~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

هنا محمد التوفيق والنجاح لابنتك و كل الممتحنين والممتحنات وان شاء الله تكون من الاوائل وتفرحك في هذه الايام المباركة

[ام متين]

ام صفصف حياتي كلها امل ام البنين ا كيف الاحوال وما اخبار البنين والبنات معاكم وصح قهوتكم

[ام متين]

اان شاء الله فراشات ما تنطبقش عليهم الصور

[حياتي كلها امل]

اهلا حبيبتي ام متين وشراكي يا لعزيزة حنا رانا في نعمة ولله الحمد.
يارب في هذا اليوم المبارك في الشهر المبارك وفق اولادنا وبناتنا وجعل الامتحانات ميسرة ومبسطة وفي متناولهم،اختي هنا محمد ربي ينجحلك بنتك وتفرحي بيها.

[omelbanin]

حبيباتي ام هاجر وام متين صباح الانوار ،
ام متين ،انا الرياضة ما نكذبش علبك والله ما ندير ،بصح الرجيم لحد الان راني شادة وما نعرف.

[جهينة اليقين]

السلام عليكم يا فراسات ام لينا ام متين ام هاجر ام هارون ان شاء الله لاباس هنامحمد بالتوفيق على بنتك

[ام متين]

انا شهر رمضان هو احسن فترة نقص فيها الوزن لاني ما نكلش بزاف حتى الحلوى الي يتشهاوها الخلق انا نذوق وساعات ما نذوفهاش كامل وزيد العصائر و مشتقاتهاغيركويس فقط يعني يخرج رمضان تلقايالملابس الي كانت مزيرة شوية تجيني والعادية تصبح كبيرة شوية حتى الدوارة كيما تقول فراشات العمرتنقص خلاص
يعني ما نقلق روحي بالر يجيم لكن نحاول في الاكل تكون الامور صحية

[جهينة اليقين]

مرحبا بيك ام رحمة اللهم ارحمنا فانك بنا راحم ولا تعذبنا فانك بنا عالم

[omelbanin]

حبيبتي هنا محمد ،ربي يوفق ابنتك في الامتحان ،وتفرحك بالنتائج انشالله.
ام متين ،كيما راكي تقولي انا رمضان دايما نخرج منو مشيانا، لانو ما نسهرش ،لي يسهرو هوما لي يباتو ياكلو وغير الحلويات والعصائر.

[ام متين]

اليوم مخصص للتحضيرا للشهر الكريم حسب الجدول وسمراء الدنيا كانت حاطة في مواضيع سابقة جدول للاطباق والمقبلات والشربات وحتى التحليات فاذا كان بامكانهاوتتفضل علينا وتحط هذا الجدول ليستفيد الجميع هي وكل الفراشات الي تملك مثل هذه الجداول
2عندي ملاحظة بما اننا نسعى لكل ماهو صحي ومفيد يا ريت ما تكونش كل اكلاتنا من المجمد يعني الي السوق والمحلات قدامها يفضل انها تشري الخضر جديدة واللحوم جديدة اكيد تكون عندها اشياء في المجمد للضرورة وللطوارىء لكن ليس كل يوم كونجلي واذا تكلمنا على الغلاء نها او2 او 3 وانتهى الامروزيد الي يحب يشري على قد جيبو حبة او 2 وانتهى الامر

[ام متين]

حتى انا مانسهرش وحتى لو نسهر ما نكلش خصوصا اذا وقت الفطور حاولت ناكل مليح

[hanamohamed]

صباحكم رحمة ورضى ودعاء مستجاب إن شاء الله
فرحت كثير فرحة مقدرتش نصفهالكم كلقيتكم تفكرتوني وتدعولي بنتي نجلاء
نعم هيااللمة معكم يجمعنا الله تحت ظله يوم لا ظل الا ظله ان شاء الله صباحكم قلوب تحمل الخير والتقى والتوكل على الله
شكر لك ام متين جهينة وام البنين حياة وسلامي للجميع
نجلاء خرجت مع والدها متاخرة قليلا رغبة والدها يحب يوصلهم للامتحان ويدخل لمدير المركز و يوصيه باه متصلش حاجة ليها وحتى في امتحان السنة الخامسة دارها ولخوتها اثنين في امتحان الخامسة
يا رب افتحها علي جميع ابنائنا
اللهم لاسهل الا ما جعلته سهلا وانت اذا شئت جعلت الحزن سهلا

[omelbanin]

حبيبتي ،هنا محمد ،قدرلنا ربي نتلاقاو في هذه اللمة كل وحدة منين ،وحدة من الشرق وحدة من الغرب ولي من الشمال لي من الجنوب،هذا هو الحب لي قال عليه رسولنا الحبيب،ولي اصحابو يظلهم الرحمان تحت ظله يوم لا ظل الا ظله.

[سيرين 5]

المشاركة الأصلية كتبت بواسطة سرور2

سلام لبنات

سيرين هذا البرنامج نبقى ناكل نفس الاكل يوميا ولا نغير فيه وكم المدة

بالنسبة لضياف انا يجوني غير مرة في الغرة واذا كانو جيين اكيد يكلمو ونكون موجدة اللازم يعني مكانش لا احراج ولا مشاكل

و عليكم السلام سرور إيه هذا البرنامج مدتهولي قاتلي طبقيه هاذ الأيام قبل رمضان و رمضان عندو برنامج وحدو من بعد تمدهولي

[سيرين 5]

المشاركة الأصلية كتبت بواسطة فراشات العمر

راني وحدي ندور اليوم خلاص النت
سرين راني درت طبق تاع البذنجان بصح بدلتو بالجريوات جا يهبل
اليوم درت مطلوع تاع ام اماني بالبيضة جا خفيف وبعثت منو لعجوزتي

بصحتك مام أنا جربت المطلوع تاعها و بعت لعجوزتي و قاتلي جاك شباب ههههه