكم السلام اختي نينا ربي يخليك ويفرحك ويخليك لي عزيز عليك
انا تان ما نخرجش عندي بالجمعة نروح نزور اهلي نسكن قريبة ليهم ما نسحق سيارة ولا حافلة 10 دقايق وانا لحقت ننطمو خواتات وعرايس ونجوزو عشية غير دحك وقجمة
وما نخرجش للخارج الا لضرورة القسوة
ومرحبة بيك بيناتنا ربي يخليك لينا
ننتضر مشاركتك باطباقك

اقتباس:

المشاركة الأصلية كتبت بواسطة mon espoir

الله الله عليك اختي ام حمزة .. بصحتكم العشاء,, خسارة راجلي ما يحبش طواجن sinon راني نقلت عليك لغدا غدوة

غزالة الصحراء ربي يخليك كلامك يطلع المورال.. لو كان علابالي راني دخلت من زمان... ربي يحفظكم كامل و يحفظ ازواجكم و اولادكم

مشكورة اختي ربي يحفضك ويخليك

روح مراد · 2014-12-28, 09:11

صباح الخير و البركة على الجميع
بصحتك العطلة القصيرة يا أم حمزة و الشفاء العاجل لزوجك الغالي ربي يشفيه و يخليه فوق راسكم يار ب حتى يزوج أولاده و يشوف أولادهم و أنت بجانبه بعكازتك و شعرك الأبيض الناصع
أخواتي الأخريات بدون استثناء تحياتي الحارة لكن

ام حمزة22 · 2014-12-28, 11:45

صباح الانوار روح مراد شكرا على الدعاء بلرك الله فيك
ربي يحفضك ويخليك ويرزقك بالدرية الصالحة

ام حمزة22 · 2014-12-28, 12:01

لبنات انا اليوم طيبت pois casse والطريقة فالصفحة 58
اليوم طيبت بكري ورحت مع زوجي باه يدير التحليل عمرو في حياتو الا زار الطبيب وعمرو ما دار التحليل
لبنات انا دايما ما عنديش مشكل فالطبخ والتخمام وا ش نطيب بصح درك لازم نخمم واش نطيب لزوجي بما ا ن راهي تطلعلو لاطونسيو ساعة على ساعة لازملو ريجيم خاص
لي عندها وصفات لضغط المرتفع تقولي عليه باه نطبقو لزوجي
مشكورين مسبقا

*أم جابر* · 2014-12-28, 12:04

السلام عليكم و رحمة الله و بركاته
ام حمزة و شراكي يا الغالية لاباس طهور لزوجك ما يكون غير الخير ان شاء الله
روح مراد و شراكي اختي ربي يحفظك
اليوم البرد بزااااف انا درت شربة عدس و عندي بيتزا تع البارح راح نسخنها

ام حمزة22 · 2014-12-28, 12:29

وعليكم السلام ورحمة الله تعالة وبركاته
اهلين حبيبتي ام اسيد راني نحمد ربي ونشكرو زوجي تحسن والحمد الله
وانت واش راكي ام اسيد وابنائك درتيلهم الفاكسان ولا مازال
بصحتك العدس والله هداك واش يليق في هاد البرد

*أم جابر* · 2014-12-28, 12:58

ام حمزة و لله الحمد و المنه و لادي درتلهم الفاكسان بالثلاثاء لي فاتت

روح مراد · 2014-12-28, 13:08

سلام
شكرا أختي أم اسيد ربي يحفظ أولادك و يخليك ليهم إن شاء الله
أم حمزة راجلك الضغط نتاعو عادي بسبب العمر و المشاكل اليومية العادية اللي عندهم الضغط و هم أقل من 35 هاذوط ضغطخم بسبب عضوي أو مرضي أما اللي فوق 45 يكون ضغط عادي
أنت لازم تنقصي من الملح خليه ياكل خبز مسوس و الماكلة الأخرى عادية معاكم
و نحي من طيابك الأجبان كامل لأنهم مصدر ملح
و الباقي راح يكون عادي و ربي يشفيه

غزالة الصّحراء · 2014-12-28, 15:38

اقتباس:

المشاركة الأصلية كتبت بواسطة ام حمزة22

لبنات انا اليوم طيبت pois casse والطريقة فالصفحة 58
اليوم طيبت بكري ورحت مع زوجي باه يدير التحليل عمرو في حياتو الا زار الطبيب وعمرو ما دار التحليل
لبنات انا دايما ما عنديش مشكل فالطبخ والتخمام وا ش نطيب بصح درك لازم نخمم واش نطيب لزوجي بما ا ن راهي تطلعلو لاطونسيو ساعة على ساعة لازملو ريجيم خاص
لي عندها وصفات لضغط المرتفع تقولي عليه باه نطبقو لزوجي
مشكورين مسبقا

