طريقة أكيدة لتصبحي ربة بيت سعيدة

[arwa alaa]

ام متين انا اليوم درت تقشير للوجه بمقشر للبشرة من ايف روشي بزهرة البابونج كان عندي في الدار
وارجو من الاخوات التفاعل مع طلبك باش نتعلمو من بعظانا مع وضع نوع البشرة
انا بشرتي دهنية وهذا القوماج خرج عليا عندي اكثر من 10سنوات وانا معتمداتو

[arwa alaa]

ام شمسو انا من الجماعة الي مدارتش المدخل واليوم بديت فيه درت عشر دقائق يبن خزانة الاحذية و البورت مونطو والزوج دقائق درتهم في المساء فوق خزانة الاحذية لانهم كي دخلو يخلطوها
روتينات يومية تمت والحمد لله
غير تلميع الحوض لميت كلش في الكوفات وغدوة نغسلهم
الجانب الديني تم

[ام متين]

اصبحنا واصبح الملك لله و الحمد لله
اللهم اعنا على ذكرك وشكرك وحسن عبادتك
اللهم تجاوز عن سيئاتنا
اللهم حبب لنا الايمان وزينه في قلوبنا

[فرحة العمر]

[حياتي كلها امل]

اللهم بك اصبحنا وبك امسينا وبك نحيا وبك نموت واليك النشور
صباحكم سعيد ويومكم موفق يافرشات كيف الحال
يارب تكون الغالية سي في تحسن
جهينة قلقتينا عليك يارب يكون المانع خير
اروى انا استعمل المقشر والماسك من كاليبال خرج عليا وانا بشرتي مختلطة منطقة جافة واخرى دهنية
ام متين وفرحة يومكم موفق والبقية

[haninefadwa]

السلام عليكن و رحمة الله و بركاته صباح سعيد اخواتي اللهم صل وسلم وبارك على سيدنا محمد صلى الله عليه وسلم يوم موفق

[غزالة1]

اصبحنا واصبح الملك لله اللهم صل وسلم وبارك على سيدنا وحبيبنا محمد وعلى آله وصحبه أجمعين اللهم اعنا على ذكرك و شكرك و حسن عبادتك

[رندة.]

أصبحناوأصبح الملك لله، اللهم ما أصبح بي من نعمة فمنك وحدك، لا اله الاانت لك الحمد ولك الشكر

[رندة.]

صباح الخير لكل الفراشات الجميلات
صبحكن الله بألف خير

[غزالة1]

السلام عليكم ورحمة الله وبركاته
سلامي للجميع كيف الحال يا فراشاتي الجميلات
يا ربي يكونو الغائبات بخير
ام شمسو اعتذر المدخل راح نبدا الجمعة او السبت لاني اليوم ساركز على الفرز لجميع المنزل لانو الفوضى في كل مكان لسببين اولادي ربي يحفظهم و ايضا ليس لدي الكثير من خزائن التنظيم لانك عارفة في كل عام قادر انو نبدلو الكرائ و لهذا لا اريد اضافة اثاث اخر ثم نحصل وقت الرحيل لذا اكتفيت بالضروريات و لو كان هذا منزلي تاكدي انو كل غرفة نعمللها بلاكار كبيييييير هكذا الغرفة الي ندخلها ما نلقى حتى حاجة حتي السرير يطبق و يدخل في لبلاكار
كتبت جرنان اسمحولي لانو الفوضى عملتلي ارق ايام انهض على 4 صباحا انظم و يطلع المورال و لما ينهض الاولاد ما يخرجو يروحو يكون كل شيء مخروب لكن ندخل للمتنا و نقرا ويطلع المورال و ابدا من جديد ربي يقدرني و يقدركم حبيباتي على رعاية الاولاد و المنزل و الزوج و الاهم علاقتنا بالله عز وجل
سلاما

[arwa alaa]

صباح الخير عليكم يا فراشات يومكم موفق
صباح الجمال متنساوش العشر دقائق الخاصة بالعناية

[arwa alaa]

عندك حق يا غزالة الي مشي في دارو صعيب عليهالحال راجلي تاني كي نقولو نشري هديك الحاجة يقولي وكي نجو نرحلو والدار الي ساكنينها مفيهاش حتى بلاكار والله تحيري كيفاش يبنيو وميديروش بلاصة للبلاكار
على بيها الدنيا تبقى مخلطة

[رندة.]

مرحبا بيك سحابة مطر بيناتنا راكي اخترتي الرفقة الامنة ان شاء الله
بالنسبة لادمانك على النت انا نشاطر حياتي كلها امل انو ما تفتحيش الميكرو حتان تكملي اشغالك كامل ولما تفتحيه حددي وقت شوفي بسرعة وش حابة ونوضي ماتنسايش روحك فيه كيما قالت ام متين سلاح ئو حدين
وبالنسبة انك ثقيلة في الشغل : حاولي أتبعي وأطبقي التعليمات الي يقدموها الفراشات ورايحة تلقاي روحك ان شاء الله تحسنتي تدريجيا

[رندة.]

أم متين ربي يقدرك على فعل الخير وصلة الارحام، حبيت نسقسيك كيفاش عملتيها هاذيك البلاصة تاع الصلاة، انا لقيت بلاصة رانا نصلو فيها بصح ماعرفتش كيفاش نحددها.... أعطيني الفكرة تاعك من فضلك
بالنسبة ليا وبخصوص ال10 دقائق جمال راني ندير في اللوسيون تاع العسل وماء الورد الي قالت عليهم الفراشة ياسمين سيلا في الصفحة هاذي.

[ام شمسو محمد]

صباحكم بالخير فراااااشاااااات ، كيفاش همتكم اليووووووووم ، نكملو المدخل ؟.....
تحدي اليوم :
في 15- 20 د
_ نظفو البلانت أو الفايونص .
_ نظفو الأرضية .
_ نغسلو التابي .
بالنسبة للي دارو التنظيف الشهر لي فات راني متأكدة بلي المنطقة راهي نظيفة و لكن التحدي هو أنو نحافظو على نظافتها .
تحلييييييييق موفق