أهلا بيك مرّة أخرى على صفحة دارك. .وإن شاء اللّه الزّوج أنتاعك ايكون بألف خير. والدّواء الصّحيّ والحقيقيّ هو الرّياضة. + الخضر . فوريها وديري لها اشوية زيت الزيتون . ( القليل من الفلفل الأكحل+ الكمون+ الحار إذا ايحبو+ الثوم 2أو 3حبات ) خلطي كلّ التوابل مع بعض بإضافة قرصة ملح. خذي المقلة ضعي عليها القليل من الزيدة. ولما اتذوب أضيفي القليل من التوابل ثّم ضعي الخضر. ( بطاطا+ جزر+ اللّوبيا الخضراء+ البسباس+ الشوفلور ). ثمّ أضيفي القليل من الخليط فوق الخضر . والكلّ يكون على نار خفيفة. لمدة 5إلى 10 د. ولمّا توضعي كلّ شيئ على صحن ضعي قطرات خفيفة من زيت الزّيتون على الكلّ راهي صحيّة بزاف. ثمّ قطعي المعدنوس والبصل قطع جدّ صغيرة يعطيو مذاق رائع ولذيذ. . هذا النّوع من الرّجيم أنديروالراجلي لا لطونسيو تطلع ولا الكوليسترول .
بالإضافة إلى التنقيص من الملح. أحنا في الدّار مانحبوش كامل كثرة الملح. . بصّح لما انكونوا اضياف عند أهلي أنحس بالأكل بزاف مالح. .
من المفروض كلّ إنسان بداية من سنّ 35 اينقص من الملح . مع شراء جهاز قياس الضّغط. .
ألف ألف عافية للزوجك. ومايكون غير الخير ياربّ.

غزالة الصّحراء · 2014-12-28, 15:45

اقتباس:

المشاركة الأصلية كتبت بواسطة ام اسيد1

ام حمزة و لله الحمد و المنه و لادي درتلهم الفاكسان بالثلاثاء لي فاتت

أم أسيد سلامة اولادك. ربّي يحفظهم. . ويطوّل في عمرك واتشوفيهم بعرايسهم.ياربّ.

غزالة الصّحراء · 2014-12-28, 15:46

اقتباس:

المشاركة الأصلية كتبت بواسطة روح مراد

سلام
شكرا أختي أم اسيد ربي يحفظ أولادك و يخليك ليهم إن شاء الله
أم حمزة راجلك الضغط نتاعو عادي بسبب العمر و المشاكل اليومية العادية اللي عندهم الضغط و هم أقل من 35 هاذوط ضغطخم بسبب عضوي أو مرضي أما اللي فوق 45 يكون ضغط عادي
أنت لازم تنقصي من الملح خليه ياكل خبز مسوس و الماكلة الأخرى عادية معاكم
و نحي من طيابك الأجبان كامل لأنهم مصدر ملح
و الباقي راح يكون عادي و ربي يشفيه

أهلا بالأخت روح مراد. كيف حالك؟ إ ياربّ اتكون كلّ العايلة بخير.

غزالة الصّحراء · 2014-12-28, 15:59

اقتباس:

المشاركة الأصلية كتبت بواسطة ام حمزة22

طبقي اليوم كان بطاطا مقلية وبدنجال بالبيشاميل والطريقة فالصفحو24
وطيبت حساء الخضر لزوجي وسلطة البيتراف بللثوم باه تحبطلو لطونسيو
ودرت سلطة البطاطا والطريقة فالصفحة 1

أم حمزة الغاليّة راكي سخفتيني بهذا الطبق . حتى ارجعت للصفحة 24 بصّح مالقيتش الطريقة بالتّفصيل. . هاتي حنونة هاتي التفاصيل باش أنجربها. هاذو ليامات راني غير نسخف ونجرّب. إن شاء اللّه اتمرّ الأمور على خير.
راني اشريت اليوم السّلق. وأنا مانفوروش . باش ماتروحلوش الفيتامينات. أنديروا في طنجرة الضّغط+ القليل من الزبدة وزيت الزّيتون ) دون وضع الملح. الكلّ على نار جدّ ضعيفة. ولمّا أنحس بيه طاب. ننزع الغطاء ونخليه يشرب الماء.
انحضر الدّرسة + لحم مرحي. .الكل في مقلة . ( في مقلى أخرى طماطم حبّة + ثوم + قليل من طماطم مصبّرة+ زيت الزيتون ). لما ينضج أنطفي النار.. نأخذ مول نضع فيه خليط اللّحم ودرسته + خليط الطماطم + السلق . ونذرذر على الكلّ 2 أو 3 حبات بيض ممزوجة بالفرماج رابي. وإلى الفرن. وبالصحّة والهناء. واش رايك حنونتي

ام حمزة22 · 2014-12-28, 18:40

اقتباس:

المشاركة الأصلية كتبت بواسطة ام اسيد1

ام حمزة و لله الحمد و المنه و لادي درتلهم الفاكسان بالثلاثاء لي فاتت

بالشفاء عليهم وربي يطول في عمرهم

اقتباس:

المشاركة الأصلية كتبت بواسطة روح مراد

سلام
شكرا أختي أم اسيد ربي يحفظ أولادك و يخليك ليهم إن شاء الله
أم حمزة راجلك الضغط نتاعو عادي بسبب العمر و المشاكل اليومية العادية اللي عندهم الضغط و هم أقل من 35 هاذوط ضغطخم بسبب عضوي أو مرضي أما اللي فوق 45 يكون ضغط عادي
أنت لازم تنقصي من الملح خليه ياكل خبز مسوس و الماكلة الأخرى عادية معاكم
و نحي من طيابك الأجبان كامل لأنهم مصدر ملح
و الباقي راح يكون عادي و ربي يشفيه

روح مراد راجلي ماراه نتتع 20 ولا30 يفوتني ب12 سنة ومثل ماقلتي وقيل الضغط نتتعو بسبب السن لاكن هو نشيط جدا وكل يوم على الساعة 7 نتاع الصبح يروح يشري الخبز ولحليب ما يتكلش على ولادو هو الكل فالكل ربي يخليهولي ويطول في عمرو ويخليلك احبائك وكل اهلك
شكرا حبيبتي على الاهتمام والنصائح

اقتباس:

المشاركة الأصلية كتبت بواسطة غزالة الصّحراء

أهلا بيك مرّة أخرى على صفحة دارك. .وإن شاء اللّه الزّوج أنتاعك ايكون بألف خير. والدّواء الصّحيّ والحقيقيّ هو الرّياضة. + الخضر . فوريها وديري لها اشوية زيت الزيتون . ( القليل من الفلفل الأكحل+ الكمون+ الحار إذا ايحبو+ الثوم 2أو 3حبات ) خلطي كلّ التوابل مع بعض بإضافة قرصة ملح. خذي المقلة ضعي عليها القليل من الزيدة. ولما اتذوب أضيفي القليل من التوابل ثّم ضعي الخضر. ( بطاطا+ جزر+ اللّوبيا الخضراء+ البسباس+ الشوفلور ). ثمّ أضيفي القليل من الخليط فوق الخضر . والكلّ يكون على نار خفيفة. لمدة 5إلى 10 د. ولمّا توضعي كلّ شيئ على صحن ضعي قطرات خفيفة من زيت الزّيتون على الكلّ راهي صحيّة بزاف. ثمّ قطعي المعدنوس والبصل قطع جدّ صغيرة يعطيو مذاق رائع ولذيذ. . هذا النّوع من الرّجيم أنديروالراجلي لا لطونسيو تطلع ولا الكوليسترول .
بالإضافة إلى التنقيص من الملح. أحنا في الدّار مانحبوش كامل كثرة الملح. . بصّح لما انكونوا اضياف عند أهلي أنحس بالأكل بزاف مالح. .
من المفروض كلّ إنسان بداية من سنّ 35 اينقص من الملح . مع شراء جهاز قياس الضّغط. .
ألف ألف عافية للزوجك. ومايكون غير الخير ياربّ.

الف الف شكر على الوصفة ان شاء الله نطيبهالو
انا مانطيبش بزاف الملح ما نحبش الحاجة المالحة كان زوجي دايما يزيد الملح يقولي راكي ديري الماكلة مسوسة
والجهاز بادن الله راح يشريه لانه راه خايف من خطورة الضغط

اقتباس:

المشاركة الأصلية كتبت بواسطة غزالة الصّحراء

أم حمزة الغاليّة راكي سخفتيني بهذا الطبق . حتى ارجعت للصفحة 24 بصّح مالقيتش الطريقة بالتّفصيل. . هاتي حنونة هاتي التفاصيل باش أنجربها. هاذو ليامات راني غير نسخف ونجرّب. إن شاء اللّه اتمرّ الأمور على خير.
راني اشريت اليوم السّلق. وأنا مانفوروش . باش ماتروحلوش الفيتامينات. أنديروا في طنجرة الضّغط+ القليل من الزبدة وزيت الزّيتون ) دون وضع الملح. الكلّ على نار جدّ ضعيفة. ولمّا أنحس بيه طاب. ننزع الغطاء ونخليه يشرب الماء.
انحضر الدّرسة + لحم مرحي. .الكل في مقلة . ( في مقلى أخرى طماطم حبّة + ثوم + قليل من طماطم مصبّرة+ زيت الزيتون ). لما ينضج أنطفي النار.. نأخذ مول نضع فيه خليط اللّحم ودرسته + خليط الطماطم + السلق . ونذرذر على الكلّ 2 أو 3 حبات بيض ممزوجة بالفرماج رابي. وإلى الفرن. وبالصحّة والهناء. واش رايك حنونتي:d:d:d:d

ممممممممممممم راه يبان يشهي ان شاء الله نجربو كي نشري السلق
انا السلق نغليه ومثل ما قلتي يفقد كل الفيتامين
اعتدر على عدم وضع الطريقة درك نشوف اﻻ عندي الصور ونبعتها

*أم جابر* · 2014-12-28, 18:41

اقتباس:

المشاركة الأصلية كتبت بواسطة غزالة الصّحراء

أم أسيد سلامة اولادك. ربّي يحفظهم. . ويطوّل في عمرك واتشوفيهم بعرايسهم.ياربّ.

الله يسلمك غزالة اللهم امين بارك الله فيك